阿一豬扒酸辣米綫 (已結業)

吃過多次，湯底都對板，酸菜都不錯，就是辣味比較單一。米線軟硬適中，份量剛好，不會太多。今次吃手撕雞，雞肉份量少，比較鞋口，建議點有名的豬排。跟餐的飲品選擇多，西洋菜蜜很滋潤。

阿一豬扒酸辣米線，其實招牌菜係酸辣湯底定係豬扒？？？第一次幫襯，試左豬扒酸辣烏冬，因為唔知道呢間餐廳個辣度，所以穩陣點左小辣。面頭有好多蔥，莞荽，酸菜，樣樣都係我最愛，如果唔食蔥的記得要走青，因為真係好多蔥，先飲左一啖湯，酸帶好少好少辣，辣味係有好輕微麻辣，都幾開胃，烏冬就一般，冇特別，配菜仲有花生，有d似食重慶酸辣粉既味。豬扒份量都唔算少，有3塊中size, 豬扒醃得好入味，同埋好淋，唔會硬同乾， 豬扒水準都幾高。午飯一碗$42， 飲品再加錢，尖沙咀來說尚算接受，價錢適中，可以encore

當日五點多就去到食火鍋。見到張紙寫有海鮮：象拔蚌仔，蟶子，花甲，貴妃蚌，海蝦同班片。坐低俾左一碗海鮮俾我地，類似用食米線咁大碗黎裝。因為一碗海鮮抄埋一碟咁都冇特別留意，烚烚下發現冇蟶子冇象拔蚌仔。後來聽到隔離木台都問，話今日冇貨，換左做蟹柳⋯ 但其實蟹柳係張紙上是任點的，變相冇左送的2樣餸。除此以外，仲要冇黑百葉同竹笙。咁其實冇咩特別野好食。其他餸都是普通，所以如果再食都是食番招牌豬扒米線比較好吃。火鍋是個大伏！

獨自一人在尖沙咀覓食打算吃雲吞麵，簡單點填飽肚子就好後來走外圍點，看到阿一米線店裡面不少客人在吃火鍋（主打個人火鍋）但火鍋要多人才好吃啊！試試米線先🍜點了全日供應的套餐阿一豬扒酸菜麻辣米線 $46（叫了BB辣）奉送一道小菜，選了拍青瓜豬扒炸的很酥，浸泡麻辣湯汁讓豬扒稍減火氣湯底我叫BB辣，不辣倒是麻米線滑嫩有嚼勁算是品質不錯👍🏻快速簡單填補肚餓之選

睇雜誌介紹呢間酸辣米線夜晚會做埋任食火鍋，見幾抵食所以就去試吓。打電話時候話冇得book 既，6點8左右尼到唔洗等就有位坐，坐低10分鐘到有人walk in 已經冇位。想食要預早少少去，因為間舖唔大，唔係就要食第二輪。本身話係一人鍋尼既，我地五個人坐既圓枱太細喇，只放到兩個鍋，唔緊要啦都。我地叫左清湯，如果有嗜辣之人去可以試吓地獄鍋(要加錢)除左海鮮之外，肥牛豬肉同其他配料都係任叫既佢會跟返人頭去比盤海鮮你，有貴花蚌，蜆，海蝦，蟶子等等。之後再食就要加錢啦個煲細之餘，中間有碌柱頂住左，放左個蚌落去唔係好夠位，加湯又驚滾瀉，都幾論盡。桂花蚌同蜆有D軔，咬左好耐都唔碎，海蝦夠新鮮。肥牛係即切既，等左都幾耐質素幾唔錯，黑豚肉片一食落去不得了，肉好嫩，驚喜呀牛魔王第一次覺得豬係好食過牛!!!手打蝦丸好正好有蝦味但手打墨魚丸反而冇咩味響鈴係普通貨式冇咩特別蘿蔔應該事先有浸過吓，好快淋~呢個炸魚皮認真不得了!!大大件之餘仲要即炸，上枱仲係辣手浸完落湯依然咁脆，好有heart最尾叫左一個米線食，米線爽滑，唔洗碌咁耐，唔係會碎晒可能岩岩先開始做，所有野難免有少少亂。1. 飲品選擇少，得可樂，菊花茶，冰

見到介紹，話專賣豬扒米線嘅鋪頭竟然有火鍋放題，身為fans嘅我點可以唔黎試下呢～..火鍋米線放題淨係尖沙咀店限定，從來都未去過呢一間分店嘅我好驚要等好耐位, 所以好早就到咗啦.雖然張海報話火鍋放題係全日供應，但因為而家應該係試業中，淨係晚市先有..(喺呢一個地方食火鍋個感覺好微妙）一嚟揀湯底有五種,分別係清湯，麻辣（大/中/小）同埋地獄辣（+$10）.平時食得辣嘅我哋唔知道揀邊隻好，店員就建議我哋食住小辣先（但我地食落覺得唔夠辣，建議食得辣嘅起碼要中辣）..跟手叫咗第一round嘅嘢食先..由於佢哋嘅噱頭係海上鮮，所以每一個人都會黎左一個海鮮拼盤先，當然啦，米線又點少得呢（冇影到相）！..其他餸菜嘅質素就唔多講啦，同平時出街食嘅火鍋料差唔多，但係勝在選擇都算多，份量夠。咁樣嘅價錢其實真係好抵食...值得一提嘅係飲品都係任飲，有可樂、陽光檸檬茶、陽光菊花茶、維他檸檬茶、康師傅檸檬茶同埋康師傅綠茶.真係性價比好高嘅一餐

你無睇錯呀！呢度本身係食米線，但無啦啦竟然有火鍋放題食！d食材大部分都係米線會食既料，雖然選擇唔算好多，而且都係「下欄野」，但$128一位再送個海鮮拼盤，又有牛羊豬全齊，都算係甘啦！個人認為貢丸同韮菜餃最正👍🏼不過而家湯底得清湯同麻辣，如果有多d其他選擇會再好d。

尖東地區食午餐閒閒地都要$50，不過呢間就都算幾平，$40-50就有一碗麵再加一樣自選小食，例如海蜇青瓜木耳，都幾正架，另外有幾款就係跟飲品，選擇都好多，有麵有湯飯。我就叫咗個清湯豬扒麵，另外亦可以揀酸辣湯底。雖然係清湯，但湯底都非常夠味，甚至會覺得太濃，食完要不斷飲水，不過呢個價錢食飽之餘仲要味道唔差，份量唔少，真係好難得！而青瓜同海蜇都幾好味，配米線幾好，而豬扒就非常大件，比較熱氣，唔可以成日食 哈哈總結嚟講真係唔錯 可以encore!

行經寶勒巷，正值午飯時間，見到阿一豬扒酸辣米線外面，有一條小小的人龍，本著「排隊有好嘢」的心態，於是排隊試一試。餐廳提供的食物種類繁多，有米線、泡飯、烏冬、飯等等。清湯豬扒米線－怕辣的朋友可以選擇清湯，味道清淡，而豬扒先炸再放湯，會有少少腍，但都無傷豬扒整體味道。酸辣豬扒米線－豬扒都是一樣，換上惹味的酸辣湯底，味覺激激增添不少。麻辣味木耳－木耳爽口，富蒜香味。香麻海淅－麻香味濃，海淅份量多，但口感較韌口。拍青瓜－微辣而且帶麻香，入口清新。

第一次食阿一酸辣米線，但印象十分差！我諗係呢間分店既店員態度十分有問題下次要再去筲箕灣總店試下叫咗豬扒雞翼酸辣米線，豬扒同雞翼味道都不錯，炸得都幾香口。而米線較粗身，食落比較煙韌，又唔會煮得過冧。湯不過不失，酸辣得黎都唔會太蓋過清湯既味道。印象咁差係事關叫咗杯凍飲，飲咗3分1發現一隻螞蟻浮咗係面同佢伙記講翻呢件事，佢黎手就倒咗佢，然後局住你要換佢其他飲品，如果啲冰有蟻，個人認為就算換過杯都未必乾淨得去邊，我寧願岀去再買其他飲品。所以岀去俾錢既時問第2個店員(應該係店長)可唔可以取消翻佢，個店員態度好差咁講佢地冇得void單，一係你換一杯，仲大大聲話係我唔肯換過杯 ！最激氣晚係 從頭到尾都無講一句唔好意思抑或道歉 ！到最後雖然冇收飲品既錢，但真係令人好憤怒，仲大大力dum翻找續既錢岀黎一間餐廳 就算你啲食物有幾好食 但你咁樣對待客人 將食物不潔責任推得一乾二淨 實在說不過去！

又係煩惱午餐食咩既中午，今日同事介紹一間距離公司較遠既米線舖，話要開拓我既眼界，咪成日去我既飯堂譚仔喎😅⋯咁好啦唯有去會一會「亞一」冷落吓「三哥」啦🤣四個人都叫咗招牌既—阿一豬扒酸辣米線🤣加配紅豆冰😊米線方面我叫咗少辣，辣既程度對我黎講係啱啱好，配上紅豆冰就啱啱好❤️講返米線個評價先，米線既外表一睇明顯比一般既粗啲，食落真係有驚喜！佢令我聯想到紅薯粉，佢既口感有微微既Q彈⋯真係好味喎👍另外個豬扒份量都好大，個個都一塊大豬扒，同行既女同事話下次再黎要碎上🤣咁大塊⋯好難就咁食喎🤣$47就有一碗咁足料既米線加一杯紅豆冰，我肯定我會再返黎囉😏

今日下午我又同同事出左去食 本身想食譚仔 因為最近睇左馬明個rap 突然好想聽譚仔話 食皮玉子 但原來我個同事琴日食左 所以最後我地轉戰去左都係食米線嘅 阿一豬扒酸辣米線我地四個人都叫左同佢間餐廳一樣名嘅豬扒米線 小辣 呢到好嘅位係無論冷熱飲品都只係加$9 紅豆冰都係 加埋每個人都只係 $46 而個米線好有驚喜呀 佢啲米線比平時譚仔個啲粗 但好易入口同口感唔錯 軟綿綿 一咬既斷 豬扒都幾多 係有醬汁醃過嘅 幾好味 同埋都幾有咬口 因為塊豬扒都幾厚 最正嘅係佢個湯底 酸菜同啲蔥都係重點 令到個湯底酸酸地 小辣岩岩好唔會食到咳 唔怪得咁多人排隊啦 值得推介!

之前喺西環分店食過一次，豬扒酸辣米線好好味。今次就試一試湯飯同埋水晶粉。一到去店員就推介一個好醒目嘅菜式名，失傳鴨腿湯飯，聽到個名當堂嚇親，然後叫左。另外叫咗一個片頭海蜇酸辣水晶粉本身我都唔鍾意食鴨，所以有啲擔心唔好味。上到枱，發現湯汁好濃，而且應該有少少藥材味。鴨腿肉，已經滾到好淋好軟，原裝連啲骨一咬就碎。一大碗白飯，倒落湯水即刻變成湯飯超正！我同女朋友食完之後，身體即刻變到超級暖，應該因為鴨本身有補血嘅作用。成一道菜色，水晶粉好少地方有得食。水晶粉，一條條晶凝通透、明亮，每一條肥肥地細細條，加上海蜇頭、酸菜等等，有豐富口感、有層次嘅味道正！埋單100有找

叫左什菌肥牛米， 吾食得辣吾建議要辣，配青瓜， 好脆好有驚喜呀， 好開胃， 如果個米加一兩條菜有d 綠色野會更吸引老公叫左蒜香雞飯， 配紅豆冰， 入到去見個個都order,所以都試下， 紅豆冰既豆煮到岩岩好， 以前出面食到吾熟仲硬身既豆， 所以好耐都吾敢飲紅豆冰， 點知喱個一試又幾好飲， 難怪每台都有人叫店員都好親切好有禮貌， 特別有個伯伯nice, 服務真係加零一👍一定會再黎下次要試下個招牌豬扒先得， 我下午去， 人吾多， work in 就有位了

叫左碗蕃茄湯豬扒米線，有番茄但完全無番茄湯味,淡到爆，豬扒有1大2小，小的豬扒又硬又乾，仲話自己係阿一，食左半碗就走人我朋友叫左碗酸辣豬扒米線，都話無驚喜。現場仲有啲大倉蠅飛來飛去，真係要改善一下