開飯主義

營業中

休息中

開飯主義如其名，字面上日常開飯黎食就最好不過。套餐價錢公道，早茶市三十餘玩，晚餐則五十至八十不等。平日較常吃它的下午茶，外賣焗意粉也會有圓錫紙盤攜帶。這天第一次晚餐時間到訪。餐廳擁大量卡位，二人坐四人座不搭枱，保證坐得舒適。晚餐套餐連餐湯，餐包，冷熱同價的飲品。餐包為牛角酥，雖然不會是頂級酥皮，但牛油味都不弱配湯好夾。紅湯比白湯更佳，粒粒蔬菜幾有咬口。凍檸茶大杯，有3塊比較厚的檸檬片，茶味不苦澀。另一杯柚子檸檬梳打跟餐要補錢，柚子果蓉沉左係底，記得拌勻先好飲呀。父親這晚不想吃麵飯，怎料扒餐份量更甚。menu上註明這款牛排為店內大熱，用鐵板上的紐西蘭西冷買少見少。平時10oz輕易食完，今餐爸爸要分比我食兩人先成功k.o.一個餐。牛排可以揀熟度，又可以從3款醬汁再揀，再揀薯菜/飯/意粉，自由度高。值得提是牛肉紋理清楚，肉質軟嫩非常容易咀嚼，不像經過化學處理。另加既跟餐小食，好味到飽都要食。蒜香蜜糖雞翼多肉有肉汁，甜甜蜜蜜味小朋友一定喜歡。炸芝士同放題一樣味道，芝士味極濃無得頂。我的羊扒焗意粉芝士漏出碗邊好邪惡，mozzarella帶來拉絲效果，亦混合其他芝士帶出奶的味道。羊扒有兩件肉厚冧滑

今日係大埔體育館做完運動，順道去揾野食醫肚，路經開飯主義門外已有數人排隊，都應該唔差，所以就選擇入去食。餐廳面積唔大，但設有卡位，所以坐得自在。內裏裝修較時尚，畢竟呢區食店比較傳統，好少有咁新穎既食店。鮑片火腿通粉，湯底濃郁有鮮鮑魚味，鮑片嫩滑，口感一流，而通粉亦夠彈牙。另外奄列係西班牙式，內裏係洋蔥蕃茄肉片，頗有特色。而豬仔包保持暖笠笠，外脆內軟，加上少許牛油及練奶，超正。雖然食材簡單，但睇得出有心思製做。

週末近近地去大埔逛下，去到開飯主義見到門口很多人，心想應該都有質素保證於是就決定入去食個lunch。午市人流雖多，餐廳舖面細小得來間隔舒適，我和朋友坐在卡位完全都不會覺得焗束。餐牌選擇五花八門，由日式丼飯、咖哩飯、越式湯河到港式常餐到有，總有一款啱胃口。我地點了一份常餐，揀了鮑片腿絲通粉及西班牙奄列豬仔包，鮑片好有咬口而且有豐富鮑汁，火腿絲份量很多，加上鮑汁湯底濃郁，同樣的鮑片火腿通粉絕對比一般茶餐廳更勝一籌。另外西班牙奄列的饀料其實是蕃茄汁炒洋葱煙肉片，原本平凡的港式常餐加入西班牙風味十分特別，而且豬仔包烘成金黃色，食落香脆鬆軟。另外還點了一份炸魚柳big breakfast，先看擺盤已經覺得吸引，炸魚柳炸粉薄，吃落啖啖魚肉，而且保持魚肉鮮嫩juicy，最特別是其一口炸芝士，芝士更做到流心的效果，是早餐set內藏的一個小驚喜。

雖然這間位於「大埔區」大埔墟的港式茶餐廳食店，賣的食品未必是最美味，飲品也不一定是最與別不同，但是唯一可以肯定的是，這間食店的店名，肯定會成為最相似「開飯喇」的食店名稱。因為這間大埔區食店名稱叫做「開飯主義」，不是「共產主義」、不是「民粹主義」，更加不是萬惡，惟恐天下不亂的「法西斯主義」，而是如假包換的「開飯主義」，我幫襯過也覺得「開飯主義」的炸雞腿味道，跟口感都不差。雖然現在「開飯主義」的外表暫時是會有一點點的瑕疵，附近的外牆搭建用來進行裝修的棚架，令到「開飯主義」的面門蒙上了一層，好像向外封閉，外人看不清楚「開飯主義」樣貌的紗窗。但是被棚架圍封，其貌不揚的「開飯主義」，內裡樓面的環境其實還不算差，至少沒有任何電視機，沒有播放任何的電視節目，只是環境受制裝修工程，有少許裝修噪音騷擾而已。「開飯主義」作為一間賣平民快餐的港式茶餐廳，「開飯主義」的茶餐芝士撈即食物麵，跟炸雞扒都是值得，成為「開飯主義」招牌菜的食品之一。而且「開飯主義」也真的有在下午茶、常餐跟茶餐等等的非正餐類別食品飲品方面下過研究苦設計，所以我覺得「開飯主義」的炸雞扒下午茶，是值得一試的茶餐廳類菜式。尤其是「開飯主義」的

「開飯主義」在大埔墟食肆中享譽蜚聲，立名於熱溶芝士類美食，提供多款特式小食如芝士焗蠔、熱溶芝士農夫包、各種意粉飯類等美饌。蒜蓉燒蠔($88)，爆滿蒜蓉粒令蠔肉燒得滋香，蒜蓉控也要再encore多一碟。蒜燒骰仔牛($17)，個餸名好特別，將炒香的蒜蓉加埋好有牛味的牛仔肉一起著，十分配合。青蘋果薄荷檸檬沙冰梳打($40)，富有青蘋果果酸味。電擊雞翼($18/6隻)，聽說是日本潮人恩物，其冰冷冰甜口感充滿動感。西冷牛扒($95)包餐湯及餐飲，要五成熟，剛好不會太老，好淋同牛味十足，揀咗黑椒汁，非常惹味。鍾意食芝士的朋友一定要揀這個辣茄醬焗青口($17)超抵食，不過辣度讓其嗆口。軟殼蟹骰仔牛食飯($80)餐牌上超多美食，價錢頗實惠，相信是大埔人開飯好選擇。

朋友最近搬咗入大埔住今天星期六不用返工，便入去探他， 她剛搬不久會好多野執， 所以我哋揀去附近(開飯主義)食晚餐，餐廳不是太大，但極多美食款式，有些美食仲係細細碟兩個人食就最啱，又可以試多幾種款式，價錢又十分抵食。龍蝦汁海鮮焗麵包$90 好大個包焗到脆卜卜熱辣辣，內面有好多海鮮，有蝦 、蟹柳、龍利柳、青口等。蒜香蜜糖雞翼細$22， 炸到外脆內軟的雞翼再加蒜香同蜜糖，十分惹味， 超抵食。軟殼蟹骰仔牛石飯$80將軟淋的牛肉 混埋軟殼蟹放入石鍋上，再攪勻趁熱食蒜蓉燒蠔$88燒汁雞骨腸$17串燒茄子$28草莓果肉檸檬沙冰梳打28，食咗咁多美食，當然要叫杯沙冰潤個喉嚨。睇見這個巨型餐牌上各種類的美食，開飯的時候就想起如果想開飯就入去大埔開飯主義啦!

終極邪惡火炙三重芝士撈丁配邪惡炸雞腿肉🍗樣子沒有名字般那麼邪惡🤣白色芝士醬如果可以多一點或是稀一點可能會比較好，麵比較不會那麼乾炸雞腿肉嫩滑多汁香酥脆👍🏻飲品推薦招牌咖啡，香濃😋

約咗個大埔朋友食飯，大明里好多嘢食，逛吓逛吓就見到呢間，出面睇個餐牌好吸引! Cafe格局但係又有韓式炸雞又有熔岩芝士法包，就一於入去試。入到去睇個餐牌又係不得了！我嘅朋友因為宗教問題唔可以食豬，但呢度都好多選擇，完全唔駛擔心。最後我地叫咗熔岩麵包芝士炸雞同埋龍蝦汁炸蝦龍利柳意粉。隨餐跟湯同牛角包，好抵。先嚟個炸雞，類似嘅熔岩芝士我喺韓國食過，呢度嘅味道都不輸韓國！芝士可以用嚟點佢個包（係蒜蓉包）同埋配埋嘅薯條，炸雞係分開用酸酸甜甜嘅汁炸起，有少少乾不過味道都ok。但係個芝士熔岩真係好有驚喜。跟住嚟個龍蝦汁炸蝦龍脷柳意粉。上檯已經好吸引，炸蝦薄薄的一層炸粉香脆可口，入面龍脷柳加咗厚芝士焗埋，龍蝦汁唔算好重龍蝦味，反而似一般嘅芝士焗飯嘅味，但佢係配意粉，所以感覺上如果有得配飯就仲正！我地兩個女仔，叫兩個餐都食唔曬，因為淨係個熔岩芝士已經又芝士又炸雞又薯角又沙律，又好味又抵食。

見到menu，原來細細間舖有勁多野食。吸引之處：1. upgrade左既現代餐廳。裝潢好新穎，而且俾人舒服既感覺。2. 厚切鰻魚雞腿丼。講明厚切，真係好厚切。成半條鰻魚係度。鰻魚整得好香。口感好彈牙。唔係好多肥油，成個鰻魚就更加爽口。3. 丼黎講算係好大份。有個溫泉蛋，整得幾靚。溫泉蛋撈落飯，質感即刻滑好多。4. 雞腿肉外層脆，內層滑。雞腿上邊個汁有陣蔥油既香味。呢陣味提升左成個丼既好食程度。煎到香脆再加蔥油香，味道特別好。5. 出左日式鰻魚飯，仲有泰國餐，中式茶餐廳餐等等。好似個小亞洲。好多選擇。6. 熱檸蜜潤一潤喉，夏天飲一杯防中暑。7. 整體黎講，一間cafe可以整到咁既質數。算好好。抵食又好味又多選擇，大埔又俾我搵到一間美食！

今日父親節去左呢間餐廳同爸爸慶祝，一早訂左枱，入到去得返一張台，坐卡位都o k舒服。但服務就麻麻，水都要自己斟，問職員拎餐牌竟然話派哂，咁唯有4個人睇一本啦。我爸叫左個西冷牛扒另加8蚊跟飯，牛肉7成熟整得幾有口感，唔會太韌我哥叫左個咖哩羊扒焗飯，咖哩有少少過辣，但幾好食。我媽叫左野菜軟殼蟹海鮮炒烏冬，無嘜料，d烏冬炒得唔係乾身，成口油。我叫左個黑松露羊扒忌廉汁焗意粉值得推介，好食但湯一送黎就凍，奶茶奶味極重。食物水平都ok.

今日去大埔探朋友個bb，於事响大埔食埋個豐富午餐至上去☺️。朋友介紹呢間「開飯主義」話抵食又大碟😆叫左份big breakfast，即係全日早餐，驚喜係有炸芝士😍，腸仔係普通厨師腸，如果係德國腸就更好😆！奶油豬有半個，牛油溶左加埋練奶呢個配撘一流，而且烘得好香脆！而煙肉唔會好乾。炒蛋係用3.6牛奶炒，食落好香滑！炸魚柳就有兩小塊。$55呢個價錢真係抵食，重點好食😋另外叫左份邪惡大組合既芝士撈丁。有手掌咁大既炸雞排，炸蝦，雞翼，公仔麵上舖左好多芝士。簡直好食到「哇」一聲😍仲叫左杯菊花蜜，飲落有淡淡菊花既幽香同蜜糖香味，甜甜地好醒胃！而杯咖啡，豆味香濃飲落唔會苦澀👍🏻

酷熱天氣下買完嘢，原本諗住返屋企搵嘢食；路過《開飯·主義》，原來我未幫襯過佢地嘅下午茶。睇過餐牌，佢地嘅下午茶餐都可以一試。我叫咗個牛扒餐。沙律唔錯，奄列唔覺有牛乳味，奶油朱好食，牛扒有牛肉味，不過就腍咗啲影響口感。呢度嘅食物都Okay嘅，下次會再試其他餐。

今日天氣都係咁熱，一熱食咩都吾多開胃，諗緊食咩之際，突然間諗起之前有間冰室想去，所以揸車入去試試。講下呢間冰室先，名字叫做「開飯主義」，地理位置算方便，位於大埔街市附近，揸車入去想搵位泊的話可選擇大埔街市/附近幾個咪錶位。講真既，餐廳地方吾算大，枱與枱之間就近乎零距離，如果諗住想坐得舒服，扮下港女HIGH TEA既，吾好意思啦，呢間冰室可能未必適合你啦。至於員工方面，普普通通啦，態度可接受，算係有求必應，冰室仔叫吾錯。打開餐牌，真係有點驚喜。驚喜既係吾似一般冰室咁來來去去都係常餐/茶餐/炸脾紅豆冰，佢既選擇係好多，多得黎又叫做樣樣都有D特色，如果你有選擇困難，我估你會因為想食咩而煩惱，另一驚喜係個價錢，心諗都吾貴，食個譚仔都係咁上下。不過正所謂一分錢一分貨，好多時價錢咁抵，分分鐘都有伏，所以第一次食0既我地，都係穩穩陣陣，叫左兩個焗野，衰極有個譜。兩個焗野分別係「勁芝士焗肉醬意粉」同「阿差咖哩牛肋焗意粉」呢個勁芝士焗肉醬意粉肉醬芝士比例剛剛好，芝士味重，肉醬香口，但勁芝士就講吾上，不過以上都吾係重點，最正既係D意粉係沾滿曬汁，好Juicy那種感覺，軟硬度剛好，比起出邊茶記既乾淨淨焗意粉

返工前把握時間同阿媽食個午餐同阿媽食飯有幾個原則遵守😂第一係唔可以等位第二係唔可以太貴，因為佢會唔捨得，即使唔洗佢比錢😂今日12點幾帶咗佢黎食lunch，唔洗等位，不過好快就有好多中學生黎食啦😆環境都唔錯架唔會話太迫，好似講乜嘢都會俾人聽到咁，所以坐得算舒服🌸炎炎夏日，叫杯凍檸樂。好抵讚呀！佢個凍檸樂唔係禁機汔水黎架😆我覺得咁樣夠氣！媽媽叫咗個厚切鰻魚雞腿丼，媽媽一見到就話「哇！好靚喎」😂佢好鍾意食，話唔會太咸，好開心咁話自己識揀，重話下次要帶阿爸黎食😂😂我好欣賞係佢有醃蘿蔔！同個飯好夾🤤🤤我就叫咗個忌廉芝士雞翼雞皇飯，侍應好細心咁同哋講小心熱💕驚喜嘅係佢個雞翼係無骨架！好花心機🙊拉絲嘅芝士🤤唔記得講添！我個飯重跟咗半隻奶油豬🙊所以真係好飽，我覺得可以三個女仔食兩個餐，因為真係好足料！兩個人食咗134蚊，以有鰻魚黎講我覺得呢個價錢絕對OK，同埋真係好飽，好似叫咗三人份量咁。下次同屋企人食飯，又有多一個落腳點啦🤤

經過被餐廳外嘅餐牌吸引，因為看到溶岩芝士拉絲系列有250ml，便跟男友人馬上進去試一下。內裡環境愜意，燈光以暖色調為主，裝潢以木質為主，讓人不禁放下急速的步伐，慢慢享受進食的美好時光。翻開餐牌，非常多菜式，包含了西，日，台式的食物，正合我們心意。餐湯白汁忌廉湯十分濃味，配上牛角包，牛油融合於忌廉之中，入口有不能言傳的幸福感。小食香蒜燒汁霜降色仔牛，以小鍋盤盛著小粒方形牛肉，熱騰騰的，惹味可口。另外再點了我最愛的香蒜燒茄子，蒜香和茄子肉混在一起撕出黎吃，蒜味炒得剛好，我一個人就吃了一整碟。燒廣島蠔，一盤4隻排場十足！吃起來感覺新鮮，蒜香和蠔味道絕配，而芝士則顯得較為失色，相比之下蒜蓉燒蠔更勝一籌。主菜是我們期待已久的印式咖哩羊扒仔溶岩拉絲麵包，一個大盤子裡放了一個大麵包，羊扒及薯角。揭開大麵包的蓋子，裡面是芝士咖哩，芝士有拉絲效果，咖哩有一點點辣，有印度風味！羊扒嫩滑，薯角香脆，整個套餐份量十足！而我的主菜是香蒜牛油野菜海鮮炒巑岐烏冬，以鐵板上菜，材料十足，有原隻軟殼蟹，墨魚，魚柳，蝦，青口，烏冬炒得乾爽軟滑，特別喜歡軟殼蟹，炸得香口！餐飲點了草莓果肉沙冰多多，冰涼解渴，果味濃，而且容量