阿一豬扒酸辣米綫 (已結業)

一星期總有一餐晏要係尖沙咀解決！尖沙咀餐廳多到暈！所以決定要次次食唔同餐廳！今日點燈點到黎阿一豬扒米線！款式都好多！我就揀左個招牌豬扒酸辣米線！朋友仔就揀左個魚肉小雲呑米線！🤣明明就係豬扒最出名！我地再叫多個拍青瓜小食！拍青瓜到！夠辣夠酸又爽脆！份量正常！亦都好入味！再黎就都我個豬扒米線，一開始問落單個姐姐大辣會唔會好辣！自己問完都覺得係費話！🙊所以就叫左個中辣試下先！黎到一試味！一向好辣嘅我，都不禁講左句，係咪清湯黎架🤣所以當機立斷叫佢比碟辣油我加辣！呢個麻辣辣椒油正！好香花椒味同夠哂辣！為我個米線生色不少！佢呢間啲米線係屬於粗身的，但仍然非常爽滑，絕對唔會煮得太焾身！豬扒就更加唔洗多講，一個字正！仲要有成3件！朋友叫個魚肉小雲呑就好一般，咪就係魚肉用個雲呑皮包住咁囉！總括黎講有下次！價錢亦合理！