閨•家 (美基樓) (已結業)

叫咗一個豬扒出前一丁配炒蛋加凍檸茶，豬扒已經好薄但都可以整到乾爭爭硬掘掘，味道文唔好食，咬咗兩啖就冇食了。出前一丁公仔麵係用返本身嘅味精包。但可以溝水溝到冇咩味咁。真係好後悔食呢個早餐。（仲學人講話冇味精不知所謂）

上次食這家閨家，已經是一段時間之前，當時餐廳尚在龍門居，經歷一些問題後，餐廳遷移到新墟，繼續服務屯門街坊。餐廳搬到新墟，空間更大，而且坐無虛席，餐廳外等侯的人流不絕。餐牌的選擇頗多，從碗飯定食特飲應有盡有。我點了兩款飯餐和一餐小食。鐵板豬扒炒烏冬 ($48)豬扒大塊且口感不俗，烏冬炒得夠香口，有些許鑊氣，不過鐵板消失了。花雕醉雞飯 ($48) + 老火湯醉雞一如其名，有酒香味，雞肉質素不錯，不會柴，相當入味，吃過不停。另外有無味精的青欖青蘿蔔相杏汁煲豬展。涼拌海帶手撕雞 ($38)另外有手撕雞，海帶爽口清新，配合胡麻雞肉，清新之餘卻帶惹味，份量都唔少！以上食物質素不俗，味道很好，外觀也十分吸引，顯示出店家製作的用心，日後也要再臨支持。

閨家基本上成為我的食堂☺️平時番工食佢外賣飯多，好耐冇堂食😋今次食咗紫薯麵，真心有驚喜！$50咖喱牛腩飯🐮叫咗小辣，覺得辣度啱啱好☺️咖喱又香又椰🤤🤤一開頭望落覺得牛腩好硬好乾，點知咬落超級驚喜！！肥瘦適中，仲要炆到好軟稔☺️👍🏻$38涼拌海蜇手撕雞🐥呢個小食係每次必點🤤胡麻醬雞嫩🤤🤤當日海蜇仲超多🤤🤤🤤正！$45家傳炆豬手紫薯麵🐷第一次試佢呢度豬手同紫薯麵👍🏻👍🏻紫薯有少少南乳香，但又唔會好濃南乳味，豬手軟稔好重骨膠原😍😍紫薯麵好有驚喜！食落係好似蕎麥麵，但有啖啖紫薯香😚麵條好爽口，湯底好清可以成碗飲👍🏻套餐送的細老火湯🤪今次覺得紫薯麵湯底更好飲😋😋凍飲+$7夠哂大杯🥤總括而言，上菜速度快，抵食又大份👍🏻😋當日廚房出單機突然故障，但員工即時幫食客手寫追單，盡可能減低不便👍🏻冇野食都出湯俾客人飲住先👍🏻👍🏻值得一讚👏🏻

愛。回。家蓮藕餅紫薯麵 加豬扒 配菜心*兩大塊蓮藕餅好足料,但調味太咸*紫薯麵硬度夠,不會未咬就斷,是我吃過最好食的紫薯麵*豬扒比想像中普通,畢竟有許多人介紹,似乎蓮藕餅更好吃*菜心正常*是日老火湯好濃烈,但可惜不夠熱,可能廚房太忙不再加熱吧梅子金沙骨飯*梅子醬加糖似乎太多,沒有生粉水,變成甘甜的梅子湯*金沙骨直接煮熱,沒有煎,不過都幾入味*米飯有少少偏硬炸饅頭 20元3個*等了10分鐘就上台,有大量煉奶配炸饅頭就會好好食啦!閨•家 (美基樓) 屯門河傍街148號美基樓地下A號舖#閨家 #屯門黃店 #愛回家 #煮家飯 #煮家菜 #梅子金沙骨 #炸饅頭 #老火湯 #黃店 #屯門 #熊本熊 #傻鴨 #雙傻 #KUMAMON #蓮藕餅 #紫薯麵 #豬扒 #菜心 #晚餐 #DINNER #香港人 #加油 #黃色經濟圈

第一次試呢間 平時成日見好多人排隊 今次等我又排下先 入面裝修幾靚呀 粉紅色咁 同埋有d屯門特色 不過入面d位就窄左少少 但佢好在唔會搭檯 咁樣就衛生d 6點幾去排隊 等左10分鐘就有得入 佢既住家湯好吸引呀 同埋佢話無味精 主打健康住家菜咁 佢今日既湯係海底椰栗子煲豬展 好足料 成啖湯都有渣可以食下 叫左兩個套餐：人氣既煎豬扒+藕餅飯 同埋梅子金沙骨飯 加兩個小食：涼拌海蜇手撕雞 同埋炸饅頭 叫完先發現好似叫得太多 個煎豬扒好香 加咗香茅 藕餅好爽 果然係人氣飯 個梅子金沙骨唔算好酸 但幾開胃 仲要份量都算多 海蜇手撕雞 焗雞都幾滑 佢唔似係用雞胸 似係雞髀肉 未就唔算好香 但係淡淡地 食清啲囉 炸饅頭就係以前細個食開個種 熱辣辣 脆卜卜 最重要就係佢嘅煉奶唔會吝嗇 一路食見到好多人喺出邊等 仲有好多外賣單 下次叫外賣都可以嚟呢度叫 不錯不錯 佢嘅冇味精係名副其實 仲要價錢唔貴 叫咗咁多嘢食每人$80都唔使 性價比好高

閏家回歸屯門後, 今日終於的起今肝去擁抱個good morning10點左右就去到,  好好彩唔洗排隊就直入環境黎講, 係有d壓迫感既, 但可以解理拿拿聲叫早餐食喇喂黎到緊係要食招牌野啦豬扒 : 淡淡香茅味, juicy唔鞋口, 係薄左少少姐情願唔好揼到咁大片而有番D厚道米粉 :  有驚喜, 係新竹米, 我食得慢都唔怕發哂漲火腿奄列 : 不過不失, 但勝在火腿份量絕不孤寒隔離檯食金華火腿通勁香, 仲有片仔花膠添下次再黎早餐一定要試下

屯門舊址都食過，而家搬近咗西鐵站，仲方便新店裝修以粉紅色為主，同西九龍分店差唔多！ 環境優雅6/7pm左右去到，好多人排隊呢畢竟出街都食到無味精嘅嘢，係受歡迎啲#見字飲湯打卡位無味精老火湯 健康又美味跟餐包嘅，抵呀！！豬骨瘦肉煲蟲草花湯，有紅蘿蔔，仲有其他材料。啲湯好味，飲完唔口渴，確認咗無味精可以加錢加杯飲品色香味俱全港式餐廳黎講呢 算擺得幾有心思溏心蛋晶瑩剔透蓮藕餅豬扒飯 份量多，豬扒大大件，抵食夾大份！豬扒都juicy有蛋、有菜、有湯、有飯，營養全面吸收！又唔油膩！咖哩好香牛腩偏瘦，半肥瘦更迎合個人口味食物種類繁多～屋企人都食得津津有味打卡-able咖喱味濃，但無味精，唔油膩人均消費$71，好過食food court!

屯門區我特別鍾意食嘅茶餐廳之選，雖然每次去都要排一陣隊，但係人流都算嚟得快，所以通常排半個鐘來都可以入去坐。以茶餐廳來講，粉紅色同灰色嘅配搭都算比較優雅，仲要有草草長俾人影相，呢點我都覺得幾正。小食方面，我就幾推介食豬頸肉，本身都唔預佢嘅份量好多㗎，點知一嚟到呆咗，有冇咁抵呀，超級多片嘅豬頸肉，佢整得比較香脆，你會見到佢真係金黃色，切到變成薄片，四個人去share嚟食都夠。上次見佢有好多唔同顏色嘅面，可惜今次去到佢淨係得返波菜麵姐，估唔到都幾大碗喎，我覺得一間茶餐廳最緊要份量要夠粥，因為有好多藍領嚟食飯都係想飽肚嘅啫，仲要係好好味嘅食物飽肚，實在係令人哋覺得好親切。口水雞係另上嘅，都幾辣下㗎，會食到人身水身汗，不過嗰種辣味都幾香，值得再食嘅！招牌蓮藕餅豬扒飯，就係我嘅至愛，每次嚟都一定要食㗎 ！如果佢嘅蓮藕餅可以好似小食咁叫就好啦，即係例如$5蓮藕餅$50咁樣。又好食，份量又足，絕對係良心茶餐廳啊！

第二次食閨家，今次帶父母去，媽媽話原來閨家嘅發源地係喺置樂，佢好多年前已經有幫襯過老闆娘嘅舊店，以前都係屯門嘅街坊嚟㗎。😂阿媽叫咗咖喱牛腩，佢嘅咖喱飯非常香濃，娘親大人好快就成碟食晒啦。牛腩炆得好琳，就算牙唔係咁好嘅娘親，都可以成碟食到，呢點都要大讚！👏🏻👏🏻你阿爸就食豬扒飯，豬扒整得好鬆軟，大塊過手掌🖐🏻🖐🏻，仲要有成兩塊咁多，其實真係好抵食， $50左右包一碗燉湯，加幾蚊就有埋凍飲🥘🍹，唔怪得大排長龍！我自己就食至愛蓮藕餅豬扒飯，雖然蓮藕餅只係得一塊 ，但係絕對誠意滿分，如果佢小食有得嗌蓮藕餅就好啦，豬扒飯我覺得係必嗌之選！👍🏻

平時嚟屯門睇戲，食嚟食去都係嗰幾味，食都食到悶。之前睇杜生節目有介紹過，呢間嘢之前喺屯門都有但執咗，另一間又喺北角，好少機會走到咁遠。依家屯門開返可以試一試佢。首先叫咗個好多人都推薦嘅真·手撕雞飯。個手撕雞本身就有沙薑味，點埋個沙薑汁個味更濃。個沙薑汁可以做返水少少就更好。另外跟餐會送個例湯，同單點嘅湯係一樣，不過就細d。湯嘅味道同屋企飲開嘅好似，啱曬我呢d冇乜湯水嘅人。跟餐加左$12換個菜，有菜心同生菜，豉油同蠔油可以揀。朋友見個個都食飯，就話想試下佢個手工麵，點知3款麵都賣曬，睇嚟係好嘢😂 佢就轉食咗炒一丁。份量嚟講，同出面茶記差唔多，味道偏咸少少，不過不失。食完兩個餐都唔夠，想叫份豬頸肉但賣曬，咁就叫左個滷水雞腳嚟試下。雞腳個size比酒樓個d大好多，而且好腍好入味。下次再早d嚟試下佢個手工麵先

上個月終於黎左長期長龍嘅「閨家」今次再黎，全因三個字「平。靚。正」😂.【餐牌】.【咖哩豬扒飯 $50】經典港式咖哩汁，黃咖哩加左椰汁落去濃稠度較高，椰汁味重，但不失咖哩香裡面有煮得好腍嘅薯仔，紅蘿蔔豬扒醃過亦過過油肉質嫩滑又帶酥香豬扒蘸上香濃咖哩汁去食，真係超級送飯呀！豬扒已切件，大約都有7,8舊，好足料🙈跟餐價嘅凍飲只係加$7，好抵飲wo😘.【手剁香煎蓮藕餅飯 $48】閨家嘅Signature Dish😎吾試真係會走寶😂如漢堡扒般大嘅蓮藕餅以一粒粒蓮藕碎所製成口感好清脆，兩面煎得夠香加左少少紹興酒調味，更出色😈仲有蔥油同醃菜做拌碟，大讚！另外，建議加半隻溏心蛋（$6)味道更豐富呢🥳.【老火湯 $6】星期五既老火湯係雪梨蜜冬百合煲豬展味道清甜，飲完吾會覺得口渴係無味精嘅最好証明🙈.【香茅雞翼 $28】雞翼用香茅醃過再炸入口酥香但香茅味吾算重最特別嘅係有醃菜加係上面，食落幾特別😂.

屯門開咗閏家唔係好耐，已經成日大排長龍，今日都唔例外，不過排咗20分鐘左右就入得。所有飯都配埋老火湯，而且每日唔同，今日係蘋果紅蘿蔔沙參排骨，非常足量無味精，啱晒繁忙嘅都市人。香煎蓮藕餅豬扒飯呢到豬扒係招牌，幾乎每一枱都會有，豬扒超大塊，而且好鬆軟，唔會有UN，醃到夠晒味，就咁食都好正，蓮藕餅都幾厚，好有媽媽嘅感覺，配埋少少雪茶同薑蓉，個飯好快就食哂。慢煮豬軟骨飯呢個不得了！豬軟骨竟然炆到啲軟骨軟綿綿，第一次食軟咗嘅軟骨，好重骨膠原，個嘴黏黏哋，真係一試難忘配埋個汁，簡直係白飯小偷！必須要Encore！

全勝熱話消費券到啦🍻🍻🤩🤩其實有冇消費券都要食飯嘅🤣🤣Weekend咁鬼熱唔煮啦！一家3口出街食😎老公指定要來 閨家食棒棒糖滷鴨飯，仔仔就指定香茅豬扒雞翼飯🤣🤣一坐低即刻香茅豬扒波菜麵，手快有手慢冇，好有質素，清清地波菜香味，夏天食特別好胃口！好大碗呀，配豬扒，好香口👍👍棒棒糖老鴨飯，老公讚口不絕，去咗骨啖啖肉容易食又入味，配飯真係一流呀，仲有沙律菜，賣相又靚又健康😬😬雞翼控都讚呢個香茅雞翼豬扒好味道，都幾大碟，大男人都夠晒飽☺️麻辣雞腎有驚喜！香香辣辣開胃惹味😋份量仲好多添真係唔錯！一個星期食一次應該都唔會厭🤣🤣

經過新墟見有新店，裝修幾舒適，入去一試店入面有大字「見字飲湯」，睇黎主打湯。問完店員先知跟餐例湯每日唔同是日例湯：五指毛桃淮山煲雞，湯料比足份量，有1/3碗係湯料入口都幾清甜，飲完冇口渴力推首選手撕雞飯，雞肉份量多，本身唔沾沙薑汁都夠味，咸咸香香，好快就食曬d飯加埋沙薑汁，超級惹味朋友嗌咗甘筍麵配豬扒，湯底好甜，麵入口有淡淡甜甘筍味，口感幾得意，偏軟身。豬扒入味，好大塊加左$12配菜心見小食價錢都經濟，一次嗌咗2個炸饅頭即炸熱辣辣雞翼香口整體價錢經濟，唔過$50已經有個晚餐，環境舒適，食物唔錯

平時一向都支持好食食店，呢間味道一向有保証，又有湯水飲，見字飲湯。但係近期晚市去次次買都話無湯，大佬呀，7點幾咋喎，你店主打就係湯水，咁早都唔refill點賣到半夜呀，太夜賣晒都仲講得過去，再唔係跟番杯茶濕下個口都好，有時趕時間乾哽個飯真係幾辛苦😰老闆一少左係度就跌晒水準，味道開始飄忽，時濃時正常，希望佢之後會改善番水準。之前叫雙拼變單樣，多飯變少飯，漏單呢啲小問題見佢地忙到踢晒腳我都算，但今次真係有啲離譜。