錫記雲吞麵食

營業中

休息中

時代變遷，好多餐廳都隨著時間而作出改革同變新，也有維持懷舊風格。店內只有一張張圓枱，一張張藍/紅色圓膠櫈，一張張簡單而清晰嘅餐牌貼在牆上。圓枱置中位置放上有豉油，醋，辣椒油，筷子筒，牙籤。🍜雲吞米粉$35一碗有4粒雲吞，雲吞都算大粒，皮簿餡多，味道唔錯。米粉軟硬適中，維獨忘記湯底加腩汁，所以米粉偏淡，好喜歡枱上嘅辣椒醬，每次都會加少少，令碗粉麵添加色彩同味道。整體份量比較少。🗯️🗯️🗯️情懷係偶爾想食懷舊粉麵其中一個原因。

禮拜六去太子搭跨境巴去內地出站之後見仲有時間就係附近是但搵間麵食🍝做晚飯🥣傳統又經典嘅湯河湯麵，我地兩個人分別點佐牛腩湯河、牛肉湯麵，各💰36一碗，加豆漿或汽水🥤就8-9蚊，搭配一碟菜💰18-20蚊。兩個人食得超滿足。完全係超出預期嘅好味😋

#小秘書 對港式小食 #情有獨鍾，尤其係 #雲吞麵食🤤 不過傳統bitesize嘅 #港式雲吞 已經買少見少，進化版 #雲吞 已經變到乒乓波咁大先至叫做真材實料😅 有啲舖家為咗做到平價錢，所以只可以將貨就價，好多時都係攞啲雪到冇晒味嘅蝦仔嚟做餡料，味道真係搞唔掂😑早兩日我又返去太子攞藥，誤打誤撞嚟到「錫記雲吞麵食」，一間外貌非常街坊嘅食店。估唔到佢自家製嘅港式雲吞水準都唔錯，難得食到有鮮蝦嘅味道，口感豐富，麵質又幾彈牙，佢爭咁啲 #韭黃 囉🤔 不過今時今日$30可以食得飽、味道又唔差，確係一個唔錯嘅速食選擇。

以前去開深水埗，都會去食下啲懷舊嘢，理論上都係平靚正。去開大南街嗰間就唔去啦，今日到基隆街尾太子附近個間，試吓碗雲吞麵。基本裝修同其他雲吞麵舖大致相同，記得細個時啲雲吞麵舖，舖肉多數用黃色燈，小階磚綠白色花地板，開住把牛角扇，因為夏天無冷氣，食到標晒汗，唯一解熱嘅方法，就係整支細裝可樂。上次去大角嘴仲有一間咁上下，不過事隔多年，相信而家都未必喺度。因為間鋪叫雲吞麵食，所以簡簡單單叫咗碗雲吞麵，加個魚皮同豆漿。先講雲吞麵，麵底冇鹼水味但係都冇蛋麵味亦唔彈牙，同黃金商場附近間劉深記差好遠，湯底無香味。雲吞有四隻幾大粒，不過食開都係5粒細少少，唔緊要啦，最緊要係咪好食。好可惜，雲吞裏邊用嘅係雪蝦，而且無落大地魚，變咗係一般食開嘅雲吞麵舖，無乜特別。豆漿就明顯溝出嚟，飲到尾個口有少少糖精嘅酸味。反而炸魚皮就感覺新鮮好食，不過就鹹咗少少，放湯係可以接受。可能物價上升，如果以呢個價錢食就未必抵。考慮到太子區食平嘢都唔係咁易，所以用嚟填肚都係可以嘅。

近排有啲熱氣，唔想食西餐，又唔想食茶餐廳，經過太子地鐵站附近見到呢間舊式雲吞麵店，就跑左入去。雲吞粗面$30份量都好多，雲吞有四粒，好大粒，而啲蝦又好彈牙好爽。雖然唔係好環保，但係喺舊式麵店度食野，用即棄筷子感覺嚟得舒服、衛生同安心。油菜17元叫咗芥蘭，都好大碟，灼得好翠綠。環境方面都好闊落，都算乾淨同企理。

是話有啲趕時間又肚餓。經過嘅時候見到有個姐姐喺度包雲吞，咁就入去試吓，舖頭環境係舊式嘅雲吞麵舖，冇特別裝修，睇咗餐牌後，我叫咗個雲吞麵，因為好想試吓親手包嘅雲吞😝，唔洗幾分鐘已經整好，嚟到嘅時候勁有懷舊嘅感覺，佢用隻米通碗裝住啲麵，熱辣辣😃，除咗有五粒大大粒嘅雲吞之外，仲有菜，好窩心，一啖食落去有驚喜🤩，雲吞入面既蝦🍤彈牙新鮮，雖然d蝦多，但係同肉嘅比例啱啱好，而啲麵好彈牙，個湯底感覺上有啲似大地魚湯，我自己就覺得好好味la😋

咁岩買完野搵食，本身睇中一間泰國鋪，點知開半閘。。。。唯有再搵啦，太子呢頭好多野食，不過都好多人食飯，於是搵左間就腳嘅麵店。一睇裝修係好舊式，似大排檔咁，不過地下算乾淨，至少唔會有紙皮，落單紙，水之類係地下，呢啲地方算係咁啦食方面原本睇唔明點定價，睇下睇下原來係單式$28，雙併$36，三併$43，撈麵又另外價。豆漿$8，味道可接受，似係買現成，甜度高左啲，豆味唔濃牛腩米$31，腩有4-5舊，好香好入味，不過肉質似牛肋條，唔似牛腩。。。。唔緊要，湯底好有色，但好淡味雲吞魚蛋麵$36，雲吞係蝦做餡，好彈牙，魚蛋都唔錯，係潮式白魚蛋，估唔到有件炸魚片頭添，唔知係跟埋定係錯手呢另外麵質都唔錯，一樣彈牙講環境，呢度唔岩有要求嘅人，但係食回憶就岩晒，因為仲有咁樣款嘅裝修嘅食店已經執一間少一間，而且唔係貴而好食的話，盡快去食！

叫咗碗鯪魚球米，一口咬落去，既然有隻曱甴係入邊，係成隻，真係嚇到死🤮🤮叫個阿姐過黎，佢竟然話整咗出嚟都冇辦法，佢都唔想，最多唔收你錢，嘩，鬼照俾錢你食左隻圖曱甴得唔得呀？

今日加班加到晚上9點半左右荔枝角附近的餐廳大多數十點就關門嚕朋友就帶我去佐敦食野他說那邊餐廳會開得比較晏... 我個人好鐘意食河粉的喔～本身對河粉真的無什麼要求但今次食完呢間餐廳後... 先發現原來河粉都可以咁好食價錢親民性價比高可能因為太夜了，所以得返一份河粉朋友好好喔，把最後一份讓比我如果唔係我都唔會食倒咁好味的河粉我叫了牛筋河配搭香濃的牛腩汁真的好滿足喔誇張都要講一句係我人生中食過最好食既牛筋河

夜麻麻想食d 野先訓教，太子有好多選擇，但唔想臨訓前食到太飽有罪惡感，所以行落街搵下有咩食，揀左錫記雲吞麵食，人唔算多，侍應老闆都係中年，聽朋友講間鋪已經開左好多年，仍然存在應該唔錯，舊式裝修，圓枱圓櫈，枱上面園桶筷子，牆上面貼左好多手寫既餐牌，叫左出名既牛腩加雲吞河粉湯底都算濃，牛腩好入味，炆得好好，林身但唔係碎濕濕，見到有完整一舊舊，香口👍🏻雲吞大大粒，皮薄，含料好足，有肉有蝦，爽口，入口好滿足我本人好鐘意食蔥，如果多蔥就好啦❤️❤️

近排太想食雲吞麵這間算是一間很地道的麵店不過好自然同前幾天的比較了這間鮮蝦雲吞河，$27,有4粒都大大粒多過沾xx 一粒，麵好似較多但麵不夠滑，雲吞的蝦係細蝦...多豬肉也可一試啦，平食

話說回來，有一日，因為咁啱要，交文件俾人而又約咗其他朋友所以上餘嘅時間真係唔多所以快快噉樣入咗一間餐廳食野，因為早前，經常食高價同貴價嘅食物所以荷包並沒有總長反而仲開始瘦身美顏。而家面鋪睇返原來有好多分店我今次去睇先嘅嗰一間喺正馬路邊，門口大大隻字寫住麵店。價錢非常地道亦都好，適合基層市民嘅我，叫咗個兩送面都係好幾十蚊就有交易。即係魚旦雲吞面。食物質素正常，鋪面清潔見仁見智，服務，見仁見智也非常基本。如果喜歡係有外賣的。

麵條質地較 林.......湯底鹼水味太重..............雲吞唔新鮮.............餐廳環境............服務也不用多說........

呢間店開左至少十多年由細食到大但近日食感覺大不如前貢丸、墨丸、牛腩、牛筋、魚腐、雲吞雲吞、鯪魚球、以前係招牌，大粒，餡足但現在雲吞唔足料河粉唔夠滑牛筋腩唔夠入味魚皮有益味，唔夠脆，好似漏氣淋左少少咁

叫了一碗雲吞河加色，河粉比較厚同爛，表面滑身。雲吞有四粒，但是皮很軟爛，有一粒是爛開的。雲吞內的餡料有豬肉和半隻蝦，調味比較咸，大概落了比較多鹽及咪精。環境是港式舊舖，枱面有油脂跡但姐姐沒有抹去，其他部份大致乾淨。現場大概坐了半滿人士，可能附近未有其他雲吞面舖。本人有向他們反映河粉及雲吞的問題，但換來只是一句「多謝25蚊」，並沒有任何跟進或者改善的想法。這種不求音見及不思改進的態度，便是令這種傳統食物越來越變質的原因之一吧。