陳儀興牛什粉麵 (鴻祥大廈)

營業中

休息中

最近總是在加班，晚飯都沒什麼胃口，所以簡簡單單食碗麵就算了。陳儀興牛雜粉麵，出品有保證，是我近期的最愛。牛三寶麵配炸魚皮跟凍檸樂。三寶分別有牛腩，牛筋和牛肚，每件都大件又厚切！煮得入味，牛筋滿滿的膠質，牛腩夠嫩腍，牛肚彈牙有咬口，三者都做得出色！炸魚皮真係超級推薦，雖然跟餐，但份量超級多，大大塊卜卜脆，好好食！麵底彈牙，湯底都有誠意，濃而不膩。海參腩配油菜跟羅漢果茶。海參腩這個部位係出面比較少食到。外表其貌不揚，但食落真係好驚喜。煙韌又帶牛味，越嚼味道越出，煮得軟腍，但食落爽口彈牙，真係同食海參差不多，這款牛肉口感特別，值得一試～我要晒，美其名即是乜都有。包括了：炸魚條、炸魚皮、炸雲吞、炸章魚丸、炸蝦棗丸，香口又好食，一次過試匀所有炸物，滿足晒咁多個愿望！跟餐都會配飲品、油菜或魚皮，更抵食。其自家製的羅漢果茶，好甘甜解熱氣，亦值得一試。果然老字號的粉麵店，出品有保證！

📍 陳儀興牛什粉麵🌍旺角煙廠街1-3號鴻祥大廈地下E號舖Shop E, G/F, Hung Cheung Building, 1-3 Yin Chong Street, Mong Kok📝整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝前排同男朋友身痕就左去排米豬連Ｘ姐清湯腩，又貴又難食，真係唔明米豬連係用咩準則。 要食返平靚正牛腩河平衡返心理！！！！▸剩崩沙腩 ◂＄１４５✿ 牛腩中最好食既部位，兩側有層薄肥肉似軟膠質夾住瘦，份外軟腍而牛味香濃！▸ 牛三寶河粉 ◂＄６５✿ 三寶有牛肚、牛腩、牛筋✿ 湯汁清徹不膩，散發肉嘅鮮香，唔會勁濃臭牛味▸ 炸魚蛋◂＄３５✿ 潮州魚蛋，特別爽滑、鮮甜彈牙有魚味。

之前食過陳儀興打冷店覺得食物質素唔錯，今次行過旺角見到佢哋有間潮州粉麵店，於是就入嚟食個quick dinner😌 兩個人叫咗1️⃣一碗豬手麵 (加26蚊就可以配埋油菜及飲品)～ 因為我係牛痴，所以另外就叫咗個2️⃣淨食崩沙腩～ 另外再加個3️⃣要乜有乜炸物拼盤～ 嘩，啲嘢上齊，擺曬成張枱，好豐富😆 淨食崩沙腩份量多，底下仲配有少許生菜，我個人就喜歡加埋潮州辣椒油一齊食，份內惹味～ 豬手又邪惡但又可以補充骨膠原😛 是日油菜，當日有芥蘭／生菜／通菜揀🥬 至於炸物拼盤就咩都有啲，全部即叫即炸，熱辣辣嘅😙

想食牛什🐂即刻諗起歷史悠久嘅《陳儀興牛什粉麵 》佢哋主打潮洲食品，所以味道特別有保證👍🏻 牛筋、牛肚、沙瓜、崩沙腩、牛肺、牛膀、牛坑腩等等．．．樣樣齊！崩沙腩 $148肥瘦適中👍🏻炆煮得夠腍又入味，入口帶點煙韌彈牙，加埋個生菜底吸收咗D腩汁，特別好味😋！雲吞麵 $38麵條富有彈性，沒有鹼水味👍🏻雲吞皮薄又足料，加埋潮洲特式，粉麵必加的蔥粒炸蒜，紅醋和辣椒油，味道大大提升✨✨！炸雲吞 $30一碟有5隻，脆口唔油膩，沾上甜酸醬，開胃小食！轉餐飲品連菜／魚皮 $26魚皮分量都唔少😊而通菜就夠爽口，腐乳鹹香味夠晒香濃😋！

陳儀興牛什粉麵．特色牛牛有誠意香港人得閑就會想食麵特別係雲吞麵同牛腩今次行經旺角就去陳儀興牛什粉麵充充電此店走廣東式粉麵店路線四正的式，五臟俱全先來一碗雲吞麵大地魚湯底好好飲雲吞一共5粒，大大隻，原隻蝦子在中間咬入口多汁又彈牙豬肉與蝦仁匹配是經典的口味炸魚條是不同於一般的炸魚蛋長欖形設計，即點即炸咬到香熱微脆，口感不錯配泰式辣醬亦可口腩汁芥蘭配蠔油識食一定這樣點用牛腩汁水的香氣吊出滋味脆口的芥蘭再加入蠔油的鮮香特別好吃腐乳通菜腐乳微辣惹味，索一口麵咬一口腐乳通菜這滋味就是爽牛沙瓜 = 嚼勁之選外表呈摺紋而背面平滑口感似爽口的牛肚，好有層次超級入味，腍身又煙韌此店醃得味道足，口感不錯凍檸茶茶底香，足料檸檬冰底添加清爽食麵配一杯，就是正！陳儀興牛什粉麵旺角煙廠街1-3號鴻祥大廈地下E號舖電話號碼 60239939 

與同事工作得太夜，一起找家餐廳吃晚餐。見到陳儀興的客人仍然絡繹不絕，立刻便進去點菜了。同事很喜歡吃牛腩，不想吃粉麵，可以點淨餸，配套餐，有油菜或魚皮選擇，還有飲品，其實也很豐富。淨崩沙腩$148加$26轉套餐，小食選了油菜，非常好吃的菜心！鮮甜爽口，夠嫩無渣。崩沙腩價錢一向高一點，但這裏的份量十足，炆得夠鬆軟入味，不會太咸，腩汁都想喝光，加一點辣椒油更惹味。牛三寶河粉$65，加$26轉套餐，配炸魚皮，吃著炸魚皮，脆得像吃薯片，越吃越過癮，脆而不咸，份量都頗大碟的。牛三寶份量也多，有齊牛筋、牛坑腩、牛肚，全都很入味啊！河粉吸收清湯，加上腩汁，真的很滋味！愛吃牛的人一定要試。和同事一邊吃一邊談天，意猶未盡，再點一份小食吧！這款“我要晒”，顧名思義，各款炸小食都有一些。炸雲吞外層乾身爽口，裏面豬肉餡也爽爽的有肉汁。炸蝦丸爽爽口彈牙，不是發水丸，口感不錯。炸魚條有魚肉味帶鹹香，加幾片炸魚皮，店裡的炸物都拼齊了，配啤酒一絕。別以為吃牛腩粉麵不夠飽，這樣配套餐真的吃得非常滿足！味道又不錯，怪不大晚上得這麼多顧客，愛吃牛的人要試試。

【旺角•陳儀興牛什粉麵】@ππππππππππππππππππππππππππππππ旺角超正陳儀興牛腩粉麵店潮州風味 凈海參腩牛三寶撈麵炸魚皮油菜生菜圓肉紅棗薏米水羅漢果茶炸物拼盤 炸雲吞、炸魚皮、炸蝦丸陳儀興牛腩粉麵店以潮州風味聞名「凈海參腩」是這家店的硬菜之一，融合了肉質軟嫩的牛腩，經過慢火熬煮，肉香在口中融合，令人難以忘懷。「牛三寶撈麵」，將牛筋、牛腩以及牛肉丸的不同口感和風味層層疊加，配上彈牙有勁的撈麵，每一口都是滿足感的釋放。「炸魚皮」保持內在魚皮的鮮味與膠質感，搭配醬料食用，鹽香令人回味無窮。「油菜生菜」很好地平衡了餐點中的油膩，保留了蔬菜的清甜和脆爽，成為餐桌上不可或缺的綠色點綴。「圓肉紅棗薏米水」與「羅漢果茶」都是不錯的選擇。前者清甜解膩，而後者具有清涼去火的作用。「炸物拼盤」是多種炸物的集結，炸雲吞、炸魚皮和炸蝦丸三者組合，質地與口味各異，提供了多層次的享受，炸雲吞外酥內軟，炸蝦丸輕微的彈性帶來嚼勁。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 321✨✨✨✨✨✨✨✨✨✨✨✨✨#旺角美食 #陳儀興牛什粉麵 #web3旺

小妹同豬經過旺角，見到「陳儀興牛什粉麵」，第一時間諗起牛雜😍呢間牛什粉麵歷史悠久，以優質牛雜粉麵聞名，係出名食潮州食品嘅老字號😌主打潮州牛什、崩沙腩、自製魚蛋、手打牛丸、港式奶茶☕️等，餐廳牆身仲用咗懷舊款馬賽克+牆上有歷史悠久既香港情懷😍非常吸引🤩淨崩沙腩🐮淨崩沙腩食落爽口，口感好豐富😚 牛肉味好香口，且湯底好味😋好惹味～加上崩沙腩肥瘦適中，肉質夠淋同入味。雲吞麵🍜呢間餐廳既雲吞絕對係皮薄餡鮮🥰雲吞既蝦肉好足夠，每嚿雲吞都係大大隻，兼好滑溜😋麵質軟硬度適中，湯底亦有淡香及香蔥味😍通菜🥬翠綠嫩滑，好有水耕菜的幼嫩口感，加埋腐乳醬食味道香濃，非常突出😚蠔油菜心🥬菜心好新鮮，菜身軟硬度岩岩好，夠淋身🤭 食落開胃🤤我要曬🫔🥟🥠呢款包括哂所有炸物，當中有炸魚皮、炸雲吞、炸章魚丸、炸魚蛋、炸蝦棗丸🫢 每款炸物口感香酥，且不油膩；最特別係橢圓形既係魚蛋，有別坊間食既魚蛋，表面少脆口，食落有啲魚肉香味😼事頭婆涼茶🥤飲品要左支自家製圓肉紅棗薏米水，就咁望已經覺得好足料，味道適中，不算太甜😺凍檸茶🥤正常發揮🤫雖然餐廳地方不算好大，但勝在乾淨企理😚裝修仲有d復古味道，重點係價錢正常，但份量多，明顯餐廳夠大方

此店名號喺新蒲崗無人不識，竟然落腳旺角，野心不小，路過唔少次，而家先發現佢，食牛什考佢牌，聽過老闆佢嘅故事，都好似幾有心機煮嘢咁，新蒲崗飯店一啲都唔平，記得最好食係鹵水鵝。面頭幾啖湯又真係幾好飲，食到碗底先覺得都幾鹹下，牛什都正常夠腍，牛肚有過腍現象，加埋啲大腸起粉（仲有沙），有理由懷疑佢係隔夜嘅，唔多新鮮，貴人十幾蚊，一啲都唔值，只係幫佢交租啫，又畀名號伏咗（彩蛋：隔離枱阿叔投訴啲雲吞裏面凍，叫師傅焗耐啲喎）。

2024.01.08【01.08  特別的牛沙瓜@旺角 陳儀興牛什粉麵】2024新開始就是要嘗試新東西開闊自己接受範圍那個喜歡193的女孩說有些特別東西可以和我嘗試就這樣加班後到旺角會合她原來是吃牛什粉麵我問她有什麼特別她說我認識什麼是牛沙瓜？什麼是海參腩？我老實回答說不認識她說平常麵店都不見有這些特別的名字比平常好一點的麵店最多就是有限量提供崩沙腩加上是我說要突破所以就拉我一起嘗新嘗鮮看到座無虛席外賣和準備堂食的我們都要在外面等想必是有的慕名而至有的試過後的回頭客大家都喜歡凍檸檬茶我是有點臨陣想逃但她沒有退縮直接點了淨食叫我試試因為決定勇敢所以一試比想象中更好吃清晰紋理的牛沙瓜背面平滑和呈摺紋的面層雙結合爽口質感有沒有牙力的人都能吃絕對是一個新選擇的好開始我為人比較保守一定叫食肆的招牌菜所以看著產品點了招牌之寶 兼轉餐牛三寶(牛腩，牛筋，牛肚) 配幼麵加點這店的自家潮式辣椒油就是這個味感覺對了牛腩，牛筋，牛肚不遜色牛沙瓜好吃好吃她要腐乳通菜我要生菜配腩汁這樣就可以有2款口味大家都有點意猶未盡看著陳記小食有選擇困難症又如何？不約而同說要 我要晒(炸物拼盤)有炸魚皮、炸雲吞、炸蝦棗丸、炸

🍜🍜🍜陳儀興牛什粉麵🍜🍜🍜🤭每次去完旅行返嚟香港第一時間就會想食嘅碗牛腩粉🤭我今次介紹一碗有質素嘅牛腩粉俾大家😎陳儀興本身我都會成日開去佢哋潮州打冷店😋估唔到佢哋原來有埋潮州牛什粉麵店👍🏻👍🏻我哋選擇咗佢哋嘅招牌😎🐮牛三寶（淨食）～$173（真係好大碟😂又有菜底，牛腩半肥瘦好靚，經過長時間熬製，呢三寶同腩汁完美融合，淋得嚟有咬口👍🏻食三寶真係滿足晒三個願望❤️）🐮坑腩米～$55（以為凈三寶唔夠食，所以碗粉都係叫坑腩😂肥瘦分明，最後係全清😋）🐮我都要晒～$40（最鍾意咩都試吓，竟然有呢個～我都要晒～😂炸魚皮、炸墨魚條、炸魚條、炸蝦棗丸、炸雲吞、炸章魚丸）🐮腐乳通菜，凍檸茶~跟餐加$26🐮炸魚皮，凍檸茶～跟餐加$26

📍 陳儀興牛什粉麵🌍旺角煙廠街1-3號鴻祥大廈地下E號舖Shop E, G/F, Hung Cheung Building, 1-3 Yin Chong Street, Mong Kok📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝▸剩海參腩 ◂＄１４５✿ 未試過海參腩就試下，肉質厚實，口感粗獷，沒有一點肥肉，卻非常之濃肉味！✿ 不愛菜，但浸左入腩汁嘅生菜不得了，再加多左份菜黎食~▸ 牛三寶河粉 ◂＄６５✿ 牛肚、牛腩、牛筋✿ 清香腩汁，濃而不濁▸ 炸魚蛋◂＄３５✿ 爽彈炸魚條，好有肉汁

《陳儀興牛什粉麵 ( 煙廠街 )》旺角煙廠街1-3號鴻祥大廈地下E號舖今日行旺角路經陳儀興牛什粉麵店，心諗陳儀興潮菜館食過幾次，原來又有做埋潮式粉面，於是就入去試一試。一入門就見場內有好多香港特色壁畫幾特別，整體店內裝潢都幾企理舒適。嚟到必食牛腩，淨牛腩有好多選擇，特別嘅部位包括崩沙腩、沙瓜、牛雜、等等 試咗個海參腩，特別地方在於，牛腩連住海參一樣的牛筋部份，咬落去口感結實，非常入味。另外牛腩河麵，牛腩部位稱得soft ，湯底非常有層次，仲可以加$20轉餐有油菜+飲品/紫菜湯,入口即化，而牛根的口感則較為Q彈，麵條也很有彈性，再只係$40好抵食。另外加個小食炸雲吞，雲吞炸得非常鬆脆，完全冇陳年油味，內餡分量剛剛好，一碟有唔少，點埋個醬汁，食極都仲想食。陳儀興品牌始終後潮菜專家，估唔到粉麵都可以咁有水準，值得一試。

今日下午行過見到有位咪入去食個下午茶啦！見到佢$40 牛腩麵包飲品又唔貴喎！地方又乾淨、侍應姐姐又好禮貌、雖然係下午茶但係碗牛腩河都唔算細碗、凍奶茶都幾好飲、下次可以試埋佢個牛雜飯…. 應該都會幾好食😋！

今日同媽咪嚟到旺角經過呢間牛什麵店媽咪見到就話入去試下～入內牆身以復古方磚配上港式風格的插畫及書法，夠哂地道～睇睇餐牌先～牛什款式好多，仲有潮州粉麵同小食揀招牌 牛沙瓜(傘肚)淨食 $145賣相夠哂吸引，出面比較少有的牛沙瓜食落香嫩爽滑又滋味濃郁，而且嚼感十足，真係好好味～跟餐$26 加配炸魚皮及飲品炸魚皮酥脆香口，每口都有鮮美魚香，配上湯頭或麵食都係非常夾～招牌 牛三寶湯河 $65牛腩肥瘦均勻而鮮美多汁，肉質細膩柔軟；牛筋細膩柔軟而滑溜，啖啖骨膠原～牛肚爽脆細嫩，牛味濃郁，配埋爽滑的河粉夠哂滋味👍🏻跟餐$26 加配腐乳通菜及飲品新鮮的通菜口感爽脆，加上腐乳的鹹香真係夠哂惹味～追加小食 炸雲吞 $30外皮酥脆香口，內裡鮮嫩爽滑而蝦味濃厚，配埋酸甜醬夠哂可口～整體夠哂地道又美味的潮州麵食～招呼服務又不錯，值得再來👍🏻