阿木台灣麵 (廣華街) (已結業)

之前喺舊舖食過兩次，新鋪仲未食過，今次第一次食新鋪，大約6點鐘就拎飛， 所以唔使點等就可以入咗，新鋪同舊舖一樣都係好細間好迫，啲枱排得好密。紅燒牛肉牛筋麵有許多蔥及酸菜，令個湯底有少少酸好醒胃，牛肉牛筋同埋麵分量都很多，認真係分量十足。 麵質唔會太軟有少少咬口，牛筋就好淋，但係牛展用就好韌。蕃茄牛肉麵湯底番茄味超濃，碗麵都係分量十足，但牛𦟌肉都係好韌。芝士肉鬆蛋餅皮薄有蛋香，蛋皮食落好q彈，肉鬆夠鹹香同份量十足，但可惜芝士無咩味。芝士岩鹽奶蓋炭燒烏龍芝士奶蓋好夠芝士味及好軟滑，炭燒烏龍幾好飲。整體感覺比之前退步咗，但仍然抵食。

阿木台灣麵-呢個名大家都一定聽過，老闆娘Polly 十年前嫁到黎香港，佢阿嫲喺台北開魯肉飯店，父母開咗間牛肉麵店。為咗繼承家業，但決定同丈夫一齊喺香港開餐廳，並受到好多年輕人支持，成為熱門店。 我當日同個friend 去食tea。所以就冇試到佢哋出名嘅牛肉麵。 1.芝士肉鬆蛋餅$42份量$42黎講算係正常。餅皮煙韌Q彈。竟然有麵粉香。肉鬆份量適中，香而唔膩。加埋芝士，醬油膏，係唔錯嘅。 2.家傳鹽酥肉$39事關老闆細個唔鐘意食雞，於是佢阿嫲就用咗豬肉代替雞。又要講吓份量，非常之多，$39有六大舊。餐廳用咗豬頸肉去炸，肉質非常彈牙。肉味濃，並保留到肉汁。炸皮厚薄正常，金黃香脆。但調味就太淡，冇加到任何鹽，孜然粉等等嘅調味料，只有幾滴醬油。

我同老公去咗旺角行街，大約1:45左右有啲肚餓，見到呢間排長龍心諗一定好嘢啦。因為一條街好似有成三四間台灣野，只係呢間要等位，其餘嘅都唔洗等而且舖入面仲要冇乜人！所以我堅持排隊，結果大約等咗35分鐘左右，就可以入坐！我哋點咗2份午餐！分別係紅燒牛肉麵同埋鹽酥雞便當！再加咗一份牛肚！等了又等嘅我倆，眼見隔離枱遲過我哋入座都已經食緊，點解我哋仲未有得食嘅？老公話食飯時間可能比較忙，等多一陣啦！所以我哋都靜靜坐喺度完全冇出過聲！但已經半個鐘了，所以我都唯有舉手問問，結果店員話可能電腦壞咗，所以冇咗張單！而家即刻同我哋再整！5、6分鐘後食物終於到啦，好開心😃滿滿期待！便當鹽酥雞冇乜味道，而牛肉麵湯底亦冇乜味！反而最好味就係個牛肚，好入味！可能本身都有期望，所以真心有少少失望😞

其實已經食左好多次阿木台灣麵🤣今日2個人又想去食台灣麵 所以黎左😳舖頭唔算大 但座位都算好坐星期六朝早1130黎到餐廳😍仲有得walkin但走果時大概1215就已經好多人排緊隊所以想食既記住早少少去到😚😋野食方面真係好好食去相!!!!蕃茄牛肉牛筋麵 $69我地3隻味 紅燒 蕃茄 同麻辣都食過個人最鐘意紅燒同蕃茄味😍而佢地既牛肉！超厚！超大塊！超林！牛筋都偏向大條 係林同硬中間既質地雖然未做到入口即化🤣但已經好好食肉鬆蛋餅 $39肉鬆蛋餅 裏面既肉鬆 超級多食落口感好豐富😋食入口好平衡蛋餅個皮唔算厚醬油蕃薯苗 $32滑 嫩 好味！菜上面仲有少少炸蒜 食落好食左假健康既我地平日一定會叫一個菜🤣E個唔錯 但如果油可以少d就更好滷蛋 $9好食!! 鐘意食滷蛋既我 好想再叫多一粒😂只可以話e間係回頭率極高既台灣麵舖🥳🥳

全日無論係晏晝定夜晚時段，只要係行過呢頭附近，都會見到呢間舖頭出面大排長龍🧐 終於係呢一日忍唔住排埋一份，試吓究竟係咪真係咁好食🤓當日係平日接近下午茶時段嚟到，出門仍然好多人，有五六張枱左右嘅人龍等緊😨 令我同朋友嘅期待都提高不少😎 等咗20分鐘左右終於到我哋～Menu:同行朋友order左台灣小香腸配肉燥飯😌 台灣小香腸總係唔會令人失望👍🏻肉燥飯嘅鹹味都足夠，唔需要額外加調味料👍🏻而我就order左蕃茄牛肉麵（轉米粉），可惜無論係湯底定係牛肉都令我有點失望😥湯底只有淡淡嘅蕃茄味，而牛肉真係完全無味，真係一啲鹹味都食唔到🥲 我要加調味架上面嘅調味粉，食落先會有啲鹹味，但其實啲碗米粉嘅牛肉加鹽酥雞嘅調味粉食落又會好怪🥺 究竟係咪當日廚師失手呢？有少少唔明白點解會咁多人黎朝聖😢

下午茶時間，經過就黎試下呢間阿木台灣麵係門口已經見到tea set幾抵食，有A+B+C有主食，3款小食，仲有野飲落單之後好快兩杯餐飲就送到都算幾大杯下，叫左杯台式奶茶要加糖 但都係有d 太濃，味道麻麻地反而另一杯熱冬瓜茶幾好飲，味道唔錯用餐個台面有d 窄，兩個餐都已經擺滿成個枱面，叫左個鹵肉飯好大碗下 夠晒飽😙另外叫左麻醬拌麵好食 麻醬夠多同香濃 小食推介台式腸，好味好味😋仲有甜不辣都幾唔錯，脆得黎咬落又好煙刃至於貢丸得一粒太少。。呢餐食得好飽既tea 今晚唔使食dinner 了，性價比高，值得推介！

平日有午市套餐，$50-60包嘢飲，幾抵食，而且份量都好多食過唔同湯底嘅牛肉麵，都係最鍾意麻辣牛肉麵，可以簡角切或者片切，一碗有四舊牛肉，而且都好大舊牛肉有兩舊炆得好淋，好入味，另外兩舊有少少硬，可能炆嘅時間唔同平時都食得辣，所以個湯底唔算超辣，仲可以落少少佢嘅自家辣椒醬，我覺得更加好味湯底唔油，食完都唔會太口渴。每碗都有跟葱同酸菜，唔鍾意可以落單時寫低之前飲過佢嘅奶茶，覺得麻麻，味道好淡，所以都係跟返檸檬紅茶，味道正常唔洗加一，份量又多，可惜平日先有lunch set

難得終於有時間到這店了， 本身充滿期待， 但最終失望地走了😖今天中午後來到， 叫了牛筋， 豬耳， 岩鹽芝士奶蓋茶⭕️⭕️⭕️牛筋不錯， 芝士奶蓋自己第一次飲這類飲品， 而店員也沒提醒， 自己又沒大攪拌， 所以初初奶味農，飲到底就太鹹好奇怪了😫但重點是豬耳才大失望， 因為口感淋pat pat, 搞到唔知是否豬皮溶哂好辛苦食都食唔落， 淋到似粥， 而且見到有肉的， 但豬耳明明唔應該有肉的部分， 及叫豬耳絕對是要食爽脆口的， 無人鍾意淋到溶化似粥💢❌❗️‼️極度相信這碟根本不是豬耳， 但店員堅持是豬耳， 我唯有選擇cross out my list😤🤬😤🤬at the end 服務真的欠缺， 見有客人走， 沒有一個店員會同客人說客氣話， 到我出去付款時， 又竟然有位店員差隻手拿東西， 而阻礙到我把錢交到cashier ....唉。。。點解會甘失敗架❓❓⁉️

係旺角行到肚餓就去搵野食，見到朋友話好味既阿木台灣麵就入去試試叫左一碗麻辣牛肉麵，一碗肉燥拌麵，同埋肉鬆蛋餅完全估唔到顏色咁深既牛肉麵係無味的，d牛肉雖然係淋但乜味都無，又唔咸，個湯都係淡某某的，淨係有d麻辣香味咁肉燥拌麵都非常普通，個麵質係正常的，但係d肉燥又係無乜味，顏色好淡只有個肉鬆蛋餅正常少少，肉鬆的味道唔錯，但入面無乜其他配料所以食落都有d單調，同埋食唔到有蛋香，所以食多兩舊就唔會想再食咁

8月27日（FRI)下午茶時間想食個麵就黎試下呢間阿木台灣麵平時好多人排閒日tea time唔使排太感動門口已經見到tea set幾抵食A+B+C有主食，3款小食，仲有野飲呢到係自己用蠟筆寫食咩寫完交比店員就可以la好快兩杯餐飲就送到都算幾大杯下台式奶茶要加糖 但都係有d 太濃麻麻地反而熱冬瓜茶幾好 甜度剛好 個台面有d 窄，店員好小心咁放低兩個餐個鹵肉飯好大碗下 夠晒飽麻醬拌麵好食 汁夠多同香濃 小食強烈推介台式腸，好味好味仲有最中意甜不辣，脆得黎咬落又好煙刃貢丸得一粒太少。。唔推介！幾中意餐廳播既台灣歌有周董既歌，又有為你寫詩完全係我地90 後年代既歌 hahaha呢餐係餐好飽既tea 今晚唔使食dinner 了

每次經過都要排隊，終於搵一次少人啲入去試吓。食咗一個鹽酥雞便當$54🍱雞唔大嚿好香好熱好脆～肉質鮮嫩～成個餐份量都大，肉噪撈埋啲飯好好食。正宗台灣味道，飲品叫咗冬瓜茶，唔會太甜，夏天飲一流。

Heard my friends said that this restaurant was very famous. Decided to give it a go yesterday. The place was not too large. It was packed even at tea time. We had to wait for around 10 minutes to get in. The tea set was excellent though. It was relatively low priced and packed a variety of food in it. It also came with a drink. Overall, the portion was just right for an afternoon tea. Would for sure recommend.

人氣台式黃店➖阿木台灣麵❤️‍🔥Bookmark左阿木台灣麵好耐 上次嚟實在太多人所以走左無食到😂宜家佢地有2間分店 好似會好返少少 大家想試可以用The gulu app拎左飛先😙〰️鹽酥雞便當 $54 🍚便當份量好多❣️無論係飯肉燥定鹽酥雞都唔止一人份量嘅餐 ✨肉燥唔會太肥搞到油笠笠✨記得要自己落放係枱面嘅鹽酥雞粉 如果唔係完全無味 完全唔想食😅落左成件事就唔同曬🤭🤭✨鹽酥雞炸得啱啱好 入面雞肉都好滑！✨仲有三款自家製小菜 小編最中意係佢嘅菜莆 勁送飯！〰️芝士肉鬆蛋餅 $42🍳一直都有都市傳說話阿木蛋餅好好食 今次嚟到必嗌 又真係好食過出面台灣餐廳好多嘅～✨皮夠薄 好q彈有蛋香味 肉鬆份量超足✨味道香甜都可以接受 但無乜芝士味 芝士好乾身 無融無拉絲 呢點有少少失望😩佢係屬於淋身嘅蛋餅 無乜口感😟雖然佢好食過好多我試過嘅蛋餅 但個人感覺無大家講得咁好食 可能各人口味唔同啦🤫〰️梅子地瓜條 $36 🍠✨地瓜條外型同平時食開嘅好唔同 出面多數都係好整齊嘅長方條 但呢到係有好多不規則形狀 灑左好多梅子粉 外皮炸粉比較厚身 下次再嚟應該唔會再叫🤭🤭〰️芝士岩鹽奶蓋炭燒烏龍茶 +$19 🧋✨芝士奶蓋好

近來🐻食到唔少一直想試既餐廳，今次尼間台灣黃店因為成日排長龍，所以之前未成功食到過 🙈 男友叻叻話 @theguluhk 可以攞定位，所以可以行住街咁等，而且終於食到啦❗️環境比較細，坐位唔多，想食就知點做啦 🙂⁡🐻食後感‼️⁡✨「蕃茄牛肉牛筋麵」$69首先一讚係蕃茄牛肉湯底超濃郁，加埋酸菜一齊咁食真係好好味 😋 最開心佢哋既牛肉係牛𦟌肉，勁厚勁大塊，牛筋亦都好淋 😆 大推❗️⁡✨「麻醬拌麵」$37雖然尼款係得麵、麻醬同青瓜絲，但拌埋一齊食都正，麻醬份量剛好唔會太膩 😋⁡✨「芝士肉鬆蛋餅」$42🐻對佢幾期待，內裡肉鬆勁多，好香口添 😬 不過就唔係好食到芝士，整個蛋餅既皮都幾煙韌，但真心要熱食唷 😬⁡✨「芝士岩鹽奶蓋炭燒烏龍茶」$19 （跟牛肉麵可有半價價錢）唔算好大杯，味道偏甜，如想清淡點可少甜唷 🙂 芝士岩鹽奶蓋好紮實又夠芝😆 真心邪惡啊 🙈⁡

食物質素正常牛肉麵、酥肉 好味飲品正常 普通台式飲品店員效率高 友善 細心 （除左一個男店員）不過要提一提呢度啲豬耳品質唔穩定明明係openrice見到人地影出黎戈啲好靚好心動想食於是叫左 點知上到黎 戈碟野真係o哂嘴 啲刀工厲害 比100分佢 薄切豬耳 冇乜軟骨 一大堆脂肪唔知食緊乜？油香？😂愈諗愈嬲 隔左一陣叫佢收走 講一講話 覺得豬耳唔係咁 應該係爽口 有軟骨點知個男店員一句就對埋黎我地啲豬耳係咁 有咩你同老闆講呢度員工既應對真係好麻麻不過算 淨係呢樣野 我就知道唔會再幫襯 我唔係R著數 唔係想點打埋呢個食評就完 *附上一張令我見到即刻心動左既豬耳+今日食到既呢一碟比大家睇一睇