阿爸鮮食

營業中

休息中

上環站附近新開左一間個名幾親切既，叫做‘’阿爸鮮食 ABBA delicacy‘’，主要賣外賣湯麵。店面有一個男人，估計就係“阿爸”，好溫文有禮，由於第一次食，問下佢有咩推介，佢好有耐心解釋同推介，唔係淨係一味推介一d最貴既野，感覺佢好誠懇老實。同朋友share 2碗湯麵，樣樣都試下。湯底揀咗鮮濃骨湯，個湯底真心正！好濃好鮮味。係淆左好多個鐘既老火湯黎！果然好有家庭‘’阿爸”煲既住家靚湯感覺,相信真係無落味精，飲落無味精感覺，而且飲完唔會好渴。平時一碗靚湯都要幾十蚊，所以呢度以一碗質素咁高既湯打底，價錢公道既。欣賞佢呢度主食有好多選擇，個人最鍾意佢有得轉菜底，啱曬低醣減肥人士。餸方面試左好多，蠔仔、蜆：新鮮鮮味，份量都多。加咗蠔仔或蜆，令本身已經香濃嘅湯底更添海鮮鮮甜，更多味道層次！推介！🌟🌟🌟👍👍👍自製魚餅：係鯪魚餅金沙魚丸、胡椒豬肚貢丸：一般水平油豆腐串：由於個湯底正，油豆腐串索曬啲湯，超級好味！又係推介之選！🌟🌟🌟👍👍👍飲品方面都有一系列特色飲品，今次試咗‘’香橙去斑茶‘’，係橙片+橘葉，連個樽都高質加咗茶隔，‘’阿爸‘’果然細心，連啲飲品都係顧及健康之選！🥰相信呢個茶就算未能即

上環開咗間外賣小店，專賣高質版車仔麵。佢哋嘅Menu簡單，有套餐同自選麵揀，套餐就包埋汽水，由$59起。我就揀咗個自選麵，都加咗唔少料，呢碗要$73😛。嗌咗鮮濃骨湯 + 紫薯粉絲，個湯飲落好清甜，飲完都唔會覺得口渴。日本蘿蔔片凍豆腐必嗌，個豆腐索曬啲湯汁超juicy。菜心金錢肚好厚身，又腍又入味👍羊肉卷香橙去班茶（$12）- 佢哋嘅自家製花茶係必試，仲要係無糖。就連個樽都好有心思，個嘴可以隔埋渣。

周圍的飲品，唔係檸檬茶，檸水，就係奶茶，咖啡！冇d新意！依度有黑杞明目飲，果樣雖然黑麻麻，不過真係幾好味，連小朋友都喜歡飲！又有玫瑰解鬱飲，聽個名都型到爆，酸酸味味，好好味！最特別係個設計，個係樽口有個隔，可以隔左渣，好窩心

非常有驚喜的小店！老公同我分別撿咗懷舊車仔麵和鮮魚麵，搭配紅薯寬粉和烏冬麵。紅薯寬粉很彈，食材很新鮮而且極多餸。豬骨湯可以肯定沒有味精，飲完都唔會口渴。本來對車仔麵無咩期望，但估唔到原來可以好清！茶飲包裝好靚，特別係有茶隔可以阻擋茶葉，第一次見到咁貼心嘅設計。而且難得茶係無糖嘅，唔會感覺到heavy。尤其鍾意黑杞明目飲同老闆傾咗一陣，可以體會到佢嘅用心。很滿足很健康嘅一餐，會再幫襯。希望良心小店可以有更多人發現和欣賞！

❤️《上環Sheung Wan – 阿爸鮮食 Abba Delicacy》Date of visit: 02.02.2023 ‼️只限外賣‼️路過見到幾吸引 就買黎試試🤓吸引我目光嘅係小丸子套餐&牛魔王套餐🤩兩個餐都係HK$59送可樂😌仲有自選任你點（好似車仔麵咁）🤓我揀左❤️小丸子套餐 – 八寳丸【墨汁墨魚、陳皮魚蛋、新加坡白魚蛋、鮮肉包心丸、北海章魚丸、金沙咸蛋黃魚丸、胡椒豬肚丸&黑椒牛丸】🌟好足料🤩 除陳皮魚蛋有3粒，其他各一 全部大大粒🤗全部丸都好彈牙好正 最深刻係金沙咸蛋黃魚丸&鮮肉包心丸🤤湯底我揀左basic嘅❤️大骨濃湯（餐廳話用8小時熬製）【的確好香濃👍🏼 食完面仲飲左湯 無眼訓無頭痛 應該無味精😆】麵底我揀左淮山麵 – 也不錯 係有少少”lum”左 🥹食到底仲有娃娃菜 好健康 好均衡😌套餐送可樂 但我+HK$12 轉左養生茶 – ❤️黑杞明目茶😇我同事就揀左❤️玫瑰解鬱茶（仲有其他養生茶）都好足料 飲完我再沖多左壺😇而且個飲品樽好貼心 有隔渣層 唔使一路飲一路食到渣☺️加上有金句：『你的話是我腳前的燈、是我路上的光。』詩篇119:105🤓結論： 整體非常滿意🤗 絕對係平靚正外賣之選🤭

今日試咗上年年尾新開既店舖，主要係比阿爸鮮食個名吸引左，究竟阿爸煮野有幾好食？如果唔想等，可以用QR CODE預先落單，重可以簡埋拎餐時間，相當方便要留意既係，網站只能在店舖營業時間落單，其他時間會顯示未營業既字眼今日試左個（$75）雲耳 蜆 金錢肚 南瓜麵（蕃茄湯底）餸每樣味道都唔錯，印象深刻佢既蜆，有成七隻，而且食落冇沙，幾新鮮唯一係個湯有啲咸，其他野都唔錯另外個茶飲都相當足料，叫左個玫紅解鬱飲，內有玫瑰花、苿莉花、月季花、山楂，幾健康，健脾開胃

新年好多餐廳唔開，就試下呢間～餐廳得兩個人做野，出餐比想像中慢，但可能前一日我等外賣燒味等左半個鐘真係等到火….加埋收銀係咁唔好意思，話新年唔夠人手慢左，又送飲品，咁都明既….講番個外賣，我覺得餸既份量比想像中多，同埋都食料都新鮮+ 睇住師傅現場煮，麵既份量可以再多啲，我唔大食當時就剛剛好，但過左兩個鐘到就開始肚餓 咁男士就一定唔夠啦🫣湯底應該無味精，因為下午無眼瞓！有時飲完啲例湯/ 湯底會勁眼瞓架嘛，呢方面係讚既！

舖頭裝修好特別, 好少見會咁鮮艷嘅舖面入面賣嘅係好似車仔麵, 但材料比較特別少見嘅餸同主食老闆話個湯係每日都新鮮淆嘅😮但都係忍唔住要㨂麻辣去試,餸方面叫咗最愛嘅萵苣!!!!!試咗好似係當日特別食材嘅蜆, 金菇同陳皮魚蛋, 仲有老闆推介嘅紫薯粉絲, 本身都驚粉絲外賣會好林芝, 因為最憎食啲林芝芝野, 但完全係驚喜!!個粉絲浸咗一陣又入味, 又唔爛!!!!!!不得了😍期待有機會再試其他麵同湯底🤤撐小店💚💚💚不過舖頭得老闆一個人, 就要少少時間等佢煮啦😆😆

今天來到了中上環餐飲業兵家必爭之地，有本事開在一級戰區當然都有2把刷子，於是挑了一家新店，希望能發現新的好味道，阿爸鮮食的老闆也熱情的介紹他們的招牌餐點，最後我選了牛魔王套餐外加豬大腸，這是平常自己最常點的菜色，東西好不好，一吃就知道，果然有驚喜，鮮燉湯頭很順口，且因為天然無添加，吃完不會口渴，牛丸胡椒很夠味，老闆推薦的寬粉居然很像台灣鼎邊銼的Q彈口感…一桶（碗）的份量，2個人都夠吃，這家老闆也很實在，初次品嚐過後真心值得推薦！

未見過啲蘿蔔係薄到一片片，啲蘿蔔好貴？又唔甜，又硬身，第一次食白蘿蔔係脆既。個辣蕃茄湯底係 *辣椒油only* ，半粒蕃茄都無，得個死辣，好似辣椒油撈湯。入面啲送又無味，全部雪藏野，唔知點樣「阿爸鮮食」？個紅薯粉痴到一餅野，得幾條，我100磅女人食都唔夠飽。叫可樂，又比枝茶，枝茶完全無味，成本一定仲低過可樂。超級唔掂，唔知啲好評係點黎？仲要$63，南記同譚仔都好食過佢10倍。相信呢個質素既食店，應該好快被淘汰。

今天，很冷，路過上環禧利街，被這間新開的食店吸引：它的裝修很時尚，乾淨，明亮，很是吸引，尤其是店外閃著「陪你好好吃飯」的燈帶，很溫暖，決定踏著發光梯級上去覓食。只上了2級，香氣撲面而來，濃濃的香味，原來是老闆自豪的無味精濃湯。隨即點了我最愛的麻辣湯底，南瓜麵，金錢肚，肥牛，流沙丸一試。果然有驚喜，真的沒有味精，喝完整碗湯也不口乾，而且湯非常鮮，第一次食麻辣燙竟然可以連湯喝，好正。細問老闆，才知他們的湯真的8小時大骨滶制，雖然成本高，數量也有限，但，客人食得健康才是最重要。這樣的良心店，值得支持！

阿爸鮮食🤔個店名好特別，行過被橙色外牆吸引，以為是乜東東，原來車仔麵是也。一位叔叔很有耐性地介紹他們的食物，湯底不落味精用上好幾小時熬製，既然咁有誠意，即管試下。麻辣燙加肥牛、蝦、魚鰾、烏冬，+$12送埋養生茶。先講湯底，確實有驚喜，吃得出精心製作，蝦很新鮮彈牙，而烏冬也不會因浸住湯底太耐而變糊，本人喜歡吃辣，所以這個只是BB程度的辣，吃完確實沒有口乾想飲可樂的感覺😆總括來說，上環附近的食店來去也是那些，估不到這間有意外收穫，下次要試清湯及羊肉👍

阿爸鮮食，冇改錯名，的確材料新鮮，老闆堅持用優質食材，強調要過得自己過得人，咁有誠意嘅舖頭實在買少見少，所以值得支持。個人最欣賞番茄🍅湯底特別叫老闆加微微辣，配上新鮮魚鰾、羊肉片、午餐肉加上烏冬麵底，叫人一試難忘，特別一提的是食完完全冇口渴嘅感覺，足見老闆話絕對冇加味精係真嘅。另一個我個人好欣賞嘅地方係清潔程度，老闆堅持每日收爐時徹底大清潔，務求讓客人食得放心，自己也安心，原來老闆同我一樣有少少潔癖，這一點絕無有加分作用！

用心製作食完唔口渴，最後一啖湯都飲清，食慣咗返唔到轉頭，問過老闆，湯頭材料日日新鮮入貨，晚晚煲足八個鐘頭預備第二日開檔，而且老闆堅持每日收工時徹底清洗廚房，乾淨、新鮮、好味😋自然食得放心又開心😃連筷子🥢同器皿都特別用心，非一般一次性餐具可比，你買過就知道，細心程度一定加分。不可錯過的還有他們的手工茶，健康無糖有茶味，老闆係福建人，直接從福建入茶葉，所以茶味香濃清新。個人最欣賞清湯肥牛蜆仔默丸寛粉，一試難忘，好容易食上癮！

好奇見到新舖開張，主打新派麻辣燙，有幾款濃湯底，喉嚨小小痛所以揀左個蕃茄濃湯，配金錢肚，蜆，同鮮蝦🍤食好d!估唔到蜆同蝦都鮮甜吸到濃湯味，無腥味，夠新鮮！金錢肚賣相麻麻，出奇地夠冧，都入味，幾款餸都有驚喜。食到咁上下，飲一飲個湯，一飲就知個湯真材實料，忍唔住將湯底一飲而盡，飲到底見到店家附送左舊豬骨，真熬湯，份量夠哂飽！大滿足！要讚下個外賣桶自帶手柄，一個鐘車程都滴湯不漏，加埋支養生茶有個窩心設計隔渣濾嘴，正👍🏻下次試埋個麻辣湯底先😋