鐵板燒紗舞縭 (已結業)

夜晚約左男友去太古康怡睇戲，見放工後仲有時間，我地就係康怡行左陣街，到八點先落康怡food court 搵食。見鐵板燒好吸引，又得十個人排隊，唔算好長龍，所以就去排埋一份。入座都算快，我地等左十五分鐘已經有位，但今次坐正個鐵板前面對到正，個爐既抽氣又做得唔係太好，令到啲衫同頭髮好大陣油煙味😔。我地叫左一份單人海陸套餐，再加跟餐優惠價$168一份澳洲和牛，裡面有兩隻大蝦配蒜香牛油帆立貝，香煎龍鯏魚扒，肉眼豬扒，澳洲和牛，前菜係螺肉，餐湯係羅宋湯，仲有炒油麥菜同白飯。和牛雖然係澳洲來源，但我地叫左五成熟，軟硬岩岩好，又夠牛味，$168 好抵食。但肉眼豬扒就唔夠豬味，食落鞋左啲，佢跟左個汁點豬扒架，但個汁好咸，唔建議點個汁，我地寧願點和牛旁邊既鹽同黑椒好過。香煎龍鯏魚唔錯，夠厚身又夠滑，有魚味又唔腥，餐廳餣得唔錯，味道岩岩好。帆立貝直徑都有4cm ，唔算太細隻，但兩隻大蝦連殼，所以食果陣要用手去殼，整污漕隻手，如果餐廳師傅可以煎果陣去埋殼會更加好。三百幾蚊既鐵板燒夠晒兩個人食飽飽又味道唔錯，價錢合理，衣間鐵板燒又平又靚又正，可以再encore。

一行2人,男友人的功力實太恐怖唯有順著他意去食鐵板燒分別散叫了2個單點主食~然後加$19蚊升級變了套餐有湯+前菜+白飯湯係羅宋湯,但味道偏酸前菜是螺肉,好吃的1.)黑椒牛柳粒望著師傅在鐵板上烹煮,心情舒暢食慾亦很好~牛柳粒叫了7成的熟,但仍然有幾粒大約得5成熟不過都很好味,有肉汁及內質鬆軟易入口,個汁用來配飯吃一流2.) 照燒雞扒望住師傅用了2塊雞扒來烹煮雞肉的肉身都屬於唔(嚡)口晚普通烹調沒什麼特別一提的但叫雞扒若有叫牛柳粒的時候,可用雞扒配上牛柳粒的汁,味道可口3.) 炒雜菌菇好香牛油味,帶出了本身菇的味道~一碟配上一個飯來送飯,絕對可以用牛油去烹煮能帶出金針菇那種口感炒菜很好吃😋 煮多多都能送飯吃的

啱啱星期六去左Aeon感謝日，血拼前就去左醫下個肚先。之前幾次都係食附近一間嘅煎魚日本料理餐廳，今日經過呢間鐵板燒鋪頭見午市唔算多人有位坐，於是就揀左呢間黎試下。餐牌上有二人至四人套餐，亦有一人前套餐，仲有一啲散叫嘅鐵板燒食材可以揀。我地為左快啲去血拼，就揀左個唔駛諗嘅海陸空二人套餐。首先黎左個湯同埋一碟冷盤前菜，今日嘅前菜係味附螺肉，湯就好餙，當係濕下個口就算，螺肉就得幾舊，又係當係小食算啦！跟住師傅會喺你面前開始整你點左嘅菜式，第一樣黎嘅係炒菜，炒得好好，唔會太咸太淋，係油左啲啫，鐵板燒通常都係咁。🤦🏻‍♂️再黎就係蒜香薄荷燒蠔，蠔唔會係啖啖肉嗰隻，不過入口唔會有血腥味就算啦。跟住黎埋個黑椒炒牛肉片，普普通通咁，又係同個炒蠔差唔多，搵啲洋蔥炒埋一碟咁，不過不失啦。最後黎埋個主菜，香煎龍脷魚扒拼香煎脆皮雞脾扒，兩樣都煎得香脆，不過味道就單調左啲。總括黎講，味道算係咁，午市套餐黎講不過不失，想填飽肚子係冇問題嘅。

新年期間 行下Aeon 比浸香味吸引到😍平時見呢間店都好多人排隊，難得今日即有位 就試下啦🥰今日同埋朋友同埋佢兩位大食小朋友，加埋4個人👨‍👩‍👧‍👦所以店員推介食$669個個餐 話夠我地4個人食！就信佢一次啦！食物黎得幾快 基本上唔洗點等 👍🏻牛夠香 鵝肝好香口 帶子正龍蝦整到細細粒 小朋友食都冇難道少人就坐得舒舒服服價錢唔算貴，最緊要兩個小朋友食得開心大人細路食左個滿足午餐就去行街街🥰🥰🥰🥰

叫咗個三文魚扒, 同一個羊架跟set. 總共213元正.單係個三文魚扒, 一塊, 吾係大塊, 就已經100幾. 價值略貴. 但味道都算ok. 個羊價算係好食, 有3塊.跟set加$19. 會有飯, 有湯, 有炒菜, 同埋小菜. 都會幾飽.不過服務都幾好. 啲阿姐好有善. 好幫手. 同埋, 個廚師係你面前到燒, 完全感覺到佢係一個好企理, 好整齊既人.有一個小小既問題, 係我其中一隻碟裂得都幾嚴重. 應該都會有幾多污糟野收咗係啲裂縫到. 希望餐廳可以留意一下, 換咗啲碟去.我會話，唔值個價。

兩口子星期六睇晚上七點的電影, 於是選了這間鐵板燒試試看. 到達時差少許才六時, 所以不用等位直接就坐.雖然我在附近工作, 不過未曾吃過這店, 不知食品及準如何.很快便選好了二人餐, 是最經濟的那個, $289包括主食香煎龍脷扒及香煎脆皮雞脾扒, 還有4選2的黑胡椒牛肉片及蒜香薄荷燒蠔, 跟餐加$6便可追加汽水.  點餐後店員隨即送上了日式前菜及粟米湯. 兩樣食物的水準屬普通, 沒什麼特別.約3分鐘後蒜蓉炒時菜便在我們面前了.炒得很夠鑊氣又不會油膩.椒牛肉片, 蒜香薄荷燒蠔全都野味非常.大愛微辣的黑椒牛肉,洋蔥都幾乎被我掃光. 蠔的質感亦不錯, 吃到帶點酒味, 亦為下飯佳品.講到飯, 那碗飯有少許黑白芝麻放在上面, 值得增添些微分數! 單是以上3餸已很豐富, 吃到一半主食出場.龍脷扒完全無雪味,外脆內嫩, 非常驚喜! 雞脾扒便相對較失色....雖然亦夠脆, 不過沒夠鮮味了.差不多吃飽的時間在我們坐位前開爐, 算是欣賞了一會師傅的鐵板燒功夫^^整體來說所有食物都夠野味, 合胃口亦不油膩. 每樣食物的份量也算多, 餸都吃光了但飯則不能完成, 相信多帶一位幼童同吃應該亦夠飽. 埋單原來不用收

星期三放左工，同阿媽約定在 Aeon百貨一齊在超級星期三掃平貨，瘋狂地shopping 後，在Aeon百貨的 food court 搵好野食，睇到有鐵板燒食，好似好吸引，而且排隊的人數又不是太多，大約等了十分鐘左右就有位了～ 揀一款食物後，+$19就是套餐，有湯、小食、白飯，算是幾抵食，又可以睇師傅大顯身手。先送上的是羅宋西湯，質素不過不失，湯只是溫熱，不過入面有好多雜菜、蕃茄和蛋花。小食就是凍的螺肉。之後就是師傅會炒蒜味銀芽和季節時蔬，新鮮的蔬菜，有乾爽的口感。黑椒牛肉片 ($69)，好大碟，黑椒汁炒牛肉片炒得好入味，而且加入了洋蔥和香蔥一齊炒香，味道非常惹味，配飯一齊食一流!醬燒香草帶骨羊架 ($129)，羊架有3件，價錢算是中等又不算貴，羊骨煎到岩岩好，大約是7成熟左右，鎖住肉汁，味道香濃。這間店不用加一，又是一間抵食之選!

今晚兩個人食鐵板燒，餐廳都很多人。點左燒牛肉同生蠔後，都要等十五分鐘左右，看見厨師都忙，所以都覺得無問題。食物水準都不錯，其實都經常光顧但今次覺得最大問題係收銀員態度起初問有無積分優惠，收銀員已經很無禮貌話無，我話之前好似有（其實都係問下姐），個收銀員著晒火話：有啊，但要現金啊.....當然，多謝都唔會有一聲，態度已經很惡劣食餐姐仲要受氣呢到好多post 都話員工態度有待改善,其實真係要考慮改善一下。

同朋友諗住去大戶屋，點知八點幾都要等四連十張，太肚餓就沒乜點諗咁貢左入黎。我叫左最平既餐，$138，牛肉片加魚柳，魚柳ok，牛肉片就太油。朋友叫左個 $258 既餐，牛扒加蠔，牛扒ok，蠔就好細隻。 其餘個餐連炒菜炒芽菜，炒完賣相唔好睇，啲汁大有少少黑色，可能係鐵板唔夠乾淨，我冇食到。朋友係胃食之人，但翌日因腸胃炎入醫院，醫生話食物不潔，朋友話應該係啲蠔有問題，除左菜同蠔之外，其他野大家都share食。

位於太古商場，地下超級市場旁邊一間飽肚鐵板燒由於7點就開始晚餐都唔需要等位～ 客人會圍住廚師咁坐，跟一般貴價鐵板燒大至相同但有少許迫夾同朋友點了個約$499既2人餐每個套餐都會包前菜、炒芽菜同湯俾你去清清個胃再加有一個白飯套餐已經包了有鵝肝再選2個海鮮類再選2個肉類 今次就選左炒帶子同炒蠔味道也不錯，略為濃味另外肉類選了羊架同牛柳粒每一道菜都算大碟，完全足夠2人的份量羊架有3舊，廚房寫得不錯啊～但個牛柳是用黑椒配洋蔥炒，味道其實不錯但真的比較濃味同黑椒味很重2人加埋飲品，埋單$5xx左右。其實還有平一點套餐選擇比起出面一搬鐵板燒是經濟同實惠想飽肚同比較濃味，又想平食鐵板既朋友可以試試～

今天來了Aeon 超市買餸，順道來食埋午餐。點了一個$69 的精選元氣鐵板午餐，選了豉計葱粒燒蠔，午餐附送例湯，炒芽菜時菜及白飯。炒菜很清淡，廚師似是忘記了落鹽，而燒蠔猜不到很鮮味，湯很rich 呀。$69 不用加一，都算ok 的

同媽媽行街行到肚餓就想坐低食野, 媽媽未試過呢間鐵板燒就好有興趣想試試過左午飯既peak hour, 枱上只有幾枱客, 餐廳係一個U型設形, 食客坐bar位圍坐廚師位, 廚師就有三面係食客面前抄菜, 抄完即刻俾你食。 媽媽特登選擇坐係鐵板前想睇廚師抄菜同想暖d,點知個廚師走去另一面抄我地既食物, 媽媽有d失望我叫左花枝蝦仁配蛋既午餐($69),媽媽叫左黑椒牛肉配蛋既午餐($69), 午市套餐係包芽菜青菜同一種肉類/ 海鮮 同湯, 飯,比平時既套餐抵少少未食野之前, 身邊有位婆婆係度呻, 話要求要杯水, 侍應叫佢出去自己取. 雖然餐廳係唔會提供水, 但服務長輩等有需要既人, 幫手jump杯水有幾難? 先黎粟米湯, 之前係另一間分店飲開既係白蘿蔔湯, 有d落差但味道okay再黎抄青菜同芽菜, 份量冇以前咁多,但夠我食, 白飯我叫左少飯, 但侍應話: 算喇. 之後就黎左個正常份量既飯我個蝦仁同花枝都唔錯, 好大件, 數量較少, 拌菜都份量唔少我媽既牛肉就似縮水, 因為加左好多沙嗲醬, 肉份量唔多結果, 埋單都唔平,但呢個地段都係咁既價錢埋單時, 侍應大叫: 最後一枱客走喇, 令我覺得阻住佢地

叫了二人套餐$499包括: 鵝肝，帶子，魚柳，二塊西冷，全部令人勁失望！鵝肝要反煎才夠熟，帶子細細粒雪藏貨，魚柳鬆散無口感，西冷一塊太熟，一塊太生(而我們是叫五成熟)。老師傅欠專業，不在客人面前烹調，求其了事。此間應評為劣食之選！

牛柳超靱，之後的金菇肥牛，超”so “好明顯，食材不好，肉和汁的味道是分開的。其實只是用鉄板抄熟了，再加汁。超hea!炒蝦仁，有雪味帶子只是炒完後放在殻上番茄旦花湯，勁酸。其實鉄板燒最重要是食材，但好明顯，他們用廉價食材。質素和價錢不成正比。我食完第一啖食完個牛後已面有難色，待應見到我，也靜悄悄去問個廚。但當我同佢地反映食物質素有問題，佢是是但但應了我就算。第一次食野，每碟只食了一件就比＄走！呢間真系咁掂！

每星期都會去吉之島買餸，見到超市旁有幾間食店。之前留意到這間鐵板燒有不少人幫襯，包括長者，師奶，外籍人士，上班一族等。自己想試鐵板燒好耐，但擔心價錢貴沒有試過其他。上星期和好友決定去試試這間，我最欣賞是食客可以圍住鐵板廚神坐，一邊食一邊欣賞大廚烹調十分享受。以往我最不懂煎魚煎扒，在這裡可以偷下師啦！中午時段可以order午餐，有不同鐵板燒食物選擇，價錢由$69蚊起，今次朋友選了美國安格斯牛柳，7成熟。套餐有湯，炒雜菜，牛，炒蛋，白飯1碗。份量十分足夠和抵食。我看見旁邊客人還有雞扒，魚柳，豉汁蔥粒燒蠔都不錯。最後帶著飽足的心情結帳。