鐵板站

營業中

休息中

垃圾生炒牛肉飯食咗一啖，竟然是生的，血淋淋不用來不用試是否可以叫食環垃圾都不能形容的垃圾影衰香港仲要一句道歉都冇手快快收咗碟生out out 牛肉飯抵佢冇生意唔該快啲執笠真心short

下午搭叮叮入咗黎跑馬地，周圍行見到有間野叫鐵板站，突然之間想食扒就入去試下。入面係好古式既扒房裝修風格，有d大卡位坐都幾舒服。打開餐牌一睇，哇，西冷鐵板餐都係75蚊連野飲重唔洗加一！！重要係跑馬地！！我諗呢個價錢真係唔知邊度搵到！！叫完一陣好快就上咗個羅宋湯同個包，個湯應該係自己煲既，好濃味，入面重有勁多菜。之後飲完湯就上咗個扒，我叫咗三成熟，我覺得係啱啱好既。出面熟透，入面都重係有小小粉嫩既。唔係超巿買個d勁cheap既扒，咁當然都唔係貴價餐廳個d。老實講有d鞋既。但呢個價位黎講係無得輸啦。最後杯凍檸茶就係正常嘢。75蚊埋單抵到😱😱

今日約咗人喺跑馬地，早咗成個鐘，周圍行睇吓有冇地方可以坐低。本來入咗一間高檔咖啡店，睇完餐牌，見到一杯咖啡，最平都要$5x，最後見到呢間，喺外面唔係好睇到入面，諗住求其揀間hea吓。入到去，一陣「噏」味，除咗我同一個阿姐，乜人都冇😅，睇到下午茶餐牌價錢超平，雙拼三文治連熱飲$26，烘底不另收費，下午茶不設加一服務收費，簡直係超值，平到有少少滴汗😅。我當然係叫呢個$26嘅超值下午茶餐啦。我叫咗吞拿魚芝士三文治烘底加熱檸水。坐坐下，嚟吓一個客又再嚟一個，最後有七枱客人。等咗十幾分鐘，三文治同飲品一齊上。例牌相機先食，點知影完呢張相發覺杯檸水有隻烏蠅，好嘔心🤮! 我叫咗阿姐幾次，佢聽唔到，最後，佢行過，我話佢知，佢竟然唔好意思都冇句，仲見怪不怪話：「點解飛咗落去呀？」跟著叫入廚房：「整返杯熱檸水嚟。」埋單嗰陣，阿姐話$28，我問佢點解$28，佢話因為烘底。吓！乜餐牌唔係話烘底不另收費嘅咩？最後佢都收返我$26。

牛扒又梅又冇血水，唔知自己食緊乜。垃圾中既垃圾一入去己經有陣味，諗住佢舊舊地開左咁多年應該都唔會太差，叫左個西冷見到塊扒隻色都唔係咁開胃。一切落去白雪雪完全唔係牛扒應有既顏色一啲血水都冇，唔知雪左幾耐。食落口感有啲梅，唔臭但乜肉味都冇…..個羅宋湯都怪怪地偏甜。真係冇下次…….食兩啖就頂唔順放低刀叉埋單去隔離麥當勞叫多個餐填飽個肚算數。好耐都未食過一餐咁難食既午餐！如果最好味既係10分，我比呢間野1分！最過大家樂啲牛扒…

現在很少舊式歺廳用鐵牛頭鐵板，以為舊式快歺又開左咁耐，應該都可以啩，食左一份T-bone 和一份雜扒，T-bone真係又咸又有D唔知咩味，其實調左味的扒，冇可能可以煮幾成熟囉，雞扒D味道也是有D唔知乜酸臭味，D調味料可能係萬年料，所以臭左也唔出奇，咁多年都冇改善，既然有心經營，唔明點解唔做好D，跑馬地已經冇乜特別好野食，連呢D小店都咁差，冇心機做就真係執左佢算啦！真係難為了住呢區的人，外人也不需要特別入來找野食！真係零分都唔值！

食左個西冷扒餐，首先個白湯hay 到冇味，塊扒生到咬唔開，臨尾叫杯水浪下個口都係鹹既...食完之後睇openrice 先知原來之前咁多人中伏...咁都可以喺跑馬地開咁耐，佩服！

同事帶隊黎食，店內格局係扒房，一望餐牌見到正宗海南雞飯，於是叫左2個海南雞飯，1個炒意粉同日式拉麵，1個雙拼扒飯，等左15分鐘先黎第一個拉麵，真係上面留言一樣鹹到有腎病，越食越鹹，之後再過5分鐘2個海南雞飯到，睇樣正常，但原來最伏果個黎，油飯係完全無味無雞味無飯味，啲雞凍鮮味好重好腥無雞味，完全食唔到，碗湯鹹到死，少意粉鹹到不得了，最後個雙併扒飯完全係快餐店外賣果隻，餐飲係糖水黎，叫餐又遲上，好唔掂！

我們今日食午餐，叫咗45分鐘，都無野食，態度差，焗飯又凍又唔好食。叫咗個海鮮飯，追佢又話d魚未得，足足等咗45分鐘，海鮮飯終於到，結果係魚就無乜，茹就有，仲要係又凍又難食。你追d waiter，係叫佢都無反應，從來都無食過如此難食的餐廳。

叫左一碗日式牛肉湯拉麵及一碗日式叉燒湯拉麵。牛肉湯拉麵鹹到一個點，而啲麵就硬到呢⋯⋯日式叉燒湯拉麵，擺明係港式叉燒煎太陽蛋麵！完全錯曬！叉燒柴皮、煎蛋有鑊燶、湯底當然勁鹹、而啲麵就好硬！最正常係杯熱檸水！起鐵板站食日本拉麵係一個十分錯嘅決定！鹹得好緊要x100難食到嘔x100餐具勁dirty總之一個很差勁的回憶⋯⋯求其煮都好食過佢！點解咁難食嘅野都可以拎出嚟比人食！伏中之伏！好後悔無睇食評😭😭😭😭😭

其實跑馬地就無乜野食嫁姐，多數都唔平啦，但係跑馬地有間食鐵板，而且價錢唔算貴，就試試他啦首先係白湯，係蘑菇湯來，蘑菇食得出係新鮮蘑菇但係真係鹹到痴線Ok到個排啦，我就叫左鐵板牛柳餐嘅，牛柳算大塊，塊肉都淋嘅，不過都係用粉嗱過果種啦，而且都係幾䶢下咁我就揀左配薯菜碟薯菜唔知有無10條呢？答案係無嘅，但係成餐野最好食係個薯菜，不過呢，就好似完全唔記得左咁，要吹他先會整囉，不過應該就係因為咁，我食嘅時條好熱辣辣，脆嘅

跑馬地出名難搵野食，唔係好貴，就係無乜好選擇，特色野食更加少有。今次介紹嘅係專食鐵板的鐵板站。佢嘅門面一啲都唔起眼，好易就會錯過左，要去嘅，係養和醫院附近馬路，行2分鐘就到。入到去，地方唔大，估計最多可以坐到20-30人，其實枱與枱之間的空隙都幾迫，要有心裡準備。叫了個西冷扒，五成熟，上到枱，好熱，塊扒變左7成熟，連薯條都燶埋。但係牛扒反而有驚喜，好淋好入味，美中不足係無得食薯條囉，因為真係燶晒。同埋樓面得一個人，趕時間真係要慎入喔。

星期六晚帶咗個仔去跑馬地馬場打波，之後上Openrice 諗住係附近揾下有咩好野食，因為個仔話鐘意食西餐，我就揾到附近有間叫鐵板站扒房餐廳。初時見到食評，有一半比好亦有一半比差！本來諗緊去唔去好，但睇咗post 上嚟餐牌，D扒餐唔係貴，試咗唔好食，最多沒下次！跟往Google Map 揾，入到去係裝修比較殘舊，天花冷氣係有汚漬。但個waiter 好好招呼，睇到餐牌就四人分別叫咗一份西冷牛扒鐵板、一份什扒鐡板，（有豬、牛、雞扒、半條司華力腸& 一片煙肉）、一份龍脷魚柳鐵扳，可以跟飯、意粉或薯菜，再加一碟焗豬扒飯。餐湯有紅湯或白湯，都好夠熱，自己飲紅湯，D什菜都好足料。個仔都話白湯好味！加上牛油餐飽更正！主菜鐵板餐，有驚喜，好大份量，而肉質味道都唔錯。醬汁唔係自己落，份量剛好，太多自己反而蓋過肉味！最後凍檸茶，茶味啱啱好，唔太濃!餐廳不大，裝修殘舊，但味道，份量和價錢都超值，用餐中，見到聼到應該都係熟客，如果你要食裝修，就唔係你杯茶，我地一家大細，鍾意地道低食就好like! 四個人食咗$368，已經加一！最後補充係，每人喜好都唔一樣，唔好淨睇食評，想食就要去試下！

衛生環境惡劣入到去地下嘅地氈油淋淋黐住鞋底, 廁所連廁所板都甩埋响地上(可能係唔想客人用廁所啦)。鐵板免翁牛柳餐等咗半個鐘, 我叫七成熟但係我見到一舊西冷咁嘅厚度免翁咁嘅size好明顯係過熟嘅牛肉乾! 算啦試一啖可能好味啦...一個字「霉」! 算啦轉個海南雞飯啦..一堆霉嘅雞胸肉同埋骨頭, 點海南雞個紅汁竟然有酒味! 酒精嘅酒味, 唔係酒香嘅酒味! 仲有個司華力腸肉醬意粉我都唔明咁嘅嘢都可以整得難食!! 成餐最似樣嘅只係碗羅宋湯!

這裏的下午茶真是超抵食，特別是在貴區跑馬地。以$40元左右有焗豬扒飯或牛扒意粉等等，另有餐茶，真算是良心街坊店。焗豬扒飯可以比美大家樂的一哥焗豬。這個超扺價，我已經沒有其他要求了！

搬咗去跑馬地，見呢間鐵板站之前有人排隊星期六晚就同老婆去試吓餐廳裡面無乜人，唔駛等位價錢嚮跑馬地嚟講非常平我點咗一個牛仔柳、老婆要焗豬扒意粉等咗45分鐘先嚟（當中有兩枱熟客，又介紹佢哋食呢樣試果樣）老婆話大家樂嘅焗豬扒意好食過佢我果份「牛柳」，根本係用生粉醃到只有生粉味，食一啖肉要飲幾啖水先得🤮薯菜仲好笑🤣一個薯仔切開幾舊，求其煎兩吓未熟、無味（只有萬年油味）可能只做熟客生意不過可以早尐叫我哋唔好幫襯食咗兩啖就頂唔順，埋單走人