陞記刀削麵

營業中

休息中

是日出深水埗買嘢，途經見到呢間刀削麵店，門面乾淨光猛，就一於入去醫下肚。餐廳有唔同嘅刀削麵選擇，湯、冷或熱拌都有，仲有好多款小食，真係花多眼亂。四川擔擔湯刀削麵 :相當大碗，配料揀咗豬軟骨及貢丸，面頭淋上擔擔醬，刀削麵條煙韌彈牙，擔擔醬令鮮甜嘅湯底增添一份香辣，食落好惹味。另外特別推介豬軟骨，煮得好淋好入味，吸收埋擔擔湯更加好味。麻醬手撕雞 :手撕雞無骨啖啖肉，肉質鮮嫩唔鞋，芝麻醬好香濃，配埋墊底嘅青瓜絲食，感覺完全唔油膩。刀削麵餐送熱飲，飲咗好耐無飲過嘅利賓納，十分滿足。

去深水埗買野見到呢間食刀削麵嘅餐廳，好耐無食過就想食下😆呢到嘅刀削麵可以配上湯、冷伴或者熱拌食。叫左招牌花雕醉雞刀削麵，醉雞嘅份量真係唔係講少，超大份足料😳雞肉好嫰滑，好入味，有花雕酒嘅香味，一定要試！刀削麵嘅口感都好正，煙韌唔會太腍😍另一碗叫左雞翼上湯刀削麵，雞翼即炸，香脆可口，有4隻咁多，價錢都係45蚊，幾抵食😆麻辣手撕雞比較辣，食得辣嘅可以試下。涼拌黑木耳落左好多蒜頭，仲有青瓜絲，黑木耳口感爽脆！涼拌海蜇都有蒜頭同青瓜，但海蜇份量唔算多，反而青瓜多D。

陞記刀削麵(深水埗)小店經營，店舖裝潢簡潔，很有特色，店舖每一碗都是招牌❣️過橋刀削麵(什丸/豬耳/豬肚/手撕雞擔擔醬)刀削麵筆直有嚼勁，配上擔擔醬令味蕾更加提鮮，湯頭鮮美醇厚，每一口都能感受到豐富的層次感。什丸、豬耳、豬肚、手撕雞各自的配料獨特鮮美，口感豐滿❣️紅油糖心蛋/牛/花生刀削麵紅油香辣調味與糖心蛋的濃郁相融，牛肉質煙韌，花生的香氣提升口感。刀削麵筋道有嚼勁，入口滑爽。❣️花雕醉雞醉雞的雞肉鮮嫩多汁，散發出美妙的花雕酒香，還帶有微醺的感覺❣️牛筋腩肉質鮮嫩鬆化，牛筋煙煙韌韌，帶有膠質口感❣️雞翼外脆內嫩，醬汁入味，吃起來鮮香多汁

呢間刀削麵餐廳真係大件夾抵食，街坊價錢，街坊生意，朋友👩🏻‍🦰同我都食得好飽🤣$30「涼拌萵筍」：萵筍切幼條，麻辣風味，高麻中辣，非常開胃又惹味🤣$45「麻醬手撕雞」：手撕雞 大大碟，啖啖肉，匿埋雙眼食都得🤣；上邊仲加咗芝麻醬🤩$50「花雕醉雞」：大大碟，係雞髀肉，所以都幾多肉，有淡淡嘅花雕酒香味😋$60「口水雞刀削麵」，加 $3「無糖可樂」：「口水雞」同「刀削麵」分開上🤩；「口水雞」大大碟，加有大量用醬油浸過嘅蒜頭粒，食落非常香口🤩；「刀削麵」闊身，煙靭有啲咬頭😋「無糖可樂」凍冰冰，配辣嘅食物非常之夾🤩$20「郊外油菜」：係菜心，簡單幾好食🤩

呢間刀削麵之前都食過一次 抵食又大份 之前食湯麵 今次專程試埋拌麵 味道依然唔錯😆大大碗又多選擇 熱拌涼拌湯麵都有 麵質唔錯 厚薄適中熱拌刀削麵拌麵口感比湯麵更加煙韌 撈埋醬汁同青瓜絲 爽口又惹味 配餸揀左豬頸肉、雞翼 都幾脆口入味🫶🏻仲有香菇貢丸 大粒彈牙花雕醉雞 呢個好抵食 大大碟 仲有原隻溏心蛋 雞肉好滑 又唔會有雪藏味 肉質唔肥🙂酒味香 但唔嗆 好易入口 涼拌木耳呢個涼拌菜就相對濃味 辣得過癮 木耳爽口清爽 仲有涼拌青瓜之類揀！

陞記刀削麵 (深水埗)深水埗長沙灣道226-242號金華大廈地下9號舖.陞記刀削麵 (深水埗) 位於深水埗長沙灣道的陞記刀削麵是一家值得推薦的餐廳。他們的刀削麵選擇多樣，而且味道令人驚艷。 .其中，紅油溏心蛋牛展花生刀削麵是他們的招牌菜之一，是材料十分豐富的刀削麵，上面撒滿了美味的紅油、溏心蛋、牛展和花生。這道菜的辣度適中，紅油的味道香辣可口，蛋的溏心質感加入了豐富的口感，牛展的鮮嫩和花生的香脆更是為這碗刀削麵增添了層次感。如果你喜歡多一點的口味，你還可以選擇配上雞翼，只需加$10。 .另一道值得推薦的刀削麵是擔擔醬湯刀削麵，僅需$40。這碗刀削麵搭配了擔擔醬湯和手撕雞，味道麻辣濃郁。擔擔醬湯的麻辣風味與刀削麵的彈牙口感完美結合，手撕雞的嫩滑更是為這碗刀削麵增添了豐富的飽足感。如果你喜歡多一點的肉類口味，這道菜是一個不容錯過的選擇。 .此外，陞記刀削麵還提供多種美味的小食。涼拌青瓜以及口水雞都是不錯的選擇。涼拌青瓜清爽爽口，口水雞則鮮嫩多汁，兩者都能為你的餐點增添一些清新的口感。 至於飲品，每一個餐都送熱飲，可加錢轉凍飲或其他飲品包括凍檸茶和支裝豆漿。.總體而言，陞記刀削麵是

上次喺深水埗搵嘢食，見到呢間餐廳都幾啱我口味於是就入左去食嘢陞記刀削麵 (深水埗)深水埗長沙灣道226-242號金華大廈地下9號舖啲嘢食一嚟到 我就嚇親 因為好大碗，同埋啲配料好多，估唔到呢個價錢有咁多配料熱拌麻辣刀削麵$42麻辣味又唔會太重，味道比較突出嘅係擔擔面醬同埋麻醬嘅味道，估唔到兩個醬配埋刀削麵食都幾好食同幾夾，麵條好掛汁，而且麵條好Q彈，又爽口，仲可以揀多擔擔麵醬同多青瓜😙，食落好有口感，額外加左2樣配料 手撕雞$10口感一絲絲嘅質感，雞絲質感結實 帶點鹹香豬頸肉$15, 口感外脆內軟 好爽口 涼拌豬耳 $20豬耳嘅味道係非常濃郁嘅麻辣香味 非常惹味凍豆漿$8

朋友啱啱喺歐洲去完旅行返嚟，好掛住傳統香港湯麵於是約佢食刀削麵，我點左個擔擔醬湯刀削麵，中意濃味啲可以叫多擔擔醬，大家可以自選配料，我就推介牛筋腩+$10同豬大腸+$15，刀削麵果然係真材實料，口感煙韌，吸左個擔擔湯味道更加濃郁，甜甜地清清地，份量十足，成碟小食好滿，牛筋腩非常入味，牛筋軟稔。滷水豬大腸容易咬開好好食，套餐包埋熱飲，我點左西洋菜蜜，甜而不膩，朋友點左麻辣湯刀削麵配豬頸肉加$15，最近肉即叫即煎，外皮微脆可口，飲返罐雪碧爽下就啱曬，我地另外再叫咗個小食麻醬手撕雞，海量麻醬啖啖肉，手撕雞同青瓜絲係絕配哈哈，好爽甜，加上店員好有禮貌行動迅速，我地都食得好開心😄

牛筋腩墨魚丸刀削麵，一道令人垂涎欲滴的美食。这道菜品结合了牛筋腩、墨魚丸和刀削麵，展现了独特的口感和丰富的味道，让人难以忘怀。首先，牛筋腩是这道菜的亮点之一。它经过炖煮的过程，肉质鲜嫩多汁，入口即化。牛筋腩的独特口感给人一种嚼劲，回味无穷。而且，牛筋腩中蕴含的胶原蛋白也有助于皮肤的弹性和健康。其次，墨魚丸是这道菜的另一个亮点。墨魚丸色泽诱人，口感鲜嫩。墨魚丸的制作工艺精湛，选用新鲜的墨魚肉搭配特制的调料，使得丸子的味道更加浓郁。咬下一口，墨魚丸的鲜香在口中散发开来，令人欲罢不能。最后，刀削麵作为这道菜的主角之一，给整道菜品增添了独特的风味。刀削麵的面条宽大而有韧劲，入口滑爽。面条的厚度和弹性恰到好处，能够完美地吸附汤汁和调料的味道。每一口都能感受到麵的韧劲和口感的层次感，令人陶醉其中。

its my amazing experience as i like it.這間餐廳位深水埗地鐵站附近，餐廳格局整齊，乾淨，令人感到舒適。我點了一碗肥牛墨魚丸溫泉蛋雲耳上湯烏冬，這碗米線真是美味非常。首先，肥牛片薄而嫩，入口即化，散發著濃郁的牛肉香氣。墨魚丸則是爽口彈牙。溫泉蛋完美地融合在湯中，濃濃的蛋香，配上彈性適中的烏冬及肥牛一起品嚐，滋味十足。雲耳的加入增添了口感的層次，帶有嚼勁，同時提供了健康的營養價值。😄

之前搭巴士路過見到有呢間新開的刀削麵店，我已經好有興趣。我就襯黑雨過後的落雨週日，行咗去呢度食。餐廳以黃色和灰色色調，左右2排木系枱櫈，整齊又簡潔。枱上有指示，方便手機落單。初初見到跟餐熱飲要HK$14～HK$17/杯，都有諗過唔叫，但聽到店員同另一個食客解釋話點咗嘢飲按送單，系統會自動調整熱飲價錢到HK$0～HK$3/杯，咁我就安心啲叫嘢飲啦😄🐓🍜 花雕醉雞刀削麵 (HK$60)．雞髀肉切件，雞肉嫩滑，不過酒味比較淡，但飲咗少少花雕汁，其實花雕酒味好濃郁，偏鹹，似乎雞件浸得唔夠耐吧🤔．上湯湯味濃，加入花雕汁味道更好．麵條呢，掛湯OK，不過厚薄不平均，刀功要再努力啲啦．最後食隻蛋，少少溏心，可是普通蛋味，沒有酒香😒🍋🥬☕️ 熱檸檬菜蜜 (跟餐 +HK$3)．要求少甜都幾甜下，好彩有3片檸檬中和下

陞記刀削麵👻放工去開深水埗就係附近搵野食飯嚟到深水埗試下呢度嘅刀削麵位置方便環境舒適刀削都既質素都唔錯😆🔅花雕醉雞刀削麵 HKD 60麵條彈牙煮得啱啱好醉雞醉得夠入味肉質鮮嫩多汁仲配埋一隻糖心蛋添湯底香濃食返碗夠舒服🔅豬軟骨溫泉蛋黑木耳湯刀削麵 HKD 60湯底濃郁豬軟骨煮得軟腍入味溫泉蛋令湯更濃郁仲黑木耳加埋啲口感招牌湯刀削麵幾出色😆🔅麻辣手撕雞(細) HKD 20麻辣手撕雞辣味十足揀bb辣已經夠辣夠勁肉質鮮嫩配上辣椒同香料辣味香做小食超滿足😉🔅涼拌皮蛋 HKD 20涼拌皮蛋清爽開胃皮蛋蛋黃濃郁特製調味料味道恰到好處🔅郊外油菜 HKD 20叫多個菜平衡下口味郊外油菜好鮮甜健康又清新🔅凍檸茶(跟餐) HKD 3飲杯凍檸茶就啱哂清涼解渴超抵飲整體而言：抵食麵食 必食花雕😚🎈 陞記刀削麵 (深水埗)深水埗長沙灣道226-242號金華大廈地下9號舖

小編有一日去到深水埗個頭，就諗住快手食埋個dinner先番屋企，亂打亂撞就入左呢一間餐廳😊😊😊🍲 花雕醉雞刀削麵 $60份量好足夠🥴 仲有隻脾食下都唔錯☺️不過略嫌唔係好夠花雕汁🥲想用黎撈下啲刀削麵一齊食都難🤣刀削麵好似唔似係手打既🥴（如有需要請更正）最中意係仲有粒溏心蛋食下☺️ 生熟程度好適中，好正！如果去開個頭又想搵間餐廳速食下，呢間都不失為好選擇🤓🤓🤓🔎評分：可以一試👍🏼

最近我去咗一間新開嘅麵食店，品嚐左佢哋嘅刀削麵。🥢溫泉蛋黑木耳牛展刀削麵 - $65麵條刀削得細緻，厚度剛好，咬起來有彈性，口感有嚼勁。牛展偏瘦，黑木耳嘅口感爽口。🐄熱拌牛筋腩刀削麵 - $57牛筋腩肉口感韌實，又大又厚，加埋擔擔醬嘅調味、青瓜絲，令撈麵濃郁得來又有一份清新。🍗花雕醉雞 - $50嚟到一定要試吓醉雞，因為雞肉鮮嫩多汁，花雕酒嘅香氣同雞肉融合，每一口都可以品味到醉雞嘅風味。🥚溏心蛋 - $10蛋白蓬鬆，蛋黃溏心流動。將溏心蛋同刀削麵一齊品嚐，口感豐富

喺黃埔同旺角都有分店嘅呢間刀削麵餐廳，自己一路都係佢哋嘅忠實粉絲。見到佢哋喺深水埗都開咗間，雖然唔同名，但係一食就食得出佢哋嘅味道！而我就梗係嗌左佢哋嘅招牌花雕醉雞刀削麵，轉咗個熱拌刀削麵。講吓佢哋嘅花雕醉雞線，份量都係好多，而且啲雞非常入味，最鍾意係佢哋嘅半生熟蛋，雞肉非常嫩滑，雞皮同雞肉之間仲有啲啫喱添！而我揀嘅熱拌刀削麵，加咗啲芝麻醬同青瓜絲等等，非常之惹味，仲可以揀唔同嘅辣度！而我自己亦都嗌多咗一份涼拌青瓜，可以中和返刀削麵嘅膩。 青瓜都醃製得非常入味，嗰餐仲包埋杯嘢飲，價錢都唔使$100，自己覺得呢度CP值非常高