阿一豬扒酸辣米綫 (已結業)

阿一豬扒酸辣米線一直想試，原來尖沙咀都有分店，所以趁午飯時間試一試。該分店的座位尚算多，午膳時間幾乎爆滿，一兩個人都可即時安排入座，人多的話就要等一會兒。食物方面，套餐選擇很多，有主打米線，亦有烏冬和泡飯，最後選擇了阿一豬扒酸辣米線和木耳這組合。木耳帶麻香，不太辣，是個不錯的餐前小食; 米線分量十足，豬扒有兩三塊，每塊都炸過，入口鬆化入味，配上花生酸菜，十分開胃。想要飲品加九元，五十多元有小食、米線和飲品，價錢合理，性價比高。

lunch係尖沙咀亂行睇下有咩新野食行行下見到阿一豬扒酸辣米線，咁啱前幾日係ig見到有foodie推介過，就入去試下啦行入去未坐低、未睇meun個呀姐已經行埋黎想落單我話睇下menu轉頭先落，佢黑我面雖然話哩到既豬扒米線係最出名既，但係今日想食清啲，就叫左個什菌肥牛酸辣米線，bb辣可能兩點幾果陣冇咩人，等左三分鐘左右，啲野食就到齊啦，超快！其實我好驚係出面食菜，因為通常都好油，但哩到唔會，啲菜啱啱煮熟，出到黎熱辣辣好正仲要無咩油，好開心見到米線果陣我都o左咀，好大碗呀！唔係睇落去好大，食落都好足落，無論係什菌、肥牛定米線既份量都超級多，食完好飽好滿足，如果細食既話真係要叫少米線。好啦！講下味道先。個米線熟既程度同煮既時間啱啱好，就算放落黎之後我冇即刻食，比湯浸左一陣都仲係彈牙嫁，係我中意既口感什菌唔止份量多，佢菇既種類都唔少嫁！有冬菇、雞脾菇、蘑菇(？)其實我唔太識分，但最少都有三種。雞脾菇啱啱熟有咬口，其他都唔錯。肥牛略啱熟左d，唔會太肥，但有牛味，每塊都大大舊，最少有五六片，係我食過既米線入面出手最大方既一間。唔係講笑，我食完米線之後仲有好多肥牛同菇未食完，真係好抵！同埋佢有花生、

上次一個人食lunch,今晚就同老公去食晚餐。小食點左青瓜及炸雲吞，兩款都唔錯。老公點左豬扒酸辣米線，我就點左雞絲酸辣薯粉，我覺得薯粉質地麻麻地。另外點左個蘿蔔+唐生菜，$22大大碗不過份量就足夠，老公話呢度可以成為新嘅晚飯點

尖沙咀寶勒巷愈開愈多嘢食。最近又開咗間豬扒米缐專門店。招牌款式有豬扒及牛肉等等!另外都仲有多款四川小食！有時想食得辣嚟又食招即可以諗下。一個人入到來見到餐牌都好多選擇見個名幾特別就揀了個紫菜鯪魚卷麻辣烏冬紅豆冰先上枱。眼看好像有很多紅豆。一飲下，發現真係很足料。飲都尾聲嘅時候，味道都沒有變淡。而且有很多大大粒的紅豆。紅豆淋得黎仍然有咬口。不錯的説番碗野賣相幾好紫菜鯪魚卷外層用紫菜包住切成片內裏鯪魚肉煎得香口惹味而且十分彈牙，數量不少有七至八片烏冬整得好好味喎，喺酸、辣、咸三種味道其實唔係太辣，重點酸中帶辣有陣麻香味最吸引鳥冬非常滑溜，原本冇味烏冬吸收了酸辣湯頭之後變得十分惹味真的是會一口接著一口吃啊環境簡潔，裝修古雅服務員也勤快

見佢開左一排，都好多人食，今日就食個lunch。第一次食，緊係試下佢個豬扒酸辣米線啦，點左個全日套餐，跟一個小食，選了海蜇，及加左9蚊要杯紅豆冰豬扒酸辣米線：豬扒份量足，有兩大塊，米線略為粗身，份量足，最鍾意有好多花生放面，香脆海蜇：調微辣，調味偏甜，質地爽但偏硬紅豆冰：紅豆大大粒，夠淋，但大甜以上一個套餐+飲品，成為$55，尖沙咀食野，呢個價錢中規中矩，而且份量足，我係食唔哂d米線及紅豆冰，下次都係唔好咁貪心，飲凍檸茶算喇

一星期總有一餐晏要係尖沙咀解決！尖沙咀餐廳多到暈！所以決定要次次食唔同餐廳！今日點燈點到黎阿一豬扒米線！款式都好多！我就揀左個招牌豬扒酸辣米線！朋友仔就揀左個魚肉小雲呑米線！🤣明明就係豬扒最出名！我地再叫多個拍青瓜小食！拍青瓜到！夠辣夠酸又爽脆！份量正常！亦都好入味！再黎就都我個豬扒米線，一開始問落單個姐姐大辣會唔會好辣！自己問完都覺得係費話！🙊所以就叫左個中辣試下先！黎到一試味！一向好辣嘅我，都不禁講左句，係咪清湯黎架🤣所以當機立斷叫佢比碟辣油我加辣！呢個麻辣辣椒油正！好香花椒味同夠哂辣！為我個米線生色不少！佢呢間啲米線係屬於粗身的，但仍然非常爽滑，絕對唔會煮得太焾身！豬扒就更加唔洗多講，一個字正！仲要有成3件！朋友叫個魚肉小雲呑就好一般，咪就係魚肉用個雲呑皮包住咁囉！總括黎講有下次！價錢亦合理！

萬聖節的晚上想搵野食，發現原來寶勒巷都幾多餐廳（平日好少行黎呢邊），仲發現新開左間阿一，好懷念以前讀大學個陣成日食豬扒米線，一於試試呢間新分店環境大而光猛，仲有卡位，可惜冇影相，都算係乾淨我同老公每人叫左個酸辣豬扒米線套餐$46套餐包小食同米線，飲品加$9，冷熱同價不消幾分鐘美食已經送上！炸餃子- 佢係鯪魚肉餃子，細細粒又脆又香口仲有海蜇- 爽口得黎帶有麻油香，少少辣豬扒酸辣米線 小辣- 嘩好大碗！豬扒有三大塊，米線係較粗身比較滑，酸菜唔會過鹹，加埋花生口感一流分量真係好多，女仔應該食唔晒吧但建議豬扒另上較好檸蜜唔洗額外加錢 （都係$9） 叫佢少冰真係會少冰比你埋單$55 一個人，又好坐唔趕你走，個人認為平靚正！

[ 豬手麻辣烏冬 ]名不符實，係酸辣而非麻辣 😂 但係好好食！豬手麵都係清湯好啲，食出豬手香濃 🐷.[ 阿一豬扒酸辣米線 ]豬扒遠不及香港大學店，太燶，好乾扁。我最中意嘅酸菜都落得唔夠多。米線粉質一如既往地好。.[ 川味豆腐 ]有5件，份量幾大，味道唔錯 👍🏻.[ 香麻海蜇 ]唔香、唔麻，不必試 👎🏻.豬手麻辣烏冬配川味豆腐$44，阿一豬扒酸辣米線配香麻海蜇$46，價格相宜.但服務比1分，因為經理同店員A好似失控咁，視食客如無物，不斷大聲鬧店員B，我聽到都心靈受創 😑😑😑

寶勒巷一直是我跟同事的一個午餐據點。價錢合理，美味又不用等位的餐廳其實挺多的。這天發現這裡開了一間新的餐廳，接過傳單一看，價錢和食物款式都很合適，便來一試了。據說餐廳新開張的一段時間，食物質素都比較高，不知道是不是，但新店只少乾淨企理。午市有提供客飯和米線套餐。第一次來，當然要先試他們的招牌 - 豬扒酸辣米線。一大碗豬扒酸辣米線配上一款小食，收費共$46。在這一區來說，已經算是價廉物美。小食我選的是川味豆腐，同事選的是涼拌海哲。雖然是滷豆腐但口感挺嫩滑，還可以再入味一點。兩款小食都很惹味。米線方面，我叫的是小辣，但已經很夠味。米線有配一些酸菜和香菜，爽口又開胃。然後，豬扒很大塊，醃製過的豬扒炸過，浸上酸辣湯底，十分滋味。值得列入午餐食堂清單XD缺點是飲品要加$9，挺貴的。食完米線之後，雖然很渴，但還是忍住回到公司才喝水。

今天經過寶勒行，肚子餓，看見有家新開的店，門口擺滿花籃，抬頭一看，原來是新開的阿一豬扒米線，我吃過很多次啊一豬扒米線，不過都是在西環店，今次看到在尖沙咀開的分店，心情很興奮，因為以後不用再走到西環吃，而且門口還可以停車。但是可能是心理作用的關係，總是覺得西環總店的是最美味，如果西環便是100分，尖沙咀店應該是95分，食物質素好之餘，服務員的態度也很好，一直沒有待慢我們，下次一定要再來。