鑽石餐廳 (已結業)

尋晚女朋友話要同佢既朋友仔聚舊,話要去旺角食西餐,心唸唔係去耳粉屋呀...?!點知俾人帶左入女人街,小弟真係好少入裡面搵食,可能係心理上覺得衛生環境會欠佳,點知去到門口再望一望入面....嘩....乜女人街有間咁既野既咩?!最深刻係果啲水間吊燈同鑽石形酒櫃.好高貴既感覺.入番正題,我地一行三個人,兩女一男,叫左個泰式豬頸肉沙津,三文魚扒,同一個唔知咩既海鮮長通粉,上菜之前當然要整番個湯先啦,佢個累松露湯好正,不過如果可以再熱多少少就更好咧,我亦鍾意佢片包唔會好似同類型餐廳蒜蓉太重,事關我都唔係太接受.再黎就係果個沙律,豬頸肉有口感我就唔大題咧,因為我未聽過豬頸肉都可以整得唔好食,不過反而個沙律就要讚一讚,有啲餐廳落醋唔係太多就係太少,呢個酸度適中,而且佢似乎落左啲黑椒所以要啲咁多辣味岩番我地男仕既口味,終於有番個唔係剩係岩女仕食既沙律咧.到個三文魚扒,呢個真係要推介一下,事源當我地點餐既時候有一位男仕行埋黎,起初我以為佢行錯枱,重話我地知呢個個三文魚扒好正一定要試,點知原來佢係果度姓楊既老細,起初因為我女朋友有啲怕腥,但佢話呢度既三文魚扒係唔腥既,重話試過之後就會知道魚呢家野係可以唔腥

因為唔知食乜好, 所以就上OPENRICE搵, 見佢咁多笑笑就決定黎試下啦!行到餐廳門口先發現之前經過過好多次但無一次有諗過要黎幫襯!坐低左望下個餐牌, 發現價錢一啲都唔係旺角區價錢! 叫左個湯, 但一啲都唔夠熱, 只係暖暖地, 而且好稀無乜料, 個蒜蓉包仲衰, 直情係又硬又凍又乾...大蝦天使面份量小而且又係凍既...味道...過得去啦...成餐飯最OK就係呢個牛排, 軟硬度適中, 味道OK...

上星期去左女人街入面果間“皇后餐廳”食，嘩，難食到呢，今日見到佢竟然有人排隊，真係多謝晒~~上次經過呢間“鑽石餐廳”，男友今日話食，我唔想諗太多，就梗係話好喇~~其實呢間野都開左好多年，成日都經過，但係就從來都冇入過去食~~今日第一次，真係覺得唔錯，但係價錢就真係貴左D

今晚途經旺角，朋友建議往女人街找食肆，揀了很久，終於決定去鑽石餐廳，因為貪他地方光猛整潔，而非像同一條街的其他部份食店般，暗黑又擠迫，而且DIF的價錢好像不算太貴。晚飯套餐由大約$100至$200之間，選擇算幾豐富，除了傳統扒餐外，又有很多的意粉款式，最驚喜是有一大個Vegetarian Corner，有8-10款左右的素食選擇，剛好我想清一清腸胃，便在這個Corner內點菜。我選了「摩薩芝士焗什菜闊麵」(單點$98 + $25變套餐)，什菜色彩鮮艷，材料豐富，數得出的有甘筍、茄子、西蘭花、生菜、雜菌、洋蔥、三色甜椒、粟米、紅豆等，質感有硬有軟，有嚼勁，又有香軟感覺。而摩薩芝士一般比較鹹的，但幸好不算鹹得過份，只是芝士份量略微少了點，但味道還夠香濃的。至於闊條麵，質感爽得來又不失彈性，中規中䂓。餐湯和蒜蓉包，在沒有期望之下，也算交足貨。這裡的侍應幾有禮貌，幾親切。食物整體來說，不能說是十分美味，但令我覺得滿意，有種可以再來臨的感覺。

當晚諗唔到食咩就決定係通菜街搵食禁岩行過見到裝修幾靚就試下啦~入到9成都係卡位,去到唔洗等位一入到就見到呢個全日餐~第一下就覺得洗唔洗禁貴丫?!佢又唔係鐵板上,,感覺真係偏貴囉!!同其他扖房一樣,套餐跟餐湯同飲品點完餐就好快到了~紅白兩湯都好飲~蒜蓉包籠仔上幾得意!!BF點左呢個'燒焗牛仔脾配黑淑汁配薯菜'牛仔脾好淋,黑淑汁唔算太辣,但食完唔係好飽~我就點左'馬來西亞虎蝦球天使麵配海鮮忌廉汁'蝦球爽口有少許雪味,個海鮮汁其實偏啖,,好似仲有少許蟹柳!!唔算難食..但真的好一般~~之後點飲品時侍應話特飲半價,之後就加左2杯..士多啤梨奶昔同芒果雜飲兩個都唔好飲,好明顯係開粉沖嫁囉,仲要2杯加左我成40幾蚊~由於佢收碟好快,,禁我唯有賣單走人!!賣單個陣佢根本上係冇比過張單我睇就趕住拎走d錢囉~~!禁就330蚊,,好唔值囉!!

起初因何而來到各家餐廳，大多數我都已經記得不清楚了，而這一家，是我少數地記得很清楚的一家。已經是不知多少年前的事了，我當時的女友是一個性急，也隨性的人，與我不同，她對吃沒什麼要求，通常一起出街去到吃飯時間都會上演一場戲碼。只要她餓起來，則無人能擋，孩子氣的一面也盡現，她會左指右指，每經過一間食店就會指著它，說：「就這家吧！」。起初我也不為意，但經過兩次中伏後我就知，只要是冷清的餐廳她都會指，當你否決時，她就會兩指下一家，去到哪，指到哪…最後我終於忍不住警告她：「我已經受夠了，你別再給我亂指一通，我告訴你，以後都不會有民主了！」是她的魯莽，導致民主的消失，我認為，最差的帝制與最差的民主之間，絕對是前者比較好，到時如果中伏的話，就讓我這個皇帝受批鬥吧！死在自己的手上，我心甘情願，死得也瞑目，然而被愚民所害死，我則心有大大的不甘啊！在食事上行帝制的頭幾周，一切都進行得很順利，然而之後我卻明白皇帝並不易做，在決策上要花上很大的腦筋，滿足自己的慾望同時，又要確保那愚民沒有怨言（誰叫我只有一個人民），可能我真的不是做皇帝的料呢。所以不知何時的一晚，當我堅持要吃特價放題時，那愚民就乘機發動革命，推翻

本身對旺角ＣＡＦＥ冇咩期望因為好多都普普通通但今次出奇地好味道！好多野食，咩西式種類都有，ＰＡＳＴＡ呀，飯，小食，湯，主菜，沙律我地選擇困難症足足睇左成１０幾分鐘先簡到因唔太肚餓只要左沙律，同個墨魚麵煙三文魚凱撒沙拉好新鮮既菜同三文魚有稀稀既汁（橄欖油、大蒜、檸檬汁和碎乳酪）好清新蟹子一口牛帶子墨魚麵初時仲怕食到成咀黑哂原來佢係白汁煮墨魚麵夠彈牙，撈埋蟹子食啖啖都食到佢既爽同甜一口牛其實都幾大塊同成個意粉好夾好好味好滿足＝］

We ordered Foie Gras which was so so and a Seafood Cream Pastry Soup sadly lacking in Sea Food as out staters then for the main course my wife ordered the T bone steak which did not look like the sample, we asked for it to be cooked mediumhowever as can be seen from the Photo the cooking left a lot to be desired I ordered the leg opf Veal, the patatos were not cooked enght again ther meat was really undercooked. Overall I would say the cooking was really Poor

同事舊同事一行四人約在旺角晚飯，又係大家無意見之下，記得之前經過門口都幾靚，就提議左呢度。環境濶落，坐位間隔都幾好，餐廳標榜既鑽石感覺就吾多覺，反而有d日系西餐廳feel。打開餐牌選擇都吾少，見有四個人就順勢先叫幾個小食。黑醋青瓜、炸芝士、煙三文、侷茄子、同埋一個三文魚夾薄餅。另外叫左鵝肝忌廉汁石鍋侷飯同極黑豬西冷石鍋飯。小食分量比較細，但味道不錯，先來黑醋青瓜，健康醒胃一下。炸芝士呈橢圓形有點似鵪鶉蛋，外脆内暖。芝士感覺濃稠，good。煙三文加上香料腌製夠入味，口感不俗。石鍋飯上擡香噴噴，感覺暖粒粒，鵝肝方面，我個fd吾小心將個飯搞勻左，當我o左嘴無得原塊鵝肝“趙”，想閙人之際，效果又出乎意料地好，鵝肝同忌廉飯融入左，加上餘溫作用，都真係幾香。相比之下黑豬西冷飯就失色左少少。後來再enocore左炸芝士同侷茄子，就完成左呢次聚餐。買單五百四十幾，今時今日物價飛漲，都不能要求太多，收貨。

煙三文魚黑松露沙律一流，個黑松露醋嘅味道調校得剛剛好，香氣加鮮味，可比美星級酒店的餐廳水準。主菜較喜歡炭燒豬扒，好淋滑，夾埋伴碟嘅洋葱再點豉油，好好味。燒三文魚扒是另一絕,外皮香脆但內裡仍然是魚生，兩個食法。主菜當然還有牛排啦，西冷及牛仔柳各有千秋，西冷味道較濃，牛仔柳肉質較滑，師父燒牛排功夫一流。若果要吃飯，可選香草雞石窩飯，雞肉夠嫩，飯夠香。意粉我會推介大蝦忌廉汁意粉，隻隻頂級大蝦，用料十足，忌廉汁香而不會溜口。甜品首選合桃笆菲，一件我自己就一定唔夠。若果伴碟的薯菜可讓客人自由選擇配搭便更理想。

好耐之前，呀蘇仲嚮有線做0既時候，見到佢介紹呢度，主打仲要係鵝肝，我就心思思要黎。一次巧合，我終於搵到，於是同女朋友去試菜，第一個感覺係呢度係真材實料，d鵝肝不俗，所以我地都不時幫襯。但由上年年尾開始，呢間野d水準不斷下降，我本想俾多一次機會佢，但今次真係失望到不能接受既地歩，直頭係絕望。鵝肝又細又燶，要求更換，又俾返一樣俾我地。失望既唔止係食物既水準，特別是老闆一副趕客既服務態度！好似曾經被一個人打動，但佢又一次次咁傷透我嘅心。我決定要離佢而去，以後都不會再幫襯！！！

今次無帶相機，電話又無電無影相都要寫下雖然唔係好多人, 但如果朋友仔唔係一早訂左檯walk in 都隨時無位位置坐落於狹窄小巷毫不起眼但內裡竟有著或多或少的懷舊色彩水晶吊燈、舊式車卡位。。。滿有味道Set dinner 有十多款選擇粉麵飯樣樣俱全各有蒜蓉烘包一片及餐湯+主菜+餐飲蒜蓉包用小竹籠盛載平時竹籠都係酒樓用黎載住叉燒包依家載住烘到好脆身既蒜蓉包好得意主菜我點了大蝦忌廉汁意粉有4 大隻大蝦喔!! 勁爽口tim不過個忌廉汁就唔rich lu… 忌廉意粉要杰杰地先有口感朋友仔肚餓死了主攻了烤豬肋骨配白飯豬肋骨長到比手掌更長, 好驚訝不過就唔多肉無論咖啡定檸檬茶都帶點苦澀應該是茶底功夫不足矣

下午3點幾唔知想食乜所以從回飯堂,見到有三文魚吃就叫了挪威鮮三文魚鮮茄忌廉汁意大利粉,男友就要了燒牛仔脾吞拿魚忌廉汁伴日式炸帶子配意大利粉,過咗5min就有得食,我的挪威鮮三文魚鮮茄忌廉汁意大利粉,三文魚塊都有幾片,食落都幾滑,因為見親d三文魚炒飯都係得碎粒,所以對這種5蚊銀size的三文魚都幾滿意,食落有點微酸,配菜有點菇片,洋蔥和甜椒片,整體吃起來很開胃又好味,份量都有8分飽相對男友的燒牛仔脾吞拿魚忌廉汁伴日式炸帶子配意大利粉,望落比我的大碟一點,意粉只係普通焯過,加上汁只加在牛仔脾的位置,有點不夠汁的樣子,牛仔脾肉相當嫩口,好吃,配菜也醃得好吃,也相當不錯吃!不過肉太少吃得不夠過癮,多番少少就好了

之前跟朋友試食鑽石餐廳,, 覺得價錢合理而且味道亦相當不錯!! 所以便來寫一下食評了!覺得特別的是它的蒜蓉包是用蒸籠上,, 味道亦很不錯!! 因為難得跟朋友吃飯想吃得好一點,, 所以我們還叫了酥皮湯和焗薯蓉田螺。酥皮湯的酥皮算是很鬆脆,, 而忌廉湯的味道亦很濃郁!! 但是田螺就很一般,, 我覺得好像焗得太久了,, 有點兒乾!!主菜方面我叫了芝士菠菜千層麵來吃,, 芝士很多讓人吃得很滿足,, 而且整個配搭真的很搭配,, 唯一可惜的是有點膩吃不完!!朋友們叫的墨魚麵和天婦羅蝦芝士焗飯看起來很不錯.. 但是吃墨魚麵的朋友說其實整個麵的汁有點兒不夠,, 而天婦羅蝦芝士焗飯則還可以,, 只是天婦羅蝦本身有點炸皮太厚,, 咬開就發現蝦其實很細隻 原來最好吃的是我那個芝士菠菜千層麵!! 雖然另外2個朋友覺得不是太好吃,, 但我們還是覺得以這個價錢吃到這樣的食物也已經很不錯了!!!!!

今天又來這個飯堂開餐,這次就揀了和之前不同風味的午餐來試,男友揀了自家製漢堡扒伴蟹柳黑椒汁闊條麵,我就揀了意式焗雞扒飯,在我拿出相機想拍照影低自己叫咗乜果陣,條友立即收餐牌(完全沒有理我在望著他),有必要收得咁快嗎?看不到我在拍照嗎???想起門口出面都有餐牌可以影就算了,過了一會,東西都一起上了,我試一試自己的意式焗雞扒飯究竟是什麼味道,第一口的感想是,在吃pizza?那種蕃茄味和芝士湊在一起的感覺由如在吃pizza表面那層,這就是意式的味道?大開眼界,配飯其實算很開胃,酸味很夠,雞扒都很淋好吃,但我還是覺得這種味道配pizza最好,笨蛋的是我配了奶茶,我應該叫檸檬茶的,因為我通常吃酸野+奶都會搞肚子,最後當然不出所料男友的那個自家製漢堡扒伴蟹柳黑椒汁闊條麵雖然不錯吃,但對越來越大食的他,這個size不能滿足他了,所以會少來一點了