阿來泰式地道風味 (已結業)

泰國菜一向受香港人歡迎，泰菜餐廳亦愈開愈多今次又去深水埗食泰國菜主要係因為係店門外見到佢一目了然嘅餐牌見下午茶唔算貴，價錢合理，自己本身又鍾意泰國菜，就一於試試入到去，店面格局簡潔，座位都坐得幾舒服，牆面有唔少富泰國特色嘅裝飾講到泰國菜，相信大部份人第一時間都會諗起冬蔭功因為冬蔭功絕對可以稱得上係泰國獨有嘅代表菜！我自己亦係一樣，每逢去新嘅泰菜餐廳，都一定會點冬蔭功只要一試呢道菜式，就知間餐廳嘅水準掂唔掂而今次點嘅湯河雖然要加錢轉冬蔭功湯底，但幸而無令我失望雖然我點嘅係豬頸肉湯河，不過個冬蔭功湯底都有唔少蝦，仲有一堆煮冬蔭功用到嘅配料同香葉，明顯真材實料餐點上枱，第一件事就係飲湯先一入口，酸味夠，好啱我口味飲落肚之後，慢慢就有種淡淡椰香滲出，令人有種一飲再飲嘅感覺，非常開胃豬頸肉爽口，蝦肉鮮味彈牙，河粉吸收咗冬蔭功之後唔會太淋身，仲有一定咬口，而且帶有冬蔭功嘅酸香惹味成碗湯河，每種材料相輔相成，再搭上廚師嘅廚藝，成就咗風味同滋味阿來嘅環境、食物質素及性價比都唔錯，鍾意食泰菜嘅朋友可以一試~如有機會再經過的話，我都會再幫襯，試埋其他菜式！

平時都會喺附近食午餐，本身諗住食冰室，點知好多人排隊，咁啱經過呢一間泰國嘢，又有位喎，見食物同價錢都幾吸引，我哋就入咗去試吓啦。-午市有好多唔同嘅午餐套餐，我就叫咗泰式炒金邊粉，都係$43咋，仲包嘢飲添。-一嚟到，碟金邊粉好大碟呀，仲有兩隻大蝦，花生，同埋青檸。可以按自己嘅需要去撈。-金邊粉好重嘅蕃茄味，入邊嘅餸都好多。一個人真係食唔晒成碟呀，同朋友share就差唔多啦。呢一間泰國嘢可以encore。又抵食又大碟！

今晚同女朋友食飯,佢話想食泰國野,近近地試下長沙灣阿來泰式地道風味。叫左個2人餐,有生蝦刺身加埋蒜片同海鮮辣汁唔錯,海南雞同油飯味道唔得,通菜抄得太老,係得個生菜包幾好。價錢都比較貴,接近300蚊。

$88 椒鹽軟殼蟹，隔夜的， 又凍又硬又乾又鹹。 泰式炸蝦餅，外皮硬到呢。。。 泰式炒金邊粉完全未炒過，一執執沒有炒開，淡而無味。 泰式肉碎煎蛋飯， 煎蛋硬度像石頭，肉碎未見，說好的辣椒在哪裏 ？下次路經此地，過門也不會入! 純粹食評，沒有加多減少。

本來想晚上7點去賣外賣海南雞，但店員話賣哂。我指住個廚房同佢講: 你成間廚房都喺雞，你同我講賣哂唔喺嘛？店員話: D雞全部留哂啤套餐，所以賣哂。🙀真心講，打開門做生意，真喺賣哂我咪食其他囉，唔緊要。 但宜家你明明有得賣(成間廚房都喺雞)，都同你講話賣哂，講到明話啤你聽唔做你生意。 嫌你單細。作為食客環境/味道其實真係其次，態度差勁到咁，仲要串到咁Q離譜，香港地出街買野食咁耐，都係第一次。好野，真心單個👍你。

最近食泰國菜食上癮，黎開長沙灣見到呢間好似幾抵食咁，就試下。今次叫左4樣野食 + 2杯野飲。1. 蒜蓉包 $25/4件 — 個包做外軟內脆，食到蒜蓉味，但中間比較油，未到話好好味。2. 泰式炒金邊粉 $54 — 金邊粉炒得好乾身，加埋個汁，酸酸甜甜咁，既開胃，又好味。3. 豬頸肉飛天通菜 — 豬頸肉一d 都唔彈牙，好冇口感，仲咸左少少。通菜炒得幾好，不過個汁甜甜地咸咸地，覺得一般，都係鍾意馬拉盞多d, 口感豐富d。4. 柚子沙津 $68 — 西柚好鮮甜。落左椰子乾，好有椰香。不過佢個沙津汁就一般，咸咸地，食唔出咩味，但就破壞左成個沙津。回頭指數：6/10（金邊粉係全餐嘅亮點！呢間味道正常，但勝在價錢夠大眾化。）Ig: myfoodmylife4

晚上與友人2位都很餓 , 沒有特別想吃什麼 , 所以到處找晚飯地方 , 因為真係好肚餓, 諗都冇諗太多, 最後這裡不用等就直接進店 , 當時沒有任何期望 , 因為沒有到OPENRICE看過任何食評  , 而且泰國野唔會難食得去邊掛~~~ 我們用了9秒9的時間 , 很快就點了首先來個象啤 ~ 跟冰杯上的 , 第一個印象不錯 , 出面雖然已日落 , 但都有30度高溫 , 真係可以急速降降溫但過程不想說太多 , 自己看圖片吧 結果自己看吧, 我都唔想講太多, 我寫呢篇食評時先發現原來咁多LIKE , 實在有點驚訝其實我地真係好肚餓, 結果完全冇MOOD咁離開 , SORRY , 永不錄用

火山軟殼蟹法包，喜歡泰式的雞蛋咖哩，特別香甜，不是辣的，麵包是軟法包，麵包頂有少少烘，所以有少少脆，食慣了有烘脆的法包，甚至是硬的法包，軟的法包易入口，但沒有脆脆口感，食得比較乾淨，沒有麵包碎，但沒有那麼滿足。辣椒膏蝦頭油海鮮炒飯，辣及香，但食時有些咬不到又會黏牙的硬粒，吃時沒有那麼自然，吃時會吐骨，但是都特色的。最好的是椰青，多水，雖比較清，但開口很大，有鐵匙，可以輕易將椰青肉刮起，吃得乾淨。總結是好吃的，但不夠細心，吃時會有所顧忌，推介青衣上泰，都係平靚正大件，有機會試下。題外話：厠所乾淨

經過鋪頭，見到他們的報章報導，應該海南雞飯是十分出名的， 何謂是他們的招牌菜。外賣一個豬頸肉通菜， 希望加小辣。 拿回家之後，發現豬頸肉只有幾片，通菜是老到不行了，同時那個辣椒應該落了很多，非常辣………………

食過唔少泰式菜，但呢間真心好食好多。海南雞飯：飯香，醬汁美味。泰式乾炒河：夠鍋氣👍🏻。馬拉盞炒通菜夠味，但多油。店員服務態度佳，上菜速度快。總結：值得推薦。

看見網上咁多好評，所以去試試。星期日中午來到，都坐滿人，等了史5分鐘便有位。三人叫了两個午市套餐，海南雞飯和燒豬脾飯，海南雞飯要脾需加10元，所以冇加錢，所以送來的雞全是胸，又硬又冇味，雞油飯淡而無味，豬脾飯是暖的，豬脾肉很硬，那些配莱是凍介蘭，又黃又爛，好像街市執返來，雖然午餐價錢不貴，約5O元，但都不應如此馬父，真的非常失望。

$43到底點解食親泰國野隻蛋都整到炸蛋咁係咪特色嚟🤣上次嗌嘅青咖喱我覺得好食所以今次再嚟食其他野😙呢個肉碎肥瘦適中味道正常亦都夠辣用嚟送飯的確幾正☺️但係我覺得唔夠香料味都係上次嘅青咖喱吸引啲🤤

不時會同屋企人係深水埗呢頭食飯西式日式港式都經常食 但就好少食泰式可能覺得泰式點都係去九龍城地道啲入到店內 裝飾偏向茶餐廳咁 無咩泰國裝飾 啲侍應都似係香港人 所以原本無抱咩希望大家各自揀一道有興趣既 我就梗係揀最安全既選擇 咖哩啦 因為想食海鮮又唔想剝殼 所以就揀左軟殼蟹結果成枱最有驚喜 最好食既 就係我呢道金咖哩軟殼蟹個咖哩夠香夠濃郁之餘 唔會好辣 唔食得辣既家姐都不停食 軟殼蟹好足料 大大隻 炸得好脆 就算係浸左落湯一陣都仲係脆卜卜 呢層好多炸軟蟹既店都做唔到 好多時上到枱個蟹已經淋左強烈推薦金咖哩軟殼蟹

在香港太耐未遇過咁抵食，又好食，大大碟，而且係百份百泰國口味的泰國菜平日，晚市時段，坐冇虛席，好在有預先訂位。打開餐牌，樣樣都想食，一行五人，可以試多幾款不同菜色。冬陰功~ $108 (大)味濃，微辣，不只足料咁簡單，值情係超多料，香葉，草菇，魷魚，超多蝦，差D以為自己眼花，料仲多過湯。咖喱炒軟殼蟹~$98咖喱汁略稀，但沒有破壞了味道。滿滿都是汁，混著超多青椒，洋葱，香葱，小量紅椒，香料，和4隻軟殼蟹，超好味，用來伴飯吃，真的會不知不覺間，食了超多飯。木瓜絲沙律~$58竟然送上三隻大蝦，而用加錢，喜出望外魚露，青檸汁，庶糖 …混在爽口的生木瓜絲中，非常醒胃，一直都是我的至愛芒果糯米飯~$58新鲜芒果，糯米QQ感，再加超多的椰汁，非常適合做飯後甜品。二人套餐:$298~生蝦刺生生菜肉碎包鹵水豬手飛天通菜黃油飯兩大碗飲品兩杯(特飲不用加錢)超抵食的二人套餐，三~四人食也足夠，而且有哂我想叫的菜式，又好味，又抵食*總結*泰菜侍應抵食

$43成日食泰國野都會見到紅咖喱黃咖喱青咖喱其實佢地到底有咩分別🤣雖然唔知有咩唔同我覺得我最鍾意嘅應該係青咖喱😙呢個青咖喱唔係好濃稠對於唔好椰味嘅我嚟講啱啱好☺️其實鍾意青咖喱嘅原因只得一個就係因為佢甜甜地好好食🤤