閨•家 (美基樓) (已結業)

以前開晌屋企樓下食過但最後店舖不敵投訴要結業，以前經常食下午茶，最愛紫薯麵! 重開後門口總是有長長人龍, 不過都唔算等得耐, 好快就可以安排入坐! 地方唔大, 坐位都比較迫, 不過食物質素依然保留! 係一個食住家飯既地方!! ⚫️雙蛋豬扒飯配例湯 HKD45 豬扒入味但不至於太咸, 肉質夠淋身又鬆化. 果然係名物 ⚫️慢煮豬軟骨配米粉 HKD46 有好多舊豬軟骨呀，都好淋身入味，甜甜地。食曬勁滿足

出街食最怕有味精，這間標榜冇味精茶餐廳，最緊要注重健康但係又吾願煮飯嘅我🤣🤣堂食基本上都要排隊，諗住買返屋企外賣慢慢食啦😌😌香煎豬扒蓮藕餅飯蓮藕餅不時不食，冬天就最啱啦，正是蓮藕最靚時候😬豬扒鬆軟入味，好香香茅😌😌蓮藕餅非常厚切，外焦內嫩，十分足料，每一口都有大量蓮藕絲😋😋香茅雞翼朱扒飯亦係最多人點，配上蔥油和雪菜絲，下飯一流🥳🥳棒棒糖滷鴨飯滷鴨入味，完全去曬骨，很有台灣的味道每個飯都配有無味精靚湯，住家飯feel 不慚為必吃食店，果然有料！🤣🤣

歸 家 。🎈閏家 Homie/微 不 足 道 的 一 碗 熱 湯 ，給 人 不 禁 聯 想 起 家 的 溫 暖 和 滋 味 。/慢煮豬軟骨飯 Slow Cook Porcine Cartilage Rice ($48)豬軟骨平時都有食過 但呢種超級腍嘅真係未試過 筋腱軟骨位煲到好腍 入口即溶 唔洗點咬每嚿豬軟骨都好入味 撈飯一流👍蟲草花百合無花果煲豬展 Cordyceps Flowers Lily Bulb and Fig Soup自家製無味精湯好足料呀食到成大嚿豬肉 仲有紅蘿蔔同蟲草花飲完唔會口渴 其實一碗微不足道既靚湯真係會令你諗起家既味道🏠手剁香煎蓮藕餅 配菠菜麵 Pan-fried Lotus Root Patty with Salted Fish w/ Spinach Noodles ($45) 蓮藕餅口感脆身 有一住絲絲嘅蓮藕絲菠菜麵唔會過腍 食到有些少菠菜既味道整體感覺好天然健康 鍾意呢種感覺🥰涼拌海蜇手撕雞 Cold Jellyfish and Shredded Chicken ($38)手撕雞唔會鞋口 撈埋加左胡麻醬嘅海蜇夏天食涼浸浸 入口好清新🧊

下午茶都要等位，入到去位係好窄少 好奇怪的距離。「見字飲湯 」令我以為佢啲湯好好飲跟餐有碗湯仔 嘩 有陣收好大浸囉味～好肯定煲燶左啊，而且好鹹啊！鰻魚炒飯～有啲蔬菜，粒粒分明 如果鰻魚無禁燶就更好。 流心豬扒包～流心係指隻荷包蛋！豬扒有啲燶邊 薄薄一塊。質素都連續集團既味道接近。見枱枱都叫，唔執輸都叫左份仲T02, 美祿粉煉奶西多士。有4大磚，勝在即整。入面仲有少許花生醬。整體質素都係平平庸庸，價錢平都唔好太高期望。

唔願煮飯又幫襯揀這間黃店，佢有湯水冇味精有粥了，秋冬啊當然要滋潤一下青紅蘿蔔豬骨湯，清甜，湯料非常足，連湯渣都食埋😜😜香茅豬扒雞翼飯有雪菜和 蔥油，非常下飯，朱扒入味鬆軟，雞翼嫩滑，外皮脆卜卜棒棒鴨飯，好入味呀，而且份量超多，伴有洋蔥🧅，減膩開胃麻辣雞腎 嘩！超大份，麻辣度十足，爽跪入味，足足有成大碗都係$28 真心抵食😍😍配左凍奶茶🥤凍檸茶都是茶餐廳水準之上街坊良心小店，服務又好，價錢又抵🥰一定回顧!

老媽子沒煮飯 同爸爸簡單屋企附近覓食呢間閨家一到食飯時間 門口就大排長龍爸爸注重健康最愛住家菜 正好一試究竟大概等了十個人 餐廳環境比茶餐廳企理餐牌款式也頗多 招牌當然是無味精靚湯非常足料又平好抵食 難怪長期坐無虛席-柱侯牛筋腩飯 $58 ＋ 溏心蛋 $6 爸爸叫的牛筋腩飯 牛腩件件都好大又多牛筋炆得好淋 他笑說八十歲甩牙都食倒醬汁濃郁裡面仲有入味白蘿蔔 合格有餘-老火湯（小） $ - 飯餐附送日日換款的無味精靚湯 用心熬煮四小時這天是禮拜二 蟲草花百合無花果煲豬𦟌能提升呼吸道免疫力 看到湯渣真材實料味道清甜又有益 為了這碗湯已值得再訪-花雕醉雞紫薯麵 $45我則被手工麵吸引 標榜新鮮即製無添加有紫薯麵甘筍麵菠菜麵可選 餸揀咗醉雞麵大大碗醉雞又係大大碗 先賣四十幾蚊選用雞脾位置嫩滑有咬口 仲好香花雕味紫薯麵質彈牙感覺幾健康 水準相當唔錯-麻辣雞腎 $28無諗過樣樣咁足料 眼闊肚窄仲叫咗小食入味惹味唔會好辣 份量多到食極都仲有-蠔油菜心 套餐＋$12 凍咖啡 套餐＋$7油菜夠大碟抵玩 飲品正常港式餐廳質素-整體性價比好高 屋企無飯開的健康選擇

舖頭雖然細細間，但次次經過都排哂隊，而且價錢超實惠，今次終於忍唔住排埋一份試下😆☑️香煎蓮藕餅豬扒飯 $50蓮藕餅大大塊，圓圓扁扁好似漢堡扒，煎到好香脆，食到一粒粒既蓮藕，好爽口👍🏻豬扒同樣都大大塊，冇骨食得好方便，肉質嫩滑。旁邊仲有啲蔥油同埋酸菜，飯面都有豉油，撈埋一齊食好香。☑️慢煮豬軟骨飯 $48豬軟骨全部都大大件，炆到好林，入哂味😋叫每個飯都會跟埋一盅老火湯，星期一至日既老火湯都唔同，飲完完全唔會頸渴，飲得出係冇加味精，好有阿媽煲既湯既味道👍🏻👍🏻☑️油菜 $12加$12可以有一份油菜，我揀咗蠔油生菜。☑️涼拌海蜇手撕雞 $38小食黎講真係好大份抵食，海蜇好爽口，撈埋胡麻醬一齊食😋整體黎講性價比好高，唔怪得之咁多人排隊❗️

今日放工自己一個人唔想煮飯，又想食下啲中式野，於是放工去左近期好熱門既閨家。六點鬆啲已經full house，六點半已經開始要等位，走果陣好長龍，果然係熱門餐廳。餐廳門面好光鮮，行粉紅系，仲有幅屯門既壁畫。另外有個草牆寫住見字飲湯。入面以卡位為主，自己一個人食，店員都好好，唔洗搭枱。仲將一人枱分做一個區域，發覺都有好多人自己一個人食。餐牌款式都多，原來仲有早餐同下午茶餐，不過最出名都係佢既湯同蓮藕餅飯，所以都叫左個蓮藕豬扒飯試，每個飯餐都送個細湯。加錢有埋凍飲同菜。今日既例湯係海底椰湯，入面真係好足料，湯都好甜，有家既感覺！無幾耐就上埋飲品，檸茶大大杯！跟住就上埋飯，係典型港式既鼓油西餐，薑汁豬扒同蓮藕餅都好大塊，食得出係即煎的。飯既份量都好多，加埋旁邊大大份既蔥油、雪菜就岩岩好。豬扒薑汁味明顯，煎得剛好，不會過柴。加埋生菜一齊食，健康度Up。總結，依間餐廳一個人放工想食 家既感覺，依間餐廳都係好選擇，食物質素唔錯，餐廳環境舒服，唔會強逼搭枱👍🏿👍🏿高度推薦！

估唔到次次星期六日黎閏家都要大排長龍，今次仲長到企埋人地個門口位。可能因為等得太耐嘅關係，搞到都冇咩胃口，所以我地三個人每人食一個手工面就夠，我最鐘意嘅依然係呢度嘅手剁香煎蓮藕餅，好有媽媽整嘅味道而新出嘅呢個柱候牛筋腩味道都唔錯，每一舊牛腩都相當大舊，牛味十足，再加埋已經炆到入晒味嘅蘿蔔，真係睇見都流晒口水。香茅雞翼依然都keep 到外脆內嫩，而三款手工面亦都係無可挑剔，唔怪之得到而家每次黎食都係咁多人，係有原因嘅。依家仲可以喺HKTVmall買到閨家嘅湯包添

今日放工唔歸家，去閨。家工作很累，不想煮飯，公司附近呢間「閨家」很人氣，門口經常有人等位，舖仔細細，但光猛整潔！餐牌選擇貴精不貴多，晚市價錢亦算經濟豬扒同蓮藕餅都係招牌，之前試過蓮藕餅好好味，今次就試下豬扒！半隻溏心蛋＋$6油菜＋$12凍飲＋$7埋單$73已經相當豐富豬扒果然是招牌，夠淋唔乾又夠味，邊位帶點脆最欣賞佢炒烏冬一d都唔油，真係好難得，唔油得黎但又炒得有鑊氣食落沒有油膩感及味精，食完完全不會口乾，絕對有驚喜

佢地岀名食物唔落味精，真係住家飯咁！我地都已經食過兩三次，次次水準都一樣👍🏻😆___________香煎蓮藕餅豬扒飯 $50最岀名一定係係地嘅蓮藕餅😚煎得靚超大塊好足料！係食到入面一粒粒嘅蓮藕🤤而且佢唔會一咬就散開👍🏻___________涼拌海蜇手撕雞 $38第一次食閨•家嘅時候，我見差唔多每枱都有叫一碟🤔咁我都唔執輸啦！味道唔係好岀眾，用咗胡麻醬去撈，但勝在好大碟份量好足，海蜇同雞一樣好多，雞都算嫩👍🏻___________咖哩牛腩飯 $50當日想食嘅嘢有兩款，但都咁啱當日都冇供應....所以就叫左咖哩，覺得有少少失色，咖哩味冇咁濃，牛腩比較"鞋"同韌😣___________評分：8/10____________地址：閨•家(屯門)屯門河傍街148號美基樓地下A號舖

閨家係平靚正既茶餐廳，屯門呢間開左半年， 依舊人氣不滅， 食物質素keep住水準。叫飯送無味精老火湯，每日都唔同的，今日星期五係五指毛桃淮山煲雞，飲落好舒服，味道好似椰子湯，好清香，仲有幾粒紅蘿蔔， 胡蘿蔔素對眼好。香煎蓮藕餅豬扒飯 $50肉餅食到有粒粒蓮藕，清脆口感。 豬扒冇用鬆肉粉，切薄片，人手剁，鬆化入味。有蔥油酸菜伴碟，正。客家炆豬手 $48今日終於食到豬手，上兩次來都冇曬。有四大舊豬手，炆得好淋，豬手皮同筋好q彈，好香南乳味，低下仲有粒粒花生。油菜 $12錄得啱啱好，菜心口感爽脆， 配甜豉油。麻辣雞腎 $28雞腎係每次來都會叫的小食， 超大份，凍凍地，香蒜麻辣味十足，越食越開胃。

呢間小店「閨・家」屯門店轉左新地址，經常保持人龍，果然有吸引之處，價錢抵食，份量十足，而且主打湯品健康有益，食物都有住家飯嘅味道。今次食午餐，點左個人氣之選，發現抵食飽肚好味，另外，下午茶餐都好吸引。香煎蓮藕餅豬扒飯 $50超大塊豬扒，蓮藕餅亦厚身，配料仲有酸菜同蔥油，惹味得黎有住家飯嘅味。豬扒除左大過手掌，仲醃得入味，肉質鬆化軟腍，咬落香口惹味，配埋蔥油同豉油調味，好香口。蓮藕餅都好厚身大塊，見到手剁蓮藕粒係肉餅內，咬落更添口感，而且多蓮藕少肉，感覺更健康，若再煎香口d會更可口。配料的酸菜微辣，咸中帶酸甜，拌勻米飯同食，已經好正，食唔停口，加埋蔥油同食或配豬扒，味道仲正。加溏心日本蛋（半隻） $6蛋黃味道濃，溏心效果好，柔軟香濃又滑溜，配飯一流，半隻唔夠喉。加油菜 $12有生菜或菜芯，配蠔油或豉油可選，我揀左生菜配豉油，新鮮乾淨，煮得剛好，翠綠清甜爽脆，而且係甜豉油，唔會過咸，味道好。天氣太熱揀左加錢轉凍飲，呢度嘅湯品都好吸引，下次要揀返湯。

手剁香煎蓮藕餅甘荀面蓮藕餅同個面係分開上嘅 咁就唔怕D湯會浸濕左個手剁蓮藕餅,令蓮藕餅可以保持微脆嘅表面，蓮藕餅蓮藕都幾多，咬落幾爽口，而甘荀面面質幾滑，暫時我都仲未可以喺其他唔錯🍠 湯底帶 d豬肉味 似豬骨湯 但比較清甜🐷. 蓮藕餅 蓮藕比較多同爽口 juicy豬肉幾軟林 煎得啱啱好 帶 d 脆招牌豬扒菠菜面豬扒醃得鹹左少少，同時亦都燶左少少，但手工菠菜面依舊係無得彈。香茅雞翼煎得外皮酥脆，雞肉嫩滑得黎味道亦醃得唔錯。

有時想飲淡湯食煮家飯就會嚟依度餐廳主打冇味精湯水， 一星期七日都有唔同款式！湯非常足料，好清甜！ 之前都係外賣多所以冇試過佢嘅手工麵！ 今次終於堂食可以試下！ 我就揀咗菠菜麵～麵團用純麵粉&雞蛋人手搓，賣相幾吸引，口感都唔錯， 比平時嘅麵更加飽肚！ 蓮藕餅幾好食，差不多每次嚟我都會嗌～ 唔會好肥但有蓮藕嘅爽口！ 另外就叫咗一個柱侯牛腩飯 牛腩牛筋都好入味，蘿蔔超淋食飯餐就會跟一小壺湯～ 價錢真係好抵！ 食飯時間都幾多人可能要排一陣～