陳鵬鵬潮汕菜館

營業中

休息中

我同朋友都未食過，聽到好多人講話性價比高既餐廳陳鵬鵬潮州菜館已經攞過大獎嘅潮州餐廳，呢間位置將軍澳POPCORN 商場超級方便，SHOPPINＧ後可以食飯餐廳主打潮汕菜，承諾餸菜不加味精及雞精，以健康手法烹調食物真真正正食到正宗潮汕美食店內擺滿好多新鮮又多種類食材餐廳環境寬敞舒適，地方大大燈光鮮明坐底後店員送來香茶 及 肚臍餅價錢同食物都性價比高一定要讚所有員工都非常有禮貌服務好周到金不煥炒白茄子榮獲香港潮州菜大賽銀獎鯧魚煎到金黃色非常之香，鯧魚切成一件件脆口而且肉質嫩滑文昌雞半隻 $128雞肉既肉質軟嫩有豐富口感雞胸肉都味道清新而不油膩南澳蠔仔烙 $98外層金黃煎得香脆，大大粒蠔仔口感豐富而且非常飽肚金不煥炒薄殼米 $68配飯一齊真的不錯，韮菜粒好有口感少少微辣嫩滑粒粒鮮甜潮州菜必食滷水鵝好香又多肉汁，滷得入味 滷水鵝肉份量很多，熱騰騰肉質鮮嫩酸菜炒肥腸煲 $88酸菜炒大腸好食又開胃配埋飯一流肥腸很爽口很有嚼勁陳鵬鵬潮汕菜將軍澳唐賢街9號PopCorn 1 PopFood 2樓5號舖

前排帶丫姨初次北上, 被深圳美食所吸引, 為避過假期北上人潮, 但又能品嚐深圳當地美食嘅味道, 今晚就同丫姨去咗食深圳過江龍嘅「陳鵬鵬」。餐廳主打潮汕菜, 標榜餸菜不加味精同埋雞精, 全日不設加一服務費, 餸菜超時上檯唔收費等承諾, 感覺親民。入座隨即送上功夫茶同埋肚臍餅享用。【金獎鹵鵝拼盤】HK$128潮汕菜必點之一, 同時亦係呢間餐廳榮獲金獎嘅菜式。拼盤包括有軟滑鹵糖心蛋、鵝翼、爽口鵝腎, 同埋肉質嫩滑嘅鵝肉, 鹵得入味唔會過鹹, 墊底仲有兩件鹵豆腐。【南澳蠔仔餅】HK$98蠔餅炸得金黃鬆脆, 表面有油光, 蠔肉juicy有鮮味, 份量比例都唔少。【香煎金鯧魚】HK$128榮獲香港潮州菜大賽銀獎, 幾乎每檯食客必點之一。鯧魚煎到金黃, 外層微脆香口, 魚肉嫩滑, 唔多骨, 不錯!【潮汕七樣菜】HK$68匯集七款不同蔬菜類, 包括有小棠菜、娃娃菜、芫茜、白菜仔、西洋菜、菜心同埋韭菜, 白烚後加豉油, 清甜得黎, 芫茜味好重。【海鮮砂鍋粥 (小份)】HK$98砂鍋粥熱辣辣上檯, 海鮮有開邊蝦, 爽口彈牙; 仲有蜆同埋蠔仔肉, 粥底綿密, 鮮甜味十足!! 而且加上大量莞茜, 清香提鮮,

晚上未夠6 點走去食，剛好唔駛等，有得直入，簡單嚟講，成間嘢係無service 嘅，例如，坐低後無人理你㗎，無人叫你用QR code, 無人話你知啲茶水可以喺出面自助，啲伙計收你嘢唔會問，啲餸又求其放喺無人坐嗰邊嘅枱邊。講吓食物，大家可以睇吓個白灼魷魚，半條，得8塊好似食剩咁放喺個大碟，最期待嘅鹵水鵝，老實，真係無乜特別，求其一間打冷鋪都可以好過佢。另外衛生都係差啲，我哋後尾加咗一換甜品綠豆爽，碗嘢拎到嚟，揸住隻匙羹個位，係有紅豆沙癡住嘅。最有趣係，我1750入坐，有個負責門口安排入座嘅姐姐喺1825 走嚟話夠鐘，話我啲嘢齊晒。喂，乜唔係90 分鐘咩？妳唔好見有人等位就趕我走先得㗎！係咁先，無下次！

非一般嘅蠔烙煎到兩面金黃煙煙un un 因為加咗木薯粉表層酥、鬆、脆餅底煙煙un un入口爽脆唔油膩新分店喺PopCorn位置建議大家問concierge因為我都揾咗10分鐘先達陣二訪菜色就唔多介紹鹵水拼盤、煎金鯧魚同海鮮砂鍋粥都係招牌有趣嘅係個鹵鵝拼盤唔同分店嘅組合都有啲唔同不過走唔甩嘅係個鹵水鵝片金鯧魚係我嘅最愛魚皮香脆魚肉軟稔潮洲菜必叫砂鍋粥粥底香軟綿有鮮香題外話餐前小食肚臍餅絲絲紅糖甜好有細個食紅糖糕嘅感覺

潮汕菜為中國一大菜系, 海鮮和滷味是其中特色, 頗受食客喜愛, 菜館位於將軍澳PopCorn 1, 門口陳設著海鮮檔和一系列潮州小食排檔, 很有特色。海鮮砂鍋粥蝦和花甲好新鮮, 加上薑蔥芫茜, 粥底綿滑, 有潮州粥風味。香煎鯧魚鯧魚煎得好香口, 皮脆肉嫩, 鹹度調味適中, 肉香味美。南澳蠔仔烙 外層酥脆蛋香, 内餡蠔肉鮮甜多汁, 加上香葱和芫茜香氣, 配以魚露鹹鮮和胡椒粉, 香脆可口。潮州鹹雞肉質嫩滑鮮味, 鹹度適中入味, 口感清新不肥膩。滷水鵝肉吸收滷水醬汁香味, 肉質更加鮮美嫩滑, 令人回味。熟醃雙蝦和花甲, 加上蔥蒜、芫茜和辣椒, 鮮甜惹味。潮汕七樣菜新鮮蔬菜加上有蒜頭香味, 爽脆可口。

點了下庄，肉柴，上枱時是冰的。雖然下面有蠟燭熱著。焗蟶子每隻都是沙。白貝冬瓜湯落單時，注明不要香菜。上枱時還是放了很多香菜。請服務員跟進，第一句話你沒有要求走香菜。讓他看看下單備註，寫明不要香菜。服務員一句唔好意思都沒有，直接拿走那大碗湯。食物、服務都麻麻。絕對有更好選擇。

如題性價比合理，茶方面不看食評不知是自助。蠔餅是不錯的，不是全薯粉，是香港口味脆的，蠔大小及份量也適中，只是不知是否珠蠔。這是一定再吃的。煎黃立鯧，顏色看上去是很好，小小啡，只是感覺魚身沾油多了，不知是怎樣煎的，能吸哪麼多油。我情願他是2-3百一碟，只是別用黃立鯧，用鷹鯧，用了鷹鯧也不需金獎啦加持啦。這個金獎，是不會再吃的啦，下次就吃馬友、烏頭。如果有浸大眼雞2-3百是更好選擇。胡椒豬肚湯，12x元吧，這也就是茶廳價錢，原材料不能有要求啦。薄殼，這一般食店吃不到，也不貴。還未試到鵝片、鵝潤、鵝腸....，就排到下次吧。

上星期經過門口見到佢新開諗住試吓去到坐低QR code落單叫咗一隻糭半隻文昌雞一份鵝紅一杯鴨屎香檸檬茶等嘢食期間拎咗杯滾水諗住沖一沖啲碗筷點知一洗隻碗就好多油漬浮喺面沖完一次都沖唔晒要叫侍應換過另一隻碗雖然另一隻碗都唔係特別好乾淨叫做洗完之後都叫勉強可以用等咗一陣侍應拎嗰隻糭嚟但係隻糭本身已經分開咗兩邊散散地感覺都有啲奇怪味道還可以隔咗一陣有個侍應拎咗杯檸檬茶去隔籬枱但係隔籬枱話佢冇叫到隔籬枱顧客話佢叫嗰個應該係檸檬可樂但係侍應就放低咗一杯膠杯原裝檸檬茶隔咗一陣再拎咗罐可樂俾佢嗰吓我就懷疑杯檸檬茶係咪比錯咗？咁我就同侍應講話我哋都有杯檸檬茶其實照計佢全部膠杯原裝應該唔使等咁耐再隔多大約5分鐘左右侍應就拎咗杯檸檬茶俾我落單之後大約過咗25分鐘左右文昌雞同埋鵝紅都未到就問吓侍應幾時有侍應話幫手催再過多10分鐘左右文昌雞終於拎過嚟食第一啖嘅時候咦點解係凍嘅？跟住就叫侍應想整返熱佢再隔多幾分鐘侍應拎返碟叮熱咗嘅雞但其實比較厚肉嘅地方都係有少少凍跟住再問侍應嗰碟鵝紅幾時有佢就問問廚房跟住廚房話原來鵝紅已經賣晒嗰陣已經成餐飯過咗45分鐘無奈只有叫佢取消呢一刻只想快啲食完快啲埋單走人呢間嘢餸菜管理真

新開嘅潮州菜，門口擺哂啲食材好吸引。坐低就有功夫茶（杯）同一塊唔知咩餅。用手機落單，但係問侍應攞張實體菜單俾老人家睇，竟然話只有一張，隔離枱睇緊要等陣😂所謂功夫茶完全冇味，所以話隻（杯）都係gimmick嘢。問侍應可否要一壺茶，冇理由功夫茶一啖飲完就要叫侍應再斟㗎嘛！侍應就話去自助水吧用紙杯自己斟無味茶，勁奇怪🤔之後另一位侍應先話其實可以$10/壺鴨屎香或另一種茶。咁點解唔一早講，又唔係唔想俾茶錢！除咗菜單同茶呢兩樣奇怪，好彩食物味道唔錯，可能太新開，侍應同服務方面都未做熟。侍應問啲食物點樣？其中叫咗豬肘，但上枱凍咗而且啲肉好嚡。咁餐廳又好老實，真係主動免呢碟收費。咁既然免咗，又想試埋佢啲鹵水，所以再追加拼盤同鵝肝。鵝肝好軟滑，有我之前去汕頭食嘅水準👍蠔烙啲蠔仔都多，亦都脆口👍腌熟花甲隻隻都飽滿，調味汁都好惹味👍拼盤每一樣都好食👍總括嚟講，都會再嚟食嘅😉

與朋友早茶慶祝生日完，路過見試業行入去睇下，點知變成第一檯客人，店長好熱情招待我地免單試食，一早聽聞深圳的陳鵬鵬好出名，忍唔住入去試試。鹵水鵝肉好好味，鹵水拼盤雖然我只中醫豬耳，但其餘朋友全部食曬話好好味，炒粿條雖然唔係好大鍋氣香，但勝在味道好而且唔油膩，海鮮砂鍋粥鮮甜，最驚喜係杯陳皮茶，好香。下次自己俾錢埋單要再黎食，免加一呢個真係好吸引，小朋友們餐前有免費零食紅糖餅，好香脆，離開仲有山楂棒，真係好開心。