312
114
23
影片
開飯介紹
餐廳由台灣人主理，招牌菜為紅燒牛肉麵，湯頭帶牛肉香味及少許藥材味；其台式小食及珍珠奶茶亦有水準。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 22:00
公眾假期前夕
11:30 - 22:00
*截單時間: 21:15
以上資料只供參考, 請與餐廳確認詳情
有關獎賞計劃
相關文章
很久沒吃台灣菜，掛住台灣的味道了，所以今晚跟友人來到這間主打台式小火鍋以及牛肉麵的餐廳，入口位置在地庫又確實比較隱閉，不過店內環境好明亮整潔，卡座位好大坐得幾舒服。台灣本味麻辣鴨血鍋 $138只需一百幾十元左右就可以食到勁多配料的一人鍋其實都算幾抵，可選配西班牙豬肉片或是加$10食安格斯牛肉片，另跟白飯或新竹米粉。呢款麻辣鴨血鍋其實唔算太辣，湯頭好麻香好惹味，配料當然係鴨血最好食，好嫩滑入味；真係好台灣味道的米血糕、芋頭貢丸；其他配料仲有蜂巢豆腐、魚餃、響鈴、娃娃菜等，索滿辣湯汁尤其好食。雙重芝士牛奶鍋 $148好邪惡的雙重芝士，不過食一次半次就無所謂啦！奶白色湯頭上面有大量芝士粒，車打芝士味道好香濃，火鍋配了安格斯牛肉片，牛肉肥瘦適中雪花好靚，估唔到牛肉夾芝士一齊食都幾好食，入口好嫩滑好香。其他配料包括魚豆腐、芝士丸等等，比較特別的竟然有雞蛋，有「營」又好味。鹽酥雞拼夜市小香腸 $48鹽酥雞可能炸粉有點不同，入口感覺沒有太像台灣夜市中的鹽酥雞，當是普通炸雞粒而言都算好食；至於小香腸則已切成片狀再加上蒜頭片同食，都唔錯。綜合滷味拼盤 $56拼盤有齊滷得好入味的滷蛋、軟軟糯糯的滷大腸，以及咬落彈牙的豬耳爽。南投縣百香果QQ $46、宜蘭金桔檸檬蜜 $40其實有見到閏蜜紅豆珍珠奶茶及大甲椰椰芋香都好想飲，但又怕已太飽，都係飲返解喝解膩的百香果及檸檬蜜就好。
繼續閱讀
呢一間餐廳讀書嘅時候已經開始食水準仍然保持到👍🏻👍🏻👍🏻尖沙咀呢一間分店裝修簡約 員工好有善我哋坐卡位 座位非常寬敞天氣都寒冷 見到好幾位食客都點臭臭鍋😋賣相十分之好 我哋都點咗一個嚟食台灣麻辣鴨血鍋 湯底屬於小辣我哋配咗安格斯牛肉片材料非常豐富 有豆腐 魚腐 芋頭貢丸 響鈴蟹柳etc同埋各類蔬菜🥬鴨血非常鮮嫩 同喺台灣食嘅味道係一樣😍鹽酥排骨肉燥拌麵每一次去台灣都鍾意食拌麵 因為嗰種面好煙靭配埋酥脆嘅排骨 口感層次豐富綜合滷味拼盤滷蛋 豬耳 大腸 - 充滿住骨膠原鹽酥雞拼小香腸每一次食台灣嘢都抵抗唔到台灣腸嘅味道好有夜市feel😎食臭臭鍋配返烏龍茶去油膩 檸檬愛玉茶 非常之清新
繼續閱讀
🚩鐵牛台灣牛肉麵冬天就係要食暖笠笠嘅火鍋(●⁰౪⁰●)餐廳位於尖東噴水池附近估唔到呢幢大廈都有嘢食｜而且裝修幾靚仔座位都幾多｜坐得好闊落ლ( • ̀ω•́ )っ〰️〰️〰️〰️〰️〰️〰️〰️〰️〰️〰️〰️〰️🌈台灣本味麻辣鴨血鍋 $148呢個價錢配咗安格斯牛肉片同埋新竹米粉(っ´ω`c)不過原來本身已經有粉絲｜配料豐富貢丸仲有包裹住芋頭｜非常有台灣風味佢哋嘅鴨血都係滑捋捋嘅嗰一種整體口味唔會太辣｜啱晒而家呢個天氣食🌈總鋪師私房牛肉麵 $88金錢鍵｜牛肚｜牛筋｜牛肋條一碗麵可以食齊咁多個部位｜份量都幾大呢個價錢晚市算係唔錯(*´д`)牛肉非常入味｜而且炆得軟爛就算蘿蔔都清甜多汁‼️🌈綜合滷味拼盤 $56一定要有兩三個朋友先好叫豬腸肉厚但係一啲都唔肥膩＼(●´ϖ`●)／豬耳入味而且唔會太硬｜充滿骨膠原🌈鹽酥小拼盤 $56台灣夜市點少得炸物表面炸得香脆一啲都唔會油膩一個拼盤滿足晒你三個願望(・`ω´・)
繼續閱讀
今晚，我和老婆到了一間名為鐵牛台灣牛肉麵的食店享用晚餐，這裡在台灣非常有名，專注於製作美味的牛肉麵、臭臭鍋和台灣便當。食店位於尖沙咀加速威老道96號希爾煩大廈，環境舒適，讓人感受到台灣的獨特氛圍。老婆點了雙重芝士牛奶鍋，這道菜配上安格斯牛肉和新竹米粉，濃郁的芝士香氣讓人食指大動。她還選擇了一款限定飲品——冰草莓牛奶爆珠，清新的草莓味道搭配滑順的牛奶，令人陶醉。小食方面，她點了牛三寶小拼盤，包括大塊金錢腱、秘制牛腩和香滑牛筋，每一口都充滿了肉汁的鮮美。我則選擇了香濃番茄爆蔥鍋，搭配安格斯牛肉片和珍珠白飯，湯底酸甜適中，令人開胃。我的飲品是冰閨蜜紅豆珍珠奶茶，紅豆的甜香與珍珠的Q彈口感完美結合。小食方面，我選擇了鹽酥小拼盤，裡面有鹽酥雞、脆薯和花枝丸，每一種小吃都讓人回味無窮。整體而言，鐵牛台灣牛肉麵的菜品真材實料，味道地道，是一次極具滿足感的美食體驗。這裡的環境和氛圍也讓我們感受到台灣的熱情，絕對值得再來光顧！
繼續閱讀
鐵牛好耐之前讀書嘅時候就已經食過，今次黎到就試下以前冇試過嘅小火鍋先。鐵牛臭臭鍋台灣小火鍋但份量一啲都唔少！當中包括左臭豆腐，鴨血，芋頭貢丸，米血糕蜂巢豆腐•蟹柳，燕餃，花枝丸，響鈴，娃娃菜，金針菇，蔬菜，粉絲，冬菇所以都幾大鍋，而且可以再加點配料。我自己一個食，就選擇左配米粉，跟安格斯牛肉片。 臭臭鍋湯底唔會好辣，帶少少臭豆腐嘅香味，幾適合用黎煮其他食材。 當中我最喜歡嘅就係蜂巢豆腐，豆腐愈煮愈索得多臭臭鍋嘅湯底，鴨血都相當彈牙。牛肉滑嫩。鹽酥小拼盤鹽酥雞花枝丸都炸得岩岩好，唔會太乾。脆薯有梅粉，食落油膩感大減，甜甜地酸酸地，岩哂想一次過試幾款小食嘅人。檸檬冬瓜茶火鍋都比較重口味，所以選擇左清新解渴嘅檸檬冬瓜茶，酸酸嘅檸檬加上冬瓜茶嘅清香，滿足！
繼續閱讀