阿一豬扒酸辣米綫

營業中

休息中

一家人拜完山喺筲箕灣落車, 順便去東大街食阿一豬扒, 等咗兩三張枱就到我地。我叫左蕃茄薯仔豬扒米線 湯底甜甜酸酸的越食越開胃豬扒起碼都有四塊, 厚薄適中, 炸得好香又唔會好乾, 肉質juicy真味豬扒酸辣米線 湯底唔算好辣 酸辣比例啱啱好, 多啲酸菜會更加好$29炸雲吞 好鬼大碟, 炸到脆卜卜。個餡糸鯪魚肉 食落都幾彈牙, 不過單調咗啲如果加啲菜或者蝦 仲好食呢麻辣海蜇 真係辣到跳舞, 所以比晒屋企人食呢一餐 絕對係性價比高

假日去完龍脊行山之後，決定去筲箕灣食埋個晚餐先番屋企😝由於小編住新界地區，好少過嚟東區，所以經朋友介紹試下呢間好似好多人推介嘅米線餐廳😋我地一共叫左2碗米線同1碗胡椒豬肚魚鬆泡飯，仲要叫左小食（佢地d 份量好大，建議大家量力而為啦🤣）米線選擇一定唔少得招牌豬扒酸辣米線👍🏻豬扒炸得好鬆軟，一d 都嚟會好難咬開，個味都好好，配合埋佢個酸辣同炸菜，真係好正😍佢d 小食份量都好大又好食，性價比好高不過佢地手絲雞係熱嘅，差左dd不過整體嚟講好好😍下次再去筲箕灣會再食

呢間野原來得港島先有分店😁😁聽講佢出名系食豬排嘅。不過我不嬲都唔鍾意食大舊肉，等我試下其他野先🤣🤣呢度外賣都系每碗30幾蚊咁。雖然話系雲南野但唔知點解我覺得好港式😆😆。雜菌手撕雞清湯上海麵🍗🍄佢啲上海麵好似烏冬咁，粗粗地，不過唔系烏冬咁彈牙，系軟淋淋，幾搞笑🥣🥣。清湯底都幾香，似肉湯但唔似味精。超多芫荽同蒜，系經典嘅港式重口味。雜菌竟然系冬菇比較多，唔硬但唔算好索味。手撕雞都幾多，唔太鞋，正正常常咁。韮菜餃酸辣上海麵🌶🌶佢其實都系同一個湯底，不過配菜除咗芫荽同蒜，仲有一大堆東菜、辣椒、花生等等。味道唔似譚仔或者酸菜魚嗰種酸辣，而系好港式細個食嗰種、茶記/大排檔嗰種味道。辣度適中🤣🤣。韮菜餃個皮超滑，韮菜餡唔算好青味，好香油味。

店內採用深色木的枱椅及櫃，款式有種傳統古舊小鎮店舖的味道。👇櫃內放有自家品牌製造的麻辣醬($60)和酸菜($39)👇餐牌有米線、水晶粉等，亦有不同餸，例如雞、牛、豬、魚等。.麻辣鮮魚腩米線包汽水 $46⭐️⭐️⭐️⭐️鮮魚腩有好多塊，每塊亦大件啖啖肉，味道亦超出我預期，嫩滑新鮮，我還以為會是一般雪藏無味，結果覺得會再來和再叫👍😊蘿蔔本來無甚特別，但第一啖入口好意外地鮮甜，令我覺得希望有多幾件😊😊麻辣湯味道的確不錯，會再來試下其他款，重叫這個亦會推介。

阿一豬扒酸辣米線 東大街出名多野食，今次就專情為左「酸辣」而來，酸辣湯底真係唔係間間整得好食，但阿一真係果然係「阿一」🥇，真係食到津津有味!😋😋😋入正題先~ 💁🏻‍♀️入到阿一店鋪，細細間，店內6-7張細圓枱，嚟到阿一當然一定要點阿一豬扒酸辣米線啦，不過我就轉左上海麵，而男朋友就點左肥牛配蠔仔米線，酸辣米線可以揀走辣、小辣、中辣及大辣。我地分別叫左小辣同BB辣(向店員要求的，哈哈)。 1️⃣阿一豬扒酸辣上海麵豬扒有3大塊，豬扒大塊得嚟唔會難咬，讚! 最重要仲要係好食!!上海麵唔會太淋，湯底配合酸菜，真係絕配，我連湯都飲埋😋 2️⃣肥牛配蠔仔米線比較少麵檔有蠔仔揀，細細粒容易入口，我同男朋友叫做「一口蠔」，可以ENCORE。肥牛亦達到水準，肥而不膩!

好隨心影嘅一張相，之前亦都已經介紹過，不過能夠幾年之間令我不停番轉頭，每次食都係咁期待，每次食完都係咁滿足嘅，就淨係得東大街嘅阿一豬扒酸辣米線🍜💛💛💛我嘅例牌《番茄湯豬扒紅薯粉》，番茄湯唔算好濃郁，但係勝在多料👍🏻煲到入晒味軟綿綿嘅蕃茄🍅同薯仔🥔，目測每樣有四至五件，轉個湯底好似多咗兩個餸咁，哩$3好值得比🥴👍🏻黎阿一豬扒當然要叫《豬扒》，炸豬扒唔算油膩，入面仲係充滿肉汁，肉質亦好軟熟，又係大件夾抵食🤤👍🏻👍🏻👍🏻其餘會叫嘅配料有《鯇魚腩》，新鮮無腥味👍🏻呢一碗紅薯粉每次都食唔晒，但係口痕都係會叫多一個小食《炸韭菜餃》🥴$36有8粒即炸韭菜餃，一聽就知性價比高👍🏻咬落好脆，係韭菜多過肉，鍾意韭菜嘅朋友就岩晒，但如果旁邊唔係茄汁係泰式酸辣醬就夾好多啦...🤪雖然阿一有幾間分店，但筲箕灣東大街呢間最有特色同風味，而且水準最有保證，黎食過就會明我講咩架喇🥴

服务：得一個阿姐樓面，好好招呼，因為朋友住東大街，呢度簡直就是佢飯堂。坐低唔使睇菜單就直接落單。阿姐忙中有序，每個食客/街坊客恪守限聚令。兩個人一張台。|肥羊肉卷酸辣米線^由於見到臺面上的辣椒醬，因此將佢陪襯羊肉卷，好友打邊爐feel出曬。另外一碗當然是佢已經系友人必點都一定要試一試的招牌豬扒米線。應該話坐堂食咁耐每次都聽到有人落單。豬扒一啲都唔咸，我地叫另上一黎可以share，二黎因為都想試一試原味的豬扒。其次是因為酸辣湯底清淡不需要太濃味道，讓人不知不覺叫左凍檸茶都無飲過。街坊生意，值得再黎。

因為我真係好鐘意食米線，所以去到東大街咁多野食都專登食米線哈哈一到lunch time，呢到就好多人排隊，又多外賣單，不過叫完野食都唔洗得好耐。阿一出名豬扒好食，但係我就未食過呀，嚟到係食韭菜餃！因為唔係到到都有韭菜餃米線。而呢到啲餃一碗都6粒，全部都大大粒，加埋lunch時間有set，包埋飲品！而佢嘅酸辣都幾好食，仲可以叫佢多酸菜，一流呀不過呢到位唔多，同埋坐得好逼，全部圓枱，加埋限聚令4人一枱，叫外賣好過。

筲箕灣東大街出名多好嘢食 有魚蛋粉 又有雞蛋仔今次就介紹呢間小弟好鍾意食嘅 主打招牌豬扒米線價錢抵食而且好大碗 絕對係性價比高之選☺️~~🍜招牌豬扒米線 (+$2轉番茄湯) $45一如既往上枱真係好大碗😆 豬扒有三大件 調味入味 外面炸得酥脆食落唔會太乾👍🏻呢度湯底本身係酸辣湯 但今次想試吓蕃茄湯🍅 味道都好好飲 真材實料好多蕃茄肉同埋薯仔🥔米線偏硬身 正常水平配料仲有生菜同埋花生 成碗真係好豐富😛.🍖麻辣豬肚絲 $36平時多數出面食呢啲小食都會係涼菜 但呢家係熱食🔥豬肚絲厚肉爽口 一啲都唔鞋口配料有勁多酸菜同花生 酸同辣味好夾👍🏻麻味亦都好足 好惹味😋~~總結1）大份抵食米線 值得一試~~評分📈味道 7/10環境 5.5/10性價比 8/10

阿一豬扒酸辣米線聽就聽得多，分店遍佈港九新界，不過就好少食，今次嚟到東大街就試下佢係咪真係咁值得啦，舖頭細細逼滿好多食客，睇嚟唔少人都係慕名而來，衛生同環境就麻麻地，不過啲姐姐都幾nice。整體食物味道唔算好特別或者優勝，勝在價錢夠平，$40-50就有大大碗米線。阿一真味豬扒酸辣米線嚟到呢度一定要試下招牌豬扒酸辣米線，湯底夾雜好多酸菜、花生、蔥花同芫茜，味道只屬微辣，酸味唔夠出，似麻辣多過酸辣。豬扒有成3－4大塊，每塊都係大大塊，屬於薄身，醃得夠入味，肉質鬆化，不過嗒真啲都會食得出少少鬆肉粉味。自製韭菜餃酸辣上海麵韭菜餃好大舊同足料，雖然2碗麵都係酸辣，不過唔知點解呢碗比起豬扒個碗辣度更高，酸味亦較出。麻酸樂蠔仔好抵食既小食，蠔仔份量超慷慨，除咗面頭見到既，係滿滿既配料入面仲收埋咗好多細細粒既蠔仔，要比啲時間尋吓寶😂😂，味道酸酸地微辣，幾惹味，蠔仔亦都夠晒飽滿。人均消費：$40推介指數（10分為滿分）：7分

🦪蠔仔牛肉泡飯（$45）​蠔仔份量多，鮮甜又大粒，食到尾仲有好多蠔仔同肉碎，性價比都算高，不過湯底偏鹹，雖然我本身唔抗拒芫荽，但芫荽味太重蓋過咗湯嘅鮮甜。​好食程度：🌕🌕🌕🌕🌑.​🍅鮮茄薯仔豬扒泡飯（$45）​呢個完全唔推薦😰，係蠔仔泡飯湯底再加啲蕃茄，完全冇我想像中濃郁嘅蕃茄味，蕃茄湯底嘅精髓薯仔又唔夠粉，至於佢哋招牌豬扒，冇乜特別，不過不失，末至於要特登去試。​好食程度：🌕🌕🌑🌑🌑.​📍阿一豬扒酸辣米線 ​ ​香港筲箕灣東大街30號地下​

行完山，終點係筲箕灣東大街。於是開始搵嘢食掃街，食咗其他消息，於是就搵到呢間米線食，好耐以前食過一次，印象係味道不錯於是再次幫襯。店面細細地，得四五張枱仔。餐牌係好多選擇，起碼有三四十種唔同餸可配搭，亦可配飯食。叫咗一碗招牌香茅豬扒米線（辣），呢間米線嘅湯底係非常之清澈，加上香脆花生，撒上大量蔥花芫茜碎，食米線不能少掉的，加上自家制的辣菜舖，可能加得太多，湯底有少許偏鹹，值得一讚嘅事香茅豬扒仍然是非常好味,一碗有兩大塊，食到我好滿足；令一款是叫雞絲米線，湯料是一樣，雞絲分量十足，雞肉口感適中，不能說是肉滑，但亦唔會鞋口。

今日去畢架山行山，由鰂魚涌行到去興東邨，行咗大約兩小時，就落到興東邨去食午餐，各位山友想食乜野，其他人就話這區你熟啲，我想起筲箕灣有一間，阿一豬扒酸辣米線好好食，於是我哋由興東邨再行到落去筲箕灣東大街，我就点咗一個酸辣豬扒米線， 有兩個跟我一樣，有兩個山友唔食得辣，就叫咗兩個豬手米線，跟住兩個山友話好好味呀，酸辣適中，豬扒又夠鬆軟， 另外兩位山友話豬手好好味，炆得好淋好入味，米線又夠多，跟住山友稱讚我冇介紹錯

筲箕灣東大街有好多出名好食既餐廳小店，今晚揀咗阿一豬扒酸辣米線，豬扒炸得香口唔會食到有鬆肉粉既味道，上海麵軟硬適中面質爽口彈牙，蘿蔔甜美冇渣， 叫多個美極雞中翼，但就覺得比較普通，亦食唔到美極既味道，雖然係炸既，但唔使1分鐘就已經得，亦唔會好熱所以肯定一早整定

阿一豬扒 之前已經聽過出名好好吃 去開東大街就試下聞名的招牌豬扒酸辣米線果然真係好大大碗 2個女仔SHARE都得  店員好好禮貌 當我問有冇辣度分?佢即提議"酸辣另上 咁咪唔怕"果然好彩有另上 酸辣就係屬於麻酸辣多D 豬扒份量夠大 1碗有三大塊  醃得好出味 味道濃郁 美中不足: 環境空間很小 人多的時候差不多手貼手 而且衛生要改善!