阿爺粥品手工涮涮鍋 (已結業)

一踏入冬天 打邊爐一定係最佳選擇！打粥底邊爐聽得多，食就真係第一次。叫左海佬忘情鍋 簡單黎講 鍋入面有龍蝦 鮑魚 蟹 蜆 雞件 當然仲有粥啦。6分鐘後開蓋！店員提醒先食鮑魚>蟹>龍蝦。唔係講笑 d海鮮大大隻 好新鮮又有肉 好正呀！再試埋d粥水 因為同海鮮煮埋一齊既關係，一碗白粥入面都會有d海鮮鮮味 店員推介食粥時落埋菜莆 食粥時又想有d咬口 的確好極！如果想咸少少可以自行調較。無限添加粥水湯水，其實食到咁上下都已經半飽狀態了。但黎得既當然仲要試埋其他配料打返個粥底邊爐啦！任食都係每人加多30蚊。首選必點一定係大大條既紫菜響鈴。響鈴食得多但紫菜響鈴我真係第一次食！淥一淥就食得，脆卜卜之餘仲食到好香既紫菜味。一定要試！特長蟹棒買點就緊係夠晒長啦 淥得耐左都唔會話散到唔見左。仲有既系韮菜餃，皮唔太厚，饀夠飽滿又入味！一食就知唔係超市求其買既包裝餃，可以話係真材實料。仲之就好味啦呢餐真係食到捧住個肚皮走。係一個開心食既飯局。

話說呢排真係好中意打邊爐！食咩都淨係諗到打邊爐！ 但最慘係度度都要排隊！不過經住荃灣嘅朋友仔介紹！發現左間又抵食，又唔洗等位嘅火鍋店!我地一行三人，叫左個海佬忘情鍋！$198！都幾抵，因為有龍蝦、鮑魚、蟹、蜆呢啲海鮮外，仲有雞件及粥。龍蝦好生猛呀！係啲粥度彈彈下！食落去，口感彈牙，很新鮮！鮑魚都很好爽口彈牙～不得不提，當然是個粥底啦！ 吸收哂海鮮嘅精華！唔洗用任何調味料，已經夠哂味！ 正！ 唔夠喉嘅，仲可以加$30食埋海鮮放題！其實我地淨係食個海佬鍋都夠飽，不過見到隔離枱碟響鈴超長，超大條，咁吸引！來到怎可以錯過？埋單每人都係$2xx, 有新鮮海鮮+放題，三百蚊都唔洗！下次再來🤣

超差服務態度👎🏼點左1664,追單先話無1664,叫左小籠包，又係唔問唔會話你知無哂，last order 又無提我地，其實我地都係過左二分鐘就拎張單比我地賣單，所以如果想食野落單個陣要問清楚有冇，否則可能限時兩個鐘到左，你有機會咩都無點食到就要走。另外啲豬骨痴底痴到成煲粥一陣燶味，成個過程我地係聽待應指示，話個倒數器響就食得，但個底都係燶哂，最後叫待應換左個粥底，又係要再等過個粥底滾。我地叫既係19x 做緊特價既餐，價錢唔係貴，但係咁既價錢出去可以食到更好質素既食物，蟹（好似兩隻）同飽魚（每人一隻）正常，但蜆有沙，龍蝦（原本每人一隻，但係送到黎先話大既無哂，所以比一人兩隻細既我地）啲肉唔係實既，牛肉同香口膠有得比咁硬。如果想飲野，間餐廳真係無咩選擇，沙冰類，甜既飲品佔多，想要涼茶，竹蔗茅根水，檸茶檸水既可能要自己食完出去買。最搞笑係買單俾錢個陣問待應間餐廳可以收咩卡，佢問返轉頭我地比咩卡，個待應好似都唔知自己餐廳收咩卡咁🤷🏼‍♀️

天氣轉冷...有咩好得過weekend可以瞓到自然醒，然後休休閑閑去食個粥底火煱！呢間《阿爺粥品》自今年四月開張以後，身邊好多朋友都在談論，而且個個一鍋蜂咁去食！真係有啲好奇..係咪阿爺效應呢?! 但原來佢同鼎爺係一啲關係都無㗎!😂粥舖位於荃灣大鴻輝斜對面...好易搵！裡面面積唔係好大，但係都設有一間可以坐成12人既獨立房，另外亦有多張6人枱同10多張梳化卡位。坐得幾舒服！而且每個卡位牆身都設有USB叉電位...設計非常細心！平心而論，其實平日星期一至星期五11:00-17:00可以做到90分鐘每位$98免茶介免加一包粥底，仲有52種生熟火煱配料選擇...真心覺得非常抵食！如果星期六,日同一時段食都只需加多$20。個人覺得佢個大良炸鮮奶幾得！另外，值得推介佢嘅炸響玲同長蟹柳...除咗好食之余，最特別既係兩樣食物都有成8～9吋長！都幾誇張㗎！另外佢啲花甲、雞肉、鯇魚腩同菜都好新鮮。下次再去會試試佢個$198海佬忘情鍋...

冬天來了，不就是要打邊爐嗎！以前在大陸回鄉探親好像有試過粥底火鍋，印象中食物選擇不多，雞粥就雞粥，魚粥就魚粥。而在香港應該是第一次吃了，好明顯香港的選擇多纙纙，一鍋裡面要吃甚麼有甚麼，包羅萬有。初吃粥底火鍋我不貪心，沒有選任吃的放題，只吃了基本的 $198 一位的套餐。套餐已包括：海花蟹、鮮鮑魚、海沙白、鮮蝦、黃沙蜆、貴妃蚌、肥牛。份量很足，兩人吃都己經飽了一大半了！特別喜歡海花蟹，有膏有肉，鮮甜爽滑，大拍手掌！因為我們放棄了多寶魚，店員特別讓我們可以點6款配料。點了伯爵肉丸、蜂巢豆腐、腐竹、響鈴、金菇、油麥菜。伯爵肉丸超美味的，是豬肉及午餐肉混成的肉丸，試問誰能抵抗午餐肉的引誘呢？！響鈴更是有夠誇張，又厚又長，口口爆脆。大家都在搶著吃！吃完配料後，好像已經吃不下粥了，奉勸大家，要叫多一點朋友一起來分享，吃粥底火鍋會更滋味喔！

我們一行十四人，去試粥底火鍋在我們心目中，粥底火鍋不飽的。我們預點都叫餐後，要加$30任食最終我們聽取店員提議，先叫個$268餐(當中包一盤海鮮+5款自選食品），飲料散叫粥底來到，我們試了一口，淡到沒味，有點失望海鮮到，好大只，好新鮮，正到不得了因為我有了BB，我只蟹讓了給朋友享用。最後她們的粥底成了蟹粥，說正好多我當然沒得享用我們也有點炸鮮奶，真的好味到不得了必食之選也有點長長腐卷，只是long，沒什麼特別

正宗粥底火鍋，你又試過未先！如果想中午又粥，但又唔想禁清淡，呢度絕對岩你！粥底，有！靚配料，有！正價錢，有！環境服務，都有！真係要試啦禁就位於荃灣大河道呢條主要幹道既佢，地理位置都算方便，且位地鋪，相當已搵小編今日就係朝住呢個目標而黎既！一坐底同店員講話食佢地既午市打邊爐，佢地就會好快禁為你準備一切，當然有唔少得既order紙啦！嗱，真係寫到明午市仼食放題粥底火鍋，都係每位$98，真係實收你$98，免茶介免加一喎不過要先留意既係，食呢個午市放題一定要兩位起架！所有既配料一共有52款！除左有普通既丸呀，肉呀，菜呀果d之外，重有d特別既配料架！例如 : 大良炸鮮奶，順徳春花卷等等落完order之後，大家就可以先準備一下調味料，由於係粥底火鍋既關係，調味既配料當然亦有所不同，就算只係得3種選擇，其實都係正常當左包括左邊既蔥粒，中間既菜脯粒，同埋右邊既芫茜粒最重要既粥底到了雪白色既有米粥鍋，入面加入左南瓜粒及芋頭粒，所以一陣就會煲到佢地軟林林，又夠香，又好食不過小編都真係第一次用粥底黎去打邊爐，感覺其實好新奇配料都到啦嘩，感覺好靚好高質呀d配料，望落亦都好新鮮先講左上既即炸魚皮，每舊都大大舊，

早排成日起FACEBOOK 見到平價一口價$98粥底火鍋任食自從粥底火鍋的出現，我也挺偏好於此，眼看CP值超錶，就決定同朋友黎會一會阿爺粥品手工涮涮鍋睇下價錢同質素究竟有無料到??好有飲茶既FEEL由於$98只限午市至晚市之前，所以我就晨咁早就1點出現，午餐食到下午茶，慢慢食夠本....座位挺大，黎之前怕FACEBOOK太多人介紹會好難入座，要排隊，還好今日都係平日，不需太擔心$98既選擇也比想像中的多，當中仲包含左我最喜愛的肥牛、蜆類，呢個都夠曬回本蜆有兩種，黃金蜆同海沙白，來的份量都算多，尤其第一轉叫的黃金蜆SIZE細D，但每一隻都有肉，又無沙海沙白SIZE大D，食落去新鮮同有口感用黎煲粥超MATCH，個甜味落曬起鍋中我同朋友都感嘆菜市場買蜆都成六十蚊/一磅，依家加多少少錢就可以任食，真係蝕本價啦~~第一轉擺設得靚一靚圖中有玫瑰花豬爽肉，伯爵肉丸、順德魚腐、美國肥牛、芝士腸豬爽肉，名乎其實地非常爽脆，好似豬頸肉的口感，感覺食上去不會太大負擔，食唔落咁同埋豬肉味較重，好爽口的，之後第二轉都KEEP住叫超大粒的菜肉雲吞、韭菜餃，原本叫左每人每樣一粒試試，不過店家也大大方方的送上多一多真

之前行過都話要黎食，終於有時間黎食啦。我地２個人食，都俾左４人卡位我地坐，唔洗咁迫餐牌有４個set既..價錢分別係$198，$218，$268，$3284個set都分左唔同既海鮮..配料就選5樣..加入$30仲可以任點配料!我地就叫左$198果set..再加$30任點配料首先黎左海鮮..店員就幫我地將海鮮放入鍋粥度!店員好貼心!!會同d海鮮計時..咁就唔會過熟啦。其實我未試過咁樣食，少見世面今次試新野用粥底黎煮海鮮d海鮮特別鮮甜唔單只有樣仲真材實料我地$198既海鮮份量就無貴d價錢既咁多實知道食唔晒..所以叫少d比較好響鈴係我未見過咁長既響鈴..差唔多有我兩隻手掌咁長呀必試呢~~~雖然加$30任點配料但都唔會好hea..俾我感覺好乾淨, 值得一讚打邊爐乾淨好緊要..唔係既話好易肚痛呀不忘叫返個熟食”炸鮮奶” 又係好味既..外脆內軟都係配料欄入面唔洗再加錢我一口氣食晒食碟..留返一件仔俾我朋友食到最後個粥底d味好出..愈食就愈出搞到我都飲左好多碗依個價錢..有咁多出色既材料係抵既海鮮足料又有鮑魚

住荃灣區既朋友一定有聽過D間阿爺粥底火鍋,成日想試好耐, 但最後都不了了之直到聽到朋友講佢午市粥底放題98蚊連加一茶介, 即刻多左動力去去到先知原來星期六日要加20蚊, 但都OK啦, 都仲係好抵下環境-裝修得好靚, 我幾鐘意佢D燈係隻雀仔黎, 好特別下淥野前之粥底: 基本上到白弼冇分別, 有D南瓜同香芋, 但未出味住淥完野既粥底: 將頭先食過既野既味出晒黎, 因為自己可以控制到放咩落去, 咁個味會好岩自己, 油同味精幾乎零, 食完唔會口渴配料整體黎講: 上枱放得好靚, D材料睇落都幾新鮮下, 令食慾大增肥牛: 唔算太肥, 肉同肥膏既比例適中, 唔會係雪到冇晒牛味既貨色, 幾有牛味台灣黑椒腸: 少少辣, 幾好食手打牛丸: D個堅手打, 好有牛味, 幾彈牙豬肚: 幾爽口, 唔會靭豬腰: 好嫩滑下, 冇尿味, D個幾高質粉腸: 幾有咬口, 不錯海沙白: 唔算大隻, 但幾鮮甜, 最緊要係冇沙 炸鮮奶: 係即整即炸咁上枱, 做到外脆內嫩, 幾香奶味響鈴: 都係即叫即炸, 上到枱仲係熱既, 而且真係超大條, 呢D手工配料估唔到D個價都可以食到, 覺得抵左Apple Cinder: 見佢做緊特價所以

幾次經過都冇入去！跟住夜晚10點鐘喺荃灣飲啲食物突然之間諗起呢間阿爺打邊爐，一於去睇下咩料啦，一入到去有幾種選擇！由於已經太夜啦所以我哋揀咗個平平哋，＄128另外加豉油錢同＋1收費嘅餐！揀好之後我哋就選擇食物一攞到上嚟，唔怪得知叫手工打邊爐！佢啲嘢真係好有心思咁排到好靚，尤其係佢嘅玫瑰五花腩，係一種視覺嘅享受！仲要我想講一句：所有服務員全部都個個有禮貌，好窩心！真係好耐都冇試過有間餐廳令我覺得，今時今日香港竟然仲有咁樣嘅服務態度食物方面水蟹粥：新鮮即炸炸響鈴：好長一大條，脆到呢即炸魚皮：都係速速聲春花卷：唔知係乜，點知好食到嚇死人，裏面包住嘅係韭菜同埋肉炸鮮奶：好少覺得炸鮮奶係好食，今次輸咗比佢，我即刻叫多一碟美國肥牛：出奇地重牛蟹棒：好長一大條好搞笑，呢度啲嘢都幾長下皮蛋：有松花幾靚油炸鬼：好恐怖，點解可以咁正？唔鍾意食油炸鬼嘅我都喺度勁食沙白：鮮甜魚片：冇得頂呀因為係粥底火鍋關係，加上無腥好正牛肉丸：鮮牛肉手打牛味勁重雞件：正常冇乜特別牛柏葉：爽泡菜：有啲奇怪點解會有泡菜？芫荽：好香呀加左落去魚滑：冇乜特別豬腰：乾淨冇臭味，正一句講晒！平靚正，服務態度好！坐得舒服，極力推介，經過荃

一行七人嘅聚餐，朋友揀咗呢間粥底火鍋店。餐牌上有三個餐，包不同嘅海鮮，及五款火鍋料，加$30可轉任食火鍋料。三個餐包嘅海鮮有啲唔同，最貴嘅包龍蝦。我哋今次要咗最平嘅餐，但都有蝦、蟹、蜆、蚌、鮑魚、魚。海鮮非常新鮮，啲蝦仲郁緊。雖然啲蜆有少少沙，但都無損佢甜美嘅味道。而且成個餐非常足料，唔洗任食都已經好夠飽！食到差唔多嘅時候，一定要食埋個粥底，包含晒所有海鮮嘅精華，係非常美味嘅海鮮粥！我忍唔住食咗三碗不得不提超巨型響鈴最後，仲有桂花椰汁糕送。非常滿足嘅一餐。有好當然都有唔好，就係啲位有少少迫。食飯需要空間嘅人就可能會唔鍾意啦。

星期日周圍都要排隊食飯，難得這間新開的粥底火鍋排一陣就有位，而且環境幾寛闊，一入店陣陣香氣，食物質素令人期待正當我們煩惱要食什麼時，侍應介紹我們食這個海鮮餐，說是最新推出的限定餐，一個餐有龍蝦，鮑魚，大蜆，花蟹，單單這幾味已值回票價，而且仲有專人係我地面前煮埋，完全唔會怕自己煮得不好味，浪費了食材完成品，一打開蓋已有濃香撲鼻，海鮮因為即劏關於，十分鮮甜，特別是花蟹簡直出色到爆，一煲真係未夠喉，好彩加$30可以食埋任食粥底火鍋，幾大食都夠飽特別推介特長響鈴卷同大良燉鮮奶，一般火鍋店食唔到，食物質素高又有特色既粥底火鍋，希望快啲開分店，等多啲人都食到

透過OpenRice訂位，方便快捷，免去排隊時間。第一次見，可加上“即棄竹筷子頭”既筷子，感覺衞生。桌面夠大，可放所有食材。坐位跟隔離枱不會太近同不會太迫。海鮮有冰鎮，非常新鮮。整體食物分量足夠，粥底 店員有善及有效率。 現在“食餐飯”食物其次（唔難食就可以），最重要坐得舒服，店員有禮貌，安安樂樂又一餐！價錢便宜，分量足料，環境舒服，值得再來！希望能保持水準！

到荃灣辦理事情，天氣轉涼身體又惹上感冒，清淡食物不二之選一定是粥。偶爾在朋友口中聽說過午市套餐頗為抵食，擇日不如撞日就去試一試！有十二款主菜選擇，範圍涵蓋粥、蒸飯、炒飯、烏冬、炒米粉等，再配搭蔬菜、腸粉及炒麵等的小食。價錢尚算可取。不喜歡點選套餐的，亦有散叫的選擇，款式及材料都相對地較為吸引！皮蛋肉丸粥 - 以煲仔形式送上，可以保持到送溫度一段時間，粥底綿滑，配上彈牙肉味挺濃的肉丸不失單調。皮蛋亦爽口下火，配粥固然適合不過！豉油王炒麵 - 大大碟。麵條分明，食落柔軟可口。面層滲上芝麻增加口感！豆漿 - 雖不是自家出品，但豆味挺濃郁，飲後解渴清涼！