錦壽築地 (已結業)

第一次去錦壽築地吃晚飯，這間日本料理給我的感覺非常好，食物超級新鮮，味道也很好，有壽司，刺身，各款熟食，適合一家大細，職員服務態度一流，而且價錢合理，絕對值得推薦的食店，一定會再去幫襯

不可一不可再！打卡送甜品是雪糕糯米糍.竟然係食完壽司後就直接送上？但仲有幾樣熱食未食.簡直令人費解.已經跟店員表示可否用餐完畢才送上？但店員冇即時收走.結果店員過了一段時間才收走.用餐後再送上那雪糕糯米糍已經溶化.......再食應該有肚痛風險....感覺太差了吧

這間食店的食材很新鮮，食物質素very good，服務水準一流👍👍👍，連續幾晚去幫襯，皆因D野真係好食，又多款式，正正幾日都有不同的朋友慶生，同佢地食慶生飯，個壽司蛋糕味道超正，又唔漏，食足三日壽司蛋糕都未厭就知點解喇😋😋，因為真係好味囉👍👍蛋糕仲可以為客人為上祝福字句。仲有鎮店之寶『海龍卷』好好味，性價比高既一間日本餐廳，真的要推介一下，環境舒適，當然仲有待應服務非常好！老闆好 nice 添😊

首先是見到海龍卷賣相吸引了我.. 早在9月想去試. 點知當日book位都冇. 就book了生日後一日中午食. 本人生日Staycation在黃金海岸酒店玩了2日1夜再出去食.我們一家2大1小點了8-9款食物包括海龍卷 拉麵 魚生丼 壽司 炸物. 食物質數很新鮮. 全單加一共$950

我本身勁鐘意食刺身，全香港幾乎有刺身店都會去試食，食刺身首要條件一定要新鮮！唔新鮮一食落口就知！呢間錦壽真係令我好失望！D刺身真係唔新鮮不特止，放入口又腥又臭！即時吐返出嚟！再試下其他刺身，D肉係霉架……咬落去一D彈性都冇，真係好嬲呀！同佢地D職員講返，佢地仲話冇可能，又話今日先送嚟，咁我真係食到有問題呀，你估我好想出聲架？我咪叫佢地自己試下囉，之後唔出聲話換俾我，我真係唔要囉！我唔想再試果陣腥味呀！之後成盤刺身我都冇食到，照埋單，費事佢地話我呃食啦！我好少負評餐廳，但今次真係好失望！佢地D野唔平架！雖然我亦唔介意俾$，但唔好俾D垃圾俾客食囉！另外佢地D坐位好迫，坐得好唔舒服，日本餐廳嚟講呢方面都係敗筆！

#朋友仔 講咗好幾次要帶 #小秘書 嚟 💙錦壽築地 Oishi Sushi 撐場，不過原來佢嘅fans都唔少... 我哋好幾次想上去都full house🤪 好彩 #皇天不負有心人，最終今日比我哋試到🤩 餐廳嘅位置都幾隱蔽，不過如果乖乖地依照指示，喺「佐敦港鐵站B1出口」再過對面馬路就好易搵到。大廈大堂有盞好大嘅 #水晶燈，感覺都幾grand㗎。搭lift上到一樓就係 #錦壽築地 大門，服務員幫我哋量過體溫，就帶我哋坐低。張枱比較細，但係個餐牌又好鬼大本，加埋枱上面嘅調味料，仲要豎起塊紙板用嚟同隔離枱嘅客人分隔... 可想而知係幾咁逼夾🤪 不過服務員都好細心嘅，喺我哋落單嘅時候，已經講定會將食物分開上，咁就唔使一窩蜂咁堆喺面前啦😉打開餐牌我已經比 8吋長嘅 #三文魚 #壽司 吸引住🤩 之後就再加咗個 #彩虹卷、#燒菠蘿🍍、#辣牛肋鍋燒手打烏冬 做我哋嘅 #午餐🥢 佢哋嘅食物原來都幾大份，長長嘅三文魚肉，未食已經興奮😉 彩虹卷有八件，師傅將佢哋擺到成盆花咁、好精美。每件都各有特式，#牛油果 上面嘅 #黑魚籽、三文魚上嘅 #海膽、仲有 #鮮甜 嘅 #蟹羔... 加上有少許甜味嘅飯粒、

唔明點解間鋪會有咁多正評。叫左碟蟹柳壽司，件蟹柳貌似係普通超級市場買既蟹柳，整體黎講壽司質素係差過爭鮮。你再比我揀我真係寧願食爭鮮。叫左個鰻魚炒飯，食落覺得有種似係燶味，食左幾啖之後，口腔充滿個種味道，我想話我真係好後悔吞左佢落肚。就食物份量黎講，屬於一般，同價錢比較黎講叫勉強可接受，不過唔好食都無用。總括黎講，係價錢唔平既劣食。你要我搵d正面既野講既話，就係佢d侍應態度係好既，係會主動幫你加茶。

男朋友一直想吃這間店~ 終於可以去嘗嘗了~ 我們這次是因為有BOOKING 取消了，所以才補到位置~  算蠻好運的這次點了很多的熟食類（本人不吃生食），點餐後店家很貼心的說，先上壽司和沙拉類的，其他東西後上可以嗎～我們當然很可以啦～這會更好，熱食來了後不會因為要吃其他而冷掉～首先是先來特長三文魚壽司，看上去蠻不錯的～再來是玉米蟹籽沙律蟹籽算蠻多的，再來是玉米和生菜，最低是蟹柳和青瓜沙拉，我們不太喜歡很多醬的沙拉，但這個把所以東西弄在一起後，沙拉醬不會太大，剛剛好的感覺～在吃沙拉的中間，它來了～京蔥鵝肝，很香很熱呢。。。它把一邊鵝肝半煎炸的處理，讓它的油香都跑出來後～另一邊還是軟軟的，超好吃的。。。。再來的壽司是牛油果鰻魚反卷，這也超對我的胃口的，本來以為牛油果吃完會很飽很膩，但反而沒有～放進口時，只吃得到鰻魚的軟軟和青瓜的爽脆～再多吃一塊才吃得到有玉子在裡面接下來就是叫了一堆的燒物～燒羊架～一來就嗅到很久都沒有嗅到羊油的香氣，但我覺得它太熟了～口下去後就覺得普通～嗅起來是香的燒菠蘿～菠蘿本身沒有太熟，所以不算甜，還帶了一點點酸呢，菠蘿熟一點會更好的燒牛舌～它本身是一串５件，由於太心急了

因疫情關係已經好耐冇去日本食當地新鮮魚生，最近聽聞呢間錦壽築地又好評，在昨午大風大雨之下由港島南區遠赴佐敦。先選左五樣刺身，感覺好似喺日本築地市場食一樣咁新鮮，再encore左一輪之後就是熟食，燒牛脷和燒蒜香茄子真係回味無窮。香港日本食肆好多，但一般唔係質素唔掂就價錢偏高，呢一間我個人覺得價錢同質素成正比，所以亦忍唔住要立即加入左佢哋個白金會員系列。仲想一提係佢哋嘅服務質素，尤其是一位叫亞賢嘅女服務員，態度好之餘戴住口罩都感覺到佢嘅笑容😊

服務態度非常親切友善！刺身新鮮！我最中意食羊架同牛油果軟殼蟹壽司好好食！羊架又嫩又多汁！仲有大大個嘅花之戀超級正！我會再去幫襯，因為太好食啦！我下次一定要搵錦師傅合照！

佐敦區平，靚，正仲要食到飽到上心口的日本餐廳非位於德興街的錦壽築地。午餐有多款選擇，刺身飯， 壽司，或者湯麵餐都有 餐跟湯和小食壽司set最吸晴是這條長長的三文魚，所有材料都非常新鮮刺身飯特別加上此店獨有的脆脆，刺身粒也特別大粒，多款。

周末難得3人一齊放假，可以book早點食飯，餐廳位於恒豐酒店後面一幢住宅嘅1樓，吾係朋友介紹都吾知樓上有間餐廳。6點到左餐廳已經有好幾枱，之後陸續有人入座，都好熱鬧，好耐無呢d感覺啦點左10樣食物，佢地會先上剌身，同壽司，食完會先問會吾會再加點生食，先至會上熟嘅食物，好講究😅油甘魚鮮甜肉彈牙原條鰻魚飯鰻魚肉新鮮，醬汁美味，如鍾意食魚嘅可推介我無食到，但食果位大讚甜蝦，話三文魚就好一般，元氣貨式。餃子雞亦好味，我reorder 左多碟。串燒牛舌又係要re order 好正，燒烤都吾乾，保留到肉汁。叉燒拉麵呢個可以吾駛叫蕃薯天婦羅都可以，但不特別出色。南瓜蟹肉餅呢個好味燒鯖魚我地一致讚好呢個，魚肉keep到吾乾好滑，夠油脂，好味!埋單7百幾，每人2百幾蚊嘅晚餐，抵

琴日收到陰性檢測結果，即刻 book 咗今日嚟 #錦壽築地 食晏晝 😍。落單時伙計姐姐話做返個統計，問我點知道佢哋舖頭，我話梗係知啦，你哋舖頭咁出名！🤣🤣試咗「秘製豬軟骨炒飯套餐」，包熱青檸甘桔、麵豉湯同兩件三文魚刺身🍣。青檸柑桔似係金皇鋒嘅柑桔蜜加青檸🍊🍯，巿售一罌 500 gm 好似都要大約$50，要沖一杯馬克杯份量，大約要落 2 匙。而佢呢杯大約只有三分二杯馬克杯份量，但味道仍然非常濃郁，可見係落重本之作！麵豉湯有豆腐粒同昆布🥣，味道正常。三文魚刺身🍣咪睇佢細細件，但其實係厚切卷埋。雖然唔會係特別肥嘅腩位，但肉質都好爽脆，味道新鮮。嚟到重頭戲嘅「秘製豬軟骨炒飯」🍛，原來秘製係喺個醬汁度！食得出似係用咗蒲燒鰻魚嘅照燒汁去炒，甜中帶鹹而且好鮮味，珍珠米飯亦粒粒分明彈牙。至於配料都唔執輸，豬軟骨、甘筍、洋蔥、蛋粒全部切到好細粒，粒粒大細均勻，絕對巧師傅刀工。而主角豬軟骨就全部採用半透明軟腍腍嘅啫喱軟骨，一啲白色脆骨都冇，唔會哽牙，令成碟飯嘅口感一致，可見選料花咗唔少心思。👍👍👍 不過個人口味習慣咗清淡，若然再減一丁點鹹，咁食落就會更加舒服。總結，$78 食到咁優質又咁豐富嘅日本菜，性價

今日黎到錦壽食個early dinner ...雖然唔算平 但食野幾好味長長的三文魚壽司！ 好味 ！打卡一流😀豬軟骨拉麵湯底濃郁 豬軟骨淋淋der ~ 好入味！拉麵可以揀粗幼 海鮮烏冬 有蝦有魷魚有帶子有蠔牛舌10分出色！最好味嘅就係呢一個牛油果軟殼蟹卷！食嘅時候仲有軟殼蟹炸完既餘溫！ 服務員好有禮貌！ 食完一碟野會即刻有人埋黎收走d野～最後仲有芒果糯米糍送！

(服務): 服務員非常主動留意我們有無茶，然後知道個度上網收得唔好，主動問我有無需要密碼。離開時老細仲問我地食得夠唔夠飽個下好warm(食物): 生蠔同刺身都好新鮮，賣相一流，見到食物的擺放方式都好有心機(環境及衛生): 地方同其他日本餐廳差唔多，但係餐具方面好乾淨總結 *** 餐牌有好多特色嘢出面係食唔到，大家真係可以試下。。我覺得整體上所有野都係滿分，所以專登開個讚下呢間野 ***