阿來泰式地道風味 (已結業)

最近又偷懶，係屋企附近搵食，見到呢間泰菜餐廳評價一般般，於是就做一次白老鼠！金邊粉份量好大盒，絕對足夠兩個人食！金邊粉有嘅基本材料都有齊晒！唯獨鮮蝦太少，只得二隻！但食落味道唔差，都算夠味，亦炒得夠乾身！而個香芒蟹肉炒飯還可以！芒果有少少酸，但食落都幾開胃，味道主要都係來自芒果，本身個飯冇乜味，但同樣份量真係超多，一個女仔一定食唔晒！一般般，不過不失！唔知點解每次食泰菜我都必食蒜蓉包，有種情意結！我仲會專登叫個黃咖喱....就係為咗要嚟點蒜蓉包！好痴線！講返蒜蓉包，蒜蓉味啱啱好！外脆內軟，呢個好正！.而配角黃咖喱雞，我無特別去影，入面都係雞件、洋蔥、薯仔咁，不過佢嘅咖喱香而不辣，都幾啱唔太食得辣嘅朋友！但鍾意食辣嘅就會有小小失望！

呢間野開左n年，見上菜快又平先幫趁。但呢幾年煮嘢越嚟越鹹，侍應塊面越嚟越黑。疫情中期老闆諗住擺隻青蛙諗住谷生意。唔怪得有D偽黃店咁難食，呢間食完博腎虧。之前食香葉肉碎炒飯、蠔仔湯飯、大蝦粉絲煲、生菜肉碎包都鹹到喊炸蝦餅唔夠金黃，軟殼蟹包太油，芒果糯米飯芒果有渣，杯青檸梳打酸到喊。完全係港式泰國菜不夠正宗。唯一一係上菜真係夠快，價錢抵食。無骨南雞飯算唔錯黃咖喱雞飯成盒食剩2/3，雪雞十港式淡味咖喱。

偶然經過見到有泰國人姐姐喺度斬緊海南雞，心想應該唔錯再入去試吓，叫咗一碟金不換香辣肉碎炒可同一碟香辣肉碎煎蛋飯，炒河滿滿的一碟上枱香氣迫人，河粉Q彈爽滑，加入入了不少的肉碎、金不換、洋蔥同炒很野味，最後再加上紅椒絲做點綴，令碟河粉小辣得來味道又更加有層次感

在門外看到午餐價錢親民，$45便可以吃到一刻午餐，我又喜歡吃泰國菜，所以一試。泰式冬陰功湯海南雞米粉：湯頭不太辣，若能多加一點奶味道會更好，雞和米粉不少，雞的味道不突出，另外湯內的其他食材如菇類不算多。青咖喱雞飯：咖哩也是不太辣，雞不太多，味道也是一般，白米飯很多，多得吃不完。另加點了炸蝦餅，兩件切成四塊， $25來說真的是性價比很高，蝦餅炸得外脆內軟，算是不錯。午餐還附飲品。點知環境一般，服務算是不錯。

星期五晚未夠7:00pm入座，唔洗等位2人仲有4人檯tim~坐得闊落第1次幫襯，見係街坊小店都驚驚地伏㗎，叫啲大路嘢先落完order, 唔洗幾分鐘就嚟超級快泰式炒金邊粉雖然忘記價錢但好大兜，超級大兜有2-3隻大蝦好爽口另外好有鑊氣，熱辣辣配料有螄 “hum”，雞蛋，豆干，芽菜，花生碎等調味夠，好足料另外，必點生菜包調味好夠，少少辣，幾惹味生菜份量都夠即炒嘅，夠熱點了小食豬頸肉（上），又係勁大件豬頸肉片得薄薄的好易咬，肉質爽口而且幾香口雖然唔記得每碟幾錢但total埋單$200，2個人食到超飽都剩少少確實抵食

本身諗住食一間叫「鄰居」嘅漢堡店，可惜12：15未開，12：45滿座，1：15排隊，我點等呀。。。唯有轉陣去食呢間泰國野精選午餐選擇9款，唔多唔少，全部$45我ok喎，另外仲有兩款唔知係咪指定唔轉嘅，印象中有海南雞飯$52左右一份叫左香茅豬扒，切開左，都幾大塊，個底墊左少量蒜蓉炒雜菜，超重蒜味，個汁係甜酸微辣超開胃我嘅係冬陰公蠔仔泡飯，講真一望就已經流晒口水，超夠飽，酸度適中，不過唔夠香料味，少少過鹹，微辣，份量好食左一半都仲有起碼10隻蠔仔，而且佢地都唔hea，算大隻脹卜卜，肉碎又多又帶點豬肉香食唔到漢堡食泰菜，其實比到驚喜我地，不過隔左一陣就開始要再考慮，因為「重度味精」，唔怪得咗好味啦個口乾到爆，買兩支茶飲完都仲乾到夜晚，真係搞唔掂！！睇過下面嘅menu覺得唔錯合理價錢想再食，不過靠味精攞味我接受唔到，岩岩睇到早前嘅食評話服務態度差，我已經放棄左呢間「黃店」

其實之前都食過幾次，因為附近真係冇乜泰國餐廳，所以冇得揀之下先去。而且體驗真係一次比一次差，差到我決定食埋今次就算。問題１：明明出面門口有套餐嘅，但入到去永遠要問先會俾個套餐餐牌你好似今次咁，佢又冇俾套餐餐牌我地，咁我地咪照叫返泰式豬脾飯餐同湯河餐，點知侍應話依家湯河暫停，落單又幫我落錯左個泰式豬脾例牌喎，所以冇餐牌的話叫錯嘅機會會好高。問題２：性價比低生蝦刺身$98 先得6隻，我去九龍城食有8隻囉。而且上次叫咖哩牛肉，入面牛肉係比正常五香肉丁大少少嘅size ，得5~6舊， 勁多青椒同洋蔥囉。問題３：態度一般可能母親節前夕同多外賣單，所以侍應好忙，忙到有點兇神惡殺，落單又冇尾音。問題４：漏單而且食物質素麻麻叫左粉河，等左35分先到，中途已催左一次，催左兩次先到，估到都係漏左單。河粉到左，但河粉溶溶爛爛咁，唔可以叫一條河粉，係叫一塊河粉囉。下次想食泰國野都係去返九龍城，真正泰菜口味，唔係所謂嘅港式泰菜。

今日母親節，3點鐘上網落咗外賣速遞，預計6:30送到，點知等到成7點都未送到，餐廳電話同速遞公司電話又唔通，咁咪諗住落舖頭睇吓囉。落到舖頭仲嬲，舖頭嘅人只係話俾咗速遞公司其他咩都唔知，將啲責任推晒落間速遞公司度，就當我透明人無到，黑晒面咁趕我走。最後，我同屋企人等左成個半鐘先至收到外賣，跟住見到張外賣單嘅領取時間係6:27，真係唔知係餐廳嘅責任定係速遞公司嘅責任啦。建議大家大事大節都係唔好幫襯，費事影響做節嘅心情！ps啲嘢食都好一般般，又油又咸

突然好想食泰菜…無無聊上網搵到哩間阿來泰式咁地道嘅泰國餐廳，即時登入試一試！泰菜基本測評，馬拉盞飛天通菜、青咖喱雞、串燒雞牛、泰式濕炒河等，最基本最重要。性價比全部優勝，以本地泰菜來説，一定會回頭！尤其泰式滷豬脾飯，滷水味香豬脾肉嫩！推介！

又比我發靚一間超級抵食泰國餐廳，以前已聽聞依間阿來係旺角好出名。今次有幸黎長沙灣分店試下，果然一樣有水準！我和朋友選了晚市兩個2人套餐 $298，菜式好豐富，價錢唔貴之餘相對高質。生蝦刺身，蝦肉新鮮彈牙，配上蒜頭和醬汁，真係無得頂。馬拉盞炒通菜先送上，通菜炒得非常翠綠，很有鑊氣，入口不是太多油，有薑蔥辣椒的味道，不太鹹不太辣卻有夠味道，好味。泰式肉碎生菜包呢款肉碎加入咗泰式香料同辣椒去炒，食落香辣惹味我鍾意佢唔會太鹹最後黎個海南雞飯， 賣相真係好吸引！海南雞係去骨既，肉質十分嫩而入味。 醬汁唔太咸同辣，味道適中非常搭！再配上雞油飯簡直絕配。我地其中一個飯加$10轉左份蒜蓉包，香脆帶軟又惹味，正！飲埋餐包左個兩杯特飲-椰汁三色冰和同龍眼冰，真係好滿足。

成日黎食🥰🥰🥰🥰🥰今次太懶所以叫外賣😂😂😂外賣多數都失水準，但呢間一流！海南雞飯呢間嘅海南雞，真係一流！雞又滑，又好食！堂食就有3個醬嘅，不過外賣只有一個。豬頸肉飯個豬頸肉好食到無得彈，只係份量有啲少。

今日夜晚去嗰度食飯，叫咗4-5人餐另加兩個餸，都算抵食，客人都幾多，其中一個唔戴眼鏡瘦的男店員態度十分之好，溫文有禮客氣，值得一讚，食品都不錯，醬汁都調得好好味，值得一試！！

宜家食野， 除左講求呢野好唔好食， 最緊要系食肆食物咖色水。  呢間阿來 就堅同openrice 咖招聘顏色一樣， 夠皇氣 夠獲氣。 最近D後生仔， 運動過多 收入過少， 佢地都好識做， 自動多飯。 好好招呼。 

環境: 餐廳裡面有好多食物相，揀食咩果陣會好有選擇困難。因為樣樣望落都好好食。地方都乾淨。食物: 試過午餐，全部都好好食，食嘅時候可以落啲酸辣汁(佢每張枱都有提供)，落左會令成個食物升級！

我們可是阿來店的超級粉絲！ 連它家的長沙灣店都去了跟旺角店對比一下，長沙灣店的價格普遍便宜幾塊，場地也比旺角店大。 味道來說不分高​​下，只是長沙灣店距離地鐵站遠些，像這幾天熱爆的天氣，就寧願選擇旺角店，少走兩分鍾路程UL很喜歡它家的海南雞飯的醬汁 ，好開胃，這裏性價比真心高，沒加ー！ 不過青檸梳打的青檸少得只有兩小片@推薦：柚子沙律海南雞飯