阿芳上海餛飩 (已結業)

事隔十年再到訪，食物質素進步不少，突飛猛進食得過。舖面偏細，檯櫈放得密密麻麻，食客件件肥獅大隻，隔離個健碩肥嬸已撞到我幾次，背後個笨重肥佬批我兩次踭！真係食都唔得安樂，燥底火火地！舉五次手叫五次先有職員招呼，是否只有一位職員專責落單呢？其他不準嗎？必須準時衝出門口及在 3 分鐘內到逹，否則大量食客湧現就有排等咯。包場食餃子，食清一點，食輕一點，留力今晚食大餐！火腿炒蛋叉燒意粉，不用鮑參翅肚，不用山珍海錯，都可以發揮米芝連 5 粒星的殺傷力！火腿炒蛋，炒蛋嫩滑帶蛋汁，蛋味甘香濃郁，調味恰到好處無可挑剔，跟咸香火腿融合，使出合體攻擊戰無不勝！叉燒湯意粉，叉燒沒有真正燒過都美味可口，鬆化溢出豬肉醇厚甜味，只有讚好的份兒。特濃高湯襯著彈滑完整長長意粉，滾熱辣燙住嘴不停連湯吸啜，色香味爆燈使我停不下來！半滴不漏全部灌入，清得乾乾淨淨，好食到心裡邊食邊講粗口！火腿煎雙蛋，就算係平凡煎都可以做到米芝連級數！蛋白香脆可口，蛋黃流心滴滴，最緊要有心！滑滑咸香火腿，搭著煎蛋齊齊食更美妙。叉燒湯通粉，嫩滑通粉浸在濃郁雞湯灌入，無話可說，滿分！醉轉灣，點解係海灣個灣，不是彎曲個彎呢？點解係雞中翼，個轉彎去左邊

早睡早起，早飲早爆早訓覺，昨晚未夠十二點訓，未夠六點就醒咯，摸下摸下夠鐘返工，慢慢嘆份早餐再慢條斯理返公司。食客唔知阿芳有港式早餐嗎？隔離陰暗迫夾夾茶記朝朝爆場，依度環境光猛乾淨、早餐優質就只得小貓兩三隻？餐牌寫住三明治什麼新創佳餚？有趣有趣，老闆都十分幽默。點解眾多食肆會叫即食麵做公仔麵呢？好似竹輪叫獅子狗？銅鑼燒叫豆沙包？為了茄汁焗豆而來，姐姐告知已經取消，只是餐牌無改。合記執笠後已經食唔到高質丁麵喇！好采遇到芳芳，她媽的滿分高水準！隔離間乜春春窮人謊丁麵專門店，連丁麵都得唔好，返鄉下慢慢謊啦！阿伯您無武肺都有精神病，全場得三個客大把位，點解係要黐埋黎，坐係我背脊後面迫迫夾夾，抗炎期間保持距離！仲要大聲喧嘩鬼殺咁嘈，稱已探訪幾朋友，依家到探您地喇。我唔想知囉！最後唔知係嬸嬸醒目還是阿伯感覺到殺氣，先捨得坐一格，比我安安樂樂食份早餐好無！熱檸茶走甜，濃濃紅茶膽，舒服不苦澀，滲著溫柔鮮檸味。熱檸水走甜，清清地都好既。熱奶茶，奶味強茶味弱，質地薄薄滑溜，撞得不錯。熱齋啡走甜，茶記的味道，不酸不澀，甘甘入口似涼茶。凍檸樂，冰凍回魂曲解解酒醒醒腦，琴晚醉到太空漫遊？餐腿蛋治烘底，特上星級炒厚

每次補習前諗唔到食咩，都總會返到阿芳既懷抱裏，呢日都唔例外😯頻頻食輕食餐，可以揀淨食六粒餃子配小食，或者係四粒餃子加年糕配小食，餃子有四款選擇，而小食就有約十款，帶黎無限個配搭可能性🤫▪️ 輕食餐 細韭菜豬肉餃子年糕配醉轉灣 + 豆漿 💲46呢日要左細韭菜豬肉餃子年糕配醉轉灣，自家製既餃子結實飽滿，皮厚薄適中，內餡既韭菜豬肉足料🤗不過年糕同湯底都好似退步左，前者無以往咁煙韌，後者既麻油同櫻花蝦味亦都無咁突出了😣醉轉灣其實就係將雞翼浸落花雕度，酒味依舊香濃，除咗層皮之外，底下啖啖肉都夠味🐥豆漿會有凍熱之分，不過不失🔎 整體評分（7/10）

欣賞 : 1, 店內最吸引我係枱面鋪上頗吸引嘅綠色枱布.2, 點咗個洋蔥豬肉餃子麵, 洋蔥同豬肉好夾, 好味!3, 餃子除咗好味, 足料! 另外如果淨食十隻餃子, 麵就六隻, 唔似馬頭圍潮豐噤偷工減料, 叫淨食同麵食餸菜材料份量係一相同!4, 另外點紹菜肉絲湯年糕, 用嘅係豬骨湯底, 豬骨湯底夠香濃入味, 好味!失望1, 豆漿太淡.2, 洋蔥豬肉餃子麵湯底用清雞湯, 湯底太淡, 令到個麵都淡淡無味, 搞到個麵我食得一半就停手, 轉用豬骨湯底相信更理想.3, 餐牌無寫明有兩款清雞湯及豬骨湯底提供, 分分鐘重有其他湯底選.4, 餐凳坐得好唔舒服.

同事帶我行遠少少食lunch，原來崇潔街依邊咁多野食，行左個圈隨便咁入左間話食餛飩專門店，但只有賣一款餛飩 😂😂好彩有雙拼，仲有3款水餃可以簡，仲可以簡淨食就有10粒餃子 或 配年糕or粉麵就得6粒餃子，再送多杯豆漿（凍/熱）我叫左 玉豆豬肉餛飩 ＋ 韭菜豬肉餃子 米粉；米粉一夾起就散，非常碎😑碎到要用 匙羹食。而且店內非常熱，麵又熱食到全身成個人都濕哂🤮價錢其實紅磡區黎講唔算平，又唔太好食又熱又焗，好難再黎了

一早去紅磡開會，先去買早餐，已食怕咗茶餐廳，所以揀咗呢間水餃店，去到門口已放咗餐牌，店內平實麵店格局，枱面放咗餃子皮及餡，睇到係即包，先去收銀處落單，有八達通比錢方便！我想要收據店員好好寫比我（因為呢間店落單紙寫比廚房出菜，唔會比客）玉豆豬肉餃跟年榚早餐（$32）跟凍豆漿，賣相幾靚，水餃🥟浸咗一陣，皮無可避免有啲泡，幸好夠滑，喜歡水餃皮夠大塊，索湯嫩滑，餡豬肉同打爛嘅豆一半半，豬肉唔乾，豆味無草青腥味，好味！年榚略薄，索湯微煙韌，湯味幾香濃，應該加了麻油，開胃！凍豆漿（跟餐）夠凍有豆味！微甜好味！韭菜豬肉餃早餐（$32）跟凍豆漿，同事食店員幾nice，我問佢玉豆係乜野豆，佢好親切地答我係四季豆！仲比埋外賣紙，我話一個餐都送外賣，我攞外賣走仲同我講bye bye!可以一試

輕食餐洋蔥豬肉餃子配醉轉灣 送豆漿$45 適逢當晚肚子不太餓， 吃這個輕食餐剛剛好。 湯底有些蔥花和蝦米仔， 味道不錯，入口不會太鹹。 餃子有六隻，質素確實唔錯， 餃子皮夠薄滑， 賣相也吸引， 洋蔥和豬肉比例適中， 味道幾香， 口感也豐富。 醉轉灣賣相一般， 略嫌太凍， 勝在有點酒味而且蠻入味， 不過總是覺得跟我自己用李錦記醉雞汁浸嘅雞翼好相似。 我估唔會這麼hea吧？！而豆漿味道還可能，飲落都有豆味的。

👁‍🗨 韭菜豬肉餃子年糕 + 豆漿💲40以前成日係學校隔離既分店食阿芳，可惜果間已經執左，好彩仲有兩間分店，今次去左紅磡既分店🙈碗野上檯熱辣辣，呢度既餃子唔係出面買既，而係自家製既😈全部大粒得黎好結實，皮既厚度正常，入面既韭菜豬肉餡料幾足，豬肉味比較出😛年糕軟硬適中，湯底有麻油、蔥同櫻花蝦，飲落都夠清，唔會口渴😯豆漿可以揀凍定熱，咁冬天梗係揀熱😎飲落暖笠笠，略嫌豆味較為淡🤔個人認為之前食開果間整體水準高啲有7.5，始終餃子皮更為薄身，而且年糕都整得更為煙韌，所以決定下次去佐敦既分店再試下👽🔛 整體評分（7/10）

一個人來到紅磡，因傷風未好，不敢食太油膩的東西，偶然找到這間餛飩店。以午餐吃一碗餛飩加一杯豆漿，$42的價錢不算便宜，但還算是水準之作。湯底清甜，可以一邊吃餛飩一邊喝下去也不覺膩。餛飩的料也毫不遜色，吸滿湯汁，吃下去暖暖的，再配一口凍豆漿，可謂一絕。十隻餛飩是剛剛好的飽足感，是一個不錯的午餐，下次會再來試試其他小食！😁😁另外店內有一隻店長猫，有緣也許能一見呢！（牠輕輕在我身邊走過了💕）

今天趕著一大早過來同事家送文件其今天要一早飛機出差，昨晚遺留了交待給他，起床起晚了，早餐都來唔及吃左才過來。到了同事家裏交下了文件就覺得餓行下周圍有D咩早餐吃都好，吃完才回家補過覺。行到隔離街見到有間阿芳上海餛飩店，吃個清清地的水餃做早餐都好，再配埋一杯豆漿，充滿活力先。進來發覺呢間水餃應該係自家製的，有幾種獨家嘅水餃。點左個洋蔥豬肉餃子。第一次吃，覺得這種搭配好新奇, 洋蔥頗甜,洋蔥本身的味道加鮮肉鮮甜美味豐盛,，味道唔怪搭配，肉湯汁夠鮮甜唔錯

話說要搵一間九龍城政府合署，中間有個路牌寫住「崇潔街美食區」，除左發現獎門人送禮物嘅加太賀日本餐廳之外，仲發現一間幾多人去嘅餃子店 五香牛腱(跟餐$14)竟然得四塊味道唔係好突出 淨韭菜餃 10粒 ($39)因為肉多，所以韭菜味道唔係好明顯 玉豆豬肉餛飩 同 洋蔥豬肉餃子 雙拼 ($39)玉豆唔係好嫩，但反而夾到豬肉洋蔥係脆嘅，因為都係甜味，有一種新鮮嘅感覺餃子都皮薄，餛飩更加，但如果無食餃子就唔會有對比湯底竟然同上海一樣加豉油麻油之外會有蝦皮，餃子都唔係好重味精，係犀利嘅 拍青瓜(跟餐$12)呢度嘅青瓜原來撈醋+豆瓣醬，唔係常見嘅得醋（或者有埋生蒜頭）

朝早睇完醫生, 下午就過去紅磡接男友放工, 同佢講作病想食得健康少少, 然後佢就帶左我黎呢間上海餛飩店。老實說餐牌是相當混亂的, 需要一點時間去消化, 如果可以更清晰明確就好了。雙拼餃子配年糕好喜歡這裡除了麵食外, 還可以選配年糕, 年糕煮得夠透, 軟硬適中, 口感夠哂煙韌。有一隻隻小蝦乾的湯底很鮮甜, 喝後都不覺口渴, 應該不含味精。玉豆豬肉餛飩: 同樣餡料滿滿的餛飩, 多了肉豆的爽脆口感, 每一粒都圓鼓鼓的特別可愛。洋蔥豬肉餃子: 肉汁豐盛, 洋蔥頗甜, 連餃子皮都充滿彈性。醉轉灣 $11 (原價14)以優惠價加購的醉雞翼, 一碟兩件。雞肉結實, 紹興酒很入味, 皮很有彈性, 不錯。這家小店還有駐場肥貓一隻, 這麼胖是常常偷吃嗎?

番工都經常要搵健康既食物平衡一下坐係度整天工作既肥胖。阿芳又係另一個誠意推薦，全因佢d餃好食，加上佢話無味精！其實都食左好多次，都真係覺得值得推介俾大家，食餃的話平時可以有兩種叫法 1) 餃淨食 （10隻）（可雙拼）配豆漿2)餃配麵或年糕（6隻）配豆漿我就每次都6餃配麵，因為其實6隻餃我已經覺得相當夠食，今次係寫食評推薦俾大家所以叫多個小食試下。個湯底我估係蝦仔煲出黎，因為表面浮住好多隻蝦乾仔，鐘意清淡健康既，個湯本身都已經夠味，如果唔夠都可以加辣椒醬或者豆瓣醬。雖然我想食得健康d，但始終食湯餃，都係加辣先夠香夠好味餃有三款，玉豆，洋蔥同韮菜以下依款係玉豆，即係四季豆，比起洋蔥同韮菜好咬口d，甜甜地。阿芳既餃入面餡料足，又多汁個糖醋排骨個味都唔錯，係比預期有硬身少少。食完個6餃麵加埋杯豆漿其實都已經好飽，埋單印象中都係40蚊內。入面仲有隻貓，過左午飯peak hour 先會出黎行下

週五午餐時間約13:10到達上址, 枱座滿客人阿姐忙得不可開交, 但這原來只是那10分鐘的事情, 從前在這店的尖咀店都有食過, 所以對她的出品是有信心的, 這天點了一般餃子店比較少做的洋蔥水餃麵 $36 包一杯荳漿, 麵條是比較粗身的, 吃起來有咬口而且會較飽肚, 湯水雖則比較啖口但事頭聰明地加上一小撮薑絲/ 蔥花 / 白咸魚仔來吊味, 用得很是神來之筆正因為湯頭啖口來一點點咸鮮味+辣味刺激味蕾,麻油+蔥花那清香來搭配出香同味, 可惜自己下意識地灑上一圈黑醋及豆板醬, 轉瞬間味道急轉直下, OMG! 奉勸各位原可以的話唔好加入任何黑醋或者豆板醬蓋過原湯嘅清新香氣, 而幸好並沒有影響到餡料嘅鮮甜味, 洋蔥的香甜同豬肉的甜混合後變得既是植物根莖嘅甜又有肉類的甜, 如果餡料內加些少薑茸理應更好味, 而這店的餡料感覺比其他同類型嘅店的餡料幼細很好甚至可以用滑來形容, 我唔知這店的豬肉餡用機攪定還是手刴? 但這樣的餡料給人印象是相當女性化, 正如一個淡素娥眉甚有氣質嘅女生, 肆意加入調味料的話只會令她濁氣非常, 當我的麵放到面前時, 店內座位已經吉了一大半了,睇嚟這裡的客人都好趕時間, 不過這店

今日去叫左一碗上海菜肉餛飩, 一送來已聞到陣陣麻油清香味, 配料見有小蝦, 東菜, 蔥 一咬落去肉質軟硬度剛好, 餡料的瘦肉與菜都吃得出很新鮮 , 加上肉菜的份量適中,一間看來平凡的店舖， 給我一個非常滿意的午餐