鐵板燒紗舞縭 (已結業)

諗住行過見有鐵板燒坐低叫咗一個香煎美國安格斯牛柳點知嚟到好似食咗中式炒牛柳有洋蔥還有獻汁我以為自己去咗酒樓食呢一個係單點價錢係$129都冇所謂太令人失望真係唔會有下一次

好耐以前喺太古城美食坊食過鐵板燒，唔知係唔係同埋一間。去到康怡坐低，叫咗銀雪魚，口感好似差少少，勉強收貨。紐西蘭羊架，OK。油麥菜炒得好靚好味。追加炒芽菜，好味。追加澳洲和牛，有筋。沒有期望就不會失望。

返工前想食個lunch先，去左呢間係太古Aeon 入面既鐵板燒，落雨天既關係唔洗等位就食得。一心諗住係鐵板燒應該都唔會太差，點知出到黎個賣相都不太好，隻蛋個蛋黃都係散左🙈 不過個鯖青都煎得ok，同埋都幾大條，算係一餐簡簡單單既午餐。

坐喺前座以為有得睇師父顯身手， 誰不知只開一個爐，咩都睇唔到每個套餐都包左份油麥菜，依個係兩人份量，簡簡單單蒜蓉炒，只要係新鮮，一樣出色金黃色既豆腐， 外脆內綿，而且質地好滑，配埋個sauce,一流！雞件較薄身而且冇味，要點醬食，好采咬落去都有小小脆，唔係唔知食緊咩魚塊稍為好D,不過都要快快食濃烈既黑椒汁，完全cover 左牛牛既味道刀工真係好，西芹竟然可以砌到咁薄，係咁易炒炒，顯得西芹更加好食又青脆， 不過花枝片就韌左D湯既蕃茄膏味重

係太古城收工約左朋友食飯，因為落大雨既關係就決定留係商場到食，而呢間鐵板燒見都幾多人食同幾吸引，價錢又唔算太貴就試一試。佢有好多唔同種類菜式讓你選擇，然後廚師便會即場燒給你吃。而每叫一個菜式就可以加19元變成套餐，套餐包括一碗飯、季節時蔬、粟米魚肚羹和一個螺頭。因為都肚餓就2個人都跟餐了。飯和季節時蔬比較正常，沒有太多好評論的。 粟米魚肚羹就比較淡。螺片就有微辣，那橙色醬汁也是比較大路的味道，其實也沒有很特別。主菜方面，西芹花枝蝦仁中的蝦很爽口，味道唔錯，而且隻蝦就比較大隻，但就得4隻。花枝片同西芹就和普通餐廳酒樓差不多吧。黑胡椒羊肉片就不算很羶，而且黑椒汁也不會把羊味遮蓋，份量很適中。總括來說這鋪的食物是不錯的，但不至於到很好吃和特別，但100元一位我覺得也是合理的。但份量老實說又是不夠，不知為何在港島食野成日都唔夠飽，港島人有那麼細食嗎?XD

之前成日同老公行過都好想試鐵板燒， 但1直都搵唔到機會。難得早放工走左去試下。6點半左右到， 未有客人， 我地叫左個499既2人餐。係有d失望， 諗住食鐵板燒係個客面前燒， 但冇lor。個廚係側邊煎完再俾上黎， 咁同係普通餐廳食係廚房整有咩分別。d送仲要1次過上晒， 個d廚整完就走晒去吹水， 感覺好差。d碟又舊，雖然食物正常，但成個presentation 完全唔覺得值要俾500蚊黎食飯。坐低就俾左2個湯同前菜，個湯太罐頭既茄汁薯仔湯， 飲左2啖就放棄。再上就係青菜正常鵝肝唔so, 煎得脆面。但蝦就霉牛肉粒有牛肉味， 唔會過老洋蔥雞扒就太茶記feel鱈魚較淡味， 唔夠咸。冇下次啦，雖然食物正常，唔太值。

係AEON 行下街見到好耐無食既鐵板燒，就想試下，果然唔好太有期望⋯⋯同男友叫左個$499二人餐，算係menu 上價錢比較高既套餐，菜式包括：1）前菜+粟米湯2）炒雜菜- 正常，略油3）燒三文魚+ 帆立貝 （三文魚表面灑上黑胡椒，魚肉滑及juicy,可是三文魚味淡；帆立貝先拆殼再係鐵板煎，然後移於殼上淋上各種醬汁及蒜蓉燒，可是太多水了，欠鮮味）4）澳洲和牛粒（和牛粒有筋，偏熟略韌）5）煎赤蝦（蝦肉少少霉，唔新鮮，扣左好多分）6）櫻花蝦鰻魚粒炒飯（雖然外貌幾好，有好多材料，但味淡，鰻魚雖大舊但肉唔實，櫻花蝦偏大，男友竟然覺得白飯更好🤭）總結：套餐菜式豐富， 可飽肚，可惜唔太值，主要對食材太失望

諗極都唔知食乜好最後直接搭地鐵去到太古城嘅美食廣場鐵板燒試一試。見到啲客人食鐵板燒：牛扒、龍蝦、炒飯、 燒魚，好好味，而且嗰個味道好香， 排隊需要等咗45分鐘，因為座位有限，加上1.5米嘅距離，等到肚餓終於有得食，其實排隊嗰陣時，已經睇到想食乜啦咁我哋嗌咗個海陸空單人餐，咁就有兩隻赤蝦、 一隻燒元貝，燒魚，安格斯牛扒， 有湯有飯。之後就因為龍蝦做緊promotion嘅關係109蚊試下，另外見到蛋花蔥煎蛋好似好好味，跟住就再加單。當然要有可樂her －her 吓！滿足的－餐。

其實一直都經過，但一直無食過😂真係完全唔知食乜，見都算快有枱，睇落價錢和質素都可以接受，所以就唔多講。。。因為推住一車東西，所以服務員就按排放到購物車位置，真貼💕點了一個豪華海陸空雙人餐首先有個蕃茄蛋花湯，蕃茄濃湯酸酸地，幾開胃，還有一碟附味螺肉唔知係肚餓吖，還是真係太好食😂本人真對蔬菜麻麻地，嚟左碟蒜蓉炒油麥菜，心想這菜更是我最討厭食，但意想不到超級好食。不苦，好香蒜味，所以本人都爭住食😂跟住就到鵝肝喇，鵝肝都煎得很好，唔會一口油，而且軟綿綿，所以真睇技巧因為食過一啲一咬油到阿媽都唔認得羊架4成熟剛好，還保留很多肉汁，不會太騷赤蝦，個蝦頭超多汁，所以小心脫開，否則就錯過蝦頭啲汁喇這蝦煎得不會過柴，硬落還嫩口，多肉汁銀雪魚也是，剛熟就上，肉質嫩口黑椒雞扒平平，但醬汁都好食因為之前落單套餐，還加了一個蒜香牛油雜菌，証明眼寬肚窄😫其實食到雞扒已經好飽😂，不過人總是貪食蒜香牛油雜菌，啲菇菌吸晒牛油蒜蓉味，正這間店鋪上菜不會超快一次過嚟晒，當你食到差不多先上另一款因為啲食物一凍左，幾好食都無用最遺憾就是，唔可以親眼睇到食物點煮，因為店舖3邊bar枱，可能會另一面煮緊自己食物，煮好再攞過嚟這間鐵

真係求其到再冇得求其，行完aeon見到有間鐵板燒，晚飯時間仲要有位咪去試吓囉，坐底阿姐推介有個海陸空餐就試佢，上菜快到你唔信，一叫完就上咗個炒菜，其實我望住佢幾個order一齊做，做多咗一個等人點餐，但係都唔洗咁快，到前菜同湯都食埋都仲要等成10分鐘先有頭盤上，個炒菜都凍哂，頭盤有阿根廷紅蝦同鵝肝，真心要講句阿根廷紅蝦除咗做刺，攞去熟食真係難食到一個點又霉又肉酸，個肝食落粉粉地，應該唔係鴨黎，跟住再黎個洋蔥雞扒，一咬落去真係大開眼界，原來呢個世界真係天外有天 人外有人，記得之前睇地獄廚神，有個參賽者用雞胸做主菜，主題係將件雞胸煮到好似雞脾咁滑，呢度竟然做到呢個效果，將雞脾煮到雞胸咁鞋，當我覺得呢個世界灰到冇得救既時候，師傅遞個牛扒埋黎，可能佢地就係要將你心態搞到谷底既時候，先俾的正常野你食，牛肉眼還可以不過多筋多膏，呢個時候已經冇乜要求食飽就算。

上星期日放假 本先諗住去太古城食飯點知去到先知太古城封左冇辦法之下 就唯有去康怡廣場搵嘢食啦喺超市附近行咗幾間最終揀咗呢間鐵板燒可能嗰日咁啱有事啦所以唔太多人等左大約10分鐘就有位 不過啲位比較迫我哋揀咗個二人餐 ...佢有前菜，雜菜湯 貼一碟炒菜之後有一個魚貼雞扒 雞扒比較淡味同有炒炒雪味..魚都ok..龍脷柳自選我揀左蠔。同埋炒牛肉 牛肉炒得好香蠔都好好味 唔腥份量都幾多 因為每人仲跟左個飯 我哋另外仲加咗個鐵板豆腐..豆腐外脆內軟 推介整體嚟講 平日當晚餐都唔錯

超市內有鐵板燒比較少見研究左佢一陣餐牌 食材總類都幾豐富而價錢都合理於是又試一試相比同類食品餐廳 佢又真係平價啲環境方面情調氣氛一般 因為周圍都係途人但坐底既時候都都係望住個鐵板同師傅整野食都另有一番風味 可以接受 而且可以同左右身邊朋友傾下計都唔錯 食材方面 材料新鮮 最好味我覺得係 牛肉同鵝肝因為即整即食 熱騰騰 由於掛住食 唔係道道菜影晒另外我地有叫到一條魚 我地食食下發現條魚未熟透咁佢地都好好即刻幫我地換另一條待應服務態度良好可以翻食

是日去左太古睇戲,順便食個好午餐~💜💜💜💜💜💜💜💜簡左呢間係AEON入面既台式鐵板燒叫左個單人海陸超值B餐 有帆立貝配燒蝦 靖魚 肉眼扒（套餐配1份菜及飯）☆另外單點了金菇肥牛·蒜蓉牛油帆立貝首先師傅炒左油麥菜填住肚先食落都幾新鮮唔梅之後:📍蒜蓉牛油帆立貝 裙邊燒得脆口 蒜味重啲無咁出牛油味 但夠大隻乾淨 連汁配飯食正正📍靖魚 無咩太腥味 少骨刺 燒得脆皮📍 蝦蝦 大隻 無蝦腸臭腥味 肉質彈牙~ 落啲鹽應該會更加好食📍肉眼扒 簡左7成 都燒足7成比你 肉質嫩口 都重牛味鎖汁 唔會太有味精味道 📍金菇肥牛 唔咸 好欣賞再將卷牛切半 一口一舊整體味道都ok 食物都衛生 價錢都唔算太貴 平民價位坐得都算舒服

康怡Aeon內有幾間熟食店, 為太古呢度多添價錢抵少少的選擇. lunch時間都會同同事過來試試, 而呢間台式鐵板燒也是較多人會選擇, 所以有時也要排隊等候呢.這天剛好只等了幾分鐘就入座. 午餐選擇也不少, 也價錢亦尚算可接受. 最平的套餐只是$69, 已包括例湯, 時菜及白飯. 台式鐵板燒特色就係抵食, 在台中吃過一次, 而且份量十足, 炒菜更是任添啊. 而香港這間雖沒有任添炒菜, 但食過這個套餐, 也甚豐富夠飽了.黑胡椒炒牛肉: 鐵板燒的特色係師傅會係現場示範即炒即送上給客人食. 親眼看到師傅的手藝, 三幾下再加調味, 很吸晴, 當是看表演. 沒有太大油煙味, 而食物本身也不太油膩, 是可接受的. 炒牛肉, 肉質不硬剛好, 洋蔥黑椒汁非常惹味但不會搶喉, 配飯吃一流. 香煎龍俐魚柳: 而煎魚柳, 龍俐魚魚肉軟腍, 煎至香脆肉還是很嫩, 魚油很香,不會腥.我想果黑椒汁也是其獨到之一. 炒時菜會比較覺得油, 但我想是水份也很充足, 快炒後令吃時會覺得特別香口及脆爽. 偶爾也有想起台灣的鐵板燒, 所以我已在這翻吃過兩次, 除一解思愁 , 另外原因亦貪佢算抵食夾大件的

 快餐式鐵板燒認真有趣係台灣快餐式鐵板係好平民既餐廳AEON 太古,也有一間名為鐵板燒 紗舞縭來自台灣既集團聲稱廚師都係由台灣運過來有5個師傅,26個位置平常晚上要排隊的人氣店最平既套餐$149最豪華既係龍蝦和牛餐 $559總數有6種套餐可選,另外也有單點菜式 最大賣點係可以即場欣賞到師傅在席前示範包主菜,飯,湯,麵包,小菜 海鮮套餐有牛油大蝦帆立貝又或者香煎龍利魚扒另外再由4款小炒選2款煎得速度好快,所以都食得幾急幾趕 單點菜式有燒龍蝦尾,西冷,三文魚扒,煎雞翼,炒蛋炒飯其實價錢不算貴,而且份量也多食到中段已經好飽呢! 魚肉煎得脆香,肉嫩,有胡椒鹽調味,食起來更香呢原來餐另有午餐套餐與下午茶餐最便宜一款只要$49起總評價位合理,選擇豐富,有魚有肉,即席料理有看頭鐵板燒紗舞縭