陳黃記 (已結業)

巳經食過無數次，小店一定要支持。服務一向好，D姐姐又有禮又親切。近日食的家鄉雞米線的雞有怪味。知道一定不會是新鮮雞，用雪雞很正常，但有一古放了很久很久的味道。配料又是喜歡比就比，有時比一片，有時又喜歡比二片，不是既定的份量。天麻魚頭湯米線的湯又淡味，與名稱不乎。魚腩米線的魚腩又出奇的咸。這樣的水準很難保持我每星期去了。近來加了的餐單，雞亦、魚蛋……這類平平無奇的食物，特色店已遠了。開了分店，要開源沒問題但水準就要下降？

雖然開始天熱，不過女人唔補好易老，夏天都可以補一補嘅天麻川芎白芷燉魚頭藥膳味不算太濃，湯頭頗清，雖然見到好多湯料，包括藥材，魚頭魚雲都有幾塊，足料而味不太濃。，醉雞只有半隻同一隻選擇，其實兩個人食半隻都幾多。味道好濃，酒味完全滲入雞肉，但雞胸肉肉質偏鞋，雞脾就OK。炸三寶，炸係指雞潤係炸，店員姐姐話香口D。的確炸潤係幾惹味，雞腳賣相一般，但係爽脆質地加埋入味都值得一試，最好食食係個雞腎，麻油味好香又好爽口。總括魚頭湯係扺食嘅，醉雞就多人叫好點三寶可以滿足為食多類嘅慾望，但唔貪心嘅，雞腎都係個好選擇

係聯和墟經過幾次都有意想試下，但每次星期日都人山人海，今次星期六經過終於有機會試吓。流心醉蛋$10酒味唔算香濃，但如果鍾意食台灣7仔的溫泉蛋就推介一試古法醉雞米粉$43只要對雞的質素不要有太高期望就ok，感覺是冰鮮雞所以沒有什麼雞肉，不過醉雞夠入味，個人喜歡將醉雞汁加落湯麵度一齊食，湯底相對比較淡，侍應推介選擇米粉會入味些天麻川芎白芷魚腩湯(藥膳)米線$43藥膳味不算太濃，魚腩都算幾滑而且足料，但食的時候小心有魚骨，這個選擇了米線，因為藥膳比雞湯濃味所以味道還不錯菊花茶$16有杯裝及枝裝的，我們兩個人就叫了一支share，雪得夠凍非常透心涼，個人略嫌甜了一點有機會便再次光顧，想試試豉油皇豬軟骨及南乳炸雞球，因為見到隔離枱的貌相很吸引

成日聽D人講荃灣多米線店，計我話其實區區都多，只係差在出唔出名姐。認真行，會發現粉嶺開左唔少米線店；今次就黎到一間比較特別，有藥材湯既米線食肆。😋小店比較出名既係魚頭湯，入面加左唔少既藥材，但由於朋友唔食藥材，我又唔中意飲魚湯，所以我地兩個都無試到😅。結果我叫左豬軟骨，朋友就炸雞球菊花茶 ($8)朋友話有少少喉嚨痛，所以叫左杯黎清熱氣；飲落似係自家整，菊花味好濃，有少少回甘，唔會太甜，而且係微暖，岩哂今日呢個小小涼既天氣飲豉油皇豬軟骨 ($43)豬軟骨大概有三至四件，件件都厚身；望落唔錯，好似炆左好耐好入味咁。果然!! 豬軟骨肉質炆到好腍，一D都唔痴牙；軟骨炆到腍之餘仲仍然保留到少許膠原蛋白既彈牙感；連住既肥膏更加入口即溶添~~好邪惡呀而且個味唔會得個鹹字，我之後仲要將D米線撈汁食，相信撈飯會更好味米線個湯飲落似屋企煲既冬瓜湯，清清地，唔會好鹹；最值得一讚既係D米線煮到岩岩好，好彈牙!!南乳炸雞球 ($43)呢個亦都係小店既特色小食之一，雞球有四大件，每件既炸衣都好薄，有別於平時見既厚粉炸雞球，呢個食完唔會成口粉。入面既雞肉好嫩滑多汁，食落似雞脾肉，一D都唔乾；個南乳醬唔知加左D咩去調

近呢幾年好多米線鋪， 食得多都會食到悶悶地， 前排見到電視介紹過覺得幾新鮮，所以特登去試下。 叫左一個藥膳魚頭米線同醉雞米線， 都幾特別。 依家好少地方有魚頭食， 個湯d藥材味唔算太濃， 個人接受到， 幾好食， 醉雞就反而冇咩特別， 清湯幾好飲，d雞都大隻， 唔鍾意米線可以選擇湯飯都幾好， 係遠左少少。 野飲有菊花茶/山楂水， 同d米線又幾夾wor, 抵食，得閒會再去食過

今日同朋友黎試下佢既古法醉雞米線，炸魚腩等。環境寬敞舒適，備有小碟裝殘渣骨頭十分衛生多次落單加單但侍應態度很良好亦有禮貌。雞皮爽口雞肉嫩滑十分入味，不過少肥米線湯底清淡d，足料有味，飲落食落都唔會口渴，湯都幾好飲，嫌唔夠味可以加d辣椒油，覺得幾滋補。今日時蔬菜心/生菜，揀左16蚊一碟既生菜share，冇咩特別，不過一個人食可以跟平d細份d既菜。炸魚腩有4大舊，可沾d椒鹽。朋友食既只有2，3條細骨。但我好幸福地每一啖都超大條骨，而且好硬好粗，要好小心咁食。而且仲有少少魚鱗，不過因為係炸既，魚鱗都炸到脆卜卜。因為太多骨而非常失望，驚食到魚骨而影響到心情，根本冇認真品嚐，食完好似冇食咁。兩個朋友都嗌左雪梨山渣水$16一樽凍既，但味道超級甜，朋友覺得甜到入唔到口，所以飲左兩啖就冇飲到。埋單4人$260左右，都算抵食既，值得一試。

非常美味! 天麻川穹魚頭湯咪線清甜鮮味，雖是魚頭但一點腥味都沒有，價錢合理，會再幫襯 還很貼心提供小碟子放魚骨，乾淨。炸潤入口即化，喜歡食的人一定要叫。 雞腳一點也不硬，味道夠。 雞腎沒有想像中麻香，但挺爽口，可以再叫。店舖乾淨整齊，落單上菜都很快。 下次試試其他的?

每星期都會去食雞米線、魚頭米線。本星期鬼上身居然點了豬軟骨飯。唉……平平無奇，味道一般。$42元衹得三片，其中一片才有軟骨。其二衹是一般般的豬肉兼鞋鞋地。衹能說點錯了，蘇c父的節目【中伏】。

試了醉雞麵，今次再來試另一款：天麻川芎白芷魚頭湯。喜歡飲湯，呢款麵啱我口味。聯和墟好多好野食，有豬手、腸粉，不過出名後人太多，我食野就唔想排唔想等。這家店人不多，地方整潔坐得舒服。又難得，可以轉米粉，米線我就一般。米線吸湯力更好，配靚湯就prrfect。如果唔鍾意藥味，這款就唔啱你啦。我就一試停唔到口，成碗湯清晒；而如果唔識食魚頭，呢款又係唔啱你。食完成完，十分滿分我會俾十分。今次也叫了雪梨山楂水，飲完湯再喝杯潤喉的，好滿足。除了麵，佢d小食我都想試，下次多些人才試，有個叫好膶脆的好想試下呢。

作為新界西的朋友，出入粉嶺聯和虛動輒一小時。是日八號風球剛下波，友人提議駕車到聯和墟陳黃記一嚐川芎魚頭湯。其實太太時有頭痛，自己都想在家燉川芎魚頭湯，我二話不說換衫出發！陳黃記店面頗大，水泥地，白色牆，灰色柱加上木紋傢俬，簡單卻大體。裝潢大玩中國風，掌櫃櫃枱裝飾成一個大酸枝木櫃樋，牆上書法和水墨畫，連時鐘數字都是一至十二的書法字成。中國風是拿捏得不好就是老土，這家小店未見食物已贏一仗。餐牌套餐只有五款粉麵飯套餐，加上幾款例牌小食，並不算多。我們一行三人點了醉雞半隻，南乳雞球一份，和兩個粉麵餐。流心醉蛋流心醉蛋用酒焗成蛋黃半熟，蛋黃外圍成固體，中央金黃流心。我用筷子夾進口裡，蛋白滑溜附帶點點酒味，再嚐一口蛋黃味道濃郁且入口即溶，作為開胃前菜非常不錯。招牌三寶招牌三寶是一碟有雞腎、炸雞潤、雞腳的拼盤。先試好膶脆，為黃沙雞膶。我和很多朋友一樣，對於雞膶不爽不脆確實不太會欣賞。今次雞膶用上炸的方式處理，入口外層爽脆，配上軟淋的雞膶剛好是提升了口感的層次。自私的我不禁偷偷吃掉了半碟。另一邊箱的麻香雞腎，芝麻粒粒黑白相配的賣相，加上撲鼻的麻油味。雞腎薄薄切片，入口爽而不靱。最後是沙薑雞腳，味道適中

新界粉嶺聯和墟給人感覺有點鄉郊，故走入來食圍村/ 客家菜都屬首選，不過正宗要人多才高興起碼可試多幾味菜餚，今日途經墟內有間名為 「陳黃記」，主打食雞同推介魚頭湯幾有新意決定一試！天蔴川芎白芷魚頭湯米上檯時一陣陣藥材味道，輕輕烚了一口有點淡，魚頭欠鮮味，米線還可以算爽滑。家鄉雞湯米線雞是咸雞有雞味，冬瓜雞湯做湯底清甜味精不算多。椒鹽鮮魚腩皮脆香口炸得乾身不帶油，肉質鮮美，這碟不錯食得滋味！自家制雪梨山渣水就非常淡口。小食，我最欣賞椒鹽鮮魚腩

這個店，會為著古化醉雞及菊花茶而來，已經數不清吃過多少次了，真是一間會讓人吃過翻尋味的食店。之前多數會吃古法醉雞配米粉，今次則試下配飯，用香濃酒味的醉雞湯底撈飯吃，原來也不錯，是另一風味。這裡的的醉雞湯底酒味很濃，像我這個喜歡酒味飯菜的人，是會覺得好味到可以飲光醉雞湯。雞肉嫩滑彈牙，可以加錢轉雞脾。菊花茶， 一飲就知是店家自己煲的菊花茶，很有家的味道，而且不太甜，非常健康！ 下次經過都會買一樽來飲。天麻川弓白芷魚頭湯，有去除風濕病的影響以及減少痛經，都市人在家少時間下廚補身，現在都可以來到這店吃得到。一上枱，大大碗足料上桌，配米粉食是最佳配搭。 這款藥材味偏重， 但可以蓋過魚腥味。

下雨天(頭痛發作)唔想食西藥，立刻想起~天麻川弓白芷魚頭湯$38(選擇~配白飯)好香藥材味，魚湯好鮮甜，天麻，川弓，白芷(有小許苦澀味)因為魚湯的甜，平衡了藥材的苦味(湯全喝光)豉油皇豬軟骨配飯$42豬軟骨，好惹味(醬汁全被豬軟骨吸收，肉好嫩)唔會太鹹椒鹽鲜魚腩$28鲜炸(熱辣辣上枱)附上小碟(放魚骨p·s·细心位)魚腩好新鮮，魚肉好嫩滑(好味)流心醉蛋$1O(因為酒令蛋黄過熟，引至無流心效果)味道好香酒味雪梨山楂水好潤喉~入粉嶺聯和墟食晚飯(不太方便)，店舖營業時間(收得早，宵夜就無機會食了)

今日星期二放假 入到粉嶺聯和墟行一行 見到你間店 門口接住餐牌食物相片介紹 好似好吸引 職員主動出門口邀請我入去 就好啦不妨一試 我食咗個雞湯米粉加油菜 ＄38再加＄00一共＄46 雞件不少件 雞湯也算不錯 個米粉非常亂畫質素唔錯 個油彩也算OK 整體來說食物環境服務都算不錯 大家不妨一試佢門口泊車也方便 幾條街都有不是錶位 也有不少哪渣位 附近也有不少銀行及店舖 食完野行街 也是購物也非常分別 會米粉啲雞味非常好 熱湯亦非常清香 不妨一試 謝謝閱讀

今天下午終於有時間入粉嶺陳黃記食天麻川弓白芷魚頭米缐啦！期待咗好耐，一坐下就二話不說唔該一碗呀！米缐上枱啦！嘩嘩嘩！好香藥材味呀！好足料呀！鋪滿個碗！首先飮啖湯先，正！真的真材實料！個魚頭好大個，雖然係斬件上，但好多件呀！不會碎濕濕上！而且米缐又大碗，好抵食！食到最後，只剩下一小撮米缐和三分一碗湯，真的好滿足呀！店內還有其他米缐供應，例如醉雞米缐，下次我會試下，因醉雞亦是我的至愛排行榜前幾名！仲有小食同飲品供應！今次之行，真的好好好満足呀！