鍾菜館

營業中

休息中

Nice chinese restaurant close to the fo tan station. They have these tea stations at your table so you get a tea packet at the front desk when you wait for your table then the machines automatically dispense water into the tea pots which are then heated. A great idea to have to not constantly chase the waitresses up for water. Additionally you order via QR code so the interaction with the staff is fairly limited.The food itself is good and the char siu is something i would highly recommend- i be

老人家生日，點少得食中菜、食壽包。疫情令家庭聚會減少，當政府放寛至十二人，梗係出街食晚飯。一家大細總共九人，點了一個三千幾嘅套餐（方便唔使諗），應該有個菜冇影到相，食物味道方面都算好食，但上菜很混亂，加上假期天，都有很多枱酒席，服務員不足夠，肯好沖茶🫖是自助的酒樓有好多打卡位，

呢度啲野食幾好食既，仲有代客泊車服務本來都食得好開心直到有個服務員錢文華過黎之後就一切都好唔滿意呢個女人好燥底，會鬧小朋友，想問佢拎啲凍水，佢講左一大堆野之後先肯拎過黎，除左佢既差服務態度，整體都滿意。

行完山和朋友去鍾菜館飲茶。生拆鮮蝦餃好食，餡足料皮靚。手打鯪魚球彈牙不腥有陳皮味。手打牛肉球肉質不錯。宫廷蘿蔔糕和安蝦咸水角有水準。泡椒雞腳和春風得意腸我最愛吃。人均消費$125左右，價錢合理。

一如往年,媽媽嘅永久居所會送月餅,今年同上年一樣,係鍾菜館(上次食評係2021年9月16日刊登嘅呢篇: https://www.openrice.com/zh/hongkong/review/blue-%E4%B9%BE%E7%A1%AC%E5%8C%96-e4162947),包裝大致相同,只係普洱茶轉咗用鍚紙袋,我哋到6-9-2022 (Tue)晚至攞嚟食,因為想同生隆作即時比較,切開睇,蛋黃同樣係乾,又係見到都冇晒心機,我食咗一啖生隆嘅,然後食一啖呢個,蓮蓉嘅分別係最大,呢個好油同味道有啲唔同,唔識形容,味道係差啲嘅,唔係蓮蓉香.味道: 1.5分

平時飲茶多，晚飯小菜比較少黎。大時大節呢度一定勁多私家車，泊到出去對面街，有一定嘅支持者。今晚三個人叫左4個餸，先黎半隻脆皮燒雞，燒雞個皮真係好香脆，雞肉白淨有雞味又有咸香味，不錯！之後係薑葱斑腩煲，炆得好乾身，好入味，而且份量好夠，都有十幾廿舊，唔會全部骨，都有啲肉食。西芹炒黑松露帶子，帶子夠大粒，有味道，黑松露醬好多，不過就無乜味，好彩帶子同西芹好味道。上湯菇菌菜苗，菇菌經過泡油特別香口，小白菜夠甜夠嫩，感覺好健康。今晚嘅湯係姬松茸螺頭燉雞湯，湯渣都一大碟，好多姬松茸菌，降膽固醇降血脂又抗癌，螺頭夠林，雞湯清得黎味道好濃郁，真係真材實料。不過成餐飯都要$800有啲貴囉

前一排去火炭探個親戚，探完之後就話去附近地方食飯，由於附近都冇咩選擇，而且呢間酒樓附近係可以停車，所以就揀咗呢間酒樓。但入咗佢哋嘅停車範圍之後，嗰啲印度籍管理員就係咁叫我比架車佢哋泊車，我講咗唔需要，我大把時間，但係佢哋死都要幫我泊。但又唔係無位，我都泊到啦。感覺佢哋係好想最尾你俾佢小費，我非常唔鍾意呢個感覺。所以如果要揸車嘅朋友想試呢間餐廳就要小心。點左幾個菜，燒鵝好多骨，雖然味道唔錯。另外有個蝦味排骨都還好，蝦味幾特別，而且非常脆。茄子煲就冇咩驚喜，感覺上係茶餐廳質素，但酒店嘅價錢。而且店員嘅服務態度一般，下次去火炭都未必會再幫襯。食完之後本來諗住坐多陣，但係覺得佢哋啲冷氣越嚟越凍，好似想趕人走咁。

星期四早上特別的駕車去火炭飲茶， 因為有人介紹此地點是獨立一座菜樓， 有免費泊車， 又唔太要等位， 於是去品菜。泊車剛泊最後一個位便爆滿， 車場只可泊十幾部車， 車位都幾迫。待應有禮貌， 10：30am去到唔駛等位, 但目測都9成滿。待應問飲什麼茶， 便放一包茶葉在枱， 自動煲水機在每枱旁， 方便唔駛麻煩待應加水。茶葉味都幾出， 沖左8-10次都仲有味， 唔係好淡， ok.barcode 自助下單，點了盅頭飯孖寶。 鳳爪排骨飯+冬菜叉燒腸鳳爪排骨飯 ＞ 味道嘗可， 飯唔乾又唔濕。冬菜叉燒腸 ＞ 冇味， 食唔出有叉燒 食到最後一條仲叔左， 即時同待應反映。 待應主動說可換時菜或金錢肚拼鳳爪變壞了的腸粉生煎菜肉包 （3個）菜肉冇味。潮州粉果2個 （1個$10， 單個點）淡味，普通時菜手打牛肉球（1籠4粒）睇唔到時菜在那， 牛肉球味道嘗可。總評** 5分🙂酒樓門面中國feel, 特別是獨立幾層高， 在火炭工廠區只有一小座， 找位方便。😑食物質素就好一般。以$20-30-40。價錢計， 唔太抵。

喺火炭工業區有間鍾菜館, 酒樓裝修佈置好有中國風, 好特別, 最特別嘅就係用紫砂茶壺, 好有風味; 坐位相隔有距離, 坐得舒服, 另外, 有多款點心可以叫一件, 人頭份唔使嘥嘢, 事不宜遲介紹番啲食物先👇🥢生拆鮮蝦餃😐蝦餃皮太靭, 雖然好多蝦肉, 不過唔算鮮甜, 亦唔juicy, 但係蝦肉都算爽口彈牙👎🥢菜苗海皇餃😐餃皮太淋, 蒸得太過火, 餡料嘅蝦亦無蝦味, 菜苗太淋👎🥢黑松露上素果😐呢款餃皮就正常少少, 餡料係普通嘅上素餃餡料, 食唔出有黑松露味👎🥢春風得意腸😐賣相就靚, 內裏餡料極少, 好似食緊腸粉皮捲住 一條炸粉咁, 另外, 腸粉豉油亦好咸👎早市及下午茶皆有優惠, 不過先要付費入會(1年制), 付費後其實都冇蝕底, 因為佢有coupon送返俾你, 另外, 入左會唔使收加一服務費, 茶錢就要$13。食物質素今次屬於非常差, 因為我已經入咗會, 之前來過幾次, 都覺得幾好, 唔知點解今次咁差, 可能點心師傅失手🤔🤨 因為沖茶(自助水機)及落單(QR code)都唔需要侍應嘅關係, 侍應人數不多, 同時侍應的服務態度亦不算太好😔

食過咁多間稻香集團旗下食肆最差的一間,  客人在看菜單準備叫菜, 有個員工居然走嚟一手搶走客人手上的菜單以責備口吻罵, 問點解2張紙都一樣, 你要攞2張嚟睇, 然後掉番1張比你, 另一張就放去隔離冇人張枱, 心諗菜單紙係你啲員工一早放在枱上比客人睇, 又唔係我去攞, 我又唔知2張都一樣, 就算係又點, 我睇完都唔會攞走, 咁算係咩野態度? 好了, 人齊叫起菜叫了2次, 等左20分鐘都未有, 之後又走埋嚟問, 你哋人齊未? 起得菜未? 跟住上枱條魚係凍的, 乳豬又肥羔肥到無倫, 咁既酒樓, 真係免費都唔好嚟。

同朋友約咗飲下午茶，聽朋友話呢度啲炸物好食，決定嚟試吓。下午茶時段係2點至4點，我哋早到係門口等咗一陣，搭正2點就有得入座。呢度環境闊落，枱與枱之間距離闊，坐得幾舒服。入坐前每位都會派一包茶，而每枱都有一個自助茶水機，方便唔洗下下叫服務員加水。點菜方面係掃描QRCode自助落單的，落單後上菜都好快。我們點了：春風得意腸、香煎鮮蝦腐皮卷、香芋煎堆仔、XO醬蘿蔔糕、黑椒金錢肚、剁椒蒸排骨、豆豆千層糕及蛋白杏仁茶。薄薄的腸粉包住炸蝦，炸粉都幾脆，蝦亦彈牙，上枱時是微溫的。外皮脆，蝦彈牙沒有雪藏味。小煎堆，不過不失，可以單個點。XO醬偏辣，外面微脆，裏面的食落似蘿蔔蓉，好食。這個上枱時很熱，進食時要注意。賣相一般般，但味道比賣相好。味道OK，不過不失。味道OK，芒果味比紅豆味更重。蛋白杏仁茶，忘記影相。味道偏淡，有很少的蛋白絲。總抱呢度啲食物味道唔錯，炸物係比較出色，有機會會再嚟。

爸爸喺媽媽嘅永久居所攞月餅返嚟,今次唔係裕滿人家,而係鍾菜館.加有紅色布嘅紙盒大大個,四個月餅啫,又咁大個?打開睇,除咗四個雙黃白蓮蓉月餅外,重有一小罐茶葉,茶葉係佢同一集團嘅公司出.喺大前晚(13-9-2021 Mon)晚飯後,原本想用電飯煲翻熱望月嘅流心月餅食,但驚失敗而嘥咗,所以唔整住,就開一個呢隻月餅食先.切開睇,已經見到蛋黃乾裂,好食有限.白蓮蓉係軟滑唔太甜嘅,個蛋黃除咗乾裂外重要硬,真係差到爆.味道:1.5分

難得放假, 終於有機會一家人出街食飯。 好似真係好耐既事。 聽聞火炭這間鍾菜館新裝修。 好耐冇黎就試下。 佢地個停車場好有限, 先到先得, 無位都好難等。 不過好在免費泊車。 新裝修都係轉左細枱為主, 每枱都有熱水器, 客人自己加熱水, 真係省卻好多人手。 食物質素好左, 感覺唔錯, 價錢都唔算太貴。 而家做緊長腳蟹優惠, $198/斤4斤好都好夠食。海鮮好新鮮。 想唔到佢有獨立魚缸, 都唔錯簡得過。今餐真係食得好飽。

娘家住火炭，媽媽發現新大陸就係呢間鍾菜館！人流唔算多！因為我哋2:30 先到所以非常寧靜！食物質素也不錯！個春風得意腸粉賣相非常好！味道也不錯！當中蝦餃燒賣同小籠包都係單點一件上！按人頭咁樣叫就不會浪費，另一樣嘅驚喜就係特定時段方便有六折同七折！買單非常非常抵！加埋個免費泊車真係冇得輸！不過係先到先得！假日可能就好虛撼了！

早幾日去左試下～見佢地沖茶個手推車仔好得意～唔洗好似平時酒樓咁叫姐姐幫手拎熱水～春卷同腸粉都好足料😋飲茶可以免費泊車～唯獨個管理員好似審犯咁😡行出去接個朋友佢又問：你係咪黎飲茶架？飲到一半出去打個電話又問：你係咪真係黎飲茶架？都知免費泊車冇咁好，比埋張單佢睇，佢望一眼黑住面咁走😡寧願比錢泊車都唔想受咁既氣