阿爺粥品手工涮涮鍋 (已結業)

有朋友知我鐘意打邊爐， 但又唔食得辣(麻辣火鍋唔使預我。。) 就介紹呢間粥底邊火廿俾我。 呢間野都幾爆， 最好訂左位先。 我地兩個人， 叫左個海鮮set 加30蚊配料任食餐， 第一樣野送黎就係個粥底料，有豬骨， 雞肉同南瓜粟米， 就咁呢3樣野煲嘅粥都已經有甜味啦。 之後再上場嘅就係主角-海鮮！分別有龍蝦， 蟹， 鮑魚同蜆， 啲海鮮落煲嘅時候仲識郁架， 超新鮮！龍蝦有兩隻, 好爽口。個粥底開頭未煮野所以淡口D, 蟹同龍口淨咁食都有鮮味, 鮑魚就要野調下味。 蜆完全無沙, 隻隻都開曬口又滑身,之後再叫多round 添。嚮玲,油炸鬼係我老婆大人指定菜式,今次有紫菜嘅嚮玲食落仲香口D 添。象拔蚌呢款海，竟然係包係任叫個list入面。另呢到啲餃隻隻都漲卜卜， 好多料，而且仲有比較小有嘅西洋菜餃添。食到咁上下伙計哥哥 比左D 蔥同菜脯比我落粥, 可以食個海鮮粥喇.😍最後 要特別介紹一下呢個薑汁撞奶, 又係任食配料之一, 薑汁好濃味, 細細兜,食兩三兜都無問題!

近排天氣都好凍，吸左咁多寒氣就係要食返暖野入胃，再驅一驅寒啦！呢間餐廳主打食粥底火鍋，全部都係有粥底嫁，絕無其他湯底，咁就唔洗擔心會躁底啦！餐廳環境好寬闊，而且仲好有中國味道同田園味道。以綠色藤做裝飾，配合餐廳嘅坐椅都係綠色，加埋中國內置，幾特別。而餐具方便，餐廳都好細心，用上木筷子做頭，可以方便客人食火鍋，同事亦盡量環保，既好玩又實用。點了份有米粥，見到粥本身有南瓜在內，任由南瓜同粥一齊慢慢煲，粥本身已有綿綿質感。餐廳亦設定了不同餐，而每個餐都有海鮮做配搭，其中這款基本海鮮配搭，如鮑魚、蜆、海蝦、魚等。令粥品更鮮味。另外，除左海鮮外，更可以選擇五款配料。其中最特別係黑椒腸。平時係比較少係火鍋店見到嘅，黑椒腸好濃嘅黑椒味。豬膶粥真係好補好暖呀！而且豬膶都好厚身好有口感，係正嘅！

最近食海鮮真係食到癲左🤣buffet ,打邊爐加蒸汽鍋, 啱啱見朋友食過呢間,打左卡,所以我又黎海鮮粥底火鍋。見佢有2,3 個唔同價錢嘅海鮮餐, 全部都係加30蚊就任食其他配料,個餐真心抵食!龍蝦唔算好大隻但起碼係一個人一隻而唔係得半邊,龍蝦D 膏好好味,肉質又爽, 呢個價錢難搵喇。跟住一人一隻鮑魚, 咁樣粥底鮑魚係冇乜味, 要加兩滴豉油, 不過食得出係新鮮!蟹-有少少驚喜 ,啖啖肉仲要係"重皮蟹" 添,好正!D 蟹膏窒滿曬個蟹殼咖!粥底就有粟米,南瓜同雞件,不過粥太大煲, 味道唔算濃同埋可以肯定冇加味精!因為粥底的關係,食物煮得耐都唔會覺得"鞋"口,仲感覺好滑添。食粥又點少得油炸鬼丫,  不過都係嚮玲吸食D, 呢個嚮玲有紫菜o係入面的, 幾得意, 都要試下嘅。肥牛呢 原來好夾粥底,變得好滑身。台灣黑椒腸, 個人喜好。伯爵肉丸-其實係午餐肉打嘅丸, 好搞笑。有蜆,有象拔蚌 都係任食咖, 新鮮咖喎,一定要點!另外任食嘅配料仲有好多款都未試到就飽到嘔喇...好想再食囉.最後 最窩心係任食佢有甜品囉... 平時打邊爐橙都冇舊, 呢度仲有幾款甜品揀, 仲要係好好食....椰汁桂花糕-以為係膠

家姐生日去左試呢間粥底火鍋🥘點左每位$328果個 有龍蝦🦂鮑魚.蝦🦐多寶魚🐟蟹🦀貴妃蚌.蟶子同手切牛🐮⋯仲有另外5樣野可以簡既！我地點左響令 貢丸 9菜餃 滑雞同埋肥牛🤡🤡忠告！千期唔好點響令⋯佢特點係長同中間有紫菜，但味道怪怪地🤭海鮮好新鮮 樣樣都好味...9菜餃包到金元寶咁既樣 味道都唔錯！最正係粥底 佢會俾碟落左鹽既菜同蔥放入粥底 加左菜既粥底好香！！加上淥完哂所有海鮮好鮮甜 食左2碗超飽🤗🤗

香港人最愛打邊爐不分四季 時代嘅進步 火鍋嘅種類同形式都變得多元化 粥底火鍋是本人最為喜愛的 原因係可以將食材原汁原味一滴不留都放進肚子裏和大家推介 我今天享用的海佬忘情鍋套餐每位$198 另加茶價及醬油$18二百蚊左右一個人 非常抵食先嚟一個白粥底 食咗一啖 係冇乜味嘅粥底算係比較稀嘅一種 白米都變得軟綿綿 入口非常順滑送粥三寶 蔥花芫荽及菜脯這裏是二人份量的海鮮配料 非常豐富 而且生猛新鮮大龍蝦 花蟹 鮑魚 蜆(4種是令海鮮)還有 粟米南瓜雞件及豬骨 使平凡的粥底變得更鮮味餐廳職員貼心嘅服務主動殷勤 而且有禮 值得稱讚把配料都放在粥底 用細火翻滾 海鮮不會變老 肉類不會變鞋 而且可以令配料完全出味把配料吃光後 粥底才是精華所在 極度鮮甜 和一開始乜都冇嘅白粥底 完全係極度反差 好吃到不行了 鮑魚新鮮 彈牙 嫩滑 鮮甜龍蝦細細隻 勝在的鮮味搭夠 蝦肉是爽口彈牙的另外還可以加30蚊升級無限放題 有52種食材 無限任點任食 眼見配料非常多元化 亦非常吸引 但係食完一個套餐其實已經好飽 所以就冇追加整體感覺良好 粥底帶給我驚喜 非常鮮甜 好味道

咁凍嘅天氣 要暖個人先暖個胃作為一個正宗嘅中國人 晚飯時間冇啖飯落肚真係唔夠飽今日嚟到阿爺粥品手工涮涮鍋試下粥底火鍋 晚飯時間人山人海 莫非真係咁好食?好彩之前預先訂好枱 餐廳職員好快就安排我哋入座 今日同朋友二人 點選咗海佬忘情鍋$198一位 另醬油茶價$18 及加一服務費若果五六日及公眾假期及前夕+20若果擔心套餐食物唔夠飽 亦可加30蚊升級為任食放題海鮮包括 南非龍蝦一隻 活鮑魚一隻 海花蟹一隻 海黃蜆 :白雪雪軟綿綿嘅粥底 先把滑雞件 豬筒骨 粟米及南瓜等材料先淆至出味伴粥配料 芫茜 香葱 菜圃 能夠使粥底更錦上添花 味道更上一層樓美味嘅海鮮粥底火鍋就此誕生:鮑魚事先有清理好內藏 乾淨衛生 入口彈牙龍蝦鮮甜爽口 海水味重花蟹 蟹膏甘香軟滑 齒頰留香海黃蜆 肉質肥美 完全冇沙旁邊仲有一個器皿 安置唔要嘅殼 夠曬體貼:有海鮮及鮮骨肉 等配料而成嘅粥底 味道確實非常鮮美 沒有加任何味精原汁原味 所有精華都集於足底內:like:

天凍了，好多人一想起是吃火鍋。但我自己覺得吃火鍋很普及，於是發現這店有粥底火鍋再加海鮮。如果想加配料需30元可以無限粥底的好處是可以吸收海鮮的精華但多收18元茶水費及醬汁搭配，對我來說有點不值。要緊是可以吃得暖暖，有海鮮食也不錯！

阿爺粥品身邊幾個朋友食完都推介比我前兩日放假把心一橫同屋企人走左去食首先真係要讚下黎食物既速度一般打邊爐除左第一輪第二輪開始都會好遲先黎左阿爺粥品係落單轉頭就送到黎而且排得好整齊視覺首先加左分啦！之後講味道我最欣賞係鮑魚除左彈牙之外，仲好細心幫我地界花唔駛自己切仲有d蜆。。鮮味好夠，200蚊一個人左右我絕對收貨至於其他配料就不過不失但絕對係合理的當然呢個價錢亦唔可以要求太多環境舒適，坐得舒服就可以了下次一定會再黎！

打邊爐怕熱氣?食唔到麻辣湯底?唔洗怕,小弟今次係荃灣搵到呢間阿爺粥品手工涮涮鍋,話說小弟都係第一次試,因為小弟成日覺得,打邊爐最緊要係個湯底,今日就完全推返哂呢個概念,呢到店內環境走中國風路線,餐具同裝飾好有feel,梗係啦,話哂弼都係中國野,店員送上席前小食,秋葵乾 ,小弟第一之食呢樣野,整得脆卜卜,幾好味落order,小胖女同小弟都一致有共識係要點白弼,因為食其他配料已經會有味走入去個弼到,所以個弼要最清,咁先食到精華,當然最大路,油炸鬼係點叫啦,今次我地都有點海鮮,有蟶子皇同鮑魚,大大隻鮑魚同蟶子皇都超新鮮,食落彈牙爽口同好甜,當然我地兩位食肉獸又點會放過肥牛呢?牛頸脊拖一拖再食真無得頂,最後叫埋生菜,將佢車埋落去個弼到,再加油炸鬼,肥牛,就完食左我地既土炮生菜肥牛弼啦個弼真係有驚喜,因為集百家大成,非常甜,清埋個弼鍋飽到郁唔到

食材十分新鮮尢其海鮮，蟹🦀夠大隻，蝦🦐直頭仲識郁，聖子都好大隻夠爽，加多30諗住任飲任食但其實都唔洗，隻紫菜嚮鈴一定要試，餃子略為皮厚，座位就稍為迫坐得麻麻地舒服

朋友提議天氣轉冷食粥火鍋夠特別，佢之前去火鍋海鮮新鮮在荃灣叫阿爺粥品手工涮涮鍋，老闆娘招呼周到會按客人需要介紹邊一隻火鍋，我都好少食粥火鍋於是來食。叫咗個套餐有海鮮盤，有龍蝦，活生生的中蝦，蟹， 鮑魚、蜆..來做個粥火鍋。由於將海鮮放入去粥鍋滾下滾下，好快有得食香滑嘅龍蝦肉，鮑魚原隻好大隻又肉厚，好似食緊鮑魚粥咁，看落去鮑魚好香口有彈性唔捨得食。蟹肉、蟹鉗、蟹身全部都好鮮味，雖然要用鉗壓破蟹取肉食，都不怕手有粥， 蜆打開殼會即時食，之後要拿起蜆肉待一刻後食，怕滾滾下找不回佢。經過咁多隻不同款海鮮十足十火力滾粥，食完海鮮後，大家第一時間盛起粥食，粥底充滿海鮮味，粥底好軟身香滑，再加似菜脯粒更能帶出粥的野味。

在交通方便的一帶有間阿爺粥品手工涮涮鍋 ，我經過見廣告有海鮮粥鍋食，又可打邊爐，即刻來個套餐是海鮮粥鍋，見食客多好有氣氛。其中有海佬忘情鍋，南非龍蝦一隻，活鮑魚，海花蟹、海黃蜆、滑雞件、海蝦、猪筒骨.... 配上滾滾熱粥，最叫人流口水是鮮味龍蝦，龍蝦肉很鮮嫩結實，海花蟹拆肉來加醬料食一流，雞件是喜歡食雞煲的人的替代品，之後每人食咗幾碗粥，心想要飲晒啲粥才可以加湯做火鍋，由於粥太好味我哋食晒佢先加湯底。加30元升級任食放題，有成52種配料任叫，叫了有非常脆身炸魚皮，買玫瑰花豬爽肉，肉腸、金菇菜、鯪魚滑、脆肉鯇很有魚鮮味。

食物就不過不失, 海鮮尚算新鮮, 牛柏葉熟咗縮到好細粒, 即炸紫菜響鈴太大吃有點困難...... 建議唔大食嘅朋友不要加$30任食, 食海鮮都已經半肚。 如果唔怕夜可以食宵夜時段價錢會抵食d, 如果唔係真係想試吓今次都唔會等咁耐! 朋友一星期前已經打電話訂了8點枱, 大家準時到達, 問門口支客小姐要等幾耐, 佢就話........ (故事就開始喇)第二張枱到你哋等咗15分鐘, 有另一個客人走過來問支客小姐要等幾耐, 她們係訂咗8點15分的又話已經嚟咗好耐喇第二張枱(竟然喺我哋面前咁答)頭先你又話我哋係第二張枱佢哋嚟咗好耐喇, 跟住之後張枱就到你哋我哋訂8點, 點解係佢哋先呀?????好快, 好快, 埋緊單(只係敷衍答我)其實有冇限時食(好奇問)第一輪係6點半 咁即係8點半第二輪啦唔駛, 就快有位, 好快, 好快我哋等到8點半都未有枱, 又有另一個客人走過來問支客小姐今日打電話嚟訂咗8點半, 我就話我哋訂咗8點而家8點半都未有位呀!!!!! 點知呢位客人個booking都冇紀錄要排隊等位...最後8點45分先有位俾我哋入去未食都已經一肚火, 最唔明係點解訂咗枱都要等咁耐, 咁訂枱嚟做咩呢

首先蜆是必需要的，因為它可以把粥變得鮮甜，而且這間店提供兩款貝款類，這兩款我也有點了一些試一下！另外，我亦選了栗米，因為栗米也是滾一下也會出了栗米味！大半小時後，粥底由白色變成深色了！另外，特別推介這裏的丸子，它們全是手造的，非常彈牙！

其實食完都有一段時間不過一直唔記得打直到前兩日同班朋友去左另一間粥底食一比較之下先唸起先唔講食材，首先環境上阿爺粥品係舒服既而且地方唔會污糟，空間大，坐得舒服個日我地有個bb仔去侍應都好有禮貌幫我地即時拎bb椅呢個真係相當加分！再講食物，宜家粥底火鍋蒸埋海鮮食已經係基本野好老實講海鮮味道出入都唔會太大除非真係好唔新鮮但阿爺粥品勝在份量夠！d鮑魚同埋蜆大大隻彈牙又好味而且仲有其他豬類可以任叫岩哂大食一族！價錢係宜家物價黎講，絕對係合理的誠意推介