阿一豬扒酸辣米綫

營業中

休息中

After visiting auntie nearby, I was looking for quick snack option. It seemed to have a lot of people, so I walked in to try. I'm glad I did! Saw many people eating dumplings, so I ordered too. Lots of chives and very tasty dumplings noodle and shiitake mushrooms were all good. Noodle was cooked not too hard not too soft, just right. Spices were all very good. And importantly, things seemed to have cooked after they received order, which was good. It was a bit loud but I think that's expected in

因為太耐無去食，所以同男朋友去食下！坐底同男朋友一人叫左一碗豬扒米線，男友轉上海麵，男朋友個碗到先，之後有個男仔入黎都係叫豬扒米線，但佢個碗到左我都未到，我就望下呀姐，佢話你個碗整緊，等左幾分鐘，我就再望下佢，佢話你要小辣架嘛，我話係，但我等到已經唔想食啦！遲過我到既男仔差不多食完我個碗先到！😡😡😡呀姐漏左單講句唔好意思都無！態度同埋d米線唔係太好食豬扒ok所以無必要特登去食

期待而久既假日同好天氣終於來臨，賴生又係時候帶屈小姐去遊山玩水加食好西，係鶴咀影完氣勢磅礴既靚相之後，係時候要醫下肚仔，我地今次既目的地係《筲箕灣》！一講到筲箕灣，大家必定會諗起東大街，今次我地係去探訪《阿一豬扒酸辣米線》，一間飛出香港既食店，連中國同澳門都有分店，而總店就正正座落係《筲箕灣》，冇理由唔去拜訪一下既！（加上呢間鋪頭冇咁大陣油煙味，屈小姐都想去試下）由於我地到達既時間，已經係繁忙既晚市，入面已經坐滿人，為左加快速度，係我地入得之前，店員早已幫我地落左單，食物就係我地坐低5分鐘左右奉上啦，不過舖頭比較細，座位比較窄嫁！嗜好濃味野既賴生呢就叫左：1）阿一真味豬扒酸辣上海麵(小辣)：⭐️⭐️⭐️⭐️⭐️(5星)不得先稱讚一下酸辣湯底！酸、麻同辣都十分出色有序，恰到好處！第一啖飲落去，由濃郁既酸味打響頭炮，刺激味蕾，令人十分醒神！其後則由辣味收尾，由喉嚨滲出，甚是惹味！而麻其實就偷偷隱藏其中，殺你一個措手不及，當你食完之後，雙唇就感到發麻！好出色！而「酸」絕對係《阿一》既拿手戲！佢既酸菜超爽口加超酸，係賴生食過最好既酸菜，食完其實忍不住好想帶樽酸菜回家而豬扒仍炸得香氣四溢，肉質Juicy有

喺東大街行咗幾個圈, 雖然食店好多, 不過真係唔知食邊間好, 本著求其食嘅心態, 搵間又多人食, 價錢又合理嘅, 就係咁, 行咗入去食豬扒酸辣上海麵湯底好正! 酸得好過癮, 又微微有辣味刺激味蕾, 用上新鮮豬扒 (新鮮豬扒其實有樣睇), 肉厚而腍, 仲要有兩大塊, 上海麵煮得剛剛好, 食落口仲有嚼勁

今日巧遇有事需要前來筲箕灣工作，來到筲箕灣東大街看見這間店舖客似運來，檯與檯之間迫滿滿的就可以大概估到麵線同餸既味道應該唔會差得去邊，逐決定排隊試試如何，排隊大概十分鐘，入到店內看看餐牌後點了一碗叫雞絲豬潤餃子酸辣米線，等了大約十分鐘，餸多多滿滿一碗的雞絲豬潤餃子酸辣米線已經上檯豬潤唔鞋口夠滑，餃子就比較餡少無咩味，雞絲就份量多但有一點點雪雞味，麵線煮得軟硬適中，整體都尚可。

今次又黎到港島美食街東大街尋好西📍話說同朋友仔去完筲箕灣新開的戲院睇完戲，順便行過兩條街睇下有咩食，路過阿一豬扒米線，朋友話好想食，所以🚶🏻入店。因為大家都唔肚餓，三個人叫左兩個粉。麻辣羊肉紅薯粉天氣冷，最岩食羊肉暖暖身，依度嘅羊肉好嫩口，又唔太羶，補身之餘又可以暖胃👾紅薯粉煙靭彈牙，很受女生歡迎👧🏻麻辣豬扒紅薯粉豬扒預先煎得很香口很入味，肉質細嫩，沒有煎得過火，所以每一口既能吃到濃濃的豬味，也相當juicy。阿一的麻辣跟一般雲南米粉的麻辣不一樣，他們將麻辣混合到酸菜，故麻辣會帶點酸味，十分醒胃，若果是叫外賣，他們有時會外送一點酸菜，若覺得不夠辣可自行調配，本人十分欣賞這一點👍🏼👍🏼總括而言，阿一豬扒紅薯粉較岀色，愛吃程度有⭐️⭐️⭐️⭐️⭐️

係筲箕灣返工幾年,阿一差唔多做左我飯堂只要無帶飯,有8成去左阿一開餐呢度豬扒厚身有質感,雖然咁多年都加下加下價,依然物有所值仲不斷有進步,記得以前上海麵煮得勁淋(可以話難食,以前一直只能叫米線或其他)早幾年換左個阿姐係廚房後,d上海麵煮得剛好以前牛腩都超好食, 可惜聽說成本上漲太勁,已經唔會再賣了不過,呢度仍然有全城最好食既蠔仔粥堅好食,蠔仔飽滿脹卜卜勁有鮮味另外酸辣豬扒,羊肉雙併麵(羊肉有羊味,不好者勿叫)都係心水之選雙併都係加6蚊,個人覺得好抵豬扒撈薯粉係推介之選(撈麵default係辣過湯麵)我自己鐘意辣,會叫中辣但走辣會連酸菜都無,個人覺得清湯無乜味溫馨提示:叫辣記得帶紙巾最少半包,次次都食到流鼻水不過好味還好味,介意超擠逼,大油煙既不建議來,雖然阿姐勁親切有人情味, 但中午同隔離位近乎黏住坐,食完返到公司把頭髮夠我回味成晚

聽聞豬扒米線好味，星期日中午時間去試，店舖面積很細，門口有幾人排隊，我們兩位，約十分鐘便有位，一張細圓枱會安排坐5人，一坐低，店員以超快手腳清理枱面，更表演「徒手執骨」（豬扒骨）！排隊時已點餐，點了招牌炸豬扒酸辣米線$35，同套餐狗菜餃酸辣米線跟熱飲$34，坐低5分鐘左右就有得食。招牌炸豬扒，標明係手揼，唔用鬆肉粉，啱啱炸起，亦的確係出面香脆裡面肉林，不過就冇咩味。而酸辣米線，好大碗，湯太多，食到有啲論盡，酸辣湯加左麻辣既「麻」味，完全把酸辣味蓋過，而米線就彈牙滑口，至於狗菜餃就一般啦！埋單時就出現我最擔心既場面，碗米線既湯好滿，店員送餐時手指公插落碗湯度，即刻閃過徒手執骨既畫面....oh my god都好彩係走先見到呢一幕，總括黎講，先唔講衛生，味道就真係好一般，唔值得encore, 至於衛生既野，可能有人覺得呢啲先係風味呢！

作為半個街坊 一直都未食過呢間小有名氣既米線鋪呢兩日週末都係筲箕灣出沒就去試一試 星期六係一點幾去 店內坐滿哂人 一個人勉強都有位點左個蕃茄薯仔豬扒泡飯 $38加$9 凍檸茶賣相好吸引有好多蕃茄同薯仔 湯底酸酸甜甜好開胃豬扒有四五塊 厚薄適中味道唔錯 至少無鬆肉粉味但係泡飯既飯本身煮得太淋 放埋落湯 食耐左就變到好爛 飯既份量有兩碗飯咁多 男士都未必食得哂 XD雖然未到美食級 但係性價比好高星期日嗰日兩點先去客人果然無咁多 點左蠔仔酸辣米線 蠔仔粒粒新鮮飽滿 洗得乾淨比一般自己係街市買到既蠔仔大粒湯入面仲有幾舊蘿蔔 蘿蔔無渣清甜滿心期待米線既味道一食... 點解係麻既？！唔知係落單寫錯定係呢度既酸辣又係加酸菜就算好彩麻度唔高 唔鐘意麻辣既我都食得落呢度既配料選擇好多總有一款啱口味就算日日黎 都無咁快食厭

午餐時間黎到筲箕灣，一試阿一豬扒米線，叫左真味豬扒米線同豬扒蠔仔上海麵。真味豬扒真係好好味，入口（林）滑，配上辣味湯頭，加上凍檸茶，perfect match!同事就叫 豬扒蠔仔上海麵，加上蠔仔，係鋪滿半碗麵的蠔仔，粒粒飽滿，鮮而不腥，絕對值得一試！Ps 鋪面較細，如人數多需要等很久。另外可見鋪外的人龍keep住有

星期五晚上9:00左右，剛剛好有位。食左半個鐘左右，人流都keep住咁多。叫左蠔仔酸辣薯粉（薯粉+2）加凍檸茶，埋單47蚊。夠大碗，唔會唔夠飽，細食會食唔晒。蠔仔粒粒大粒飽滿。叫左少辣都ok辣。如果第一次食可先叫辣另上。佢唔係湯底辣，係酸菜加辣椒。分上可以逐d落，唔怕辣到食唔到。

好用心的豬排麵，性價比高。豬扒好多汁、鮮味、好入味。 湯底不得了1. 酸辣 分大中小2. 胡椒3. 蕃茄 會再光顧。地方比較細，但服務很好，有人情味。下次會試胡椒豬肚泡飯。

我真係盲左，服務態度極差工作人員唔秋唔彩叫佢比個婉仔我扮聽唔到好激蕩氣👎，一心諗住食婉招牌辣味朱扒麵刺激下，完全食唔到有辣味，實在唔好食，唔會再有下一次❎好失望囉…

東大街真係好很多好嘢食，安利魚蛋粉、低調雞蛋仔、印尼串燒、民聲肉塔、恆河咖喱...真係十個胃都裝唔哂，而豬扒酸辣米線也是東大名物之一$35蚊超大碗，三大塊疊到高高嘅豬扒。從個人美學角度，一直認為白色嘅米線一定要配黑色碗，黑白分明，食慾大增。豬扒軟淋，酸菜量多大大條，酸多辣少。最令我有深刻係白雪雪滑潺潺嘅米線，比豬扒更突出。

開完會..食返個美味午餐先...特別推介胡椒豬肚泡飯⋯⋯正丫⋯⋯share都係每人36大元渣⋯⋯仲有佢地個麵好有口感丫，不過時時刻刻都係咁多人，大家要花啲時間等下啦⋯⋯