阿一豬扒酸辣米綫

營業中

休息中

行山前朋友帶我地去大東街食野。佢話阿一酸辣豬扒麵好好味，咁就梗係去食啦！店面其實好細，咁啱隔離嗰台坐得好多人，所以搞到我地連遞起手拎筷子嘅動作都好困難😂不過食大過天！冇野難到我地！我地四個人都叫同一樣野 - 酸辣豬扒米線！酸辣湯底正，夠酸唔係好辣。豬扒好大塊，好入味！本來怕豬扒唔另上會好淋，點知浸住湯都冇令到塊豬扒個質底仲係keep得好好，仲係好有咬口！另外，佢地個酸菜真心正，好爽口，而且味道唔太酸唔太甜，啱啱好！😋 見到隔離枱個涼拌雞絲海蜇好吸引，又忍唔住叫黎食！嗰涼拌就唔係好涼拌，似暖拌多少少😂海蜇唔係太入味，好彩雞絲同啲酸菜搭救！整體黎講，呢餐係抵食同好食嘅！

一直聽聞這間豬扒米線很好吃，今天終於有機會可以試一下。在星期一的下午稍晚的時間，店裡還是有很多人等著，可是不用等多久便有位子。在門外走進去經過看到的都是食豬扒米線，故坐下後沒有多想就決定點菜，因為不想吃米線故改了上海麵，我跟朋友就點了豬扒酸辣麵跟蠔仔酸辣麵。豬扒麵先上來的，端上來就看到很大一碗，豬扒更有三塊，份量十分充足，而且每一塊也是啖啖肉。豬扒吃看來很嫩，也很有味道，真的沒有來錯地方😋然後到我點的麵到了，蠔仔都好大隻，完全是我想像以外，平常吃蠔仔粥都好小的，這裡真的跌破眼鏡，而且食起來很鮮味，完全沒有臭味，真的大推薦👍🏻而且酸辣的味道適中，並沒有偏向酸/辣，愛吃辣的更可要求多辣，下次也會來的😎

🍲阿一豬扒酸辣上海麵🍲 $37一黎到已經貌似好多豬扒(圖一)點知撥開啲見到五塊😂(圖二)豬扒淋 香口 骨少 仲成五舊 好足料😝上海麵似烏冬 唔會太軟身叫左中辣 湯底夠酸 唔錯 會再食😙

肥髀同同學仔在學校🏫合唱團表演完畢！大家都肚餓了！所以坐同學仔爸爸車落山去筲箕灣搵食，當時已晚上十時多，開嘅餐廳唔多！呢間開得夜啲，去到門面平實，店內只有5-6張大小圓枱，桌椅好迫！我哋5大3小要等一等！店員安排我哋坐最大嘅一張圓枱，8個人都幾迫（不過已經係店內最大，唔係就要分枱）落單食物好快到！酸辣韮菜餃米線🍜（$36）賣相幾好！水餃係上海式水餃，皮薄餡多，韮菜獨特香味濃！米線好多好滑溜，喜歡啲鹹酸菜好爽脆，又唔會死鹹，好酸爽！湯底好香濃！辣味幾強！酸辣惹味！熱柑桔蜜🍊（$13）透明膠杯，夠熱，柑桔落得多，所以好濃柑桔皮嘅甘味，又唔會好甜！好味古法手撕雞上海麵（$36）胡椒酸菜豬肚魚菘泡飯（$42）真味豬扒鮮蠔仔米線：胡豬肚酸辣米線：蕃茄薯仔牛肉泡飯（$37）麻酸樂蠔仔（$35）細細碗，蠔仔細細隻，無腥味，啲醃料醬汁好惹味，係麻辣醬，食完個咀唇會麻掉！正！紅豆冰🍹：柚子蜜🍸：凍檸茶：食物好快到，味道幾好！服務上，樓面只有2個店員，女店員好爽，有問有答，食物飲品配搭清晰！男店員係趕客式服務，到場我入店講人數，佢係勁「悔」氣（其實佢講乜都勁「悔」氣）話未有呀！咁女店員就講要等一會！因為三

阿一一開張已經有幫襯 ，佢風光嗰陣時淨係喺筲箕灣已經有兩間分店。比起嗰時係退步咗唔少啦，不過呢個價錢嚟講佢都算足料，所以我都繼續幫襯。韭菜餃無乜退步 ，不過米線就唔多掂啦 。米線發到筷子咁粗，先唔好同我喺雲南食到嘅正宗米線比較，同佢開業嗰陣比較已經失色不少。以前有得揀幾辣，而家得辣同唔辣，仲要越嚟越唔辣。佢嘅招牌豬扒更加令人失望，雖然味道好，但就一次比一次乾。加油啦...好味唔夠架，比個心出嚟啦....

終於可以食到失傳了的鴨腿湯飯當日在附近工作完畢本想找個店子休息順便食碗麵，誤打誤撞入了此店看看餐牌發現了有鴨腿湯飯，立即試一試等十分鐘就到，飯，湯，鴨腿濃郁既湯底加上鴨肉及燉料，簡直份量十足炸過的鴨皮經上湯一燉，吸收了湯的精華非常好味連冬菇都好味湯頭食出放入了少許陳皮，感覺有錦上添花之妙。現在天氣時冷時熱，吃一個熱氣騰騰的鴨腿飯，吃下暖胃又飽肚。鴨肉配陳皮不但香味四溢，還更生津開胃及消膩的功效飯後一可樂，冰凍更解渴

東大街餐廳大部分都要等位，週末更加一定會等😩今日好彩因為落住雨，所以比較少人排隊，一去到就唔駛等可以直接入座😝由於食過幾次米線都發覺份量比較大，一個人比較難食完一碗，於是我同友人就決定叫一碗米線兩個人share，再加2份小食☺️ 一向都好欣賞佢哋嘅手拍青瓜，夠晒辣又夠凍，非常開胃😋另外叫左手撕雞魚餅酸辣紅薯粉，再加一份阿一炸豬扒😋 炸豬扒即叫即整，夠晒熱，又夠軟😬酸辣紅薯粉有d花生，更加有咬口！要留意，食紅薯粉會愈食愈辣，但係好過癮😋💎💎識食推介: 阿一豬扒/手拍青瓜/酸辣紅薯粉

今晚想起很久沒有吃過這個豬扒上海麵，決定在筲箕灣出閘回味一下，誰知道這亦是我最後一次的光顧。店內不是很多人，只是七成客，叫了我以往十分喜歡的酸辣豬扒上海麵，下單的服務人員從沒有睇過我一眼，忙著收碗碟及落order，落單後沒有將單放在我枱上，但同枱的顧客就有單。我坐在廚房出菜位，旁邊亦是收錢位置，眼見外賣落單嘅電話不停打來，廚房亦都不停製作外賣食物，心想他們要清了早前的外賣單方可煑我那碗麵，我足足等了十五分鐘，麵還未到，但發覺隔離枱剛來的男女order了的豬扒麵及湯飯都已經煮好及送到他們枱上，我立刻問寫單嗰個女士是否已經落單，她説是，她還問廚房我的單在哪裏拿出來給我看，然後對我說，「你看你的單就在這裏！你以為我沒有寫嗎？」廚房的女士亦大叫出來說「如果叫豬扒就預咗要等！一係要叫其他嘢！」當時我好想離開即刻走，但係見到呢班女士又好驚佢哋會鬧我。其實我好想問，如果豬扒要等咁耐，點解外賣我見到有好幾盒豬扒麵同埋隔離枱又會有一個豬扒麵遲過我叫又即刻嚟咗？其實佢哋啲單都好混亂，啲人又好惡，廚房嗰啲人自己都在裏面喺度嗌交。我以後都唔會再去啦。好後悔今日嘥時間去食。早知去食譚仔服務態度好過佢好多，所以譚

今日一家四口去食，係我第一次去幫襯。首先menu有得揀酸辣/麻辣/清湯/蕃茄(+$4)我選擇麻辣，點單時店員冇特別提醒其實麻辣都有酸菜。等到米線黎到時，另一位店員先話酸辣麻辣冇分別，係兩溝嚟架咁menu上有幾樣選擇係有咩作用？第二，兩位店員都態度極差！唔係要求有五星級酒店服務，但係點單時或埋單時，店員都黑口黑面。利申：我地有講唔該，唔會係因為我地冇禮貌所以店員先咁第三，其實唔關我地一家事，只係留意到店員點對其他食客。個位食客張枱有啲唔乾淨，想叫店員俾張紙巾佢抺，店員話「紙巾要$2」，食客說「係張枱唔乾淨，我抺下遮」，店員話「未得閒抺遮」咁都得？作為店員，自己唔清潔返，仲好意思話返食客。食物方面：還好，其實有其他米線都一樣咁好食。不過之前有食過嘅家人話比以前差，多左味精。我就唔會再去喇，無謂要睇人面口食野。明白店內得1-2個店員做樓面，但係今日係公眾假期，都安排咁少人做野，擺明係間店問題喇。但請唔好發洩係客人身上吧⋯

本身大愛酸辣米線。食開嘅星林居不復當年勇。唯有繼續覓尋另外一間。豬排出色！但其餘都唔多掂。酸辣湯底如果當係茶餐廳港式黎食就還好。但如果期望係雲南口味就唔洗黎試。明顯係清湯加辣加酸菜。完全係行貨。米線太硬。我覺得不如食三哥仲好d。

11:00見到個朋友，周圍好食既舖頭已經閂曬門，好彩阿一仲未閂！好少麵店有海蜇食，仲要配撈水晶粉，海蜇好爽！但係最重要都係阿一秘制酸辣配料！超夾👍🏼本身朋友話想食麻辣野，但我又唔想食豬肚或豬仔耳，所以叫左樂蠔，見到巿係好快樂！勁大粒！勁肥美！當季！你睇下，每一粒都好肥，好吸睛，加埋佢哋個醬，真係食多幾碗都無問題👍🏼

今天和老婆去東大街揾食，又於九龍人，好少去，所以行咗一轉，都未決定到。最後，老婆就推薦食阿一，話之前試過，值得作為今天的主角。阿一真味豬扒酸辣米線，不得先稱讚一下呢度的酸辣湯底，兩種味道調得很平均，誰也沒搶走誰的味道，而且辣味是在喉嚨中散發，呢啲先係最巧妙之處。繼而米線的軟硬度也控制得不錯，帶點彈牙，又不會硬，GOOD！最後，當然係主角炸豬扒，炸得香噴噴的，肉汁保留，很Juicy，就算浸在湯中，家也沒影響。

一心來到筲箕灣，想再吃安利四寶，但是，來到筲箕灣東大街的時候，安利竟然已經關門了😢。真是可惜，唯有改吃這一家同樣是傳統中式麵店。據聞豬扒相當之著名，人家點了個蠔仔豬扒泡飯，於是我就隨便點一個羊肉清湯米線。由於我一向對酸辣不算非常之鍾愛，所以也沒有叫酸辣，只點了一個清湯的米線，清香非常之清，輕微甜，沒有什麼特別。蠔仔，非常大隻，沒甚麽沙，味道不錯而肥大。羊肉不太羶，只覺少許羶香味，湯底極清，也不覺得太特別。店舖小小，圓桌擠四五人。雖不是我杯茶，但地道米線而言，尚可支持。

難得友人就三張都入馬會比人查身份証，當然要慶祝下啦去咗筲箕灣東大街搵食東大街依舊，但好多店舖都唔同咗連街頭南記都光榮結業安利又收咗工咁就去咗食豬扒啦店舖內人山人海，長期與其他食客背貼背友人叫咗羊肉卷米線目測似肥牛，但食落口真係羊驚為天人嘅係個蘿蔔，吸味，正湯飯怪就梗係食湯飯啦一嚟道，第一啖一定係飲湯先本身個湯底都已經好鮮甜加埋蠔仔嘅鮮味，真係甜到不得了豬扒三大塊唔個太鬆，保持咬口，大讚蠔珠非常大粒，份量唔錯正

足料! 豬扒軟而入味瘋狂既時候 我係可以每星期去食一碗落單:準,快,精 (中午時段係會出得慢小小)我會評分為9.7/10 除左地方細左小小 其他都係一流!真心值得去食既豬扒酸辣米線