阿鴻小吃 (已搬遷) 新店位置

最近轉左新工在觀塘返工，本身以為附近有好多嘢食，點知選擇比鰂魚涌更少，而且普遍價錢偏貴，不過都有幾間出名高質餐廳，阿鴻小食就係其中之一。所以佢叫阿鴻小食，但係佢係一間賣潮州滷水的中菜館，連續多年獲米之蓮推介，蔡瀾都話正，我咁近冇理由不試吓。潮州打冷檔而言店面和内部裝修算非常之光鮮有氣派，當然佢嘅價錢都唔平，午餐平均都要六，七十蚊一個飯，唔連飲品，仲要加一服務費，lunch黎講算幾貴，究竟值唔值就要試過先知。主要都係賣一啲潮州滷水如豬頸肉，墨魚，切雞，腩肉，滷水豆腐等等，最出名應該係鵝片，任顧客配搭，我揀咗蒜香雞拼豬勁肉的滷水雙拼飯（$78），另外再加一碗聲稱冇味精例湯（$16），同事點咗招牌撈麵($68)另一位同事就揀咗招牌鵝片拼豆腐飯（$98），轉鵝肶加$40，加埋一成件飯要成$150😱，我真係唔捨得食囉🤭等左一陣我的雙拼飯便到了，wow, 碟頭飯來講賣相真是很吸引呀!蒜香雞和豬頸肉切和擺放得整齊，仲有一d欖菜四季豆作伴菜，看見都好想食！同事們的飯賣相都超ok, 尤其是鵝肶豆腐飯，睇見大大隻滷水鵝肶，勁流口水🤤試味方面，蒜香雞新鮮無雪味，而且雞件嫩滑剛熟，加上秘製香蒜蓉，真是好好味呀

同一班舊同學聚餐,梗係要搵番d好野食啦, 因為大部份同學都係觀塘做野,所以都係呢邊搵野食, 知道阿鴻小吃係觀塘都幾出名,所以就試一試.........環境都幾好,唔會太迫,坐得幾舒服睇一睇menu,都唔平喎,可能因為有d名氣啦用左王羲之提既「鵝」字做MENU封面, 幾靚D餸好快就到......個蠔仔粥好食, 足料,食得出有用大地魚煲過個粥底有個小二話今日叉燒靚,所以ORDER左一個, 係幾好食既,肥瘦均勻, 甜度又岩岩好, 肉質又嫰口同鬆化,不過到埋單先知原來一客要200幾蚊, 中左伏麻醬芥末雞腳跟係我今次最鐘意既菜式, 好惹味, 有芥末既剌激加上香口既麻醬, 雞腳跟又爽口又無骨, 一個字形容:掂!醉香鴨舌都唔錯, 好香既酒味,不過可能太濃,有少少少少苦結: 由北角成名到而家咁有名氣都仲KEEP到水準,實在難得!!會再食!!

7人行生日飯局～簡咗食米芝蓮一星🌟嘅潮州菜由於一早book位可惜安排咗大廳傾計唔方便～因為唔太多人嘅關係～問一問經理之後調咗入房間～㸃咗8樣食物鹵水墨魚片彈牙～刀工一流片片都好平均凍烏頭魚配葱鼓油、豆瓣醬～即叫即蒸食落唔會“鞋”D魚油仲流晒出嚟例牌金絲煎𧐢餅即炸好香囗～𧐢算大粒又唔會好多粉上湯時菜冇咩特别例牌蠔仔粥一煲有8人份～𧐢仔中size 加上粥食味道剛好唔會咸南乳粗齋：紹菜、枝竹、金針、雲耳、冬菇～配搭好夾好入味阿鴻炒飯：XO醬、鵝肉粒、唐芹粒、菜粒、雞蛋、櫻花蝦～炒飯粒粒分明夠鍋氣可惜偏乾鹵水雙拼賣相一流～有鵝片、鵝掌～鹵水汁入味唔咸整體味道+服務都可以

佢嘅招牌芥末雞跟在其他地方吃不到，當日一試難忘，基本上每次去都是為這道菜而去的。其他菜式也不太差，當中撈麵都能維持水準。不過，當日點了豬肺燉湯，卻味似例水，淡而無味，失望！加上之前去過北角及將軍澳店，不過現在搬到觀塘外圍地舖，座落在工廈街中間，單程行車，第一次到訪時駕車找路是經過了才看到的。至於價錢，這間店只保留北角店嘅小店格局卻收當日將軍澳嘅洒店價錢，當然，免費泊車也免問吧！這個挾著米芝蓮賣點的小店，都是時候分手了💔

第一次幫襯這間潮洲嘢食，聽講非常出名，而當時亦有人等位。等咗一陣就有位啦，唔係太餓所以叫咗兩樣嘢，一是鵝片飯，這個幾好食，但要$80蚊一碟，啲鵝片都好食及好淋，這個真係幾好食。而另一碟係海蜇拼芥末雞脚筋$108，這個啲味比較 淡茂茂，如果濃啲芥末味應該都是好食的。

HAPPY FIRDAY～又去食晚飯~位置比較入 ~ 要花少少時間去搵~ 環境不錯 位置多 去到已經好FULL ~ 好多野食都好正>V<最後叫左金絲煎蠔餅, 素鵝, 蠔仔粥, 鵝片~-素鵝不時平時食開的~ 好特別仲要每一層都做到好薄 ~ -金絲煎蠔餅蠔餅熱辣辣食係最好架~卜卜脆~ 仲有好多蠔係入面架~ -蠔仔粥超多蠔 而且粥不是好稀果種~ 值的推薦 ! -鵝片重點無骨 哈哈~ 份量好多下邊仲有豆腐 ~ 呢個真係無得輸~仲有叫左個老火湯下下火～好足料~下次會再黎食

年卅做節，大伙兒訂了包廂來個家庭樂。餐廳８時收爐，所以我們提早至６時入席。包廂能讓我們自由地談天說地，侍應也欣勤招呼。上菜前先來杯紫貝天葵，酸酸的很開胃。今夜星級晚宴共十一道菜，加上總廚輝哥送贈的明爐叉燒，十二道叫位位捧著肚子離開。說真的，晚宴水平較平日午飯的質數高，＄４００／位也覺超值。特色五小碟中最花巧是芥末雞腳筋，香而不搶，咬口十足姬松茸螺頭燉西施骨湯：湯很清甜，湯渣的螺頭仍非常美味，每人平均有１.5碗凍蟹拼冰鎮鮑魚：中型紅蟹一開蟹蓋已呈爆膏狀態，蟹身飽滿鮮甜，吃出是貴價貨；鮑魚爽口之餘亦吃出淡淡鮮味，SIZE有2/3成人手掌招牌鹵水鵝拼盤：共８款，鵝種是獅頭鵝冇得輸，其餘也是沒有一樣不好吃潮式黃油烏頭：魚油的天然油香配上鮮甜魚肉，正南乳粗齋：一款看似簡單但實需心思的一道菜，掌握不錯上湯杞子什菌浸時蔬：一輪衝鋒陷陣後清清口腔之間場菜蒜香雞：皮脆肉嫰，再飽也要多吃兩口招牌撈麵：惹味的辣油櫻花蝦米蔥絲撈麵麵質彈牙，另一道欲罷不能的菜餚金牌蜜味叉燒：正宗半肥瘦叉燒即燒即食，仲要係厚切，久違的感動！甜品有腐竹糖水及兩個自家製果撻／布甸，中西合壁小記：中場時親戚發現隔離包廂是李司祺一家，還

这裡的蠔餅幾好食，幾脆，d蠔唔腥無沙，似冰鮮蠔或桶蠔，都唔算細隻。食的鵝片飯同双并飯(元蹄+五香牛𦟌)，一般，唔会眼前一亮。牛𦟌太薄，d飯無汁，鵝片的汁都算精華，但無汁真係有d怪，不過問職員要鹵水汁，佢都会俾，但係普通的鹵水汁，不是鹵鵝的汁素鵝我以往都係一般，这次都不例外

入左冬之後食評產量少左好多，因為冬天既溫度簡直不適宜人類生活。當生活都難以維持既時候，仲談何寫食評呢。不過，既然今日突然有mood打食評，就當然一不離二，一次過連打兩篇啦。聖誕假期就經已過左，但由於氣溫和暖，木嘴就回復約朋友聚餐既生活。本身去觀塘區係諗住食樓上型格cafe ，但朋友一直好似傳銷佬咁推介食打冷，木嘴其實就無所謂既，最後就改戰依間鴻記小吃，睇下呢間所謂高級打冷有幾巴閉。原來依間野都幾犀利，有米芝連一星，店面十分光猛整齊，一反平日對潮州打冷市井既形象。老闆娘未齊人都俾我入住等，又一路加茶，服務非常好。一打開餐牌有中英日文，隔離枱都有枱日本人客，連外國人都識黎，反而我呢個大鄉里就第一次聽呢間食肆，自愧不如。首先叫左個鹵水三拼（$198）豬頸肉、豬腩肉同墨魚，擺盤非常好，底下還有豆腐伴住。豬腩肉真係幾正，送碗白粥剛剛好。再叫左蠔餅（例牌）($88) 同老火例湯($25)。蠔餅唔會炸到好油膩，蠔仔非常鮮美，唔會有苦味。老火例湯以茶記標準廿五蚊一碗有點小貴，但實在係足料，味道好夠。是日煲既係章魚粉葛湯。加埋碟素鵝, 四個人埋單每人百二蚊，其實唔算貴喇以食物質素黎講，仲要坐得好舒服，下

知道左阿鴻小吃搬左黎觀塘, 雖然個位置比較難搵, 但係為左隱世美食點都值得先黎個前菜先啦, 鹵水鵝掌翼, 鹵水汁唔算太咸唔重味, 咁先唔會蓋過鵝既香味主菜食個鹵水鵝片撈麵, 冇左鹵水汁墊底, 更加能夠品嚐到鵝既鮮味食完啖肉, 拌一小撮撈麵, 一來填飽肚, 二來可以中和番口腔內既鵝味

潮洲菜。即係類似打冷甘🤔我都好少食，好似無乜特別好吸引，可能真係少接觸既。今次同事提議去食，話拎左米芝蓮星星⭐️⭐️，同事就book左8位6點半。我一早到觀塘，打算慢慢行去坐下，點算我呢個路癡搵左15分鐘都搵吾到間鋪🙁最後足足搵左25分鐘先搵到😞真係好難搵，係巷仔又吾起眼。。我一入去有得坐房仔，8個人岩岩好，6點9齊人啦，有2個同事吾舒服飛機了，得番6個人。甘個經理問我地係咪少左人，我地話係，佢就話要我地出番去坐，呢間房要多人先坐得。我地真係呆左🙄甘都出番去坐啦。點知佢入左5個大陸人入去坐😊😊請問係咩意思呢？經理先生😊😊好。算！甘我地order野食，出面已經好迫，啲登係吾好坐果啲圓登。客人之間基本上郁一郁都撞到。不幸既我坐路口位，無限俾人撞，連啲職員都不停撞到我😞張枱又細，我地叫既食物根本吾夠位放，不停塞落泥，有一野個職員放麵落泥，一推我個同事杯茶倒瀉左，佢成條褲濕哂，好彩杯茶吾熱，真係無言😶😶之後吾夠位到係我地自己拎住果碟野自己分，不得了！差到我想吾食即刻走😡我地就叫左以下食物：蠔仔粥；好食既，但我覺得大排擋都食到呢個水準，只係潮州菜必點食物鴨舌：好味，小小辣，但好貴，一份好似得8條左右

醉香鴨舌每隻鴨舌都好厚肉，值得讚賞，而且有酒香，味道跟我們平日吃的醉雞差不多，但這個做法用在鴨舌上挺特別的滷水鵝片上面嗰層嘅鵝片，比中間果層薄，但係多了層脂肪，下面果層啖啖肉，兩者都好食，個人比較喜歡後者。最下的一層是滷水豆腐。蠔餅 例牌的份量香口，加上辣醬更好食，熱辣辣脆卜卜，粉漿不厚蠔仔粥 一碗份量剛好三個人試 每人吃兩啖也很滿足招牌撈麵 材料有櫻花蝦蔥芝麻芽菜XO醬但是個人就認為有點名過於實 面有點過濕 吃的時候有種發脹的感覺 真的一般般

阿爸既鄉下係潮州佢有十兄弟 爸爸排最細不過得佢一個唔識講潮州話😂今晚幾位叔伯兄弟聚首一堂幾個叔伯都係有份量既人 （個肚腩）屋企窩居實在招呼唔到咁多人都係出街食啦揀左觀塘依間菜館位置有少少偏僻，近工廈但地鋪 唔難搵-🌟金絲煎蠔餅蠔餅炸得都算香脆份量都大碟炸粉都唔算過多即炸即食 雖然熱氣 但味道好正從前去大排檔必點既菜式-⭐️招牌撈麵有櫻花蝦、XO醬、銀芽、蔥、 芝麻 、火腿茸上湯材料好豐盛既一道茶口感豐富-🌟蠔仔粥唔算好多料略嫌有點稀-⭐️鵝肉墨魚 🦑拼豬腩肉最鍾意豬腩肉肥瘦適中-🌟手拍青瓜🥒好似層層疊 外型精緻酸酸甜甜 青瓜爽口幾開胃 可減輕剛才煎炸既油膩感-今餐整體都唔錯👨🏻👴🏼叔伯兄弟都滿意.

係觀塘又唔想食APM，所以就行入工業區搵下野食⋯⋯點知比我地發現呢度有間阿鴻小吃，自從北角果間分店執左之後都好耐無食，所以今日一定要入去回味下！餐牌入面既卥味樣樣都好吸引呀！！！所以我地索性叫個卥水拼盤，我地拼左鵝件、鵝掌同墨魚（碟底會附送一舊卥水豆腐）阿鴻個卥水好正，卥水好味非常入味，無得頂呀！南乳粗齋都係必點既菜色，每一樣餸都好夠南乳味，用黎送飯係一流！！蒜香雞飯非常之有驚喜，雞既肉質好"林"，加埋D蒜係上面，好好味呀～醉香鴨舌，肉質同樣好"林"同入味，不過價錢略嫌貴⋯⋯最後加多個蔡瀾撈麵，我個人對呢個撈麵比較失望，本身諗住佢係阿鴻既招牌菜所以有一定既期望，但食落口原來有好大陣我唔中意既蔥味，而且好油（因為係用豬油烹調），呢兩樣元素都唔岩我口味

今日陪朋友去咗觀塘試婚紗，跟住我哋就喺觀塘到搵食，我哋就揀咗呢間被稱為米之蓮一星的阿鴻小吃，呢間係間飯潮州菜的餐廳，我地行去果陣都幾期待的。一坐低佢就每日浸左一杯普里茶比我哋，之後我哋就急不及待點左五個菜。香麻海蜇第一道菜當然要叫我最中意既海蜇啦！呢碟海蜇看落去細細碗，其實份量都唔少。海蜇每條都又大條，咬口非常彈牙夾口，加上啲蘿白絲同少少芝麻，令成件事配搭得好香口！滷水豆腐之後我哋叫左碟滷水豆腐，滷汁本身好香，幾濃味，一咬落去個豆腐皮都幾香，而豆腐裡面就超級滑同嫩，好好味😍炸蠔餅本身我都幾怕食炸野，感覺好油膩嘛！但呢但蠔餅意外地好好食同不會油膩！呢個蠔餅除左蠔仔之外，竟然加左豆腐係入面，所以一咬落去佢除左好脆口之外，仲會好綿同好滑，個感覺好特別！就算我怕熱氣都忍不住食多幾啖！潮式雙拼撈麵呢個雙拼撈麵我哋揀咗豬手同雞肉，本身啲雞非常之新鮮，而且豬手亦都好肥美，咬落去真係啖啖肉！再加上佢嘅撈麵有少少麻油味，撈麵啲面比較硬身好爽口！佢配菜加了少少芽菜，令成個配搭唔會覺得太過油膩亦都好多肉咁！非常之清新又香口！潮式雙拼飯呢個雙拼我哋揀咗豬頸肉同埋墨魚，呢種煮法嘅墨魚我都係第一次食，感覺都幾啖啖