長洲平記

營業中

休息中

去長洲一定要食糯米糍，我覺得最好食都係長洲平記啦！之前去親都係食芒果口味，嗰日咁岩見到有期間限定嘅水蜜桃口味，糯米糍外皮同食開嘅一樣又軟又糯，size比芒果口味要細粒啲，咬開之後聞落冇乜水蜜桃香氣，食落去係脆脆地嗰種都幾清甜嘅，應該係中國水蜜桃，唔係我expect嗰種軟綿而多汁的，不過都ok好食嘅! 就快到暑假，大家又可以去試吓呢隻限定口味啦！

長洲除左出名大大粒魚蛋之外，就係芒果🥭糯米糍啦！雖然都有幾間，但最出名最多人排隊既就係呢間平記。有好多款唔同口味，但個人最鍾意都係芒果。入面舊芒果大大舊，皮薄料多。Mango mochi is one of the most famous food to eat in Cheung Chau apart from the big fish balls. This store is my favorite, I come here every time I’m in Cheung Chau, I usually get the mango one coz they put a big piece of mango in it.

講到長洲嘅手信大家一定係諗到長州糯米糍其實都唔明點解長洲糯米糍咁出名但佢又真係特別好食個皮特別煙韌去到長洲會發現有好多店舖都有賣糯米糍但我自己次次都會去最出名嘅平記買 信心嘅保證🥰每次唔係食芒果糯米糍就係食榴槤糯米糍外皮超薄又好煙韌同埋我自己係唔鍾意食椰絲所以長洲糯米糍係特別吸引我更重要嘅係餡料豐富芒果夠甜 榴槤餡係用金枕頭超級香榴槤味隔住個發泡膠盒都聞到市區賣嘅聲稱長洲糯米糍已經到$20@1件但長洲都仍然賣緊$15@1件去長洲必食推介🤤🤤

誤打誤撞居然我哋book咗 #元宵節 入嚟 #長洲 #渡假 三日兩夜，一場入到嚟，點可以唔試吓長洲 #馳名 嘅 #糯米糍，就趁星期五啲 #遊人 仲未擁到入嚟，#輕輕鬆鬆 唔使排隊就可以買得到✌🏻我哋要咗 #花生、#榴槤，同埋 #芒果 三個口味😉 #小秘書 對 #花生敏感，所以只可以試到榴槤同芒果兩個味道🤨 估唔到唔係時令嘅季節，啲榴槤肉都可以咁creamy🤤 #芒果糯米糍 比較大件，#果肉 比例都唔少㗎，而且都幾香口， 同市區買到嘅「長洲糯米糍」，的確有好大分別🤤 誤假偶爾放肆吓，都唔係太過分啫👉🏻👈🏻

行完長洲最後緊係去買糯米糍啦🤣好多人排隊買～～我地買左「芒果糯米糍」同「榴槤糯米糍」。但宜家芒果唔係當造😓 芒果好酸同唔夠熟，好多纖維好多根！！唔建議買住💀

長洲最出名嘅一定係芒果糯米糍，去到長洲當然要食下啦。我買嘅係長洲平記，佢哋最受歡迎嘅都係芒果糯米糍，舊芒果好大嚿，又甜，皮薄餡靚，果然係必食。佢地仲有好多口味揀，有榴槤，紫薯，士多啤梨，花生，奇異果，香蕉，火龍果，另外仲有Oreo口味添。如果唔係食到好飽，仲有胃口嘅，都可以買其他未試下。下次最想試嘅係Oreo味，因為出邊比較少有。另外，仲見到好多人嗌巨無霸芒果沙冰，睇落都吸引嘅，好大杯。不過因為唔想飲太凍嘅嘢，所以最後都冇叫到。

入左長洲行個圈，見到哩間特別多人排隊 😳😳😳 緊係要試下味啦 ☺️睇落以為鋪頭細細，應該只係得糯米糍賣。行近啲睇，原來好多選擇 😳😳😳👍🏻 就咁糯米糍都已經有8款選擇，而且味道都好特別👍🏻 相當意外！仲未計佢期間限定先有嘅Oreo 曲奇味糯米糍 👍🏻今次試左最多人買嘅芒果糯米糍、榴連糯米糍同埋芒果巨無霸沙冰 😋😋😋誠意推薦芒果糯米糍，比榴連糯米糍大1/3 之餘，真係可以做到皮薄餡靚！包住嘅芒果相當足料，皮薄之餘又唔會穿窿 /爛左 👍🏻👍🏻 而且好好味！另外，榴連糯米糍雖然比較之下，細份啲，外皮厚啲，但係都相當足料，都好好味 😋👍🏻今次冇影芒果巨無霸沙冰！但係都想推薦俾大家！因為哩杯巨無霸沙冰又係好足料！大大杯，好夠味！自己一個飲唔晒 😂😂😂 除左芒果沙冰之外，仲有其他選擇！！！買完或食完之後，人龍有增無減🙈真係要俾少少耐性同預返時間喇！仲有嘅係，其實佢真係比我想像中多好多選擇 😂 好多都想試！焦糖芝士雪糕撻、西米露同埋QQ杯！☺️下次再黎嘅話，希望可以試埋其他味嘅糯米糍同焦糖芝士雪糕撻，好特別❤️！

次次去長洲 都一定要食大大個糯米糍如果去食 點可以唔揀出名嘅 長洲平記呢🙈呢度嘅糯米糍好足料 真係可以話係皮薄餡靚😋芒果糯米糍 有好大塊芒果係入面 🥭而且買左8舊糯米糍 8舊都甜🤪所以唔驚買到變壞嘅芒果🙈其實口味都有好多 唔一定食芒果味佢頌有 香蕉 士多啤梨 奇異果 同Oreo 每個都係15蚊左右 唔算太貴所以可以一次過試幾隻味😎😎😎另外 因為多人要排隊買🙈記得淨係收現金同八達通 所以排隊個陣 要準備好想點樣俾錢同攞定足夠嘅現金 😌😌😌

趁秋意涼涼地，同男友長洲出走一下，疫情港人未能外遊，果然迫到離島人山人海。繼早前食完魚蛋食埋甜品，再來這店一杯飲品啦，依間都有少少人龍的，但排一陣好快到，效率奇高~芒果巨無霸沙冰 $35諗住叫杯飲品二人分享，就揀左巨無霸級沙冰，仲想像緊1000ml有幾大杯時，店員就已經遞左俾我，真係超大杯，二人飲都有排飲。味道方面，好彩唔係太甜，否則甘大杯飲到尾應該會甜死，淡淡芒果味唔算好濃，飲下解渴都唔錯。oreo糯米滋 $15當島上間間店都打正旗號賣芒果糯米滋，見到依間有期間限定oreo味就梗係試下啦。 充滿期待咁咬落去。噢！皮太厚了，滿口只有糯米粉團，而餡料太少了，大失所望。

出曬名嘅糯米糍！但可能係閒日！所以都唔多人嚟食糯米糍！反而見啲人食冰！我哋選咗芒果糯米糍及榴槤糯米糍！網上已經見到食評話芒果🥭酸！朋友都話唔甜！而我食嘅榴槤糯米糍味道唔算突出！但我們一致認為皮偏厚！不過$15/件尚可接受

又長洲買到返屋企嘅糯米糍，一打開個盒，就發現水蜜桃糯米糍散晒，快被外面仲癡咗一點點黑色，勁似跌過落地下嘅款！仲要好求其咁用張紙巾包住，同芒果糯米糍嘅包裝唔同！！

黎到長洲，芒果糯米糍係唔可以唔食嘅，不過偏偏我今次就係唔食，飲左杯鮮果沙冰，芒果糯米糍就留返比我老公食。芒果糯米糍。未影得切相已經擺咗落口，咬咗一啖，真係會失望，芒果唔甜無味仲好酸，係糯米糍果皮甜，但係食落口真係唔好食，質素真係大不如前菠蘿沙冰。依個真係Good，杯沙冰大大杯又夠味，飲洛口除咗有菠蘿肉之外仲有菠蘿味，加上天氣熱，沙冰融左之後，菠蘿汁飲晒之後剩返啲冰都有菠蘿味，唔似得出邊部份食肆飲晒啲汁之後得返個冰，呢個真係除咗芒果糯米糍之外，另一樣值得試嘅嘢

去到長洲一定要食芒果糯米糍，芒果糯米糍真係一個好令人難忘嘅美食，皮薄餡靚就係芒果糯米糍嘅秘訣，依間嘅芒果糯米糍質素唔錯，如果要我推薦，我會推薦大家食最大嗰個芒果糯米糍，因為芒果嘅大小好影響口感，如果芒果太細，一啖食晒成個糯米糍，就好冇癮啦！

之前有friend介紹呢間糯米糍好好味，所以嚟親長洲都會買嚟食🤣買左芒果糯米糍同埋榴連糯米糍😂大大粒糯米糍好軟滑，芒果幾香～榴連糯米糍都好重榴連味👍🏻之前試過紫薯糯米糍就麻麻地🙈

長洲必食芒果糯米糍，大街有很多間賣糯米糍的，最後選了這家在長洲冰室旁的平記。糯米糍有七款：芒果、榴連、紫薯、花生、香蕉、士多啤梨跟奇異果。點了一個招牌芒果糯米糍（$15），見店面海報的焦糖芝士雪糕撻貼上售完，好奇問店員要多早到才買到，她竟說其實還有，於是又買了一個試試看（結果非常後悔！）先說芒果糯米糍，其實糯米糍做法很簡單，好吃與否很大程度取決於𥚃面的水果。大大粒糯米糍有手掌心大，外皮軟熟夠薄基本合格，可惜芒果太酸，完全不夠熟，平日在香港市區買到的芒果糯米糍反而更好食。就當芒果不當造，但另一款甜品亦令人非常失望。明明叫做焦糖芝士雪糕撻，但完全沒有芝士成份。底層是完全不脆的室溫撻皮，固然不是新鮮焗起，甚至可能已經放置一段時間。上面有半球很普通的雲呢拿雪糕跟焦糖，毫無誠意可言還賣$25，有點過份。下次不會再試。