影片
港鐵牛頭角站 A 出口, 步行約3分鐘
繼續閱讀
營業時間
星期一至日
07:30 - 01:00
以上資料只供參考, 請與餐廳確認詳情
食家推介
［阿太x 雄記 川燒]💛日頭做車仔麵夜晚做串燒叫咗好多款淨係介紹我覺得好食嘅比大家😊👋🏻🚩牛舌 $22有四嚿牛味好重燒得啱啱好勁Juice👅🚩秋葵 $12表示第一次食秋葵幾爽口孜然粉好好食🚩韭菜 $12鍾意食辣嘅朋友一定要嗌呢個❗️孜然粉再加辣粉啦一齊食好鬼正🚩豬頸肉 $15大約有六至七嚿燒啱啱好好淋😊🚩炸饅頭 $10$10 3個炸饅頭冇得輸總結時間🥰食完堂食要買外賣返屋企食 😂其實其他嘢都好好食但係唔能夠一一詳盡咁講😂性價比超級高😋❗️❗️十分推介大家快啲約朋友仔去食👋🏻👋🏻
繼續閱讀
上星期喺觀塘附近見到呢間車仔麵，好耐冇食過了，於是入去食過一人lunch。以車仔麵來講，價錢定價中位，三餸車仔麵要40幾蚊，四餸車仔麵要50幾蚊，凍飲加兩蚊。我叫咗粗麵，魚蛋，豬紅，豬扒，凍檸茶。食物水準整體合格，中規中矩，沒有驚喜也沒有失望。車仔麵配凍濘茶都好夾。食物價錢同水準成正比。但係成間餐廳d侍應的服務態度都好麻麻，不論是落單、上菜、埋單，d阿姐都有點不友善，甚至有點不禮貌，作為客人的我感覺很不舒服☹️。所以，我應該唔會再幫襯里間車仔麵了！
繼續閱讀
今晚夜左收工，又落住雨，諗住求其食個晚餐就回家休息。揸車經過阿太車仔麵門口，咁啱有個位就泊低架車入去食碗車仔麵。點知中左伏！又貴又唔好食。一個4餸麵收$55都算。飲品要另計，$14罐可樂！打左張單見到個價，只怪自己一時大意無睇清楚餐牌！諗住睇下個餐牌點寫，睇來睇去都見唔見到價錢⋯另外叫左個剩尤魚＄30⋯⋯又硬又鞋⋯非常難食.真係唔好諗有回頭客！埋單$99，俾張$100蚊紙佢，竟然找2個5亳子算！豪俾你！留低2個5俾你！唔好再見
繼續閱讀
以前食過 由兩個後生仔打理都常算OK琴日去食 見到個呀姐打理 都無為意到落單前想轉位同朋友坐得舒服D, 本身同人搭枱坐中間點知呀姐話有人訂左位, OK FINE等野食見到廚師唔帶口罩, 心諗唔係呀嘛最離譜係無野做行出行入都唔帶返好口罩咩時勢呀大哥快快趣食完走了 無下次仲有個隔板形同虛設各位去食真係要睇路PS: 到我食左半個鐘都無人坐個張所謂訂左既枱如果有得訂可以試下打去
繼續閱讀
自問都試好多車仔麵，食之前就梗係睇下食評，見到呢間小店有咁多食評，但有好多食評都冇相（尤其是較早前）更加引起我的興趣去試吓...到舖頭見到好多話加油、支持下佢哋嘅標語，我就係黎試下，可惜黎嗰碗麵係咁嘅樣首先，嗰 Pat 咖哩唔咖哩、沙爹唔沙爹嘅醬汁，睇到相都會覺得出事...豬紅散而冇味，魷魚尚算唔係淋 pat pat 嗰d, 豬腸好肥，勁驚好污糟...見到d湯嗎？係同滾水冇咩分別🤦♀️ 相信要人支持，都要自己先做好自己！或者我終於明白點解之前咁多好的食評都係冇相了....
繼續閱讀