鍋物品質 (裝修中)

冬天食雪糕無問題，夏天有冷氣下打邊爐更加無問題啦😛KCC8樓人氣cafe隔離最近開左間食鍋物嘅餐廳，有深受香港人歡迎嘅壽喜燒同泡菜鍋，仲可以自由配搭-自選湯底同肉類/配料添～🥘一番壽喜燒$75(追加烏冬+$7）壽喜燒採用左黑安格斯牛肉片，肉質鮮嫩🐂鍋內仲有煙韌日本葛絲、竹輪、一口魚腐同蔬菜等等~啲牛算係相當唔錯，係菜真係少左啲🥬個鍋只係包無限添飯，嘢飲要加錢🥺但打邊爐點可以無汽水，最後我都係+$9要左汽水餐廳有個mini自助bar可以無限添飯，醬料方面有蔥、蒜、醬油同酸汁可以自行調配🥄*2:30後入座仲有85折優惠添，可以安安靜靜咁同同事吹住水嘆「夏日邊爐」🥳