阿甘蝦餐廳

營業中

休息中

趁第六代山頂纜車開幕，放假搭纜車上山頂行下食下野睇下風景。最好就梗係黃昏上去啦，可以睇晒日頭夜晚。係山頂揀左呢間「阿甘蝦餐廳」食晚飯，發現好有驚喜‼️餐廳裝飾好有特色，周圍佈滿美式style個種復古浮誇的裝飾，以前係美國exchange的回憶返晒黎。好搞笑餐廳門口仲有小商店，好似去完一趟旅行咁有紀念品賣🤣餐廳主要食蝦🦐炸既燒既煎既都有😛我哋叫左炸野同豬仔骨都幾好食，同埋大大份！一晚都見到有兩三枱客係慶祝生日🎂幾個員工會圍埋一齊唱歌，好有氣氛，大人小朋友都一定會鐘意😍特色飲品仲可以拎走佢個發光杯，返屋企做手信🤣🤣🔸阿「甘」美國拼盤$218🔸美式秘製豬仔骨配燒蝦串$278📍#阿甘蝦餐廳 (#山頂美食)山頂山頂道128號凌霄閣3層304-305號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟

想黎好耐 今次難得上嚟山頂即刻Book定😆個人覺得係值回票價嘅一間餐廳環境真係好美式❤️個境幾靚幾舒服同埋幾大呢度員工多數係外籍人士 眼見有1-2個識講中文餐牌都有中英文 所以大家唔洗驚溝通唔到☺️.我哋兩個人嗌咗兩樣野食 好大碟 份量多佢連飲品都好足料好多水果 性價比高🤩個日揀咗窗邊位置 但要影到外面景有啲難因為背光太勁🥲可能影夜景會好啲🍤SHRIMPER’S HEAVEN🍤 ($220)🍖DIXIE STYLE BABY BACK RIBS🍖 ($238)🍹FORREST TROPICAL FRUIT TEA🍹 ($55)佢呢度啲蝦真係幾好食 必推！仲要每款蝦都係唔同嘅整法愈食愈有驚喜 而且蝦嘅數量都唔係少

聽人講上山頂一定要試終於有機會比我試到由於我同我同我男朋友食量少所以Lunch只係叫左2樣野食西冷牛扒配牛油蝦串個牛扒雖然無汁但佢本身已經醃到好入味D肉keep到好嫩唔韌阿甘美國拼盤呢個就普普通通無咩特別普通炸物拼盤但就每樣炸物都配左一個醬比你難得上到山頂我覺得可以一試既餐廳環境可以望到成個維港景都贏左

午餐.以為會無乜人 點知開門無耐嚟到 啲𥦬邊位就被人坐晒嚕😂不過日晝個景都無乜特別叫咗兩個相對算平嘅飯 加埋一每人200幾...但個飯嘅賣相好頹呀 啲飯比較硬 要靠啲汁撈飯😂整體味道普通不過喺山頂嚟講 呢個價錢算係咁...?!.1) Grilled Seafood Trio啲串燒好燶 燶到枝竹籤黑晒 一拎起就碎晒好恐怖呀都唔知會唔會食咗啲竹籤燶碎落肚🥴🤢😖.2) Accodental Fish and Shrimp魚柳都幾大塊 唔錯

📌 阿甘蝦餐廳 - 山頂山頂道128號凌霄閣3層304-305號舖🗓(3/10) 星期一 ⏰ 下午1點左右 💈特式：放大假，見山頂纜車又開返，就上去山頂行個圈，之前都食過呢間阿甘蝦，貪佢坐得舒服，環境又靚又有落地玻璃可以睇到香港景色，價錢又唔算貴，所以今次都再嚟食佢。🥩🍔🌭🌮🥗🥯🥘🍲🍝🍣🥟🍤🍱食物：因為呢間餐廳主力係食蝦同炸魚/薯條之類嘅食物，所以今次就叫左個阿「甘」海鮮薈同鮮蝦芒果沙律，等我同大家講下味道先......阿「甘」海鮮薈 - 呢個海鮮薈入面有5~6隻炸蝦/2隻好長嘅炸魚/5~6粒炸海鮮丸同一大堆薯條，另外仲會配上3款唔同醬料同一杯仔沙律菜。份量真係好大，價錢就$199，佢所有炸野都唔會好油，炸蝦好脆又大隻；炸魚都好食。入面唔乾身；反而炸海鮮丸就相對失色左少少。鮮蝦芒果沙律 - 呢個沙律我覺得真係好抵食，份量好大，都只係賣你$155，普通西餐廳都可能唔止呢個價，何況仲要係山頂，佢個沙律菜好新鮮，個沙律汁好好味，上面d炸脆脆撈埋d沙律菜/芒果條食真係好夾，入面仲有8~9隻炭燒過嘅大蝦，呢個真心推介。☕️🍵🥤🧋🍺🍷🥃🍹🧉🍾🍶🥛飲品 - 飲品種類真係花多眼亂，有

當天是假日，5:30pm取票等位情況已大排長龍，6:30pm已經出現滿座截止取票的情況，果然是容易爆場的海景餐廳。如果你不介意坐bar檯的話，是有座位可以直入，但基於我不是常客，希望可以坐得舒服，有海景只是bonus，所以繼續等位。·這塊藍色牌聽聞是代表你需要找侍應，而紅色牌則沒有特別需要可不用理會，雖然這很有特色，但侍應們根本忙到連落單都不夠人手，更沒有人會在意這塊牌是什麼顏色。海景位算多，夜景的美不用多說😍😍單點兩樣食品，加個蜆肉湯，二人都已經好夠飽，相信即使是兩位男士份量也足夠，皆因每樣的份量也很大份。·個人推介蜆肉湯必試，有好多蜆肉，幾好味😋🌟OLD FASHIONED NEW ENGLAND CLAM CHOWDER 傅統新英倫園打蜆肉濃湯 $68整體兩道主菜味道不過不失，特別蝦串很惹味，只是偏鹹了些少。·🌟RUN ACROSS AMERICA SAMPLER阿「甘』美國拼盤 $218🌟DIXIE STYLE BABY BACK RIBS美式秘製豬仔骨配薯條 $238餐廳佈置以電影「阿甘正傳」為主題，但因為我沒有看過這套電影，所以沒有太大的共鳴😆·餐廳氣氛雖然稱不上為浪漫，但

舊年嘅除夕發生左啲唔開心嘅事我best friend又帶左我去Staycation🏨今次係去左中環嘅Murray間酒店係幾靚，不過比起Rosewood就冇咁多野玩所以我地check in完悶悶地就去左行山，上西高山睇日落🌆睇完日落又係時候食飯喇山頂都冇咩好揀，我地又唔想咁hea食Burger King😂所以今次就食左呢間📍Bubba Gump Shrimp Co. 阿甘蝦餐廳🦐有睇過Forrest Gump都知Tom Hanks退伍時做捕蝦生意🦐🦐呢間餐廳就係based on呢套戲，所以係食蝦同海鮮為主我地都幾好彩，除夕呢啲日子walk in都有位，仲坐到海景bar枱位🌃跟住我地就嗌左呢幾樣野，食到飽哂✅Shrimper’s Net Catch 啤酒灼鮮蝦桶💰$160✅Boat Trash with Soft Shell Crab 軟殼蟹漁夫海鮮桶💰$238✅Forrest’s Surf & Turf 炭燒美國西冷牛扒配鮮烤香草牛油蝦串💰$338✅Caesar salad💰$48

that's absolutely a nightmare of my dining experience.to celebrate my friend birthday anniversary, I have made a an early reservation for a window seat with seaview, but seems the staff here has no such arrangements for it as they would like to centralise the seat ling for all guests for easy control. lost of vacant seat with nice view they just left it there. what's a crazy service.for the food quality, I can say there is nothing good but only the giant size.The salad is not fresh but they addi

呢間美國餐廳好有特色意念都係源自於美國一套戲「阿甘正傳」阿甘於退伍時投入捕蝦生意，所以呢間餐廳以蝦為主題餐廳有好多細節都係取自於「阿甘正傳」呢套戲‼️「sᴛᴇᴀᴍᴇᴅ ᴍᴜssᴇʟs」青口係活藍青口肉質鮮嫩有口感白酒牛油蒜蓉ᴅɪᴘ係另上的，可以沾法包一齊食「美式秘製豬仔骨配燒蝦串」sᴘᴀʀᴇ ʀɪʙs嘅ʙʙq汁好好食肉質富有肉嘅纖維，唔會淋到無哂口感!整體嚟講正常發揮❤️蝦串只是ɢɪᴍᴍɪᴄᴋ，無咩特別～～最欣賞係杯飲品🍹「sᴛʀᴀᴡʙᴇʀʀʏ ᴍᴀɴɢᴏ ᴄʜɪʟʟᴇʀ」特製嘅檸檬沙冰再加左🥭芒果+ 🍓士多啤梨果蓉酸甜味拿捏得好平均勁好飲‼️忍唔住叫多一杯是日係我嘅🐻🐻同我慶祝生日🎂店員們全部都好識得製造氣氛，一齊比生日祝福我

中秋節正日，到山頂一遊，順道在阿甘吃午餐。除了品嚐馳名的炸蝦之外，值得一提的是餐廳可以一覽無遺的維港靚景，著實舒服。我們點了三道菜式，還追加了一客沙律。凱撒沙律的生菜新鮮爽脆，芝士汁調得對味，非常好味。美式炸物拼包括一筒炸蝦+炸魚粒、一筒炸魷魚圈、一筒炸雞，以及一些脆片和一碟點醬。炸物中最好吃是炸蝦，無奈只得三隻；其次是炸雞，連同脆片蘸著點醬來食，滋味無窮！蒸青口調味不足，需自行加鹽；加上有一隻沒有開口，較為一般。烤豬肋骨很入味，骨肉分離，肉質甚腍，和著甜甜的BBQ醬，給讚。雖然是假日，人流亦不是太多，是一次舒適的體驗。

呢間餐廳係山頂都算係幾岀名😗抵唔抵食就見仁見智啦，整體黎講食物質素唔係太出眾，呢個價錢感覺可以食到啲更加高質嘅🤪不過環境就一流，坐近窗邊位就望曬成個維港，所以夜晚去食都真係幾有feel🥳.🥩美國西冷牛扒配鲜烤香草牛油蝦串 $338連餐廳名都有個蝦字小編估蝦先係重點？😂但其實就冇乜特別，不過不失啦😗至於塊西冷雖然好重肉味，但偏靭咗少少，一開頭都覺得幾難咬，慢慢就習慣咗🥹.🐖美式秘製豬仔骨配薯條 $238豬仔骨比西冷更岀色，煮得夠淋🤩又多肉，唔會得排骨咁😍薯條啱啱炸起，夠脆夠香口😜成件事好有美國嘅風味😋.💰人均消費: ~$350.🍽味道: 3/5 🏙環境: 4/5‍👨🏼‍🍳服務: 3/5💧衛生: 3/5💰價錢: 3/5

今日三點幾鐘到達山頂凌霄閣，立即搵嘢食。等了10幾分鐘才可入座，相信是員工太少，沒有人執枱。一坐低，遞上餐具，餐具是亂的，感覺很乾淨。見到我們有小孩，有一份填色遊戲。很快我們便下單，食物亦很快到。阿甘蝦拼盤。拼盤有炸魷魚，炸雞，炸蝦和墨西哥片。白酒煮青口有些青口不開口，味道偏淡。魚蝦飯醬汁酸酸辣辣，幾開胃。豬肋骨 好林惹味薯條炸得香脆最後埋單九百左右，食住無敵維港景，食物質素不錯，一間老少咸宜的餐廳。

今次係旅發局搶到黎山頂呢一間阿甘蝦餐廳以優惠價 HK$288享用優惠套餐（原價 HK$1,088），另加原價加一。套餐包以下食物：鮮蝦芒果沙律阿甘海鮮薈香煎魚柳配薯蓉及龍蝦汁美式秘製豬仔骨配特式醬汁焦糖肉桂合桃蛋糕伴雲呢拿雪糕凍茶鮮蝦芒果沙律鮮蝦芒果沙律係脆口生菜底撈咗少少紫椰菜，紫洋蔥，彩椒粒，香甜芒果肉，同蘿蔔絲，上面加咗好多脆脆，同埋少少果仁碎，碟邊伴有6隻火炙去殼蝦。個Asian Wasabi汁好味，呢個沙律味道同質感都唔錯，口感豐富，脆脆加生菜特別好食。圖爲兩個餐份量。阿甘海鮮薈阿甘海鮮薈有炸魚柳兩大條，炸蝦4隻，炸粟米蟹餅4粒，伴有大量幼身薯條，仲有一兜仔coleslaw沙律，伴有3款醬，分別係炸魚專用白色他他醬，粉色千島醬同紅色tabasco，另外仲有一塊檸檬。枱面有茄汁比你點。炸物都可以，炸皮脆口，魚肉算鮮，蝦都可以，蟹餅就無乜蟹肉。沙律都美味，不過薯條就好麻麻，唔熱同埋份量多到食唔哂，於是變硬左都難食。呢度一次過上所有熱食，薯條唔凍都幾難。美式秘製豬仔骨配特式醬汁美式秘製豬仔骨一大條，肉非常腍，好易切開，不過有d硬，都唔鮮。特式醬汁偏鹹，仲加碼有一兜燒汁，完全無用。另

位於山頂嘅阿甘蝦餐廳，我們BOOK左窗口位，可以俯瞰香港島美景，十分舒適，地方又大，且價錢也不算太貴。阿甘蝦天堂一次滿足多個口味要求的蝦拼盤, 有4種唔同煮法嘅蝦（燒烤、天婦羅、吉列、黃金椰子蝦）另有3款醬汁，外脆內蝦肉彈牙香口，好食到停唔到口。另外每一杯仲有超好味薯條墊底，真係大滿足！美式秘製豬仔骨配薯條肉質好淋，加上BBQ醬十分惹味，甜甜酸酸超開胃，份量又大，容易切開方便食，再配埋薯條就一定飽肚

每次嚟到Bubba Gump都一定唔會失望！今次係第二次嚟香港分店！第一次喺美國Orlando食！滿足程度一樣！味道真係一百分！我鍾意食西餐，佢真係好合我口味! Jenny’s Catch係香煎魚柳配薯蓉及龍蝦汁，仲要菠菜夾係中間，味道非常濃郁！個龍蝦汁配薯蓉真係好正！成個菜式好creamy！我上次都有嗌呢個！另外嗌咗個platter，即係類似小食拼盤，有炸魚炸蝦炸蝦餅配薯條！雖然全部都係炸，但係又唔會好膩！側邊三個醬平衡返個味道！最後甜品食咗一個巨型朱古力曲奇，上邊加三個scoop雲呢拿雪糕，依家諗返都流口水！曲奇係暖又chewy，真係有啲似蛋糕！本身個曲奇好甜，好彩有雪糕解膩！Dft 16 Stella Artois $75Jenny’s Catch $198Forrest Seafood Feast HK $199Chocolate Chip Cookie $92