錫記雲吞麵食

營業中

休息中

成日好掛住埃華街"沾仔記"大粒雲吞, 今日剛巧路過此店, 食物品種好相似, 於是坐低幫襯。點了一碗雲吞鯪魚球麵, 感覺完全不是那回事！ 雲吞一入口好鹹, 鯪魚球根本不是球狀, 口感粉狀, 麵幼得可憐不夠彈牙。雖然價錢$45 不算好貴, 但是食物質素完全不達標！😫結帳時發生小插曲, 剛送來了新年盆栽, 老闆娘急急過去整理把弄了很久, 員工告訴我只有老闆娘才可以收錢, 我一直站立直至催促第二次, 黑臉老闆娘才慢條斯理行過來, 碎碎念埋怨我的催促！😡 如此待客之道, 實在不知所謂🤬😡 以後不會再來。

同事帶我嚟食，佢話呢度出名食鯪魚球，但係其實我就唔好鯪魚球嘅，所以就叫咗個雲吞河,雲吞嚟講呢...真係好似乒乓波咁大一粒,又未去到宇宙難食嘅我覺得,就係中規中矩,正常,冇特別,河粉都係比較厚身嘅但係我個人覺得個湯底呢相對嚟講比較鹹，食完有啲口渴，而且見到一幕我唔係好想見到嘅情境，就係老闆娘煮雲吞嘅時候跌咗一粒落地下，跟住佢執返起沖都冇沖過就揼返落個煲度煮，呢啲事情係正常會發生嘅，但係畀我見到。。。個感覺就唔係幾良好囉

當日喺銀行攞咗四舊水帶朋友回憶下呢間店舖，埋單大約120 ，先比$100，老闆娘隻手好快咁攝咗喺佢手上搭銀紙底，我再攞多$100諗住佢會找$80，點知佢話冇收過我第一次嗰張$100，雖然我個朋友都睇到我俾錢但最後要叫佢睇CCTV。 佢個仔返到嚟睇片之後第一個回應都話我冇俾到，我叫佢再睇清楚啲佢先至話係呀係呀俾咗啦，係呀媽你手快唔記得。 其實好明顯喺度扯緊貓尾，呢間嘢我幫襯咗10幾年以後都唔會再返去。 大家找數之前數清楚條數攤晒啲錢喺枱面 找數枱上邊有CCTV 千祈唔好一張一張錢咁俾老闆娘。

之前睇到評論話宇宙級難食，都唔太信，因為以前食過幾次覺得幾好。但今次再去，一遞上碗麵，碗雲吞好似發脹麵包咁，肉質勁鬆散，完全無雲吞鮮蝦味，仲衰過急凍。12:00正午去食，得3個客（連埋我），請大家自行定奪。$45一碗麵+ 飲品就要$60，唔算平，食到呢個質素，都幾嬲

錫記雲吞麵食係尖沙咀一間餐廳，我試左佢哋嘅雲吞麵同鯪魚球河。餐廳環境簡單，唔需要太高要求。特別係夏日嘅時候，佢嘅冷氣真係夠凍，可以幫你消暑。雲吞麵好有特色！麵條有彈性，雲吞入面有鮮美嘅餡料，每一口都令人滿足。鯪魚球河有香脆嘅外層，入面嘅鯪魚球肉質鮮嫩多汁，味道鮮美。總括而言，佢哋嘅雲吞麵同鯪魚球河有獨特風味，食材新鮮。餐廳環境簡單，但係夏日嘅冷氣足夠凍。如果你鍾意雲吞，呢度係一個值得一試嘅地方！！

第一次寫食評，下午兩點多，一進店，阿姨已經强烈推介招牌三寶麵，因為本人不吃魚，所以便點了另外兩款所謂【招牌】雲吞鮮牛肉撈麵，$65. 麵一放上枱便知出事，一大匙蠔油，雲吞竟然用菜肉水餃皮包，一夾起已經散晒，虾肉又細又梅，失敗！再夾件招牌鲜牛肉又嚡又韌，唔知以為食塑膠，失敗中嘅失敗！！打算再夾起一注麵，結果成塊煮到又腍又脹嘅麵被抽起，超級失敗。放低錢便離開.其實無心做飲食，真係唔好逞強.完全係侮辱了［雲吞麵］這個廣東美食.可悲！！

原本想食清淡小小所以揀左尖沙咀依間雲吞麵檔，叫左碗鯪魚球米粉一來到見到成碗湯都係油，見到都唔想食😰鯪魚球好大粒但冇乜鯪魚球味，店內沒有套餐選擇，相比其他粉麵店舖價錢偏貴，唔會再去

想買外賣食，行過見到呢間餐廳都幾多人，喺門口等外賣，所以就試下。雖然喺門口都已經見到餐廳主打係招牌雲吞，但係我又唔想食雲吞，所以選擇咗鯪魚球 + 菜肉水餃🥟配米粉外賣，就係咁惡夢就開始了。返到舖頭，先坐低試吓個鯪魚球先，點知完全冇鯪魚味，可能整嘅過程放太多粉，所以鯪魚球表面有多透明色嘅物體，之後油放太多。到個菜肉水餃，水餃皮超厚，都好多油。連米粉同湯底都好多油。成個米粉只係食咗半碗，已經食唔落去。真係冇下次

自己工作嘅地方係尖沙咀，間唔中都會試吓周圍嘅嘢食，對於呢一間嘅雲吞麵、鯪魚球、牛肉，特別有感覺！因為真係非常之好食，新鮮得來，又保持住傳統港式麵食嘅特色，實在難得！高質之選而且喺尖沙咀呢一個香港最貴地段，食到$60碗一碗咁高質嘅麵，真係唔話得，仲要啲面質好爽口！有一次仲要唔記得俾錢，老細好大方話：得啦，搵日放工嘅時候再過嚟俾錢！好有人情味間唔中都會再過嚟！喜歡呢種香港味道！

講真作為香港人都少食細蓉嘅我有次經過呢間試完之後好似上左癮咁 每隔一段時間就要去返食🤣係尖沙咀好旺好多遊客嘅漢口道入面 自然都會有好多遊客去食 呢間都貼滿左D老細同明星影嘅相門口（發現自己近排發掘明星小店嘅能力提升ed🤭）🥟淨三寶💰60其實淨三寶就係嫩牛肉 雲吞同鯪魚球 四寶只係多左個餃子 但係如果你想換其中一樣都可以同姐姐講😗成個流程好快 講完想要咩姐姐就會撈起煮好嘅雲吞跟著擺入碗度 熱度當然維持到熱辣辣嘅狀態嫩牛肉係掌握曬火候 碌到啱啱好熟仲keep到嫩嫩地就撈起 跟著最後先擺係湯面 份量好多 牛肉都較瘦 唔會咬唔郁或者好多筋 索左濃郁嘅湯底牛肉仲帶有胡椒粉味 整體都好味！雲吞係蝦肉雲吞 皮薄餡多 蝦肉有成隻係入面 係蝦肉嘅周圍仲有D瘦豬肉都好惹味！水餃同出面常見嘅唔同 呢度餃子好軟淋淋（應該係煲左太耐淋曬🤣）但係入面白菜同豬肉份量真係好多好大舊 同餃子皮已經融為一體 鍾意軟爛口感一試都無妨！鯪魚球都係呢度名物 好彈牙又唔會太鹹！🥟淨四寶💰70鍾意港式情懷或者係附近飲完酒都可以食呢間雲吞暖胃！📌錫記雲吞麵食 (尖沙咀)尖沙咀宜昌街5號地下B號舖

看門面好像是廿多年前在厚福街那間大大粒多蝦彈牙餛飩，因此再去試下，但現在這間的餛飩只是蝦米兩隻兼很不新鮮，鯪魚球比以前加了太多粉，真是差了很多！比出面隨便揀一間還要差

今日本來專登去海防道試茶煲奶茶的，點估到生意好到未夠3點就沽清。唔緊要我就去隔離巷仔行下，緣份就係咁嚟，比我發現有間隱世雲吞麵。齋睇樣先：雲吞大大粒，麵都幾大碗下，後來發現下面仲有菜心打底（驚喜）。首先咩都唔使講試試啖湯先：好少見啖湯咁清澈，入口好順喉魚香逐d出嚟，鹹度適中，輕輕有少少甘甘地令我“畢”下一羹又一羹不一會就乾塘😂，靚仔店員見我飲得咁滋味即刻送多碗湯比我🥰🥰🥰（得我有呢個待遇）雲吞大粒皮略厚，蝦唔算大隻但蝦味有的，麵夠爽，搭配店家自制辣椒油撈一撈，一碗細蓉光速見底。

今日陪媽咪出尖沙咀周圍行下經過呢間小店，媽咪話不如試下～入內環境較細，枱與枱之間較近牆身貼滿螢光色的手寫菜式名，幾地道也貼了幾張老闆娘與名星的合照坐底後，看了餐牌就揀了馳名的細蓉及鯪魚球麵嚟到賣相好靚仔～雲吞麵雲吞是傳統的大小，外皮厚薄適中而餡料鮮美食落爽口細膩綿潤，麵條亦彈牙湯頭大地魚湯連蔥非常香鯪魚球麵有驚喜～鯪魚球有四大粒，食落新鮮清爽可口啖啖肉之餘嚼感十足，蔥花香味加成認真不錯～整體味道不錯，充滿人情味的小店價錢比其他區略貴

行過海防道見到呢間雲吞麵店，入面都幾多客人，就抱着不妨一試嘅心態去試吓，當然就要試吓呢度出名嘅雲吞啦！雲吞大大粒，皮簿餡料多，幼麵爽口彈牙，冇鹼水味，另外添加嘅牛肉亦好嫩好淋。湯底唔算濃味，但都唔太差，加一點秘製辣油更加香。▪️牛肉雲吞麵$50♡好味指數 🌕🌕🌕🌗🌑✔︎性價比🌕🌕🌕🌑🌑✔︎環境服務🌕🌕🌗🌑🌑✔︎打卡指數🌕🌕🌑🌑🌑✔︎推介指數🌕🌕🌕🌗🌑✔︎回頭指數 🌕🌕🌕🌗🌑

簡單的裝潢， 獨特的味道， 剛好形容這間餐廳。 有次收工路過抱住不妨一試既心態， 點了一碗雲吞幼面。 食了後， 以後就番食過無數次了。 雲吞：彈牙大粒， 有肉感幼麵： 煙靭， 有彈性的麵質配上餐廳獨有辣油， 令我明白了別人口中好食的雲吞麵： 雲吞是江湖上的一位高手，手握鋼針，身姿矯健。他將嫩滑的麵皮包裹著肉馅，每個動作都熟練而精準。而麵條則是他的好搭檔，柔韌有力，能夠纏住敵人。一碗好的雲吞麵，麵條滑而有彈性，湯汁濃郁，肉香四溢，每一口都讓人回味無窮。雲吞和麵條的配合默契，猶如一對武林情侶，成為了敵人的噩夢，也是眾人崇拜的對象。這碗雲吞麵成為了江湖上的傳奇，讓人回味無窮，成為了永恆的經典。在江湖中，每當雲吞和麵條出現，勝利和和平的氛圍就隨之降臨，他們的配合與默契更是讓人嘆為觀止，成為了人人稱道的佳話。