阿升麵線 (已結業)

是晚掃街當晚餐, 食完瘋薯, 行過少少見到呢間食麵線, 食過台灣嗰啲同埋阿土, 就試吓呢間冇乜特別, 只係覺得有啲咸, 同埋冇'料', 寫名係大腸麵線, 但係就冇乜大腸, 加珂仔就要另外俾錢.見隔離有人食綿花冰, 不過冇乜特別, 所以冇試.

以前去台灣，覺得台灣冇好野食（包括士林夜市），又冇遇過麵線，直至吃了這麵線，心想是不是要再去台灣一次。好不好吃見仁見智，不過的確很有風味的，起碼廣東菜並沒此質感，正如碗仔翅與它比較不了一樣。其實我第一碗吃的是阿土，我猜這間較正宗。可是個人認為是各有各好，不過兩間都不健康，這一間味精冇咁勁，配菜冇咁辛辣。我喜歡麵和湯的質感，送不加了，不算好味，每次都當吃湯羹一樣，而且狂加醃菜，這才是重點，雖然吃了混身不自在（味精），可是喜歡吃，冇計！題外話，在上海吃過所謂台灣過來的阿宗，很垃圾。希望有機會去台灣吃麵線吧。

因為順路經過, 就買左碗細麵線試下, 點知~~~ 買左碗細麵線HK$12.00, 價錢OK啦!! 預左無得同台灣 "阿宗" 比架啦, 不過味道都係比我預計中再差少少~~~ 麵線都唔算太鹹, 不過大腸好似有O的沙, 唔得!! 成碗麵線好普通, 完全唔想再幫襯, 下次都係唔好咁懶, 行裹o的幫襯另一間好過!!

今天放工經過阿升, 見它們新裝修, 仲有新出大熱雪花冰...我冇食出名的糖x府, 因太多人了....我點了香芒熱情($19) ......大約五分鐘有得食, 芒果冰底 + 芒果 + 魔豆 + 3Q 蒟蒻 + 芒果醬....我第一次食, 實在太滿足了....因為好冰凍, 如果今天不是下雨是出太陽, 一定很涼快.....我一個人可以吃完, 份量剛好....味道都很豐富, 我下次會試巧克力.....

湯底無味, 只係味精水, 咸咸咸.我好鐘意食大腸, 但呢個面線D大腸一D大腸味都無, 只係車仔面個D魯水大腸黎.好多味精之餘, 仲用勁多蒜容歧途加重D味, 點知食到人越食越口乾, 個口仲臭左2日!絕對絕對唔會翻兜!

昨晚跟珈甄吃完失望雪花冰後,走在街上找點熱的來吃自我安慰1下。珈甄說想吃麵條, 礙於地理位置 ((不想行太遠啦=w=)),明知道阿升麵線在mk來算是幾家之中最不好吃的... 還是照買﹏-珈甄買了1碗大腸麵線, 妹妹則+$6 要了1杯柑桔檸檬。妹妹雖然沒試麵線, 但珈甄邊吃邊喊很鹹, 1定是味精作怪 \ ^ /大概真是鹹得太過份, 珈甄中途放棄它了。反而妹妹的柑桔檸檬(少甜) 很fresh很好味~ 冰涼解渴~配著超鹹麵線簡直就像在沙漠遇上甘泉... (可能知道吃味精麵線1定會很口渴吧 =^=)如果堅持要吃這家的麵線, 妹妹強烈建議要+$6 要飲品呢,,,

依家好似好興食台式麵線，一直都好奇係乜東東。到今日又去開荃灣，行過就不如試一試。 麵線比較稔身，同想像中有點出入。湯既味道有點似碗仔翅，大腸同蚵仔又冇乜特別。而佢既湯又比較杰同埋有少少，食到三分之二已經飽左。唔知係阿升既質素.. 定係台式麵線唔屬於我杯茶，食一次就夠。

去過 Taiwan 多次不同口味的麵線都吃過，但阿升的麵線只係有外表但味道一點也不像，特別是外加材料例如：大腸、蚵仔...但根本沒有和麵線一起煮，所以原全沒有味道反而晝蛇添足，需然多選擇係好但我覺得應該先用心處理好最基本的味道先才對！

食過四次....一食就感到很重味精...好咸...同埋陣味起口會陰魂不散咁！質素好似未穩定...有時多湯...有時多麵！感覺真係麻麻..因為越食越稀咁！食完仲勁飲水！不過收銀同"畢"麵線既同事都遊遊暈！每次都聽唔到我講走蒜茸，直到佢起手"畢"完我呀一聲先記得！價錢算平，都可以叫充下飢！但食完呢幾次後...味精令我感覺唔多健康...唔會再去食喇~

放工經過見難得無咩人排隊，就買咗鹽酥雞食～因為次次經過都見好多人排隊，以為好好味啦，點知．．．鹽酥雞得個辣字，無咸味！唉，衰啲講句，喺台灣是但搵一檔就好味過佢哋囉！

一直都好鍾意食台灣麵線,而家有好幾家台灣麵線,唔使再自己煮喇!!好同事話我知有間麵線啲辣菜甫好辣喎!! 佢食完要飲一大包375檸檬茶解辣. 仲有另一個同事話辣到食唔到,要掉咗佢!!! 咁除咗試吓呢間麵線,更加要試吓佢啲辣菜甫有幾辣啦!!食lunch時坐火車去旺角搵呢間小店. 叫咗一個細麵加蚵仔,再要多個細鹽酥雞. 起初都諗住立食. 點知一邊食,一邊抹汗,真係熱到不得了. 再加上個辣菜甫又真係幾辣,最後,都係要攞返公司嘆住冷氣食.大腸麵線 + 蚵仔味道同台灣相似,不過味精過多,到六點仲覺得有啲口乾.反而台灣出產即食麵線就冇呢個問題. 麵線略粗,未夠幼細,軟滑. 豬腸幾入味,不過蚵仔就一啲鮮味都冇. 但係...都頂住檔先啦!! 下次要試吓阿土喇!!鹽酥雞係即炸. 幾脆,味道全靠味粉. 雞肉鞋同冇味,同台灣冇得比喇!

半年前開始,每當下班時間,就會有很多人在阿升麵線店外排隊買野食.而我天天下班都是在阿升麵線對出的小巴站等車回家,很多時排隊等小巴的人及在店外排隊買野食或一邊在路上食的食客,都會令到這一條街嚴重阻礙.今天,剛好是星期六,讓我買一碗大腸麵線及台式花枝丸,看看是否真的咁好味,可以讓這一條街交通擠塞.今天,我是選擇外賣回家享受,因我也不想在街上一邊吸塵一邊阻礙途人.當我吃第一啖大腸麵線.我已經覺得很不健康,因整個口都很像被"味精"困住.吃完整碗大腸麵線,真的不知有什麼好味.難度真的覺得這麼重的味精就是好味?所以,我也留意到,多數排隊買的都是年青人一族.另外台式花枝丸.10元只有四粒,也是很普通一粒加上味精的墨魚丸.當我吃完大腸麵線及台式花枝丸,我便立即要喝兩大杯清水才可以趕住我口腔內的味精.

阿升麵線的鹽酥雞，很脆身、不太油膩，有濃濃的芝麻香、胡椒辣，和台妹、大雞大都不太似呢，但可以肯定的是---也是很美味的炸雞！只有一個問題…可不可以不這么不健康呢…

近來台風吹起, 見到有台灣出名小食, 有炸物, 麵線, 同埋珍珠奶茶, 於是我決定一次試晒佢, 我買了鹽酥茹, 小麵線 + 蟹肉, 一柸珍珠奶茶.鹽酥茹: 有金茹和雞脾茹, 金茹很脆, 雞脾茹有咬口, 雖然台灣好似唔太common, 但都幾得意....小麵線 + 蟹肉: 第一口飲了湯, 好像比較濃味, 很香的柴魚味, 加了些醋和蒜, 混和一起, 我個人喜歡阿升多於阿土, 阿土的味道好像鮮d, 但太淡, 阿升的味道似台北阿宗多些...珍珠奶茶: 都是奶味重一些, 我本人喜歡飲台式奶茶是因為奶味重, 沒有苦澀味, 珍珠ok都有咬口, 起碼不是"淋" 和空心不是實的總括來說, 一間小店有幾款小食和飲品, 而且是有一定水準, 真的不錯!

平時星期六日都好多人, 可能落雨所以冇人, 我買了大鹽酥雞和一柸金桔檸檬鹽酥雞灑了胡椒鹽和辣椒粉, 很惹味,雞的形狀都很均一, 是我炸物之選..金桔檸檬是有些Suprise, 不會太酸, 仲有青檬, 是夏天飲料之選