錦麗 (德福廣場1期)

營業中

休息中

今朝去咗呢一間食早餐平時食開茶餐廳食得太多沙爹牛麵想轉口味😋見到主要都係越南嘅米粉或者面，最後揀咗佢嘅找豬扒米粉跟餐有牛角包同奄列😊牛角包上枱嘅時候仲熱辣辣，好少茶餐廳係跟牛角包抵讚，奄列嘅話整到係流心同有啲香茅喺上邊味都唔錯。個豬扒米粉塊豬扒係啱啱炸起都好趣口

放工時間係德福搵食，見到呢間唔多人排隊，就即刻入左去。叫左胡志明綜合粉($68)，法式蒜蓉牛油雞翼($45)。叫左胡志明綜合粉($68)，法式蒜蓉牛油雞翼($45)，飲品個Pho既湯底幾有越南風味，不過我建議問職員拎檸檬同辣椒，加左之後有d酸辣，更加惹味。呢個Pho我覺得個牛丸出色過牛肉，牛肉真係普普通通，但係個牛丸咬落係好多汁。平時食Pho叫綜合都係覺得可以牛肉同牛丸都試下。不過我試完今次，我下次會直接叫牛丸粉。至於雞翼都好邪惡幾好味，上枱時熱辣辣，食落都好juicy。

向德福行街行到餓餓地, 見到呢間有位, 就揀左呢間, 只系$4X/個人, 仲包飲品。二人坐四坐位幾濶落. 下午茶有越南河粉, 撈檬, 金邊粉, 小食拼盤, 可配飲品龍眼茶/美祿/甘蔗水/青檸水/汽水/薏米水, +$8可選擇越式等飲就可以叫越南咖啡/菠蘿梳打/紅荳冰/涼粉冰/清檸梳打/ 三色冰, +$20升級為椰青.  我叫既生牛肉小粉, 份量較細但我就岩岩好, 朋友叫左豬扒撈檬, 牛肉熟左後幾林, 豬扒系即炸幾新鮮香囗，個椰青幾大幾清甜。是可再來的店..

在九龍灣工作作半年、經常經過此店，上個月有自己友人媽媽在港島區住和工作、如果見客傾生意，她一定去這間醫肚，她是在泰國長大華人，她食野不隨便讃，但她竟然讃這間湯河類味道very good ,所以今晚放工去試吓，牛肉湯河，好香而且牛片上等牛～woo woo好味！牛油chicken wing 好香、熱薏米水好飲又多薏米，其餘咖哩牛筋味道ok ar,服務生態度好正常，有禮貌，因為我唔知有套餐、她仲教我落order ,晚餐$80 有主菜、送庶暇又彈牙及可選薏米水，因為散叫一碗$66 及$28薏米水啦！好彩服務生remind me ! Haha待我下次lunch ,希望唔跌水準

剛剛星期五去九龍灣行街順便食個tea, 見佢無咩人咪入去食個生牛河。入到去坐底，水要自己取，但個紙杯細到無倫，牛河上枱，飲談湯，係少少暖，唔熱。味道好一般，$68 一碗，唔值得。服務員態度其差，粗聲粗氣無禮。以後唔會再光顔！

話說上次係呢度食早餐，已經劣評啦，今日俾第二次機會佢啦，結果係發現到更多野，唉。個灰色衫收銀黑口黑面，問多兩句仲黑。 來得商場食野，梗係要儲埋積分同泊車優惠啦，十問九唔應。叫咗個豬扒撈檬，今次塊豬扒係即炸既，可惜放係出餐口成八九分鐘先有人攞過來，凍晒啦。六十六蚊一份甘既粉，你話值唔值啦，我真心覺得浪費咗呢筆錢同時間囉。追加一份就20蚊，兩樣36蚊，三樣就50蚊，即係碗粉根本唔會飽，所以先有甘既政策。 太油啦，無蝦味，遮亦乾晒，失敗。

本人超愛越南生牛肉湯河，但在香港不是每一間打著越南餐廳旗號既食店，都能夠有真正既越南味湯底。錦麗既湯底算是做到我在越南吃到既感覺，湯底不是好味精的那種，吃完後也不會覺得好口渴。生牛肉嫩滑，而牛丸好有驚喜，有濃濃既牛味，十分彈牙。

落雨無咩選擇，只好係商場搵野食，見到越南野有早餐，望落價錢都40蚊，加上集團式，應該都好食既。 門口話28蚊有份早餐仲有豬扒米，唉！又被人呃了。加6蚊牛角包，再加6蚊滴漏咖啡，原本真係好吸引既，包唔係暖又唔熱，放咗一段時間，都算啦。諗住杯咖啡會香會滑，完全係失望，用靚少少既咖啡豆係咪會蝕錢呀，根本無啡味，甘令人極度失望囉。豬扒係唔錯，但個湯好差，越南野一向既湯底都唔係甘架啦。 如果俾甘既價錢去食假越南野，不如留返食公仔麵好過。

在九龍灣「德福廣場」裡面都有屬於自己分店的越南菜餐廳「錦麗」，「錦麗」裡面的食客實際上不算非常多，而且剩下很多座位。所以我光顧「錦麗」期間，完全不需要遇過有「搭檯」問題出現。「錦麗」的食店定價本來都只是在中等水平而已。但是「錦麗」因應食品和飲品定價，而推出價錢比較實惠的「一人煮意」套餐。而且「錦麗」「一人煮意」套餐實際上的價錢只需要港幣八十元左，比單點套餐裡面的食品跟飲品，便宜了接近港幣六十元的價錢，所以「錦麗」「一人煮意」套餐本來吸引到我的注意。另一方面，「錦麗」「一人煮意」套餐容許食客可以在「錦麗」主餐牌指定的食品裡面，選擇其中一款食品，另外加上一款「錦麗」指定的小食食品，還有一杯飲品。可惜食客只能選擇「越式蔗蝦」，不能選擇其他小食。如果「錦麗」的「一人煮意」「小食」食品那一部分，可以提供多點「小食」食品供食客選擇，例如屬於雞肉類的小食「法式蒜蓉牛油雞翼」的話，我在「錦麗」裡面的晚餐計劃應該可以再完美一點。可惜食客想在「錦麗」套餐裡面食到「法式蒜蓉牛油雞翼」小食食品的話，「一人煮意」恐怕無法讓食客如願以償。食客只能夠選擇「越式四人套餐」，才能食到「法式蒜蓉牛油雞翼」了。因為我個人性

差不多到下午茶時段，於是諗住外賣食$88兩碗面變成等堂食食下午茶。我諗住下午茶價錢同外賣價錢差不多，又可以坐低舒服啲...！千祈唔好以為$25一碗粉，必須連生牛肉粉一齊點，先有優惠，變相$70食一碗。生牛肉$45一碗，生熟牛肉粉$25一碗，結果兩碗份量超少，我查身細食都唔夠飽份量等於本時屋企飲湯碗咁多都.....下午茶小食拼盤，早知份量係一條條，我追加好啲，追加冇飲品，但各有兩條，可以同朋友分享飲品點了熱意米水，好細細杯，果然一份錢一份貨，呢度下午茶份量好少

已經一段時間冇食過，發覺原來已經多咗好多嘢食同飲品選擇，而且仲出埋套餐！錦麗牛丸粉 ($66)湯夠熱但味道無以前咁濃郁，牛丸彈牙牛味香濃，肉汁豐富，口感同味道都好好！河粉滑溜，但整體感覺無以前咁好食，有啲失望！香茅豬扒撈檬 ($66)香茅豬扒即叫即炸，幾香口，口感都算鬆軟唔嚡口，撈埋酸甜汁，酸酸甜甜幾開胃。椰汁紅豆冰 ($30)椰汁入口椰味香濃無甜味，紅豆起沙軟腍偏甜，搞勻咗之後可以中和甜膩感，但整體都係甜咗啲。

今晚同女友都唔太餓，所以搵粉麵食，見呢間未咁多人，即管試多次⋯⋯點解’即管’ ?! 因為食過一次午飯，又無咩揀，坐得又迫，又唔係平，唯一可取係無加一。呢個係一人餐，有個小食加飲品,忘了價錢，56-60😝  正常味道，個粉都俾得幾多嘅。配小食蔗蝦，麻麻地，好細小兼無咩蝦味。另外呢個魚餅扎肉香濃雞湯金邊粉，味道正常，但個魚餅係辣㗎，唔食辣嘅朋友們要諗諗😅總結，座位好窄，又混亂 feel，又唔係特別好食，好我應該唔會再嚟🤭

『連鎖越南牛肉粉//品質不錯不過會口渴』⠀今天一個人吃晚餐，在德福中心逛了一圈，最後還是吃了這家錦麗牛肉粉。⠀之前一次吃過數次午餐散叫的牛肉粉，覺得味道不錯。⠀由於疫情關係，晚餐推出了一人套餐，$80自選一個主食，一份庶蝦，還有一杯飲料。⠀主食方面，我選了雜錦金邊粉，裡面有牛丸，生牛肉和熟牛肉。這次的質素，比之前的進步多了，生牛肉嫩滑，連以前會柴的熟牛肉，都算嫩滑。⠀越南庶蝦沒什麼特別，新鮮炸的。⠀鹹檸檬柑橘水有點小杯，但味道不錯。⠀

今日公眾假期 行完山就過嚟之前有朋友話呢間錦麗幾好食 就一於試一試～2個人叫咗個2人set $198.我就嗌左個綜合粉食 ～食食吓：咦！生牛肉同熟牛肉有咩分別呢？（原來熟牛肉係牛腩）🤣同埋呢度嘅牛丸係好食的！對比三樣嘢好食程度：牛丸＞熟牛肉＞生牛肉其他小食拼盤都OK唔錯 幾好食！個杯龍眼茶嘅話都幾好飲不過稍為有啲啲啲啲啲甜左少少😝總結都幾好食的 哈哈😆*有朋友的朋友話好重味精 本人食完又唔覺好囗渴😅😅😅😅

每次午餐時段行過九龍灣德福商場，都只會入去幫襯敏華冰廳，因為對其他餐廳無信心，但係食咁多次都會厭悶，今日過咗午餐時段又嚟到呢度，見到隔離同集團的越南餐廳「錦麗」，啲下午茶餐又幾扺食，一於試下，不需等位即刻有位坐，叫咗份生熟牛肉粉下午茶餐，飲品可以配紅豆冰，咁嘅組合都係$45~不需加一，真超值，呢碗生熟牛肉粉，超曬班，應該稱呼佢為牛腩粉至真，因為內有三嚿牛腩肉再加兩片牛肉，另外一定要講牛肉湯底非常清甜美味，$45~滿足到不得了。