阿土伯鹽水雞 (已結業)

這裏有餐 可以有一人餐¼隻雞半隻雞或是一隻雞，但是配菜數量就會不同。因為我想吃多一點配菜所以選擇了一人餐那我就可以選擇三個配菜了。一人餐（1/4雞+3配菜）$45 + 拉麵$7今次試了原味及阿土醬味阿土醬味+微辣，酸酸甜甜微辣不錯🥰原味+微辣，我個人覺得很辣，怕辣的不要點。😂個人喜歡的配菜是鳳爪筋、甜不辣及凍豆腐。一人餐¼隻雞，雞很嫩滑，不錯啊。如果吃得比較多的人記得加拉麵，才夠飽啊😃人餐（1/4雞+3配菜）$45 + 拉麵$7今次試了原味及阿土醬味阿土醬味+微辣，酸酸甜甜微辣不錯🥰原味+微辣，我個人覺得很辣，怕辣的不要點。😂個人喜歡的配菜是鳳爪筋、甜不辣及凍豆腐。一人餐¼隻雞，雞很嫩滑，不錯啊。如果吃得比較多的人記得加拉麵，才夠飽啊😃

話說朋友話呢間好好食，但係開咗咁耐以來我都係第一次食🤣🤣今次係荔枝角D2入面食嘅💛·🐥一人餐$45（包括雞胸雞腿各半，再自選三個配料）+ 拉麵$7😜·💛米血糕、鹵水豬耳、高麗菜、拉麵唔知揀咩醬好，一問店員知可以mix醬，就揀咗原味mix阿土醬，微辣😝鹽水雞份量頗多，雞腿肉嫩，雞胸都唔會好韌米血糕係用動物血同埋糯米整嘅，冇乜血味唔會腥，食落似普通糯米飯咁🤣鹵水豬耳爽口，高麗菜解膩😋呢種感覺好似食緊以前成日食嘅藍田冷麵咁🤤不過下次再食就可以揀小辣🥰·💛甜不辣、雞腎、高麗菜、拉麵試咗朋友嘅甜不辣，係好煙韌嘅魚糕，唔錯雞腎就正正常常啦～·🌟我個時唔太餓食就啱啱好，但如果正常餓就可能唔太飽🤣呢間嘢食ok架，算幾多人幫襯，好多區都有分店，屬於平民美食😍👍🏻

今日去開荔枝角，就去D2 Place搵野食原本想食金鳳，但太多人，所以食左隔離呢間鹽水雞，人唔多坐得都舒服，環境ok。講返食物，今次叫左一人餐，$45一份雞3份餸，我揀左木耳冬荀秋葵，味道揀左阿土伯醬。唔知係咪因為佢將木耳冬荀都切絲，感覺係無乜食物本身嘅味同口感。秋葵似係生切，無煮過，但都ok嘅。雞我覺得一般，無乜味，而且佢切到幾大舊下，雞皮又多，有啲難咬....醬汁嘅阿土伯醬話係味道酸甜，我就唔係好感覺到只係覺得無咩味下次如果再食可能直接揀淨餸，同埋試返原味個醬，睇下會唔會好食啲ps 一人餐份量唔多，建議加拉麵或飯一齊食先夠

午飯時間去左D2 place 二期行逛，順便發掘一下呢到既美食看到阿土伯專賣台灣既鹽水雞，就去試一試店舖雖小，但食物凍櫃有許多款不同既配料。我選了一人餐加拉麵，可揀你喜歡既雞既部位同3款配料，另外仲有汁可以揀我係第一次試就揀左比較台灣風味既配料，芭樂、甜不辣、豬耳，汁就揀左阿土伯調制既原味，微辣微辣都好野味，同每樣材料都充份占到醬汁芭樂已熟透軟軟的，而且鮮甜多汁；甜不辣好似魚蛋，但咬落其實係煙煙韌韌；

難得去d2 place，有咁多食肆點知去左x店🤬佢一人餐$45，全新餐字眼好似多野食$63 仲包野飲，諗住買個全新餐試連埋野飲個$4，埋單$67全新餐，原來得成盒得7片雞塊又仲要係嚡，用配菜遮住哂，打返去問店主，話因為包飲品同個飯係少肉量，叫我食雞同配菜就買$45一人餐會多d，😱o哂咀咩道理，貴左成$18原來係會少雞多杯野飲同飯...呢兩樣野唔值$18ok買隻鹽水雞脾都係$18，肉比相中仲多😣相同價錢D2 place有好多其他選擇，例如食塊靚扒、魚生飯😣

嚟開D2 Place 等睇戲，就決定係呢度搵間野食。本身想食隔離金鳳，不過要等成五張枱，但見唔係好夠時間就放棄。最後就試左隔離呢一間台灣野！環境：地方唔大，門口就係收銀同開放式廚房，行到入去就有十幾個位。裏面都有啲燈飾，都幾靚下。食物：呢度主要食鹽水雞，我哋就叫左一個套餐，包鹽水雞同2個配菜，一份肉燥飯同一杯飲品，看似好多野，但其實嚟到又唔覺有咁豐富。我哋辣度叫左大辣，原味，而配料就貢丸同金針菇。老老豆豆，呢啲配料咪又係急凍野，所以最重要都係佢嘅調味，但坦白講，我又覺得味道唔算太吸引，一來大辣一啲都唔辣，而且又唔夠麻，但係佢個雞的確唔錯，夠嫩滑，不過我略嫌份量太少，如果多幾片就正！

自從疫情之後都好少出街食加上夏天又好熱都唔係好想行出街難得今日有心情就行去D2 two 買外賣食今日就揀咗由台灣嚟嘅阿土伯鹽水雞揀咗個一人餐 包括半胸半腿再加三款配菜 加埋都係$45再加多個麵底 加埋都係$52就咁睇個份量好似好細咁但其實食晒嘅話都幾飽三款配菜方面我揀咗皮蛋、雞珍(腎)同埋木耳個皮蛋味道都唔算太出因為調味比較重口味但配埋又幾好食個雞珍有啲韌好多舊都咬唔到我下次應該就唔會再揀啦可能揀下青瓜呢啲冷盤小食比較適合夏天我覺得個面係好適合夏天食嘅其實主角 啲雞 同埋調味都唔錯係啲配菜可能有伏

首先，我係呢間野既常客，近呢一年平均一個月食2-4次，每次都係網上外賣平台.(D2 place分店)頭個幾次網上外賣平台其實質素都唔及堂食，不過心諗都算數，好多餐廳都係外賣質素比堂食差，所以差少少我都繼續幫襯係之後既日子，錯漏百出，質素每況越下有試過俾漏餸，辣度每次標準都唔一樣(同樣嗌小辣，有時唔夠味，有時辣到要狂飲水)，野飲甜度錯(嗌半糖，黎到係無糖)，都數唔晒不過因為佢既調味，我繼續幫襯，直到今日，我真係忍無可忍！我嗌多味多葱多蒜，小辣，結果大家一定估唔到。成盒野，係無！任！何！調！味！結果我自己落美極, XO醬，好似變左食7仔咁。講真，俾呢個價錢真係因為你d醬汁，唔會因為d餸(心知肚明全部都係雪藏架啦)所以我決定左，唔會再幫襯呢間野.如果呢間餐廳想繼續經營落去，麻煩真係要管理下d員工既工作態度同表現，每次調味都無標準，今次更過分一個人要幾無心返工，先會係一間淨係做鹽水雞既餐廳落漏調！味！料！少左我一個客人可能貴公司覺得微不足道，唔緊要！不過我相信如果繼續落去，只會出現更多blacklist你地既客人。

一直當台灣是第二個家，對上一次已經係1月😭 仲記得自己一個行夜市再買咗一大鹽水雞返酒店慢慢食，食唔晒仲留返當早餐🤤🤤🤤 好開心喺香港食返類似嘅味道😣 味道仲要唔錯😣😣🍗 一人餐 $45一人餐有雞胸同雞脾各半/ 三隻雞全翼 + 三款配菜，配菜無論$7/$10都揀得😙 感覺好似揀$10會好抵😂😂 雖然睇字雞胸同雞脾各半好似好多，但份量一d都唔多，好快ko晒😭 味道我揀咗原味，係地道嘅椒鹽味😌 同台灣夜市嘅相差無幾～ 雞肉肉質有d煙韌，雞皮都爽㗎😙 配料揀咗雞腎、甜不辣同豬耳～ 三款都不錯，要講嘅可能係甜不辣唔太襯椒鹽味，係冇同其他料咁夾😗 果然吃鹽水雞都係要配高麗菜、苦瓜同筍片🤤 另外佢個小辣都辣辣哋，不過又好惹味，怕辣就食原味唔辣㗎啦🤡 多個地區都有分店～

睇完戲經過見到呢間台式鹽水雞，見價錢同某牌差唔多又口痕喎，就去咗買鹽水雞做下午茶啦原本以為喺外賣店，點知落完單先發現原來凍櫃左面仲有其他座位。喺5款配菜同一人餐之間掙扎左一陣決定都喺試試佢個雞叫咗一人餐 $45包括雞髀/雞翼+3個配菜我揀咗青瓜 秋葵 高麗菜調味有三款選擇，因為第一次食揀咗原味少辣正常鹹度個人覺得比另一品牌鹹好多，真係好鹹好鹹，食緊都覺得好口渴，但調味比較惹味，如果配搭拉麵會比較好配菜都幾新鮮爽脆雞就普普通通，硬喺要雞蛋裏挑骨頭嘅就係雞切得太大件🤣同埋食完飲咗兩杯水下次再買一定要減味先得🙈

都食過幾間分店，呢間食物質素近來真係好差。之前試過俾少個餸，打電話留言反映又無人覆。今晚再俾多次機會，叫咗3個餐攞走，其中個一人餐個盒底全部都係雞髀骨，總共有9個！！完全係啲用剩嘅食材當，點解會俾啲咁嘅嘢人食！當堂無晒胃口！最慘係投訴無門，只好同大家分享，我一定唔會再幫襯！

行行下D2想休息下，又唔係好餓，就兩個人Share咗一個鹽水雞套餐啦！呢排冇得去旅行真係好掛住好掛住好掛住台灣啊😭😭特別係夜市買嘅鹽水雞超令人回味今次終於可以回憶返喺台灣去旅行嘅感覺！一人套餐 - 胸腿＋3款配菜 ($45)另外加咗啲配菜同麵，成碗好豐富。鹽水雞作為主打，真係幾有水準，嫩滑之餘又夠入味。配搭阿土醬，酸酸地又幾開胃，加上爽甜嘅青蘋果，成份鹽水雞味道都好Light，最啱呢個午後輕食時刻！

本來復活節假會去台灣玩，一早諗好要食咩，點知...唉...宜家只求人人健康渡過疫情。無得去台灣，但點都要食下台灣野過過癮。今日天氣炎熱，唔想食熱野，突然醒起舊同事介紹呢間鹽水雞okay，即刻去食。一去到已經有幾個人等攞食物，填好表，比錢就得。我選咗一人餐（胸+腿），要咗甜不辣、雞腎同小青瓜，而加$7加了麵，計埋都$52，以午餐黎講唔算平啦！但食過葵涌廣場地下間鹽水雞，知香港食係甘上下價錢了。但一食，覺得比葵涌廣場嗰間好食，即刻覺得值晒，勁開心可以食返台灣既味道。雞都滑既，嗰味道都似台灣食的，雖然去過幾次台灣，其實我未食過甜不辣，有咬勁的，魚旦甘。總之我會再食的，不過本來我想快食嗰Lunch，但都等咗成15分鐘，不過甘樣都係證明佢好食姐。

荔枝角區搵野食，黎到我其中最愛既鹽水雞，鹽水雞係台灣就通街都食到，但係香港就真係唔係周圍都食到，而有就通常都比較貴，而依間阿土伯鹽水雞，就真正做到平靚正❗️❗️位於D2 place 三樓，店舖細細，位置得一張二人枱，所以黎食要比定心理準備要外賣😂😂先簡要咩餐，例如一人餐，之後再簡三款配料（分別要左金菇、百頁豆腐、皮蛋、魚片、馬鈴薯），之後要選擇調味（今次我要左阿土醬，之後再選擇麻辣度❗️❗️最後我仲+$7 拉麵😱😱🥳🥳雞好嫩滑同好入味，好好食，食完有種台灣嘅味道，配料方面我最推薦係金菇同百葉豆腐，兩隻都會入晒味，好好食❗️❗️整體來講好出色，無論係未食過或者係台灣食過而又好想食鹽水雞嘅朋友就一定與黎食啦👍🏻👍🏻

本身唔鍾意食凍冰冰嘅肉嘅我，第一次食鹽水雞就係幾個月之前喺 @mr_tuu_d2 呢度食！今次咁啱嚟D2 place又番嚟回味下先👅.usually don’t really like to eat cold chicken & cold noodles🐓 but @mr_tuu_d2 totally changed that for me 😆 we ordered a one person set of brine chicken & noodles 🍝 the chicken had no bones & it wasn’t super dry like i expected it to be😆 the best part was that everything was soaked in their sauce! went with a not-so typical bacon & cheese sauce! overall, its worth a try if u are around that area 😋.《一人餐加麵》$52 😋😋一人餐包括左雞胸同雞腿各一半或三隻雞全翼