鍋物品質 (裝修中)

鍋物品質位於life @KCC的8樓，是一人一爐的日式火煱店。價錢適中，沒有加一服務費，2:30後還有85折，但原來是按入座時間計的，我們2:27入座，但店員服務很好，主動幫我們向上級請示給我們85折，她還很落力介紹餐牌上的食物，服務態度ichiban👍我們叫了$75的一番寿喜燒，有黑安格斯牛肉、竹輪、魚腐、日本雞蛋、日本葛絲及五色野菜，份量充足。另外我們還叫了一個$65的一人前鍋定食，有嫩滑雞柳配野菜盒，湯底有4款可選擇，我揀了蕃茄豚骨濃湯，又濃又夠味😋仲有追加了$18的豬頸肉(100g)同埋$9生拉麵，加埋2杯熱烏龍茶(@$3)，85折後2人合共都只係$153，認真抵食。還有一點要讚的是無料放題日本飯，免費自取任添的，所以一定食得飽🤣

前排係KCC搵野食發現有間應該係新開冇幾耐既日式火鍋店，我都幾鍾意試新野所以就入左去食。可能係新開冇乜人食，坐得都幾舒服又唔會好吵。湯底有四種，揀左香菇昆布湯同番茄豬骨湯，兩個都唔錯，昆布湯比較清淡，有少許鮮甜味；番茄湯比較濃郁，同埋有D偏鹹，不過兩個幾好味。要左幾份安格斯牛肉、澳洲牛肉同響鈴，份量算OK，不過牛肉質地唔係全部都咁好，有D好韌，不過都算係咁上下，大部分都算正常。買左隻淳茶舍話係減脂唔知有冇效，味道一般。大致都算正常過得去，得閒間唔中會再試多次。

睇社交媒體知道KCC 8樓開左間日式一人鍋餐廳有日式壽喜燒、韓式泡菜鍋及中式麻辣鍋啱曬鐘意一人打邊爐既人去 當日坐靠窗位置，邊望境邊打邊爐雖然個境只係望馬路同巴士站，但感覺都幾寫意。星期六中午人流較少，坐得闊落同寧靜。 入坐後店員都好詳細介紹食物及QR落單方法 調味區有不同種類的醬油可選日式風味酸汁、蒜蓉及蔥粒。仲有白飯放題任裝 麻辣湯底+安鞍斯牛肉配野菜盛盒另加配烏冬及可樂初初嗌麻辣湯底仲驚會好辣食落一點都唔辣，但個湯底有好大陣麻同辣味，野菜盛盒都幾豐富，雖然量唔多，但種類多 朋友個壽喜燒都唔錯，湯底甜甜但有不同的配菜~ 最重要係不設加一服務費。

冬天食雪糕無問題，夏天有冷氣下打邊爐更加無問題啦😛KCC8樓人氣cafe隔離最近開左間食鍋物嘅餐廳，有深受香港人歡迎嘅壽喜燒同泡菜鍋，仲可以自由配搭-自選湯底同肉類/配料添～🥘一番壽喜燒$75(追加烏冬+$7）壽喜燒採用左黑安格斯牛肉片，肉質鮮嫩🐂鍋內仲有煙韌日本葛絲、竹輪、一口魚腐同蔬菜等等~啲牛算係相當唔錯，係菜真係少左啲🥬個鍋只係包無限添飯，嘢飲要加錢🥺但打邊爐點可以無汽水，最後我都係+$9要左汽水餐廳有個mini自助bar可以無限添飯，醬料方面有蔥、蒜、醬油同酸汁可以自行調配🥄*2:30後入座仲有85折優惠添，可以安安靜靜咁同同事吹住水嘆「夏日邊爐」🥳

前幾日同中同約食飯，咁岩好佢係葵涌附近，所以我地就係附近搵下有冇好野食～去到KCC商場八樓發現有間日式既舖頭，我地就諗住試下間野如何。間野係火鍋店，而且一個人食都得，我地食量其實都幾大所以嗌左好多野。首先湯底係香菇昆布清湯，味道幾濃，特別係香菇味。雞肉其實好滑，有D出乎意料，好好味。烏冬，野菜盛盒，響鈴同豆卜一般般，同平時食既冇乜分別，但勝在湯底唔錯，增加鮮味。安格斯牛肉脂肪比較多，但幾爽口；澳洲和牛油花幾靚，都幾好食，但論味道我個人比較鍾意安格斯。到最後我地都食得好飽，希望可以keep住質素，幾唔錯～

今天在葵興工作後，已經2時許，在KCC 附近揾食，看見有新店，於是過去研究下⋯⋯在KCC一向都很少向上發展，只是徘徊在4樓之間揾食，從4樓坐升降機上8樓，原來還有幾間食店，又再有新發現。日式火鍋，一人一鍋，看見還有下午茶，2:30pm 開始，照價八五折，相當吸引。原先想坐靠窗位置，可是店員示意只能坐門口，可能是非繁忙時段吧⋯⋯食店內不斷播放日本流行歌曲，聲量恰到好處⋯⋯鍋物除了有日式壽起燒、中式麻辣及韓式泡菜鍋外，還有牛、豚、雞選擇，還可以單點野菜，素食者都可以多一個選擇⋯⋯價錢由$58-$98不等。在湯底之間難以作出選擇下，於是便詢問一下店長，建議作”膠原柚子雞湯”,說是那店的招牌貨，於是便試這湯底。由於也是QR code 落單，價目一目了然⋯⋯膠原柚子雞湯底配安格斯牛肉及野菜盛盒$78~筆者選擇了另加烏冬，再加$7,。湯底有濃厚的柚子味、胡椒味頗重，吃到尾聲時候，有絲絲的柚子皮在湯底內⋯⋯當所有菜到來時，店員才告知原來還有調味區，除豉油外，可選日式風味酸汁、蒜蓉和葱粒之外還有白飯是無料放題，是任吃的，食店標磅是用日本米，如想加海苔飯，另加$5野菜盛盒~野菜盛盒有:粟米、韭菜、番茄仔