阿土伯鹽水雞 (已結業)

D2 place二期都有唔少食肆，自己就覺得普遍價錢都係偏貴，同街邊茶記相比通常都貴10-20幾蚊。不過當食厭咗茶餐，一餐半餐係D2 place食都無咩所謂。同事介紹呢間台灣店食鹽水雞唔錯，於是我都跟大隊食下。雖然呢間店主打食雞，但我走咗去揀五款配菜嘅一人餐haha。值得一提嘅係佢採用自助式點餐同取餐形式，收銀位置會有一疊點餐紙比客人自己落單，寫完選擇之後交比收銀同等叫號碼就可以。餐廳地方唔算大，好彩我地避開午餐時段幫襯，一入去就有位。-一人餐（任選5款配菜）我一共揀咗鹵蛋、魚片、貢丸、甜不辣、豆卜呢5款菜，另外驚唔夠飽，加點咗拉麵。調味揀咗原味同微辣，都幾治味，但食完個口會殘留好濃烈嘅蒜味。鹵蛋偏硬，口感唔太好。其餘4款菜都唔錯，吸收晒調味醬嘅精華，幾入味，有種中學時代食一小包冷麵嘅感覺。-香芋奶綠跟餐點咗一杯中杯飲品，價錢比單點會抵少少，另外叫咗少冰。可能加咗綠茶嘅關係，溝淡咗飲品嘅甜度，但都唔太飲到綠茶香，可能係被芋頭味蓋過。個人而言呢杯甜度不足，不過對無咁嗜甜嘅人應該剛剛好。

我經apps order 2人餐同2杯野飲，一杯加$9一杯係唔使加錢定加$2咁樣，但送黎果個人整瀉左，佢講左sorry,我都無怪佢，打去商店問個職員話責任唔係佢度，佢話幫我問，但其實你問佢退錢又好投訴又好都幫唔到件事，係咪我下次叫外賣明知會易倒瀉既我唔去落單？我覺得咁講野好有問題，你賣野比人就算問題唔係你度講野都無需咁冷漠，其實個外送員話個杯蓋蓋唔實，咁呢個我唔知邊個問題，但送到黎得番半杯係咩玩法？我仲要幫襯左呢間野3次起碼，因為佢d野好食, 店員待客之道有待改善。PS:杯野係似花奶加水加冰，我唔知飲緊咩，因為佢無貼label說明係咩黎，另一杯係茶味既奶水咁，超失望，今次好大機會係我最後一次幫襯，雖然食物係好味。

買左飛放工係d2 place睇spider man，趕時間兩個餓鬼就去左樓下既...買鹽水雞醫肚。去台灣好鍾意食鹽水雞，係香港想食既話就會黎呢間，啲雞同配菜都好有水準。是夜超肚餓，兩個人嗌左10個配菜同雞，(入左會所以送埋麵底)，大滿足。例牌既四季豆、杏鮑菇同豆卜一定要食，薯仔切片脆脆地，唔錯。今次仲試左新野，嗌左青蘋果同鳳梨，撈埋一齊食後酸酸甜甜咁，好開胃，下次都會繼續咁既組合，正👍🏻 最近唔太受得奶類飲品，所以嗌左杯青蘋果果茶，甜度岩岩好，岩哂我地呢啲怕太甜既人！

朋友介紹一間台灣鹽水雞，一定要試佢既阿土醬！！好特別而且好好味！唔係出面一般食到既味我嗌咗一人份量既雞，配菜有秋葵，芋絲仲有高麗菜，高麗菜好好味，好嫩驚唔夠飽既可以加麵，但呢個份量都好夠飽了

呢間位於D2 place嘅阿土伯鹽水雞，成日都經過佢但又冇機會試試，今次終於可以買返個外賣試吓佢嘅雞😍佢嘅組合都好多元化，有一人餐亦都可以淨係買半隻雞或者一隻雞，今次我就叫左一個一人餐，就包半隻雞同三款配料，我就揀咗秋葵，百葉豆腐同甜不辣。辣度亦都可以俾你揀，仲有三款醬包括原味，阿土醬同泡菜可以揀。由於我想食大份啲所以加咗$7加個拉麵加大份量。事實證明呢個配搭好match，我揀咗小辣都啱啱好。呢度仲有台式飲品賣，希望下次可以試埋啦。

阿土伯鹽水雞 (English name: Mr. Tuu) is located in D2 Place. Boyfriend and I were here for one of those D2 Place weekend markets, stopping here for a quick bite. Serving Taiwanese style hand shredded chicken and bubble tea, it seemed like there was minimal seating.But then I found there was a lot of tables in the back.Menu is in Chinese only. There is no English. There is no 10% service charge. Basically how it works is for $45, you get a single serving of hand shredded chicken and three toppings alon

台式夜市小吃一直是心頭好，貪其份量不大，做到「小吃多滋味」的效果，但香港一直較難吃到似樣的鹽水雞，不過位於荔枝角D2 Place的「阿土伯鹽水雞」都算做到。光顧當日雨落不停，只好不斷咁行商場，行到攰自然想坐下食下嘢，正考慮好不好去吃程班長時，見到這間專賣鹽水雞的食店，單看門面，以為只做外賣，但原來店內有座位，個肚仔打鼓了，於是決定一試。由於過往在香港吃鹽水雞都中過不少伏，所以2個人都只是叫了一人餐試試看，一人餐包括：胸腿各一半或3隻雞全翼、任選3個配菜（$45）。配菜我們選擇了杏鮑菇、高麗菜及甜不辣。調味也有得選擇，有台式原味、店家自創的阿土醬，以及韓國泡菜味，亦有不同辣度選擇，而穩陣的我們當然選擇原味及微辣。食物方便，雞肉算滑，份量都叫適中，配菜的菇、菜及甜不辣亦穩穩陣陣（其實鹽水雞的食材新鮮已經很足夠），而重點的調味醬很有台灣夜市的味道，蒜香而帶點咸辣，相當惹味。值得一提的是，加錢可配麵或肉燥飯，不過我們便沒有加了，大食的朋友可以試試！台灣不少賣鹽水雞的攤檔，快速剪雞肉及配料的表演，算是一大特色，若果食店都可以增加此元素就更好了！

係荔枝角依頭返工因為唔熟都唔知有咩好食，搵下openrice見到依間係D2place既鹽水雞見comment都唔錯就試下啦。依間鋪仔細細唔算好大，佢有唔同套餐可以選擇。咁我就揀左鹽水雞+兩餸（黑木耳&甜不辣）同一碗魯肉飯包一杯16蚊既野飲（胚牙奶茶，多左補差價）。我諗如果男人食可能未必夠飽，但女仔食份量係ok既，佢餸都唔少都有一兜，我揀左原味係少辣幾惹味。雞都幾滑，揀黑木耳好岩因為索晒d味。魯肉飯都ok, 肉同飯既比例唔會偏多偏少。但大食既人真係未必夠飽。野飲都係正路既，雖然大細杯差幾蚊，但大杯真係太巨型，我都係叫返細杯算。整體黎講都叫唔錯，成為我飯堂list其中一個。

位於D2的3樓，雖然只係一間細細地唔起眼既舖頭，座位只係得10幾個，但係每次LUNCH TIME都坐滿，呢度係以自助形式，自己搵位，自己出去買野食，同埋自己去拿食物。而點菜紙好簡單，好似車仔麵咁，逐樣揀就可以。呢度有名你叫，就係出名食鹽水雞，所以第一步，先選雞的份量，第二步就係選配菜，第三步就係選味道，只有全新午市餐有包飲品，其他餐就飲品另計。全新午市餐 (去骨鹽水雞+任選2個配菜)(包一份肉燥飯及一杯$16飲品) — 由於肉燥飯已售罄，所以轉左菠菜麵，但係菠菜麵就唔太覺有菠菜味。1人餐 (胸腿各一半或3隻雞全翼+任選3個配菜) — 本身要加$7先有的拉麵，但因為有VIP咭就可以免費送拉麵，飲品要另外叫。珍珠奶茶 — 奶味比較重，不過本人都鍾意偏愛奶味重D既，所以我覺得好飲

前前後後已經食過依間阿土伯鹽水雞5次🙈因為係真心好食(比ET鹽水雞更好食)之前去開觀塘店食 今次試埋D2 Place分店-▫️半隻鹽水雞🐔$56 再加皮蛋$7+芭樂$7+甜不辣$10+豬耳$10+拉麵$7 以上分量係2個人食都夠飽 半隻雞既份量好足 雞已經去左骨方便食👍🏻調味要左原味小辣(即係椒鹽味) 依個醬絕對係精髓🤤 雞同配料吸哂個醬汁後就會變得好好味 我自己就鍾意原味醬多過阿土醬🔻評分: 8/10-另外荔枝角分店仲有台式飲品選擇我叫左爆奶四季春($29)同金桔檬果茶($26)味道正常 但都係鹽水雞比較出色😋————————阿土伯鹽水雞荔枝角長順街15號D2 Place二期3樓313號舖

難得午飯時間可以到荔枝角一遊，早早便在Openrice做定功課，選定了阿土伯鹽水雞。點了一人餐，胸、脾各半再加三款配菜，感覺好划算，但畢竟是冬日午餐，想吃飽一點，所以加了拉麵。店員都非常友善、熱情，點餐後大約等了5分鐘食物就預備好，原味的醬汁味道非常正宗，帶點微辣，十分開胃。雞的分量比較少，可能是無骨的緣故吧，吃起來太容易，所以感覺很快便吃光光。雞肉的質地比較有嚼勁，不是一般的冰鮮雞軟軟的口那種口感；雞皮爽滑但卻不會油膩，實在滋味無窮。點了雞腎、黑木耳和滷蛋作配菜，雞腎口感比較硬，而黑木耳混合了醬汁很是惹味，滷蛋味道也不錯，如是溏心蛋的話更佳，定必為整個餐加分。其實還想試試阿土醬，奈何只有一個胃，唯有留待下次再來。

有一天的午飯時間，沒什麼胃口，隨便找了一間食店便坐下，卻遇上了驚喜。一直以為這家店只有店前的一張高檯，原來裡面還有地方可以坐。 我選了1人餐（胸腿各一半）（$45），配菜選了秋葵、豆乾和四季豆。調味有三種口味，分別是原味、阿土醬和韓國泡菜。 本人不吃辣，而且想試下新口味，感覺是台灣的醬料，所以選了阿土醬。雞肉嫩滑，即使是雞胸，質地軟滑，令我十分意外。 配上我選的配菜，爽口！ 阿土醬很特別，很開胃，有少許梅子的香味，更多的是咸味！ 如果不夠的話其實可以配個撈麵或者新出的肉燥飯。我一開始沒加，後來就後悔了，愈吃愈開胃。最後忍不住口，又叫了一盤再吃。

去台灣旅行都會好鍾意食夜市入邊嘅鹽水雞，因為可以揀自己鍾意嘅配料，同埋調味好惹味，啱晒做宵夜。香港唔係算好多鹽水雞嘅鋪頭，喺荔枝角呢一間裝修都有啲台灣嘅味道，同埋都只係$45一份，除咗雞之外仲可以揀三款配料，可以喺玻璃櫃入邊睇啱先至揀。今次我就要左雞髀再加豬耳/筍/百葉豆腐，雞髀同埋雞胸肉都好滑，豬耳好爽口，百葉豆腐吸收晒啲味好好味。同埋小辣係真係啱啱好唔會太辣！🤣🤣🤣佢另外可以再加錢配拉麵，下次可以試埋😁😁😁

阿土伯鹽水雞吸引我既吾係雞，係醬老實講，雞腿滑，但雞胸就韌韌地不過雞胸韌我就預左嫁啦所以我又吾係好介意門面細細，掛有別緻既燈籠門口有餐牌，點左菜比左錢就等叫號轉入去有座位提供，可以堂食不過人多既時候會嘈少少點左一人餐加拉麵，$52 （拉麵加$7）配料：豬血糕、百頁豆腐、蓮藕食左甘多次，第一次叫米血糕，吾好食... 我印象中米血糕應該係軟糯Q彈但呢到既米血糕咬落去好似咬緊冷飯甘硬，之後一咬裂開，冷飯味...不過試過甘多個配菜，只有米血糕難食，其他都 ok ，特別推薦百頁豆腐醬既話我最中意阿土醬，中辣阿土伯既辣吾會停留好耐放入口入面辣一陣，好快就會散 細食既女仔建議吾加拉麵，其實雞既分量都多，加 3 個配菜夠飽我就... 大食開所以每次黎都會加拉麵

想輕食 見到鹽水雞店就望下。一見配菜有芭樂同青蘋果揀就決定食呢間 😍$45 三個配菜再加鷄，差不多呢啲價錢。一盒望落好細，但都夠食，如果佢配菜多反啲就好。 青蘋果同芭樂好開胃同入味，我揀左落阿土醬 (有梅子粉），甜甜酸酸都幾 “野”味同特別。 想要返重鹽水味就要揀原味。食食下望到飲品menu. 禁搞笑有爆炸糖飲品，就後加杯爆奶四季春走甜少冰。(香港童年回憶*新潮飲品）一飲 同普通奶蓋茶冇咩分別，要打開蓋先見到中間有爆炸糖不過我覺得太少爆炸喇 多啲會過癮啲😂(但基於冇冇味爆炸糖 ，所以有少少士多啤梨味係口🤣🤣)奶蓋濃滑，配上四季春淡淡茶味，perfect 👍唯一不太好 全即棄餐具 😑😑😑