長洲張記

營業中

休息中

前幾日揾食去咗長洲張記，爆晒味蕾嘅魚蛋河🍜，真係揭起我童年嘅回憶！湯底味美鮮甜，清新得黎又唔油膩，真係解渴又解饞！啖啖嘅魚蛋，鬼咁爽彈，仲有魚片，嫩滑得滯，蔥花香氣同冬菜嘅鮮味咬落就更惹味啦！記憶中既河粉，依家食落依然幼滑，真係過癮到不得了呀！食落麵條又有韌勁，同以前差唔多，但可能大咗，覺得碗細咗少少。咁香口既麵，唔洗太複雜既調味都一流！啲餛飩仲要提一提，餛飩皮滑嘅，蝦肉又新鮮，清湯掂過泡菜啦！今次冇排長龍真係好彩，得閒一定再黎呀，希望下次味道依然準，唔好話我食多咗就唔記得昔日味道嚕！😄🍲👍

嚟到離島呢間肯定一定要打卡，落船冇幾遠就見到呢間張記魚蛋。魚蛋就唔洗講一定要食啦，真係好夠彈，打乒乓波都得啊，分量都係好足，好扎實！聽啲夥計口音貌似有幾個係潮州人，不夠聽唔出邊個地區嘅口音 ，食完啱啱好望住日落，心情靚晒

去過好多次長洲但一次都無食過魚蛋粉，行到熱熱地就隨機搵間餐廳坐低休息食嘢。.🍜魚片頭墨魚丸河粉墨魚丸有驚喜，食落唔會好多粉漿，爽口彈牙，有墨魚鮮味，好食！魚片頭大大嚿，有鮮甜味。可惜嘅係河粉煮得太淋，影響口感。.🍜魚蛋雲吞河粉魚蛋係潮州魚蛋做法，食落一樣有鮮味，但相比之下，鍾意食墨魚丸多啲。雲吞正常味道，無咩特別。.兩碗麵嘅湯底都偏淡，要加返幾滴辣油搭夠先得。.呢度無套餐，飲品要另叫，我哋覺得偏貴，所以無叫到🙈🙈🙈

長洲假期下的1959年有歷史的正宗懷舊潮州魚蛋行過路過，睇吓食乜之際，見到有間咁有歷史嘅潮洲魚蛋，我咁鐘意食魚，當然要食吓。入到去，就一定要點潮洲魚蛋……😝1⃣️自家製手打魚蛋……..細細個先食到D咁有傳統嘅魚蛋2⃣️自家製手切肉鮮蝦雲吞：兒時的味道.. 兒時的風味👍3⃣️自家製魚片頭：4⃣️自家製手打牛丸：5⃣️自家製炸魚皮：每日新鮮炸，又香又脆又鬆化———————-有歴史又有風味…吃出兒時的口味😋其實開心🥳簡…單就在你身邊..食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-

假日一天長洲遊，尋找兒時回憶，落船即去張記整碗雙併魚旦粉，平日上午冇客，全店只得我一人。魚旦腥的、魚片頭腥夾好鹹，滾水湯底，失敗中失敗，遠道而來失望而回，老字號的衰落。👎👎

張記最出名的是墨魚丸河粉。於是，我就來這裏嘗一嘗。這樣的一個又熱又濕的下午，其實胃口不是太好，中午的時候要吃飯，想吃廣東四保，河粉應該是最適合的了。長洲的cheung記墨魚丸河是相當出名的。我中午到達的時候，人不算多，但係天氣仍是很熱。這裏的冷氣不是很大，但總比對面的大排檔舒服。這裏的價錢不算貴，我坐低就要了一碗墨魚丸河粉、奶茶、魚皮。我坐下聽到旁邊有位叔叔來就叫墨魚丸加底，我就想搵份是不是很少的。到我的食物來了，如果光吃一碗墨魚丸河粉肯定不夠。四粒墨魚丸和河粉再加埋一碟魚皮我都覺得剛剛好。墨魚丸的確偏小，比一般街市買的是細了一點。但是比較彈牙。魚皮就分別不大，河粉就沒有港島南的好味道。湯較為清淡，必須要加腩汁。簡簡單單吃完一餐。其實這裏座位談不上舒適，環境也一般。雖然說價錢不算高，但是以份量來說，就覺得比起外面的粉面店舖貴了一點。其實粉麵都是外面運送入來的。就是長洲的很多魚蛋和魚皮是自家製的。而路邊賣魚蛋的店鋪的大魚蛋反而是外面進口的。下次可以試一試。

長洲。。近日熱門嘅地方～平日入到去，人流似疫情前既假期～比預期中多人。一落船先食返碗魚蛋粉先～🥢墨丸米粉：墨丸混入左芹菜，增加左唔少口感～米粉係我最鍾意既粗身米粉，條條分明。🥢魚蛋河：好特別有塊炸雲吞皮，魚蛋失色，偏咸，有啲失望，河粉係闊身，唔會一夾就碎。🥢雲吞河：細細粒，真係做到一口一粒，有蝦味，食得過。🥢炸魚皮：同平時外面食既有少少唔同，似自家炸，有啲會炸到卷埋左，就因為咁，所以有啲會變un 左。

張記 1959老字號無得輸，長途跋涉黎到長洲一定要朝一朝聖，必食粗麵幼麵河粉無得頂！山長水遠都唔知幾多年後先再到訪，無論如何都要執多幾劑先！凍豆漿，豆味突出，最緊要幼滑不太甜，那就合我心意。辣椒油，香辣兼備真的欲罷不能！想一啖一羹，奈何實在太辣，忍手兩羹就好，太辣肚仔痛就不方便了。魚蛋魚片粗麵，質高白雪雪彈牙魚蛋，咸鮮宜人可愛，魚片同樣鮮味，有著軟滑的質地。炸雲吞皮就真係有點多餘，贈我炸魚皮就另作別論。牛腩粗麵拼幼麵，幼麵已經極爽極彈無異味，捲著蛋香滑溜粗麵更如虎添翼，再有腩汁及濃郁辣椒油加持，啜得暢快只能閉目享受。柱侯牛腩鬆化，清香汁液完全滲入每個細胞，美麗和味。牛腩雲吞撈麵，鮮蝦雲吞一口過滑嘟嘟，蝦爽肉甜。牛腩雲吞撈麵，勁爽幼麵撈埋大量勁辣辣椒油再夾著牛腩塞入，味道混和更精彩絕倫！魚蛋魚片河，清湯散發魚蛋的咸鮮味，整碗拿起讓嫩滑長長河粉跟靚湯掃入嘴仔，填得脹卜卜，幸福美滿！蠔油生菜，色香味欠奉，粗糙厚厚葉片，欠缺爽甜味道，全靠蠔油吊吊味。淨河粉，清徹的湯底味道香濃，就算沒有腩汁沒有辣椒油，美味依然。魚蛋墨魚丸河，墨魚丸亦一絲不苟，微彈食得到墨魚味道，有質素不太粉。三寶麵，還以為係牛

去到長洲都好想食d特別野，係碼頭出黎轉右直行，見到呢間食粉麵，寫住正宗潮州魚蛋墨魚丸，就入去試下入面簡單地方沒有特別裝修，坐底後就叫左魚蛋墨魚丸麵，係等候期間，感覺唔多乾淨，枱面好黏呢度雙拼$38，由於地方感覺唔良好，都沒有叫飲品，祗係叫佢俾杯熱水浸筷子麵嘅湯底一般，祇有鹹味，魚蛋係潮州魚蛋做法，但魚蛋同墨魚丸好似一樣味道，真係分唔到係墨魚丸🤔麵質有點軟身，無平時係粉麵店食到嘅爽口，所以令我有點失望

以前食魚蛋粉，好鍾意鹼水麵帶俾我嘅feedback🤣食完嗰刻會有種好涼帶小小薄荷嘅感覺，真心覺得好正！今日食呢個麵嘅味道對我嚟講係滿分💯本身都爽口，但我個人喜好會想再爽口啲💓鮮蝦雲吞餡新鮮爽口有好似有小小蝦粉嘅鮮味🦐感受到長洲嘅地道風味。另外叫咗個魚蛋牛肚湯麵$36，牛肚偏硬身但好爽口，魚蛋真係彈牙過乒乓波仲要好香魚肉味🤤見到隔離枱都有叫炸魚皮$31！但為咗留肚，今次就冇叫到🥲下次一定會再返嚟食💓嚟長洲一定一定一定要試下啊❣️一出碼頭向右行就見到喇☺️本身都排咗5-10分鐘左右，要食嘅話就要有心理準備喇💯

琴日去咗長洲，所以同行嘅屋企人超級推薦喺呢一間長洲張記食嘢！個人覺得整體上份量比較少，如果多啲就會更加抵食！另外我覺得佢哋嘅冷氣好大，所以食完我哋都好快走，費事凍親😂雖然琴日天氣真係好酷熱😂招牌魚蛋麵$31魚蛋真係好有魚肉味，爽口彈牙，我覺得呢個係最好食囉💕連我媽咪都讚口不絕，所以再叫多個招牌魚蛋🤣🤣潮州墨魚丸$31墨魚丸冇乜驚喜，正正常常咁啦！但係都OK嘅，其實同市面上嘅茶餐廳都差唔多，不過都好食嘅！爽滑牛丸粉$31四粒牛丸，都爽口嘅，個人覺得幾好食😋不過可能我叫河粉嘅關係，我覺得份量比較少，如果大食嘅人可能唔飽！招牌魚蛋$31由於佢啲魚蛋真係好食😋所以再叫多個😂凍檸茶$19凍奶茶🥤$19💛總數買單$181蚊以上只係個人食評/玩樂感受💕不代表他人感受💕🏡店舖：長洲張記 (長洲)📍地址：長洲海傍街83A地下🍚類型：港式/米粉/米線/茶餐廳/冰室☎️電話：2981 8078*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*5個🌟滿分賣相：🌟🌟🌟味道：🌟🌟🌟🌟驚喜：🌟🌟🌟回購：🌟🌟🌟服務：🌟🌟🌟環境：🌟🌟🌟歡迎Follow IG @kfc_foodie_#k

粉麵味道幾好，魚皮香脆，懷舊雜果冰真係舊時嗰種風味，用糖水+冰+雜果，價錢也OK。只是份量真的少⋯⋯ 食完唔夠飽，不過我冇再加單，因為個肚留返一啲空間去食其他長洲嘢。

悠長假期第二天都成幾年冇去長洲。一到步第一時間就先去張記整碗魚旦河、魚片河、蠔油生菜🥬，食落去味道真是不服當年今好，真係好普通沒有太特別。環境維持當年裝修。價錢都合理。

同男朋友第一次入嚟長洲入到嚟已經係下午茶時間但係我哋咩都未食，所以男朋友帶咗我去呢間張記粉麵醫吓肚，因為佢話係依間好好食， 所以我決定一試門面好有喜慶感覺，紅噹噹哈哈 我哋一入到去基本上已經滿座咁濟真係好好彩，啱啱好淨返兩個位所以我哋兩個即刻坐低點餐呢碟生菜望落去平平無奇，普普通通咁但係食落去非常之爽口，新鮮而且菜嘅份量又好多，最重要係男朋友話呢碟生菜嘅重點係，d湯底可以有幾款選擇，我地揀左鮮魚湯底所以食落會有好香濃嘅魚味，魚香味我嗌咗呢個招牌 魚蛋河雖然唔算好大一碗，但係睇得出用料新鮮啲魚蛋食落去好爽口，黃色嗰舊脆脆 亦都好香口，脆卜卜 超好味不過啲湯底比較淡，食落比較齋 所以我加咗少少辣椒油黎撈，好正男朋友嗌嘅墨丸河都好好食 我試咗一粒墨丸 好食到大聲嗌出嚟：嘩，好好味喎佢啲墨丸同平時茶記食到嘅墨丸真係完全唔同，啲味道零零舍舍好食好多倍真係唔知點形容嗰種好食

難得放假，同屋企人入長洲行個圈。因為假期關係，成個長洲人山人海，就連呢間老字號～長洲張記～都排晒大隊，坐咗一個鐘船程既我等到就嚟餓死。一有位就即刻叫嘢食，叫咗牛腩麵，魚片雲吞河，凍奶茶。牛腩麵啲牛腩煮得好淋身，裏面仲夾雜着少少牛筋添！面亦都好彈牙，最緊要係佢嘅牛腩汁湯底好好味，一啲都唔覺得鹹。雲吞皮好薄，入邊隻蝦大大隻，魚蛋亦都好爽口彈牙。最後配個脆卜卜炸魚皮真係一流。另外張記嘅奶茶亦都好有茶味，好有港式奶茶嘅特色，值得一試。當然長洲有好多小食值得大家去試，而呢一間餐廳可能因為我太肚餓而覺得特別好食（其實打食評時候發現佢同外面嘅粉面店質素差不多）