阿芳上海餛飩 (已結業)

媽媽由細到大都會自己包餃子比我地食自家製既當然係落足料同埋心機啦所以小公主對餃子都有好高要求基本上對皮又厚，肉又少既冷凍餃子無乜好感舊公司附近有一間好好食既餃子店就係阿芳餛飩喇果時小公主成日都會叫外賣做早餐不過走左之後都再無食過lu果日係openrice見到，原來佢係柯士甸有分店架wor即刻勁掛住呀，所以即刻搵時間去食阿芳主要都係賣餃子同上海小食套餐有2款，跟唔同小食會唔同價1. 大 – 10粒餃子 + 一個小食 + 豆漿2. 細 – 6粒餃子 + 一個小食 + 豆漿但無論你叫大定細既套餐，d餃子都可以雙併如果你貪心想試多d款就記得叫雙併喇跟餐送既豆漿味道淡無咩豆味，應該係街買番黎四喜烤麩 及 五香燻魚當日叫左大細餐各一首先黎到既係小食烤麩調味好，唔會太咸又有甜味而且唔會好多油，不錯燻魚唔腥而且魚肉吸哂d五香味都好好食韭菜豬肉餃子食完小食就到主角餃子上場喇有D地方會將D韭菜切到勁碎碎到完全食唔到個質感但呢到就無呢個問題韭菜好香，皮又夠滑，好好食白菜豬肉餛飩餛飩係用白色既餛飩皮比起餃子皮會薄D，不過一樣咁滑溜白菜味食落去比韭菜清新不過一樣咁鮮甜，食到停唔到玉豆豬肉餛飩小公主最掛住呢個玉豆

上海人叫她餛飩，是每家每户都會做的主食。而阿芳的出品便是這個感覺，每一口都嘗得到濃濃的人情味。這個餛飩嗎，皮薄而滑，內料味香而緊實，並不會一夾就散。而更可喜的是那個湯頭。淡淡的清湯，一點麻油再撤一小把開揚與青蔥，這樣既不會搶了餛飩的味道卻又能濕潤口感之餘並且提鮮，整體感很平衡。而唯一可惜的要說是餛飩的接口不算實淨，稍一不慎便會皮肉分離，當然對於大批量生產的餐廳而言，這個程度是在接受範圍的，始終不是你自己家嗎，對不對？

阿芳餛飩@#foodki尖沙咀玉豆豬肉餛飩(7/10)($38配豆漿)foodki一向都好鍾意食餛飩餃子，foodki今次黎到就叫左佢地招牌玉豆豬肉餡。玉豆豬肉係其實餃子店比較少見，味道較清新，豆角好爽，淡淡地，好味。餛飩皮好薄，但一啲都唔易穿，正！湯底係好簡單落左啲鼓油同麻油，簡單得黎，配上餛飩味道好夾。foodki呢排成日食濃味野，黎阿芳簡簡單單清清淡淡已經好好味。

店名：阿芳餛飩地址：尖沙咀柯士甸路15A號柯士甸大廈B座C舖好味指數:7/10價錢：輕食餐D:玉豆豬肉餛飩配薺菜豬肉餛飩配年糕+蒜泥白肉+豆漿 $40輕食餐E:白菜豬肉餛飩配洋蔥豬肉餃子配麵+四喜烤麩+豆漿 $43所謂的輕食餐，份量一點也不少。這兒招牌的是餛飩，餛飩一共有六款選擇。每份輕食餐配4隻餛飩，可選雙拼，餛飩非常足料，粒粒都包住了豐富材料，非常大粒。個人認為洋蔥豬肉餃子味道最突出，其次是薺菜豬肉餛飩。湯底清淡，至於年糕和麵份量都很多，但味道較淡。而小吃蒜泥白肉有四小片，醬料有黑醋和蒜蓉，肉不夠滑，但味道可以。四喜烤麩味道甜甜的，味道不錯。 

利申: 雖然是朋友開的店, 但是我依然會用我慣常的平常心去吃這餐。昨晚聚會得知朋友的家人是開餛飩店的, 餛飩店地址又是在尖沙咀, 橫豎下班後也要吃晚餐, 遂走上朋友店的路途。 星期六晚上六時半左右, 餛飩店已完全滿座, 我們唯有站在店門前等待。  從門面上, 紅色底白色字, 倒有幾分似韓國食店, 反而與兩個舖位相鄰的北京餃店, 大家都是賣餃類, 明顯是餛飩店有放心機在裝修上。這餛飩店的確是很小, 這時候大約擠滿了二十多位客人。正如昨晚朋友所說, 二人餐檯的比例大小是正常的一半, 不過一人一份餐倒是放置得綽綽有餘。餐牌簡單易明, 基本上可分為正常餐與輕量餐。正常餐是「大碗」加小食, 另送豆漿, 價格由$46-$52 (淨食餛餃是一碗十隻；襯上海年糕或麵是一碗六隻)；輕量餐是「細碗」加小食、豆漿, 價格由$39-$45 (淨食餛餃是一碗六隻；襯上海年糕或麵是一碗四隻)。除此之外, 小食是可以獨立點的, 還備有三款煎餃子, $20四隻。 今餐我們各人點了份輕量餐。豆漿有冷或室溫兩款, 天氣熱我點了冷豆漿。喝一口, 夠涼夠舒暢, 豆味輕, 甜度少, 沒有黏膩, 可惜並非我杯豆漿。我從八款小食中

雖然店鋪不大，又keep住又人等位但今次試後亦會再去試其他餛飩今次食玉豆豬肉餛飩(6隻)上海麵+烤麩套餐跟豆漿一杯，一來到被湯底顏色吸引，用麻油清湯湯底配餛飩真的不油膩，真係忍唔住未開動就不斷飲湯.喜歡餛飩的薄皮而且咬下去不是粉粉的感覺，內涵的玉豆豬肉亦足料，亦食得出是新鮮作品，而小碟烤麩反而覺得醬汁比較重味, 可能因為湯底比較精淡所以小碟調配番個重醬汁平衡下. 下次會來試洋蔥豬頭餛飩的.

個個星期六响尖沙咀搵嘢食，今日經過呢間店，見到係手造餃子，於是就入去試下。叫咗招牌套餐(大)－洋蔥豬肉餃子、糖醋排骨、凍豆漿。洋蔥餃子皮好薄，啲洋蔥粒粒令餃子食落香氣四溢有咬口又冇咁滯膩，而且好多肉汁。麵係幼身略軟偏腍但我都鍾意。湯底落咗好多麻油冇味精。糖醋排骨就嚡乾咗啲但味道甜酸剛好。豆漿唔太甜但豆味可更濃郁。即時買咗白菜味同洋蔥味餃子返去屋企同家人分享！

這家阿芳餛飩呢，Wing已經不是第一次吃的啦，它的裝潢簡陋，但人情滿溢的啦，食物也十分好味道的，大家來看看Wing以下的介紹啦~先來兩杯豆漿，這是跟餐的啦，可選熱還是冷的，Wing選擇的是冷的啦。豆漿本身味道淡，豆味香，甜而不漏，怕肥的Wing都忍不住要多喝幾口呢~這是蒜泥白肉，醬油味道是相對重口味的啦，這是上海應有的風味啦~白肉的質感很爽的啦，加上醬油跟蒜泥，味道就是剛剛好~這是五香燻魚跟年糕，樣子有點不美觀的啦，但聞上去香味十足的~五香燻魚的味道原來還不錯，魚肉很厚的，魚本身帶點甜甜的感覺，很Fresh的啦~年糕呢，本身都是煙煙韌韌的啦，而且充滿了燻魚味道，帶點甜的啦~湯底也是甜甜的啦~!!!這是洋蔥豬肉餃配上海麵，這個麵食很香麻油味的啦，洋蔥豬肉餃的味道跟口感也很頂癮的，爽爽的，而且肉汁很多的，相信下次Wing會來個淨食的啦~XD至於麵呢，軟硬度剛好的，麵條又夠滑，湯底本身咸香易入口，加上麻油調味，清淡簡單的也能變得美味呢~——————————————————————————————同場加映：Wing在享受晚餐的時候，店員們在努力為大家包餃子中~所以說，菜式儘管多簡單，背後還是有

五味燻魚肉質幾好唔會太乾 醬汁甜甜地韭菜豬肉煎餃子$18皮煎得幾脆餃子都有d肉汁洋蔥豬肉餃子$50 跟餐有燻魚同豆漿用紫色洋蔥 厚肉d 甜d相信嗌煎餃都會好好食玉豆豬肉餛飩$38豆角都幾爽口出面都好少有年糕份量都幾多 食幾塊都好飽(可能要好鍾意先得hahaa) *有d失望既係辣椒醬只係普通豆瓣醬, 驚喜就在於餡料用平時少用嘅蔬菜做餡

一向都好喜歡食餃子，剛巧那天放工經過就入去試了，店內環境很有家庭feel, 不過冷氣不足，坐下覺得很熱。我們叫了玉豆豬肉餛飩年糕，韮菜豬肉餃子上海麵，兩個都叫了大碗+小食套餐，小食配了拍青瓜和醉轉彎。先是送上小食醉轉彎好香酒味，好入味好正，跟餐有兩隻我們都想多叫一碟，拍青瓜味道算可以，只是比較辣。韮菜豬肉餃子湯底很香麻油味，餃子皮很薄，上海麵口感軟韌適中，玉豆豬肉餛飩年糕很特別，好好味，原來是由四季豆整的餡料，不錯不錯，值得再來

住在TST 其實好慘, 無咩小店 (有都俾大集團租哂), 唔想成日食D無SOUL 既食品同韓燒, 盡量都會幫襯小食店阿芳餛飩雖然店舖細細, 但食品絕不馬虎, 餛飩有好多種, 亦是自家包制, 今次我選了素餃+豬肉餃+豆漿, HK$38一個套餐素餃用上甘荀, 色靚 & 甜豬肉餃菜同豬肉比例好, 唔會搶味個湯底用上小蝦做湯底, 相信不是味精水...有誠意的一間小店, 要多支持 !

新人黎到尖沙咀番工, 公司同事都推薦阿芳既水餃, 即管試一試下午五點幾黎到店舖, 冇乜人, 雖然店舖細細, 但坐得OK舒服, 之後落單叫左菜肉餛飩拼洋蔥豬肉水餃上海麵+蒜泥白肉蒜泥白肉先上枱既蒜泥白肉, 同譚仔既蒜泥白肉唔同, 五花肉較厚, 而且唔似譚仔, 佢係煮完雪過再上枱, 同我起譚仔/四川食既唔同, 好香鎮江醋味道, 蒜味亦濃, 但辣味就冇乜, 同四川既就相反, 好食好開胃菜肉餛飩拼洋蔥豬肉水餃上海麵洋蔥豬肉水餃睇到佢用既唔係一般白洋蔥, 而係紅洋蔥, 好香好甜, 少少攻鼻, 但對味蕾好刺激, 好好食, 要注意食完個口好臭, 記得帶香口膠菜肉餛飩招牌菜肉餛飩一定唔會輸蝕啦! 肉餡好結實唔會散, 一咬落去食到白菜既爽口, 好食, 好正宗既上海餛飩至於配角既上海麵, 爽口彈牙, 但份量太細, 對男仔黎講應該唔夠飽

是晚打邊爐，買了一盒韮菜豬肉拼洋蔥豬肉餃作為餃子類代表。姐姐在入盒前有灑上一些麵粉以防黏底，可惜粉沒有灑到在盒邊上，縱然餃子已經放在冰箱，但貼緊盒邊的四隻餃子，到吃的時候一部分皮都貼到盒子上所以有點而破掉了。說回餃子，隻隻挺身飽滿，摺口厚薄均一，這點比民豐做得更出色，煮熟後摺口部分不會還是硬硬的。韮菜餡鮮嫩多汁並爽脆，但韮菜味略帶輕了一點，難道是用上韮菜花？洋蔥餃有很香的紫洋蔥味道，甜甜的很特別。兩款餃子都在水準以上，下次找個機會試試堂吃吧。

又openrice到一間好嘢，2點入去，冇乜人，餃子有5款，又兩個餐，不過用咗我好多時間先落度單，因為四眼哥哥好似溝通唔到，最後原來佢只落咗一個餐加4件煎鍋貼，不過算，等食物到咗先再叫。先到牛展，本來比個四眼哥哥激到氣死，有d影響心情，不過一咬件牛展，好食到不得了，有5件，邊夠我同老公分？所以即加多碟牛展，不過之後來一碟只有4件，咁奇怪！叫咗個豆同菜肉餃配上海麵，有4件餃，好食到不得了，好清淡，餃簿肉滑亦好有菜味，上海麵好爽好彈牙，之後有個洋蔥肉鍋貼，意外原來咁配撘可以咁女好食，完全令每個細胞都興奮，煎得好香好脆，真係推介推介！當然兩個人一d都唔夠食，所以再叫多一個十件豆肉餃餐同加多個洋蔥肉鍋貼，真係好耐未試過咁滿意一餐！正爆！

復活節假期快到了，雖然沒有刻意編排任何大餐在假期內品嚐，但經常出外覓食，有時真要給肚皮及腸胃歇息一下，所以當天晚上我們決定嚐餃子去。餃子、餛飩也好，均是我倆的喜好，只不過餃子專門店不多，要找到合口味的便更難了。阿芳餛飩是我們的新目標。眼前的阿芳餛飩沒帶有上海味道，反而蘊含一股洋氣。上半部牆壁掃上養眼的黃色，下半部用上了咖啡色，在黃色牆壁最下端繪上翠綠的盆栽，再掛上各種花卉照片，桌子鋪上格仔檯布。就這樣雙腿彷彿從鬧市一角，轉眼踏進充滿閒適的田園裡，跟上海的感覺截然不同。侍應們語調溫文、舉止從容，與外間商業氣氛濃厚的食肆，似乎具有不染俗塵的一種氣質。步進田園的一刹那，眼睛便給那位在包餃子的女士鎖著了，全因她的神態自若，手藝溫柔中見純熟，每一隻餃子彷彿被她的專注而賦予了生命。阿芳餛飩共有5款不同餡料的餃子和餛飩，可配上海麵、年糕或淨食，除此以外，還有3款餡料的煎餃及8款小食。以純手功的小店來說，選擇可謂不少了。阿芳餛飩為客人贈送豆漿，甫坐下，侍應便會向顧客詢問需要熱或冷的豆漿。正好我倆都異常口乾，便先來兩杯凍豆漿，老公在我拍照前已狂吞了一大口。豆漿如坊間的豆味不重，幸好只調上輕甜，所以入口相