阿妹小館

營業中

休息中

阿妹小館呢個名聽落好老土，不過勝在親切。係土瓜灣呢個不斷老化既區內，俾到食客們一個親切既感覺。這店其貌不揚，十足十一間普過到不可能再普通既街坊食店，可是這裡既招牌菜就曾經嚮遍土瓜灣，一味鮮雞橫掃區內。不幸的是鮮雞已成絕響，原因就係因為禽流感，再沒有新鮮雞賣了，始終烹調方法及味道不會走樣，所以冰鮮雞都整得好好味。到現在，還有好多街坊到來斬雞加餸，通街都係冰鮮雞同雪藏雞既時期，烹調味道已經成為主要因素。雞皮有彈性，食落雞肉鮮嫩滑身，當然沒有鮮雞般可口，但都非常好，食時有陣陣咸味滲出，應該係處理雞隻既過程中，用左鹽及酒抹勻雞隻，風乾，所以雞味出眾且鮮甜，雞皮脆口彈牙，好味。呢到另一招牌 - 炸肉，係用煮熟左既五花腩先蒸，用鹽醃，再拎去炸，所以如果新鮮炸起時，皮係脆卜卜的，不過好多時預先炸起，所以D皮變靱，但也帶出另一種特別既質感，炸肉同切肉都鮮味十足，而且肉質好正，一層肥一層肉，層層疊著。雖然這裡地方簡陋，不過真係吸引好多街坊到來進食，價錢十分經濟，沒有因通脤，大幅加價，實在可讚，這間小店仍十分關顧低下收入的市民，食飯有湯不特止，還有豆漿或酸梅湯，味道就見仁見智啦，不過實在抵讚。更多資料：h

因為要番學,所以上完堂係呢頭搵食其實都食過幾間,之後食過間倫x我真係永遠都記得不過抱住試食心態~黎左搵阿妹(因為門口實在唔吸引)$14一餸粉面, $18一餸飯個人覺得都叫做平,點知一坐低,未叫野佢都比左碗雞腳蘿蔔咩咩菇例湯(記住係例湯唔係例水)本身我自己唔鐘意係街飲例湯,因為好多都係味精or 勁溝水但因為天氣乾燥,我都試飲左,發覺幾清,一d 味精都冇(因為飲完番屋企唔口渴)而我叫左炸肉米粉,份量都ok,d 肉味道夠,但又唔會太咸,又夠脆!因為太肚餓,所以冇影到相,不過一定encore(因為夠平又ok)下次影番最後我坐係度食野個時,佢係度整緊d 雞,發覺好香酒味!!!下次要試啦

土瓜灣北帝街的阿妹,一直以價錢平見稱,如果堂食一個飯餐,有湯有豆漿,放下二十塊錢尚有找.當然如果要吃鮮雞的話,就另作別論.很久沒有來,是次就打包個炸肉飯,加個例湯回家.以影碟來送飯.什麼是炸肉?其實是同燒肉差不多而矣.但外皮則比燒肉齦,因為一早炸起.冷卻之後就是如此樣子.是日例湯為沙葛蘿蔔湯,沒有下味精,清甜好喝.燒肉又好,炸肉又好.好醜點都係肉,放在白飯上,加些豉油,嫌豉油單調?再加薑茸來撈飯吃,吃個不亦樂乎.差點連炸肉也不用吃.阿妹的豉油,應該是調教過,味道更為濃厚.炸肉皮雖齦,皮下肉仍然鬆化.經濟低迷下,好像阿妹這些小店,每日其門如市,外賣的客人更多.實在是窮鬼們的救世主.

禽流感肆虐，大家正討論以後有沒有鮮雞吃之際，小弟卻是不置可否。無可否認，新鮮雞的滋味是冰鮮雞永遠無法可以替代的，但小弟一向對如白切雞之類菜式都不是有太大興趣，故此就算政府的决定如何，對我來講，倒是沒有甚麽大所謂....這裏的賣點是有自家醃製的新鮮切雞吃。是日專程為此而來訪，但竟全數售完，撲了個空。最後唯有只吃冰鮮的。肉質當然係鬆散之餘且又嚡sup得多，食味當然大減。所謂特製嘅醃料，吃落又不覺得有何過人之處，只是普通白切雞一隻...附加的炸肉，將五花腩酥炸之後切片奉客，本應十分滋味，但是日吃到的只是一層極嚡口嘅瘦肉，而且炸得極乾。雖然外皮炸得頗脆，但始終瘦肉部份真的太難吃，整體還是普通....對小弟來講，真正的賣點就是個件頭。飯的份量真的很多，單吃飯已極飽，兩樣餸連飯連例湯只賣二十七大洋，貫徹土瓜灣一帶食肆嘅特色 --- 抵食夾大件是也....

星期六好晏至同老婆食午飯，響北帝街附近，應該有唔少選擇，見呢間未食過又想試。叫個食友推薦鮮雞飯($23)及炸肉米下午茶餐($10). 先講鮮雞飯，打正旗號賣鮮雞果然名副其實，D雞好滑及有D鮮味，而家都好少有。至於個炸肉米都幾正，D皮浸落湯仲係脆，好難得。其實呢間舖唔係幾起眼，平平凡凡一間舖，估唔到咁好味。做人都係一樣，有時平凡過日亦可以快樂。

賣雞賣到在土瓜灣出晒名的"阿妹",有分冰鮮雞同新鮮雞兩種選擇.冰鮮雞用上美化名字"切雞",一碗$16,新鮮雞就$23一碗.雙拼,三拼,再加錢.酸梅湯,豆漿,是日例湯任添.添到你飲到飽為止.新鮮雞肉味濃郁,此店的雞並不肥.肉質亦算嫩滑.薑荵任加,配上白飯相得益彰.只是吃過冰鮮雞就說一般的人,付多少少再試個鮮雞才下定論吧.如果在後面街的老字號麵廠- 蝦記買些生麵,拿來阿妹度加工.將鮮雞放上已碌起的麵上,再加薑荵,應該會很美.

看了歐陽應霽的書，好像只有這裡名不見經傳，好奇，才來。清明節翌日，下午一時許來到，想在店內找三個相連座位亦不能，望到不少人面前碗碟全無，大概都是剛來，速退出店外搭枱。未寫單，阿姐先問是否吃飯，答「是」，轉頭她便先放下三碗湯。三個人，只點了半只鮮雞（$75半只．$150全只），兩碗白飯（$5/碗），也無附送白眼。雞確是鮮雞，有雞味，不算太滑，沒太多脂肪但不算韌，也許奉客前先用湯淋過，骨頭內沒有血水，阿爸讚好。阿媽覺得普通──沒法子，若跟她平日做的白切雞相比，單是雞已略好一點，味道更是合乎自家要求。但我個人覺得這裡的不差，雖略淡但那一碟薑葱可以補救，因為那雞味所以喜歡這裡的多於好時沙嗲的。店是小店，味是阿媽煮的味，湯無味精，薑葱份量大方。看完書專誠來是不必，若在附近過來吃個飯就不錯。阿姐招呼粗中有細──來時正值人多做不停手，沒有招呼，咱們是自行找位、搬櫈，但坐下以後又曉得適時出現寫單，又自動多給一只碗讓咱們分白飯。而男女廁所，是出奇地乾淨整潔。已瞄準炸肉，待機再來。

又一間北帝街的食店,相信係差不多平通街的食店,就是在鬍鬚安隔離的阿妹小館.粉麵$12,雙併比多$2,飯類14起,全部送無味精例湯,豆獎任添.當中店中最熱賣的,就是鮮雞.此店的雞用上湯浸煮,有鮮雞同冰鮮雞揀,前者當然貴一點,好多人為吃鮮雞,係唔介意比多幾皮.廿幾銀吃到一碟鮮雞飯,的確抵.其他的炸肉,切肉,牛展.又係店中最賣得果幾味.炸肉外型同燒肉相似,但比較硬,放湯配米線就最適合.一碗炸肉飯,包例湯,豆漿,包你吃得叫飽,$14可解決一餐晚飯,去邊度搵?