阿鴻小吃 (已搬遷) 新店位置

仲記得2015年年頭，公司係觀塘開左支部，一星期要去觀塘幾次...但好幸運地，阿鴻小吃都係嗰陣係觀塘開店，我先有幸第一次食到傳說中嘅蔡瀾撈麵...嗰時我先知觀塘喺lunch time"揾食"真係可以同中環金鐘"有得fight"，好難揾位...然後同事介紹一齊叫阿鴻小吃外賣做午餐，而且午餐package可以改做粥，真係好體貼，因為，以一個女人嚟講，真係食唔晒成盒飯...自此以後，一有機會去觀塘我就會忍唔住去阿鴻小吃，但真心講，買外賣番屋企同家人分享會比係舖入面食更好，因為反正都係打冷，而且份量其實唔少，係屋企舒舒服服咁食仲開心。內部包外賣嘅位，乾淨整齊，食得安心。外賣紙去之前已經知要買乜，加上係四點幾客人唔多，所以五分鐘左右我要既外賣已經完成。好多雜誌推介要食芥末雞腳筋，但係我個人就比較鐘意食麻香雞腳筋！麻醬好清爽惹味，呢個真係一個好正既前菜或者做送酒小食都唔錯！鹵水墨魚片非常爽口又夠軟身，好過好多鋪頭好多，但價錢非常合理！反而阿鴻鴨舌就好似只有一個辣字，無乜特別......外賣單話有十條，但我好似有成十一二條，之但係…都係個句無乜特別蔡瀾撈麵...其實，用得上豬油，又點會唔好食？怕肥怕

叫咗芥末雞腳根，招牌撈麵（$65），金絲煎蠔餅（$68），一碗蠔仔粥（$48）。食第一樣餸芥末雞腳根，雞腳根爽口，但芥末過多，只感受到配角芥末嘅‘拱’鼻，完全忘記咗主角雞腳根的爽。招牌撈麵好油呀⋯⋯金絲煎蠔餅，蠔餅味道一般，唔夠熱，冇鑊氣，唔香口，只係蠔夠肥美。蠔仔粥，蠔肥美，但有隻蠔味道怪怪的（唔知係咪變咗），粥冇蠔仔粥嘅香味。唔知係咪第一道菜食芥末先，餐飯食到一半就開始胃痛。 食完成餐飯後，我同朋友都超級口渴。味道同做法都感覺唔到有正宗潮洲菜嘅情懷（之前去西營盤食過潮洲人開同煮嘅大排擋就真係感受到咩叫做潮洲菜）。餐廳內有8成都係遊客多。

今天想說的重點是服務不是食品。自從阿鴻小吃搬離了北角就沒再吃過。那美味的鵝片和芥末雞腳筋讓我得知觀塘有店時就好想去吃。2人前行先點了例湯， 冇味精的例湯非常好喝。是日例湯是紅蘿蔔粟米排骨湯，好味！ 讚賞侍應不會因為要做生意而叫我們點2碗。他們建議說兩人點一碗就夠，因為很大碗！之後點了最有名的滷水鵝片和芥末雞腳筋。這兩味餸從來不會令你失望，非常好食！鵝片肉質嫩滑， 鹵水亦都不會太鹹。芥末雞腳筋一向都是招牌，有點攻鼻但真的非常好味。那種辛辣不是辣到不能接受，只是有刺激的感覺，非常非常好！倒是當我們點了撈麵的時候就有點問題出現了。第一次來的那個撈麵味道有點太淡，我們就跟經理反映。經理Jason非常好, 他跟我們解釋因為一般客人可能對撈麵要求比較淡口, 所以他就幫我們換回原本的味道。新來的撈麵……有可能是我不大喜歡這種做法吧……面口感不夠爽口，入口有點油膩和立口的感覺。之後多點了一碟怪味雞飯。飯的問題是白飯不夠熱，雞的部分，雖然分量蠻多的，但是一半是雞腿一半是雞背。因為我是不吃雞背的，所以就等於是完全沒有了。這讓我對这碟飯的分大打折扣。為什麼在文首說今天這篇文章是 有關服務的呢……其實我想在這

午飯時間唔知食咩好 係東廣場行一圈都無咩頭水 試下阿鴻小吃啦 未試過 個set好似幾健康gum 金銀蒜蒸魚柳 配老火湯先飲個湯 我係好怕普通茶餐廳d所謂老火湯 但係好多味精 入口會酸酸地 但係e碗湯完全唔會ah 冬瓜配薏米 好適合夏天 祛濕清熱再講主菜魚柳其實係多到我食唔曬 魚柳下面仲有豆腐 d汁送飯一流 而且有住家飯味道呢！

餐牌上的鵞字很有氣勢; 櫥窗內的鹵水鵝樣子很juicy; 牆上亦貼滿了老闆攞獎的照片; 這些氣氛令飢詩覺得阿鴻小吃好似很有實力。😄滷水是招牌菜當然要叫， 點了鹵水鵝拼豆腐撈麵 $85 再加一。 鹵水豆腐 與鹵水鵝都很滑， 但是鹵水味偏淡， 吃出食材本身的味道但欠缺鹵水的餘香。 有別於一般鹵水鵝， 阿鴻的鹵水鵝優勝之處在於肉質細緻嫰滑。 鵝皮下的脂肪提升了口感， 雖然很肥但吐出來是罪行。😋敗筆在於撈麵底 😦， 撈麵的豉油偏鹹， 而且落咗好多。 多吃兩啖後， 飢詩與朋友都有一副疑惑的樣子， 為什麼 這個麵有點苦苦的？ 以前睇食神，星爺話啲麵有鹼水味， 唔通就係呢個意思？! 😂😂😂其實個鹵水鵝 係幾好食嘅， 如果叫飯的話會 高分好多。😏😏😏飢point : 6/10#hungermarch #非飢詩

這間店名👉🏻阿鴻小食👈🏻潮州菜館👍它一開業至今有來試還有其他很多特色食品🤤坐位比較迫,但環境尚算乾淨光猛今次捧場👉🏻1)蒜香🐔肉滑蒜香,🐔胸亦算滑2)芥末雞腳筋喜歡食膠質及乜根👉🏻爽口有咬口👍不錯的小食👍3)蔡瀾撈🍜份量大足夠2-3人可淺嚐,豬油乾蔥撈好香囗4)南乳粗齋🥗最喜歡的南乳味香亦不太甜不太咸様樣都好食😋我已經來過好幾次，水準一直有保證👍樣樣食物水準依舊

知道哩間係米芝蓮星星舖，於是同媽媽一齊黎撐檯腳。有碟頭飯，有小菜，碟頭飯會平d，不過請媽媽食飯就唔計較，一於食好D。鹵水鵝肉一定要叫，拼墨魚。一上菜，個賣相真係不得了，勾起食慾。媽媽讚不絕口，好鍾意食距個墨魚片，我就係有肉就好滿足啦。另外媽咪又點左距喜歡的素鵝，真係好多鵝～正！做工好好，比出面其他鋪頭的水準高好多！側面睇，一層又一層，薄又入味，口感好。連最後的上湯小棠菜都有驚喜！面果堆金蒜好香，蔬菜新鮮，湯又鮮甜，所有都好夾。我地兩個食到好飽，都忍唔住一定要食完d菜。享受的一餐，以後自己都可能中午來食個碟頭飯～

早幾日同媽媽行街街，行到咁上下，又到左醫肚TIME~觀塘又算細，搵野食唔算難，但係想搵到間啱心水嘅原來都唔係咁易~嗰日母親大人心血來潮想食潮州野~真係有D頭痛，我自問打邊爐就會有D經驗啫，潮州野真係好少喺度食~唯有搵OPENRICE幫幫手LA~見到食評5錯，睇相都OK LA~於是又係試新野嘅時間鳥~~~去到門口，都幾熱鬧，我地攞左張飛都等左幾個字~冇計LA~食飯時間嘛~等左3個字左右啦~已經可以坐低算係咁啦~~一坐低，其實都已經諗好食咩~橫掂第一次黎食，唔睇MENU 喇~就以網上睇到嘅相為準啦~咁就出事LA~兩個人嗌到成枱野。。。如果你食野係以視覺為上嘅話，呢碟蠔餅就唔建議你嗌喇~因為佢個賣相真係麻麻~我地就旨在醫肚，除左手機，就梗係好食行先啦~~首先，佢好香跪，但食落都幾厚粉~油就梗架喇~但係佢啲料就真係幾足，入面嘅蔥多就唔再講，佢落啲蠔仔都幾多，啖啖有~唔錯!話明係潮州菜，食蠔仔粥係常識吧?!佢有兩款揀，一款係我地呢個「碗SIZE」，一款係「例牌」。我地嗌之前，都有問過侍應姐姐，兩個人係「碗SIZE」，會唔會都食唔哂?侍應姐姐就話每人大概兩至三碗啫，冇問題架!咦!都唔係好多啫~咁又

好耐冇食阿鴻小吃，今晚同老婆去食個早飯，未夠7點黎到唔洗等位。素鵝（$65）：腐皮同鹵水汁好match，扭轉左我一向食開素鵝係脆嘅感覺。蒜香雞撈麵（$75）：唔想齋食撈麵咁寡，叫埋蒜香雞，有炸蒜香味，撈麵唔會過鹹，味道剛剛好。鹵水鵝片飯（$80）：阿鴻小吃出名緊係食鹵水鵝啦，鹵水鵝片啖啖肉，有鹵水汁嘅飯又超好送飯，正！老火湯（加配價$16）：是日老火湯係木瓜雪耳煲西施骨湯，飲落冇味精，有家庭式嘅味道，好滋潤。埋單連加一$259.6，夠飽又滿足。

原來除咗我之外，有好多人被我帶到來呢一間米之蓮食店食過之後都會讚口不絕，咁其實佢以味道來講就真係幾好嘅，不過價錢是＄65.一個双拼飯來講可能會貴左少少，但係質素搭救。雙拼飯有豬腩肉，豬頸肉，元蹄，墨魚等等10款滷水料可以選擇，其實款式都幾多。必叫的當然係元蹄，墨魚，我嘅最愛。份量夠多，每樣有成十幾件。仲有配菜，配菜就個個唔同，比較常見的係什菜或者長豆。今次想特別介紹嘅就係佢個老火湯，平時老火湯肉差唔多要30幾蚊一碗。通常呢就會有老細埋單我先會叫，哈。但係今日發現佢呢個湯如果跟餐的話加＄16就有，真係幾抵。味道來講，飲起嚟真係唔覺得係味精湯，味道好濃，真係真材實料，有經過好多材料同時間煲，16蚊值得飲。

見到啲評語唔錯，就決定去試下。因為兩個人去食，所以只係叫左個鵝肉拼腩肉同埋阿鴻炒飯。讚左先，員工服務態度的確唔錯，又主動加茶，哩個抵讚。阿鴻炒飯都炒得出色，炒得夠乾身但係佢地既招牌滷水，本人就真係覺得好一般，甚至街市滷水舖都好過佢。用料都唔洗評論，因爲都唔會係香港會揾到新鮮鵝食。佢既滷水雖然夠入味，但係死咸，又唔夠淳，食完離開之後，留係口既唔係滷水香，而係咸味，認真好麻麻，價錢亦都貴，可以有更好選擇。

lunch即刻衝落去食! 啱啱好有位! 最後一張枱 , 好好采!!!!因為平時都見到要排下隊!今日叫左蔡瀾撈麵, 蠔仔粥同埋拼盤!蔡瀾撈麵既味道不錯!!佢係有豬油,豉油皇,薑,蔥, 京蔥同埋火腿上湯整!所以好香好香! 食落好入味! 正!拼盤我叫左牛展, 元啼, 鵝翼!不錯呀!!! 牛展入味!  元啼都好爽口! 都正! 而鵝翼佢整得夠腍身! 最後佢既蠔仔粥! 落胡椒粉更加好味!入面足料又有冬菇! 細細碗SHARE 份量啱啱好! 

和一班中學同學聚餐， 選了這特色小店去試一試，位置離地鐵站有啲遠，但勝在店內有兩間獨立房，訂了其中一間，方便能盡情高聲歡談暢飲 ，房内有好多名人光顧的相如周潤發，還有些中國式的擺設，相當有特色，在上主菜之前上叫了些小吃如招牌的鹵水鵝片、特式蠔餅等等，每一樣都好好味，處理得非常恰當、出色， 果真是米芝蓮小店，主菜有冰鎮鮑片和燉雞湯等等 ，同樣叫人回味 ，尤其是冰鎮鮑片，非常清甜，材料新鮮，一試難望，另外服務一流，雖在房，但常有服務員入内看看有甚麼需要。

幫襯左好多次，今日心血來潮想試下拒個湯麵，點知有感中伏。點解個湯面會用番裝飯個碗嚟裝的呢？完全裝唔到d湯，一放支匙羹落去d湯就湧哂出嚟。。。湯底完全飲唔到係乜嘅味，只可以用咸嚟形容。加上拒d配菜放埋一齊，整到原先已經唔夠熱嘅湯仲湯左，變左暖湯麵。。。再煮拒d配菜自己有自己嘅味道，放埋落個湯到，自己嘅味變淡了，好難食。上面d送就還可以，同平時一樣地多。但係有心就分開上喇。浸哂d送落去，令本身滑嘅雞都變鞋左，成碗嘢仲要75蚊，我食左一半都無，好失望。另外個麻辣牛輾飯好味，牛輾份量多，有十幾塊，仲有拒本身都滷水過，有香氣。個麻辣醬就唔多辣，但味道可以。貴為米芝連餐廳，碗麵搞成甘。。。的確好驚。

星期日晚搵食，最怕去大商場等位，阿鴻小吃位於觀塘工業區，應該唔爆啦呱，去到門口無人龍，點知入到去剛好滿座，要等有枱埋單先有位。我地等左25分鐘左右，期間侍應不時走黎表示歉意，示意好快有位，又比餐牌我地，點左食物先。呢個服務態度已經好抵讚海蜇爽脆，但麻香爭啲唔知點解啲鵝肉好嫩滑，好香花椒八角味，但咬落就有啲un。墊底啲豆腐夠滑。蝦干醬香香辣辣幾惹味，如果多啲葱就仲香蠔仔好大粒，餅煎得香脆不油膩同蠔餅一樣，有大大粒蠔仔，好正！但呢度蠔仔粥無落方魚的，風味好似爭少少！整體來說，地方好坐，招呼周到，食品，下次可以再試其他野