陳六記飯店

營業中

休息中

一直以為陳六記的燒腩，外皮香脆、肥瘦均勻，怎料到現實自己吃陳六記的 燒肉，竟然有部份瘦得可憐。 外表看起來四四方方，頗為討好，最衰新鮮買回來的時候沒有即時先吃一件，放了幾小時後才吃。底部較瘦部分，入口有點兒鞋口，雖然表面的外皮烤一烤之後仍然爽脆，但肥瘦相間的肉好像沒有之前所講五層那麽豐厚、那麼吸引，而且底下有一層很瘦很瘦的肉，難稱美味。 叉燒就更加差強人意，沒有什麼肉汁，不是肥瘦相間，非常之瘦的叉燒，根本就與快餐店/酒樓的叉燒飯沒有什麼分別；寧可吃肥叉，然後自己將過肥部分挑走，可能效果更佳。估計可能在現場吃燒腩仔嘅效果應該會更佳。

是日打風，原先在家中想好好清理食評，誰不知損友來電臨時約食飯，拉隊上上水街市食燒鵝，點知因為8號風球所以無開。左諗右諗，反正已經出門，點都要醫肚，走去陳六記踫運氣，果然有開。雖然是打風日子，店內依然多人。蒜茸炒通菜用的是水通菜，體形較大，亦都比較爽口，加上夠鑊氣，好味。豉椒鵝腸用的是新鮮貨，所以份量一定少，佔了大半碟都是青椒跟洋蔥，幾香口，入口脂肪位豐腴甘香，即時要來一杯啤酒下菜。煎蠔餅當然及不上潮州店的出色，蠔的份量少，而且太乾身，不大欣賞，夾了兩箸便放棄。小炒皇飲啤酒最好是來一碟小炒皇，餡料都是蝦乾、甜椒、蝦仁、青椒及土魷之類香口貨，再在上面放上大量腰果，一邊吃一邊聊天，而店外是橫風橫雨，情景幾有風味。欖角蒸鯇魚魚肉蒸得恰到好處，幾滑溜。一杯啤酒幾碟菜，足足消磨了一個晚上。

一行六人食晚飯，叫小菜，去到正門店無位，店員指示我哋經後巷行去後面房間嘅大枱！裝修簡陋，座位幾迫！我哋打算叫自選套餐，大肚店員提供意見解決我哋嘅疑問！因為爆場，食物要耐心等待！ 例湯：夠熱，材料夠，瓜湯清熱！不過味道唔夠清甜，明有味精幫手！ 五層樓燒肉：最出名嘅，皮脆肉嫩，連軟骨都好味！加埋黃芥辣仲好味！ 鹹蛋蒸肉餅：肉餅較實，雖然有肉汁，唔夠鬆，鹹蛋唔鹹香，無乜味！豉油唔過鹹！ 梅菜蒸鯇魚：叫剁椒蒸魚頭，來錯呢個照食，梅菜無味，魚肉較實，豉油太浠！吊唔到味！唔好味！ 香菠咕嚕肉：咕嚕肉淋咗，汁醬無味，酸味唔突出！配菜爽口！ 咖哩牛筋腩煲：呢個最差，咖哩汁睇落好濃，但一啲味都無，牛腩炆得好淋，但應該同咖哩分開煮，所以無味！ 瑤柱蒸玉子豆腐，菜心爽脆，玉子豆腐滑但無味，因為汁無味！ 粉絲蝦米雜菜煲：蔬菜種類多，不過湯汁好淡，帶唔出蔬菜甜味！ 粥：夠大碗但唔夠熱！講真食完幾失望，除了燒肉其他小菜都唔好味！加上廚房都幾亂，出菜慢兼煮錯菜，大肚店員好親切，又會提供意見！

有朋至遠方來，希望食特別野？咁先黎試陳六記招牌碳燒五層樓燒肉啦！難得北上黎到我地盤，當然由我搵定位先，飯市食客甚多，唔想坐路邊、唔想搭枱，等左十分鐘終於有位喇，但只得張大枱囉。坐低無耐，朋友們都未到已經有個大陸婆帶住香港佬搭多件 BB 搭枱，好吵耳啊！好采有野食時都靜左落黎啫。雪耳冬菇豬骨湯，燒味店既例湯一向無得輸，大量下欄豬骨豬肉掉去餚湯，味精都慳返，好飲例湯堅美味，冬菇滑彈、雪耳嫩滑，成窩清晒一滴不漏。碳燒五層樓燒肉例牌，除左第一次既時候有驚嘆既感覺外，之後翻卓過幾次，越食越覺得平庸乏味，不過佢既賣相及傳說又真係好吸引既，但試多幾次後會覺得不外如是，而且我又喜歡四圍走四圍試，食過更好味既燒肉呢。都唔難食既，大路皮脆肉嫩，咸香合格，但比上次差左少少，硬係覺得欠缺左鮮味囉，味道好陰沉，無咩活力！真係每食一次就差一次，硬係覺得隔夜唔新鮮，硬係覺得翻燒，層皮好假又好硬，係就係做到五層，賣相都一流，但點解無豬肉鮮甜味架呢？肉汁欠棒，味道死實，食完一舊已經唔想食第二舊，失望。蒜子大鱔煲，好好味，居然有驚喜！當唔知食咩既時候一枱起頭就望到大鱔煲，係您喇！鱔轆肉質結實，爽滑係極新鮮既證明，燒肉跟麵

燒肉切雞雙併例牌，中伏喇！切雞全部都係雞翼囉，仲醃得太咸添！肉質硬實實，欠彈性欠鮮味，完全唔似自家製！燒肉又肥又咸又硬，死實既質感、死屍既味道，毫無生氣。同上次既五層樓差天共地，完全兩樣野黎架！以後叫半隻雞、一碟五層樓，哼！浪費左我個寶貴 quota！避風塘炒海中蝦，HKD120 有十幾隻咁多，隻隻炸得香脆，連殼食卜卜脆，微辣惹味。游水蝦蝦肉又鮮又彈、帶香帶甜，夠新鮮點會唔好食！游水生魚兩食，質幾重生魚大大條，即叫即劏游水生魚，起球炒韮菜花、頭骨腩滾芥菜豆腐湯，只需 HKD110乍！生魚球腍得黎有咬口，滑溜多汁，鮮味震撼，好明顯有做開 gym。最衰係韮菜花有渣囉，而且炒老左，味道合格。生魚頭骨腩滾芥菜豆腐湯，滾湯既頭骨腩肉質堅彈堅嫩，點一點生抽，每吋都比我啜得乾乾淨淨。魚菜湯好好飲，不腥不嗅，估你唔到，有驚喜。游水生魚兩食同避風塘炒中蝦非常抵食，價錢合理又好味，推介！

係上水捐窿捐隙搵好野食終於搵到間滿意既飯店喇！多款菜式選擇，有燒味、廣東小炒、川菜、潮菜、家常小菜、游水海鮮、等等！又多個搵食地方喇！普通燒味飯店格局，有樓上雅座、後巷位供食客選擇。空氣尚算流通，衛生都免強達接受程度。豬骨冬菇菜乾湯，例湯無味精好好飲。湯底夠晒熱，菜乾咸咸地，豬肉味濃郁，食落軟棉，連渣都無剩。雪耳豬骨湯，湯汁濃郁到離奇！超級好飲既非一般例湯，燒味飯店既例湯一向有保證，因有大量下欄豬骨豬肉，掉晒落湯度餚，湯汁唔濃肉味都難啦。雪耳菊花咁大朵，有隻碗咁大，夾住咬好似食緊包一樣，勁搞笑！雪耳爽口，部份膠質已溶係湯汁之中，使到湯汁黏黏膠膠的，大愛！五層樓燒肉例牌，上網睇到係招牌菜所以慕名而來，專程黎一探虛實。索一索五層樓燒肉，烤豬肉香味濃厚，令人垂涎欲滴。五層不同既質感清晰可見，揀舊最靚既點少少芥辣掉入口，堅係絕頂高質噃，一咬皮脆肉嫩！香口非常又唔會油膩！頂層脆卜卜化皮，蓋著薄薄油香脂肪，之後半肥瘦爽口豬肉，再黎係肉汁澎湃既瘦肉，壓軸係重咸香結實豬肉。分開食會平平無奇，但成舊食混和所有質感同味道，神奇既化學作用，非常好食！添上芥辣微辛帶甜，去一去膩滯感覺，啖啖肉，爽乎！五層樓燒肉

難得來到上水的一天，一早打算到「廣成冰室」吃杯古法懷舊紅豆冰，誰不知人算不如天算，「廣成冰室」竟然因為公眾假期的關係，沒有開門營業，讓自己吃了一頓閉門羹。幸好，自己早有兩手準備，既然「廣成冰室」沒有開門，那便轉移陣地，到另一間就在附近，自己同樣慕名已久，早想拜會的名店「陳六記飯店」，一試它的馳名「炭燒五層樓」燒腩。店子一派舊式老店格局，在裡面吃飯的多是上水本地的街坊街里，牆上一張張粉紅粉綠粉黃的彩紙上，寫滿各式各樣的小菜名字，款式十分之多，午餐也有不少選擇，絕對能滿足每位客人的需要。但我當然不是吃這些。叫來一碟「炭燒五層樓」例牌（$68），加多碟「蜆芥炸鯪魚球」（$70）和一粥一飯，便成了這天中午兩夫妻的美味午餐。「炭燒五層樓」無疑是好的，脆皮、肥肉、瘦肉橫橫相間，層次分明，味道適中，不太鹹，也不太淡，把燒腩一下子放進嘴巴裡，脆皮、肥肉、瘦肉在嘴裡合而為一，確是不差，是甚有水準的高質燒肉。「蜆芥炸鯪魚球」是父親昔日的最愛，他雖已去逝多年，我仍有印象。這兒的炸鯪魚球也有水準，炸得外脆內軟，熱得燙嘴，既香口，又惹味，蘸點蜆芥醬吃，令人胃口大開。雖然這兒的蜆芥醬調得稀了些，但味道仍然香濃，與

今次完全係為左呢碟 " 五層燒肉 "慕名而去電視台 , road show , 飲食男女都報道過<陳六記>究竟一間裝潢環境一d都唔起眼既上水老店點解可以吸引咁多媒體去報道呢?吸引左我好奇心黎到一定要試下佢既皇牌主打五層燒肉皮脆 !因為脂肪分佈均勻 , 肉質夠鬆豬肉味濃仲好香炭燒既味道依個不得了鮮甜無比( 應該要預早打電話訂 )鮮竹金菇娃娃菜煮龍躉湯頭鮮甜可能龍躉皮既脂肪較多煮出黎既湯非常濃厚無半點腥味仲帶小小胡椒香吊味魚肉新鮮 娃娃菜金菇吸晒鮮甜既魚湯好好味薑蔥桶蠔"炸炸"聲煲仔上蒸元貝元貝新鮮(海鮮新鮮真係好緊要)大大隻元貝蒸既時間啱啱好加埋d蒜蓉粉絲一齊食 , 正睇下幾厚肉 ! 蒜香骨 小炒王夠鑊氣 大排檔最夠既一定係鑊氣鐘意飲啤酒既話送啤酒一定好正 椒鹽鮮魷正而見份量大到呢 斑球煮雜菜依個應該唔係用鮮魚所以普普通通啦當晚去既時候滿座9成陳六記咁樸實既環境經營左幾十年都可以吸引到咁多食客應該全靠佢食物質素一直保持

切雞燒腩飯，連例湯，$40切雞/ 約半隻全翼，重要係翼尖嗰邊，咸過一般燒臘飯店嘅油雞 燒腩/ 五薄片 ，但就搵唔到五層 ，不過皮厚少硬帶香脆 菜/ 4份3條，分兩件，無言 薑蔥油/ 無薑，對我而言，死罪，而喱一碟，唔係蔥油咁簡單，而係「鹽」，正確嚟講：比鹽重咸 湯/ 一定無味精，少少雪耳，少少豬肉，應該要免費添飲

下午茶工作飯！之前未到呢區食午飯，同事介紹話呢間燒肉好正，平時門口未必搵到位泊車，今日去到居然有位，入到門口見係好普通小廚飯店（似食打冷嘅食店）即係無乜裝修，門口一個切肉位，白防火板牆身，貼滿小菜名，硬板防火板枱櫈！好平實！坐得唔算舒服，但乾淨企理！既然話燒肉正，有5層肥瘦相間，就燒肉叉燒飯：之後店員同我講叉燒無肥，只有瘦叉，上枱見真係好瘦，幸好唔嚡淋身！不過外層唔夠蜜汁！好像食瘦肉片，燒肉切得比較薄碎，無跟芥辣，淨食一件，外皮脆，中間肉淋身，但肥瘦無5層咁多，大約有三層！肥肉好像啫喱，但無整體咁豉油汁好咸，雖然撈了白飯都好咸！而且一條菜都無，全部肉好膩！無祈望中咁好！反而個例湯「雪耳豬骨湯」唔錯，好清潤，唔味精，有一大朵雪耳，煲我透，好爽滑！平時唔like 飲中湯嘅我飲晒成碗！店員好爽手，收碟都會問一聲，我叫攞蔥油都好nice!

大約七點.晚上.坐左兩三台客..同我同台個兩母子都係一人一碟腩仔飯..我當然一樣..本身入去前出面d宣傳都講自己腩仔係賣點..咩六層口感咁樣..叫左碟38$左右..送湯..個湯廢的..又無乜味..又唔夠香甜..不過無他..我樓下茶樓燒臘飯送碗湯都一樣係唔掂..偏咸..可能做得燒臘飯跟既湯你唔好期望太高就是了..到主角..碟野來有6-8件腩仔..脆度有3.8星..相對我樓下街市30$淨燒腩仔巳經有約十五至二十件..仲要脆度起碼保證四星..而佢其他層次都係小肥膏同d肉..無乜特別..又係個句..唔旺既區..真係人客多小反映一切

適逢去上水…打開openrice搵下上水有咩名物…搵到傳說中上水陳六記“五層樓“燒腩仔…心裡很是期待… 浦到步…外觀一般中式飯店模樣…顧客大多中年盛男…當中不乏“一支公“的老伯…多數人在吃燒味…其中燒腩仔最旺場…好…坐下了…依樣畫葫蘆…點了“招牌五層樓“燒腩仔飯$36…我honey就點了叉燒雞飯$38… 均奉送例湯（雪耳冬菇煲豬骨）…來了…燒腩真的層層分明…也不止五層吧… 好…先喝一下例湯…嗯…死咸…沒有鮮沒有甜…相信也許沒下味精…有的話肯定比現在鮮甜得多…但至少也下幾顆蜜棗吧…原全無層次（送的就好過沒有吧…不喜歡可以喝茶） 來到戲玉…我豪邁地把一塊燒腩放入囗…嗯嗯…有點古早的味道…皮是脆的…厚的…也略咸的…但肉就帶嚼勁…有點鞋…多渣…有點老…略咸…而且略帶騷勁… 味道真的好一般（容記好吃多了…太興也比它好吃）但它的皮卻是與眾不同的…上層香脆芝麻皮…下層就似花膠帶煙韌…但騷得很…再看一下食評…有人說此燒肉帶有怪味… 不無道理…此肉的口味…真的略似有怪怪地… 沒有胯張…而另外…叉燒頗硬…雞也没驚喜…順帶一提…薑蓉超咸健康著想者不要多吃…而湯與飯上桌是熱的…燒味是不熱也

五層樓所謂鎮店燒肉極之普通，豬皮唔脆之餘仲要冷冰冰白灼蝦完全無鮮味，好耐無食過咁難食既蝦香橙雞只有橙無雞，雞肉多肥膏味咸衛生環境認真麻麻，餐具有好大撻"積"一定要用熱水洗一次伙記禮貌一般，不過不失價錢以咁既質素，算係貴唔低食！冇下次囉

平時經開這店都沒留意什麼,但看了電視介紹,就得去試下了 (電視效應@@)我和友人比較早去,7:15pm,人流不算十分多,原本想點個二人餐的,但分量太多了,結果就選了客飯小菜和燒味雙拼算了這是沒加味精和味料的,別人喝會覺得淡,但我覺得這樣不錯呀,喝到老火湯的原味 (雖然我平時不太喝湯…)(嘛你還好意思說)嘛...燒肉不像別家的總是重重的咸味,而是吃到豬的肉質味道( ¯(∞)¯ ) - 燒肉皮很脆呢((✪ω✪)),(超讚的)~✿✿✿,而油雞肉質彬了一點,味道淡了一些(我較喜歡切雞的說)(你嘴太刁罷!)(喂)牛肉炒西蘭花,鑊氣夠,味道不會咸(應該是沒加太多味料的說)牛肉有一點點的韌,但這樣就應該沒有落鬆肉粉,是新鮮肉質吧!!!・'ω´･

上水石湖墟，在下也來過不少次，是日走到來，除了公幹外，還要到區內名店用餐，才不會白行一趟。石湖墟小小的墟市，說它縱橫交錯的街道，行錯了或迷了路的，也是平常事，就算在下怎樣熟悉方向和道路名稱，也會偶爾失手，行了一些寃枉路。而陳六記就是在這些縱橫交錯的街道上，屹立了數十年，也令在下都要慕名前來。話說早前在下也前來造訪過，可是從燒臘櫃中看不到燒臘，想必賣完售罄，當時正值下午三時多，唯有寄望下次再來。到了今天，終於就啱時間，下午點八便來到，看到櫃裡燒臘，必定有在下想吃的東西，就進入了店舖。坐下了就立即叫了一客五層樓的碟頭飯，所謂五層樓就是有五層的燒肉，肥瘦相互相隔，形成五層，所以冠名五層樓。五層樓用上了炭燒方法燒烤，因此味道會有炭燒味，而且肥瘦肉相隔，入口即溶，而且皮也燒得很脆，也把皮燒得起了芝麻，因此稱為芝麻皮。而這五層樓不像外邊的那麼鹹，味道來得較淡。縱使這樣，也不減其炭燒味道，是十分好味的一道菜式。隨燒肉飯送來的一碗例湯，是合掌瓜煲豬骨，味道清淡而甜潤，是完全不加添味精或者其他化學品調味，是一道可以說是完全的清淡的湯水。一個簡簡單單的炭燒五層樓燒肉飯，一間簡簡單單的飯店，已經令在下十分滿