阿桂老友粉

營業中

休息中

放工後番馬鞍山食晏，哈哈...昨晚吃完辣，還想繼續辣。其實之前和CEO散步，發現好幾間吃辣的，但我們一向沒有留意，心血來潮就試一試。步進小店，聞到一陣強烈的酸筍味，程度是刺鼻那種，心裡有少少卻步，希望食物是沒有問題。小店空間有限，座位不多，約十多個，兩邊坐了客人，就只剩下一條讓人打側行過的空間。午餐還是要輕宜的，一人一碗粉麵！麻辣豬扒 (米線) $30配料：韭菜, 酸菜, 腐竹, 可選擇(走, 微, 小, 中, 大)麻辣豬扒米線, 加了$2轉通心的米線. 我要了小辣的, 豬扒切件約5塊, 炸朱扒不會乾, 收貨! 初試湯底麻辣程度是可以接受, 下次應該可以升級, 加上配料都幾豐富. 通心米線索得更加多湯, 不俗!CEO試了一口豬扒是無問題, 喝一口湯就咳起來~~~還是吃不辣的較適合CEO.招牌南寧老友 (河粉) $26配料：*(配菜), 蒜頭, 豆豉, 蕃茄, 肉片, 菜, * 可轉酸筍指定動作要招牌的CEO選了招牌南寧老友河粉, 湯底味道是豆豉及蕃茄味, um...不是不好味, 總有點怪怪的, 這就叫南寧風味嗎?自製山渣蘋果茶 $6CEO的解辣茶, 雖然他的不是辣, 也要試試我的麻辣豬

今日約左好朋友黎呢頭附近食午飯~佢推介去呢到,見佢係地胆~當然相信佢LA!!可能我早左少少,去到冇咩人~GOOD~ 環境都好乾淨舒服~兩個後生仔服務員做野慢吞吞,好似好生手~間店坐位唔多~我諗最多可以坐14,5人,不過知道我地未齊人,都唔心急落單~見佢地咁’保守’,就同佢地吹下水,問問下佢地今日有咩推介佢地就好支吾其詞咁講左几個菜,嗯…睇黎呢到有咩好食佢地都唔清楚!~雖然入面冇電視睇,不過有收音機聽,好快我的朋友就到~我扮晒考慮佢地D推介,睇下係咪真係咁出色~!炸醬燘腩肉蓮藕粉 我份人對辣都有點要求,所以有D期望~上枱啦~份量真係好足夠~~仲有D腐竹同韮菜做配菜,感覺好豐富~!蓮藕粉滑潺潺對我呢D只係識用叉既老外~好難夾~~蓮藕粉本身冇咩蓮藕味,配合埋D湯尚算可以~!炸醬好香~唔止肉粹咁簡單,原來唔係咁辣~我諗大左~燘腩肉…好入味,可能因為切薄片~一D都唔大舊,冇啖啖肉既感覺,份量好少~同張相好唔同…噢~有少少失望~煎韮菜豬肉餃 – 好香好肥好大好實~!一睇就知係自家製,而且即叫即整,所以等左好耐~一定係因為啱啱煎好,上枱真係好熱,我等左陣先敢放入口,咬落仲出緊煙~>__

一直喜歡吃粉麵，見到店外的相片心思思想嘗試，今天終於有機會，雖然坐滿人，不過上菜蠻快，不消一會兒便可以開餐。今次點了酸辣炸醬燘腩肉蓮藕粉、擔擔麵及韮菜豬肉湯餃。蓮藕粉還是第一次嘗試，質感像薯粉但軟身一點，湯底味道偏酸，辣味微弱，腩肉不知是傳統或是孤寒，整碗只有薄薄的幾片，碎濕濕讓我差點以為漏了腩肉，至於擔擔麵，對於不是太喜歡花生醬味道的我，感覺還不錯，韮菜豬肉湯餃吃得出是自家製作，味道不過不失，最大的敗筆是淥的時間過長，每一粒也破掉，可說是湯餃的大忌。總括而言，這店的食物水準不太突出，是那種不會抗拒再去，但也不一定要翻兜的類別。值得一讚的是店員服務態度蠻好，隔離檯的顧客點了套餐附送豆漿，店員問要熱或凍，顧客問可否要暖的，答案竟然是沒有問題，雖然可能是舉手之勞，少少的動作卻能加分。

因為這食店,我由只是看食評的人變成寫評人,憤怒!! 一直我都很喜歡馬鞍山這個地方一來可以探朋友二來海旁風景美,但今天來到這家食店簡直為這個地方留個污點!不說多餘的,很簡單在門口給蓮藕粉吸引而進去,全店另有一位顧客的小店子. 點了個酸辣炸由酱腩肉蓮藕粉($30),本來有點期望的,來到的所謂腩肉只如手指頭般大而且只有5顆,問問店員他回應是腩肉比較碎,再找多一下都是沒有!! 這真是要這樣收$30?? 我在不同的區域都吃過這樣小店麵食,這家就是價錢至貴而且沒材料的!!再問問店員為什麼沒腩肉的?又跟張貼的相分別那麼大?? 他二話不說可以不要取消倒掉它,反正"又唔係D咩錢,客人至上"云云!! 這就是這家店的待客之道?! 既然店員這樣我就拿袋走了!我將會再給大家看看一些良心小店的食評,大家都是做特色麵食的,食客會怎樣揀很易高低立見!

大大話話自從半年前黎食左第一次之後，我已經愛上左呢家店，話哂係馬鞍山都冇咩呢Ｄ特色食店，所以我差唔多每個月都黎兩三次所以入面Ｄ食物都試過哂咁濟而今次就專登試下仲未食過的雞絲粉皮見雞絲粉皮都好似幾重口味，所以叫左個上湯米線中和下米線一如以往湯底清甜，加上秀珍菇，肉片，生菜等配料混合得非常好，而雞絲粉皮，粉量是少了一點，不過吃得多也頂不住呢，因為實在很是酸辣吃第一啖有點嗆口，要用上湯來中和味道，但是整體來說是很不錯的涼拌菜式，上面的芝麻也帶出了香味，青瓜絲也使口感更爽脆，不俗最後追加了一杯自家製山楂蘋果茶，很新鮮清甜，好喝！總括來說，雖然近來加了價，不過吃一碗有廣西地道特色的米線，還是值得的

捧場左好耐, 鍾意食佢既老友粉, 個湯底煮到橙色, 十分開胃, D河粉索埋D湯, 入口一流.湯既配料有: 酸菜,蒜頭,豆豉,蕃茄,肉片,菜. 可選大中小或走辣...自製既羅漢果水亦十分好飲!另煎韮菜餃都ok, 只係一叫就要叫6隻,如果一個人食就會太多...但近呢幾次食, 個湯已經唔係以前既橙色, 味道又無以前咁好.... 唔知係咪轉左師傅呢....仲有佢價錢都唔平, 一碗粉,加個餸, 一個小食, 飲杯野 要成4,5十

見馬鞍山特色食品唔多, 又見咁多好評, 尋晚走左去試位置唔算易搵, 因為唔係咁熟三期o個邊, 不過一出商場口往三期內車路就見到叫左炸肉小辣老友粉同麻辣雞軟骨初嘗老友粉湯底幾好味, 有筍味, 酸味, 茄味, 幾開胃... 但食完返屋企覺得幾口渴, 不過好多食店d食物都有味精架啦, 好難避食完之後o個個幾鐘個身幾慶, 可想而知佢幾暖胃, 冬天食應幾好炸肉係燒肉咁o既味, 份量唔多, 亦係凍o既, 冇乜特別雞軟骨辣味幾好, 但用粉炸就唔太o岩我口味, 我見相片應該係冇用粉炸, 同埋係有辣粉的, 但尋日我碟只有少許蒜頭同埋辣椒仔, 賣相冇相咁好服務是ok的, 因食得太飽食唔晒d雞軟骨, 位姐姐都好關心問係咪太辣食唔到.....其實碗河粉只係22蚊, 但有肉有菜, 份量仲唔係孤寒, 所以唔加餸都好夠我諗我會再黎, 試下口水雞同木耳, 但返到屋企真係要飲多幾杯水

晚飯時間去到,九成位已經比人坐左 幸好仲有位 吾洗等點了兩個套餐( $38) 包一杯自制飲品(豆漿 / 羅漢果茶 ) 散叫 煎雞翼( $10 )口水雞米線 辣味夠 不太油膩 都不錯, 米線湯底夠豬骨味咖哩豬扒飯 咖哩香度一般 但辣味還可以, 豬扒分量足夠煎雞翼 普普通通沒特別豆漿 / 羅漢果茶 甜左小小鋪頭位置較難搵, 幸好自己是馬鞍山人 有位女店員態度好好

見網上食評不錯，專登黎呢到搵食，雖然間野唔易搵樓面細小，坐到２０個人的勉強，不過都幾光猛。第一次食，當然食招牌野，試左招牌南寧老友粉，選小辣。湯底有蕃茄、酸菜、豆豉，仲有新鮮生菜同肉片。呢隻味道我從來都未試過，湯底的配搭出來的效果很好！加上ｄ肉片真係好香好好食，粉雖多但好快就食完，２２蚊一碗特色大粉，仲送豆漿或羅漢果水，我住馬鞍山咁耐都驚嘆咁抵以後又有好野食ｌｕ＠＠一定有下次再幫襯！

第1次打食評,就比左你啦老友粉~其實我唔係第1次食,已經食過2次,2次都咁好食,又抵讚!!!第1次同男友食叫左好多野食,好免強先食曬......有招牌南寧老友河粉,正宗擔擔麵, 自製上湯津白豬肉餃,煎豬扒,香脆鷄中翼,加埋野飲埋單$110第2次同男友又去食過.再食招牌南寧老友河粉(酸酸地好開胃),正宗擔擔麵(湯味濃肉粒肥瘦適中),呢2款一定要食~~~另外今次試埋痳辣鷄軟骨都唔錯,幾特別~

經過呢間鋪頭, 話有正宗廣西桂林粉, 所以走入去試下LA.叫左南寧招牌老友粉同惹味口水雞, 即叫即做, 大約等左十分鐘.招牌老友粉外型簡簡單單, 湯底十分好味.....全無味精, 食得出老闆既良心同心機. 而每樣材料都十分新鮮, 絕對吾系行貨.惹味口水雞既雞好滑, 但糸吾夠香, 要改善 !!

發現路口開了一間粉麵店, 店內裝潢很有特色, 而且也有很多食客, 試試新口味吧.點了一碗招牌河粉, 老闆推薦豚肉, 也要了一份.還要了一杯豆漿, 很滑, 而且也很香豆味, 與外面的有明顯分別.河粉不會太淋, 煮得剛好, 配料有酸菜, 蕃茄, 蒜頭, 豆豉, 的確是很特別的配搭. 下次要加一點點辣味, 在寒冬裡的確是另一種享受.豚肉用醬汁煮得很入味, 老闆沒有介紹錯.看看菜單, 還有很多的選擇, 相信再來的機會很高.下次一定要外賣一支豆漿

十個正!!!口水雞好食, 肉質嫩滑辣得過癮青瓜一流, 味道獨特而爽口餃子煎得香, 老友粉湯底美味！相信我呢個馬鞍山人會長期捧場!