陳記魚蛋

營業中

休息中

在等朋友下班的時間總是漫長，百無聊賴的，加上又有少許肚餓，更加想吃點街頭小食過一過口癮。雖然陳記魚蛋分店蠻多，個人一次亦未曾嚐過，不過朋友曾跟我說如果連鎖的魚蛋店來說，陳記魚蛋算不賴。為免吃太飽待會吃不到晚飯，故我只買魚蛋，螺肉各一串，魚蛋7元，螺肉8元，以深水埗小食價錢算是可接受價格。有別於平日吃的魚蛋，陳記魚蛋不是浸泡醬汁滾燙，而是辣汁另上。辣汁有小小辣，小辣和大辣可選，由於我未吃過這裡的辣汁，安全起見吃小辣試其辣度。辣汁挺惹味香辣的，魚蛋，螺肉沾上辣汁頗美味，不過我還是喜歡傳統滾煮醬汁中的魚蛋，較易入味。

去開深水埗做嘢，好掛住陳記魚蛋嘅辣汁就行去幫襯下。佢係地舖，所以要搵都好易搵到。佢嘅特製辣汁好特別，食到有薑絲，麵豉， 所以除咗辣味仲有甜味，總之係好惹味。仲有得揀小小辣，小辣同大辣。今次揀左小辣，辣到個頭開始出汗，真係好爽。我就唔敢試大辣喇。魚蛋($7)雖然細細粒，但好實淨有咬口，仲有少少果皮味。牛柏葉($8)質地夠爽，啲蘇蘇啱曬要嚟吸辣汁。齋($8)即係麵筋。唔會有一陣油益味，最啱要嚟吸辣汁，即係個主菜呀!

🍡辣汁魚蛋（$10）（🤤：6.5/10）🔽魚蛋只係普通貨色，色水都唔係幾靚，魚蛋質地偏實身少少，唔太彈牙 無咩魚味 只係帶有好淡既陳皮味。比較出色既應該係個醬汁，有幾個辣度選擇 包括 小小辣 小辣 同 大辣。今次揀左小小辣 就算小小辣但對阿Lu黎講都幾辣，醬汁既沙茶味偏重 辣得黎帶點甜 仲有幾重既香料味，聽講係有加椰漿令佢有啲甜味 同中和一下味道。🔽唔太大特別 不過個醬汁幾好味 辣得黎令人好想繼續食，可以試下。📍陳記魚蛋📍深水埗欽洲街114號地鋪

秘製醬汁極之濃，應該是用很多香料製成的，今時今日魚蛋，已經需要七蚊一串，有六粒。他們的魚蛋不會是發大然後非常淋的，是細細粒。他們的辣汁也是非常馳名，電視也曾經訪問這間小食店， 辣方面可以選少少辣小辣或大辣。

黎到深水埗，行行下想食下野，咁搵魚蛋燒賣食就最好不過啦！以前幫襯過呢間d魚蛋有腥味而家進步左無腥味，辣汁仲有幾款辣度咁叫左串魚蛋同燒賣，今次試下個少少辣先，都有辣味，唔會太辣，個汁仲有d藥材味，竟然有驚喜喎

讀書時經過成日都會幫襯佢食返串魚蛋先返屋企，今日行經附近仲特登兜過尼懷緬一下。要左串辣味魚蛋，魚蛋完全同之前的味道有很大的落差，以前既魚蛋係彈牙同有魚味，而家既魚蛋無尼味道，仲要淋身身，好似食緊舊粉既，唔知係滾得耐得制定係用料變左，總之一句講哂，唔掂囉。再講個汁，以前辣汁，辣得尼有好香既香料味，而家除左陣辣味，我都食唔到有咩味係裏面啦係咪所有小店發大後都係每況愈下，想重拾當年既回憶真係越來越難，今次真係乘興而來，敗興而歸。

可惜可惜，創業難，守業更難果然是現實社照。計早排既魚旦文，抽起條筋去食個陳記。當年的獨家秘方，橫行魚旦界。今日一試，雖然還是專有的醬汁配上粗粒洋蔥，但係調味不對，不甜不辣，沒有吊胃口。而且魚旦很林身，似是在煲內比滾水摧殘左好耐。發漲的魚旦只用醬汁蓋過魚旦本身味道。食不出魚的鮮，亦食不到應有的彈牙。只有獨特的醬汁，不能平反大局，難怪人流變得略為稀少。在大街上，將一串魚旦放在半滿的醬汁碗上，其實真係不太衛生....慨嘆回憶只能回味。

街邊小食就一定要吃魚蛋，今日經過街邊見到此間魚蛋鋪彼有知名道，終是乎叫左一串魚蛋食。呢度有分3種辣道，有小辣，小小辣，中辣。我選了小辣。辣汁味道有沙嗲味+豉油味+辣味，好刺激。魚蛋肉質偏實，好有肉感，而且是彈牙的。

👉魚蛋+燒賣+腸粉 ($22)雖然叫陳記魚蛋 但魚蛋唔太彈牙同入味燒賣同腸粉尚可💁但其實佢既賣點係辣醬分別分左小小辣、小竦同大辣‼️每次只有一勺 另加要再加$5

呢間小食店,我中學未出名時,成日來幫襯,因為平,同個汁好味,多數叫腸仔,會送粒魚蛋,出左名後,貴左但仍有幫襯,直至到冇左唔辣汁,就幾年冇食過,今日經過,就再試下味道,叫了我最愛的麵根,燒賣同招牌魚蛋,要少少辣的汁,服務就冇,可以叫差,永遠要求客人齊頭數,即37,收你40元,比多少少你咁,當試食少少辣,估唔到同當年唔辣味差唔多,仍是帶甜加陳皮味,即有種失而復得的感覺,但始中是辣,我少少辣都唔係好得,但都覺好味,所以又幻得幻失,配麵根最夾,燒賣都ok,反而魚蛋就唔大夾味總結唔好要求服務,也不要求食物,佢係食個汁, 當午餐也可

陳記在這區也算有名，難得是今時今日竟然還是賣五元一串魚蛋，單是這點已經值得加分。不過，此店魚蛋辣汁質素波動，時辣時香時普通，好吃時辣香跟辣椒香令人即食即安歌，差勁時，絕對可令食客變爆粗Eat友，運氣才是王道。今天的大辣不太辣，但夠香口惹味，辣椒的餘勁不足，火辣的感覺入口即過，如果不求強辣，其實是不錯的，魚蛋質素還是差不多，一般到不行，考慮到只賣五元，很OK了！

佢個名一早聽過, 亦幫襯過佢好幾次魚蛋, D魚蛋都叫不過不失, 事緣想食下第樣, 所以買左碗生菜魚肉, 點知....一試難忘!!一路睇住佢整, 臨尾見佢落麻上油已經心不妙, 一打開碗野, 果然勁重麻油味, 跟住食D魚肉,超過8成都係粉!!碗湯就成碗都係味精水, 生菜就OK， 只係索晒D油, 令立立咁姐呢碗咁o既野仲要賣成10蚊, 想人再幫襯都幾難....

明星效應,名不符實魚蛋本身冇咩特別可言辣汁有三種,試過大辣同少辣兩種,少辣-香芧等咖哩香料味好足,但係就好少辣味同埋可能香料太重手有D苦味大辣-同樣係香料味足,辣味加強,但係苦味都強埋總結:如果辣汁可以冇苦味,加強辣味同甜味就唔食都冇損失,辣汁有待改善,可能因分店太多未能控制品質水準

由於家住長沙灣，故每次路經深水埗也會吃一串魚蛋加一條腸，也和當時尚未發圍的陳記年青老闆（瘦仔）經常談話。陳記的醬汁老闆說是親自秘製，絕不外傳。自阿蘇介紹過後，人多了，質素卻開始下降了，魚蛋的味道轉差了（不是太多，但由於平均一星期三次以上吃，感覺到的），醬汁也有小小改變，縱使仍是全行之冠（個人認為），但比以前差了，沒有以前年青拼搏的誠意，多了大量而公式化的味道，叫人婉惜。已很久沒見老闆了，可能多了幾間分店忙的關係吧！但希望老闆能不斷改善醬汁，精益求益，不要固步自封，令一代神話幻滅！最後一提，陳記新加的撈麵不甚好吃，但嚴重影響熱水的質素，令其他食物如牛丸、牛拍葉、豬皮有少許怪物。為賺多少少而這樣做甚為不智啊！

每每路過陳記都會幫趁下, 多數都係牛丸, 但次次買完都好後悔, 唔係牛丸唔得而係每次都order大辣, (因為試過小辣覺得冇咩辣) , 但次次都食到第2粒就想放棄, 因為真係好辣, 食到個胃著晒火, 今次又係大辣, 個胃燒左4粒鍾, 真係自己攞來攪, 救命呀......如果可以將大辣降低辣度10%就好dee啦