陳六記飯店

營業中

休息中

電視介紹完，既然家住北區就去試吓，一斤$176，可能電視效應馬上漲價一成👎🏼，買了半斤$88回家試，我個人認為比較肥，試過就算了，稻香燒腩仔比佢更抵食更好食！

突然心血來潮想去朋友講左好耐既上水老店陳六記食“燒腩仔”🤭我地兩個人食，叫咗超值之選套餐配兩款小菜由於嗰日落雨，天氣涼涼就想食下啲暖胃嘅嘢食～所以我哋就叫咗最出名嘅炭燒五層樓、梅菜扣肉同埋潮式粉腸豬肚煲✨落咗單一陣，就嚟咗兩個例湯好足料😻兩碗例湯都有好大舊雪耳 好入味炭燒五層樓🌟🌟🌟皮好脆，又吾會好硬 豬肉同肥肉既比例啱啱好配埋黃芥末一流👍🏻係我食過最好食嘅“燒腩仔”梅菜扣肉嘅肉就反而有少少硬🥹潮式粉腸豬肚煲😋其實好似係胡椒豬肚湯，個湯一啲都唔味精 飲飲下攞咗嚟撈飯🤤🤤🤤👍🏻入面粉漿同豬肚嘅比例都差不多 食到尾都仲有！

上水名物了算由細食到大可惜覺得總體水準在下降燒肉脆還是很脆，但過於凍覺得自己外賣回家再爆炒下會好味d鐵板牛仔骨就一般茶記水準反而釀鰱魚魚很有驚喜功夫菜第二度好難搵到有鵝腸也很不錯我自己就鍾意叫少肥可以試試

🇭🇰 陳六記飯店·我哋嗰日去咗華山軍路行山 所以就順便嚟咗上水呢頭發掘下新既嘢食啦😎·炭燒五層腩 $80/半斤呢個係我哋最後行完山外賣嘅 佢個燒腩仔係幾好食既 佢個皮真係超級脆 而且佢啲肉真係一層層 咬落去有化開既感覺🤤🤤不過呢個就真係要買完快啲食 因為佢攤凍咗之後肥肉嗰部分會有啲漏 所以大家如果住得遠嘅話 都係堂食比較好🙊·📍上水巡撫街4號·#rby💛#rbyeat #rby好去處#rby港式#rby上水

行完古洞水塘後，小巴落車就係附近了$160一斤，有啲貴食個燒肉鴨飯先再諗買唔買5點坐底，飯都唔夠熱，唔緊要吧鴨肥唔蘇，肉有啲似鵝。如飯夠熱，會更有鴨油香燒肉，以為肥，食落唔熱都入囗會溶，正，皮係鬆脆唔洗再諗一斤外賣!

本身係燒肉迷，聽講陳六記係50年老字號，燒肉五層樓想試好耐，舖頭雖然樣子平平，但內有乾坤。.餐廳環境好有懷舊feel，舊式餐廳，一入去就有侍應過黎幫你落單，落完單就會俾碗湯你，叫左個燒肉飯，撞正燒肉新鮮出爐，皮脆味香，有碳香味，唔錯！仲有碗湯送嘅，湯就正正常常，渣唔多，有d雪耳，清清地算唔錯畢竟係送嘅。.食完叫多半邊燒鵝返屋企做送，燒鵝都不過不失，翻到屋企仲暖暖地，皮都算脆，下次可以再食。價錢都算合理。值得再試。

五層樓$160一斤😄.去開新界特登入上水買燒肉名物食團年飯，我見到佢有80幾蚊一個例牌$160一斤。以我執輸行頭，慘過敗家嘅性格，所以買咗一斤，咁遠喺東區過嚟，唔係唔買一斤呀嘛。🙃.前一日打去問咗11:00同16:30都會出爐，16:30去到冇乜人排隊，買到返屋企個份量真係好足，而且個樣都好靚😆.五層肉真係唔係浪得虛名，層層都好分明而且個皮仲係脆脆地，最緊要個炭燒味好香，我相信如果堂食一定仲正！😬.Cp 值及夠飽: 佢價錢唔貴，而且好足份量👏🏽.翻啅:一定會再嚟買😁

朋友到訪上水食晚飯，我提議去陳六記，因為他的炭燒五層樓(燒肉)真的令我回味無窮。晚上六時到達，過了燒肉的出爐時間，五層樓失去了溫度，但其皮仍然香脆非常。五層樓其實是瘦肉和脂肪梅花間竹的一層一層，共五層，所以被稱為五層樓。另外點了鐵板釀鯪魚，外間很少地方會做這個功夫菜，將鯪魚原條起肉，攪碎後再釀回鯪魚的身內，煎香後鐵板上，味道不錯，要注意有少量細骨。最後還點了羅漢花春花卷，其實就是厚身的炸腐皮卷，餡料是蔬菜絲，味道還可以，不過略嫌炸皮太厚，幸好不太油。

作為一個燒肉怪，網上睇到話五層燒肉好出名，一直好想試，但上水近年已經香港人勿近，襯近年冇哂外人，今日專登開車山長水遠入嚟試。先上五層燒肉，味道淡，皮算脆，但完全冇驚喜，一D都不似係新鮮豬肉，莫非其他人未試過太子永合隆？還叫了椒鹽鮮魷，炸粉樣子表面可以，但魷不新鮮，瓜粒湯飯味精水都算了，絲瓜未熟，竟然見到有幾舊豬肚！但一食即吐，夠膽死又臭又尿騷味！唯一蒜蓉炒芥菜胆好食，菜本身夠嫩。埋單4個人@378，但這質素，不可以！

燒肉大家可能食得多，但五層嘅燒肉又食過未呢？😻上水就有一間開咗超過半世紀嘅鋪頭🏠陳六記飯店🥢佢最出名就係五層唔同口感嘅燒肉🐖、仲有一條攞過獎嘅魚🐟👆🏻六十年代嘅門面，白底紅字嘅招牌👇🏻一到夜晚，👇🏻呢條巷仔同對住馬路條行人路就會開晒檯，所以坐出面食特別有風味😆👇🏻門口隔離就係煮煲仔飯啲爐🥘望住一個個煲仔，真係好想食返個飯暖下身😻👆🏻陳六記除咗有出名嘅燒味之外，仲有普通中式飯店都有嘅炒粉麵、小菜、煲仔飯、砂鍋粥等等～👇🏻👇🏻炭燒五層樓🐷燒肉層次分明，而且佢地係用新鮮嘅五花腩，所以肉質唔會太淋👍🏻腩肉要醃一晚再燒三次，所以第一層外皮非常爽脆，仲脆過薯片😆 之後嗰層肥肉唔會太油👍🏻 而中間嗰層係最嫰滑嘅一層，唔肥唔瘦😹😹 第四層就係un un地嗰層，有啲會有軟骨，但唔會太硬👍🏻 最尾嗰層係最瘦嘅，唔鞋亦唔乾～👆🏻鐵板釀鯪魚🐟呢個就係店員同我講攞過獎嘅魚😹第一任老闆六叔係順德人，而鐵板釀鯪魚係順德菜，特別在將成條鯪魚先拆肉同拆骨，之後釀返啲魚肉落去，再變返一條魚～😹聽落簡單，其實好巧功夫架👍🏻而且啲魚肉都幾彈牙，唔會一pat pat，呢個先係真正嘅豆豉鯪魚啊～👇🏻👇🏻雞粒肉餅煲仔飯🥘呢個

陳六記是於石湖墟的一間老字號飯店，以炭燒五層樓燒腩仔聞名。菜牌菜式十分之繁多，熱門廣東小炒菜式一應俱全。餐廳裝修比較老舊，照觀察是主要面對區內年長街坊熟客生意。叫了一碟包含他們招牌菜式炭燒5層樓的單併飯。第一感覺是燒腩仔切得太薄而且已經放涼，飯亦只微溫，已大煞了一半風景。但這燒腩仔的確是有一手的，有肉味，鹹淡適中，而且最特別是充滿了炭火的獨特燻香味，尤其以燒豬皮最香且脆。例湯沒加味精。價錢是略貴的，但能嘗到有特色的傳統且聞名的製作，亦算是有收穫的一次用餐經驗。

位於上水巡撫街嘅陳六記絕對係呢一區嘅老字號，佢最出名就係燒肉，新鮮出爐嘅時候最好食，就算買到返屋企雖然凍咗，但係塊皮仍然脆。佢嘅五層燒肉無論係最外面嗰層皮之中間嘅脂肪仲有就係跟住嘅瘦肉都燒得好好食。除咗燒肉之外，我仲會叫佢嘅釀鯪魚，佢嘅做法係將啲魚肉釀入條鯪魚度然後再炸，我感覺其實有啲似煎釀三寶，喺我印象入面呢度菜喺出邊其他地方好少食得到(可惜今次食嘅呢一條多咗少少骨，有少少扣分)。

每次黎陳六記，一定會打電話問定佢地幾點會有燒肉出爐，所以今次都唔例外，事關一般黎講都係黃昏6點出燒肉，但係今日因為早咗，所以打電話問定先。接聽電話的人話今日4:30有一轉，因為係清明節所以會燒多D，正，Fit晒﹗一入到去大約4:30，未坐低我就已經問伙記燒肉出咗未，佢話出咗，於是我就話要啱啱出爐的燒肉一碟(因為以前試過比佢老點，來了一碟好明顯唔係新鮮出爐的)，燒肉好香，塊皮脆得黎夠晒鬆化，舊燒肉的脂肪量尚算適中，味道少少鹹，好食，果然真係名不虛傳。

熱騰騰的煲仔飯肉嫩香口，而且菜心新鮮，白飯不硬不黏，再加多少少醬汁就更好味，而家天氣愈來愈凍，最岩食煲仔飯。環境像大排檔，環境衛生情況可以，愈夜愈多人，需要在外面排隊，唔介意搭抬就會快等到位，一個煲仔飯不算便宜，食完會好飽好暖，味道覺得不過不失。

素聞小店的「炭燒五層樓」做得極好，層次分明，大小適中以及肥瘦均勻，因而慕名而來。到店後點了三道菜，分別是炭燒五層樓、金菇肥牛煲及燻蹄飯。炭燒五層樓外貌確實不錯，但調味似乎做得不足，亦由於切得過小，以致影響入口口感。燒肉之中算是中上至於金菇肥煲則味道奇怪，而且酸度異常，主要是由於加了菠蘿。我不清楚加菠蘿是否正宗做法，因此不加評論。但我卻基本上很少吃到加菠蘿的金菇肥牛煲，而味道上一點也不「夾」。至於燻蹄飯更是泛善可陳。比較令人難受的是，餐廳衛生頗差。我並不是對衛生要求很高的人，大排檔等我都經常光顧。但一進店面便充滿「油億」味，已大大影響食慾。此外，不論碗筷到餐牌都很油。我並不想對小店特別苛刻，但始終感覺小店有些最基本的事情沒有用心做好。