陶源酒家 (已結業)

今日相約咗同事一齊食午飯, 有啲時間我哋就去咗附近嘅陶源酒家嘆下茶啦, 我哋兩個女仔唔算食得多, 不如就叫D點心啦!首先就叫左個一直想試下既雀籠點心, 單睇外表已經覺得好吸引啦, 而且仲可以一次過試六款點心, 真係幾好喎! 我最愛去嗰個嘅萄汁雞粒酥, 好惹味, 而且酥皮熱辣辣, 食落好新鮮! 第二最愛呢就係佢個鮑魚燒賣, 鮑魚夠稔身, 肉質鮮味, 亦得! 其他蝦餃, 芋角都唔錯架!跟住就叫咗個清清地嘅牛肉腸, 腸粉質地爽滑, 牛肉鮮味, 我本身唔太好呢款牛腸都覺得好食喎!最後我哋加左個蘿蔔糕, 蘿蔔糕睇落白曬曬, 但係原來食落都好好味喎, 重蘿蔔味, 再加少少豉油就已經吊出蘿蔔糕同埋臘味惹味, 陶源整體上嘅質素真係幾好架, 會再來!

今早我們去咗美孚新邨嘅「陶源酒家」飲早茶！我們叫咗西洋菜蠔豉瘦肉粥、懷舊煎蝦米腸、生煎韮菜鯪魚餅、香茜牛肉腸、山竹牛肉球、臘味蒸蘿蔔糕、濃湯海鮮腐皮卷、生炒臘味糯米飯同養顏紅棗糕！西洋菜蠔豉瘦肉粥嘅味道比較淡，材料亦相當少！懷舊煎蝦米腸嘅蝦米份量好少，同齋差唔多，要賣$16.8認真唔抵食！生煎韮菜鯪魚餅鯪魚嘅肉質好鬆散，唔係好彈牙！香茜牛肉腸嘅腸粉都算嫩滑，牛肉嘅份量都算多！山竹牛肉球嘅肉質都幾彈牙，牛肉味都算濃郁！臘味蒸蘿蔔糕嘅臘味份量極之少，差唔多好似無咁，而蘿蔔糕嘅蘿蔔份量超少，好似只係食緊「嚿」粉咁！濃湯海鮮腐皮卷入面嘅海鮮都幾爽口彈牙！生炒臘味糯米飯炒得一啲都唔乾身，糯米飯超級腍，一啲都唔煙韌，臘味嘅份量亦都係極之少！養顏紅棗糕都幾煙韌彈牙，味道都幾香甜！另外！店員嘅服務態度認真唔得，叫咗好多次話要求加水，但都無人理，仲大聲鬧我們話：「等吓先啦！我們個個而家去晒食飯！」今時今日咁嘅服務態度真係超級唔掂呀！

今晚在美孚做完事情, 問了住在這區的同事有什麼晚飯的好地方, 他說陶源還可以, 所以就去試一下。其實也去過陶源其他分店, 感覺尚可, 第一次到美孚這家, 本來整頓晚飯都還可以, 最後卻才是好戲...點菜其實有點難, 因為選擇不多, 很普通的小菜價錢也不便宜。最後點了餐前小吃冰燒三層肉, 梅菜肉崧蒸芥蘭, 百里香牛肋條, 還有一個炒什麼忘記了。冰燒三層肉味道其實不錯, 皮也脆, 但油太多, 多得滴出來, 有點可怕。梅菜肉崧蒸芥蘭也OK的, 梅菜不會太咸, 整體是不錯。百里香牛肋條上碟時很有氣勢, 一大碟的上面還有一條粗粗的肋骨, 而牛肋條味道不錯, 肉汁也多肉質不硬。最後還送生果盤, 都算新鮮。到埋單時才是戲肉。有個穿黑西裝的女部長(?)把帳單遞過來, 面無表情本來都沒所謂 (又不需要你賣笑), 但我們把信用咭放在帳單上之後, 她就「啪』的一聲把帳單夾大力合上, 黑口黑面的走開.... 我們是什麼也沒有說過, 這算是什麼態度? 都算了.... 她把簽單拿回來的時候, 面口更黑, 眼向上翻, 不知誰得罪了她?!?! 簽單後多謝也沒一聲都算了, 還悻悻然的把信用咭「隊」在我們面前, 態度異常

今日我地一行四人, 一齊去陶源酒家食個LUNCH, 我都好幾年冇幫襯呢間分店, 記得印象唔錯, 我地今日十一點幾入座, 仲可以嘆到早茶.首先叫左個南瓜肉碎粥, 都幾好食喎, 清清地, 不過好明顯係用左雞湯跟住叫左個叉燒腸, 皮薄, 叉燒都算新鮮, OK!另外仲叫左豉汁鳳爪, 都好好味, 肉質新鮮, 個醬汁都調得幾惹味, 唔錯播!跟住就係冰燒三層肉, 其實即係燒肉, 個賣相都好靚仔, 除左右其中一舊個皮花左少少之外, 整體上我都好鐘意食個, 皮好脆, 肉質味美, 仲熱辣辣添!清蒸蘿蔔糕, 就咁睇個樣好似白曬曬咁, 但食落啖啖蘿蔔, 加埋D腊味, 好食呀!仲有桃園蝦餃, 拍得住富聲, 皮薄餡靚, ICHIBAN!最後我地掃埋甜品, 我就叫左我的FAVORITE楊枝甘露, 新鮮西柚肉再加埋芒果的清香味, 做到一貫的水準, 另外我地仲叫左蛋白杏仁茶, 應該都係生磨, 不過D蛋白就少左D我地一開始ORDER左呢個鮑魚雞粒飯, 可惜佢漏左單, 侍應都幫我地即刻落返, 甜品時間先上, 不過都好好味, 雖然有少少燶左, 但呢個飯唔錯, 飯的軟硬度岩岩好, 材料新鮮, 可以推介.整體上我很滿意今次的陶園

爸爸生日, 也是我們首次三代同堂的壽宴, 就近近地, 來到陶源吃晚飯吧. 這裡裝修後環境很光猛, 擺位亦闊落.金獎千葉豆腐 $88: 6.5分, 先來一客金獎千葉豆腐, 跟城中的一星連鎖店相比, 這裡的千葉豆腐就比較遜色, 豆腐不夠滑, 也切得不夠薄, 不算做得到千葉的效果.醬燒惹味牛仔骨煲 $88: 7分, 至於醬燒惹味牛仔骨煲, 就真的是幾惹味, 醬汁用來送飯一流, 不過肉質就偏實, 咬開要花點力氣. 但最大問題是那幾碗白飯等了接近半小時才有得食, 原來是未煲好, 認真出奇.XO醬鮮淮山炒蝦球 $128: 6.5分, 也來一道比較健康的菜式, 說的是XO醬鮮淮山炒蝦球, 鮮淮山份量不少, 而蝦球就不夠爽口, 加上XO醬味道不太突出, 影響了食味. 我們另外還點選了娃娃菜, 不過等來等去也等不到, 最後竟然告訴我們是晚沒有娃娃菜供應, 這樣子的服務, 唉.蟠桃大壽包 $18 x 2: 8.5分, 當然, 選擇來陶源, 最大原因還是因為這裡的蟠桃大壽包, 是晚再吃, 還是相當高水準, 包身夠鬆軟, 蓮蓉很香甜, 加上鹹蛋黃, 實在令人難以抗拒.是晚在來陶源酒家, 小菜水準一般, 服務更

我是當天在下午致電訂位，竟然意外地仍然有位。為了避免映月樓事件重演（詳情請看我另一食評），我今次還是「先小人，後君子」。我在訂位的時候已詢問是晚會否供應「黑松露皇牌南非鮑魚餐」。職員說：「當然有啦，買一送一那個！我為你預留吧！」到達後食物咭上已經寫著「黑松露皇牌南非鮑魚餐」。第一個感覺已覺得不錯。星期日的晚上，這裡只有數枱客，生意似乎不太好呢！我們一坐下，侍應就問我們想要什麼茶，跟餐要紅酒或是橙汁及可否起菜。我一直以為他們會努力推銷我們吃其他正價食品，最後是沒有的。 橙汁:味道正常，飲得出沒有加水及糖。 滬江素鵝．冰燒三層肉：滬江素鵝的表皮酥香脆口，中間夾雜著鬆軟的腐皮和少量木耳絲和紅蘿蔔絲，口感豐富。可惜其表皮有些油膩，最後我也放棄了部份表皮沒有吃。冰燒三層肉燒得外脆內軟，肥瘦比例恰到好處。 黑松露高湯金勾翅：這個價位不能期望有頂尖的金勾翅和黑松露吧！黑松露香氣令我著迷，金勾翅份量足料，高湯湯底做得不錯，濃郁得來但不覺得加了大量調味品。 古法扣南非五頭鮑魚伴玉掌：鮑魚的處理要求的工序最多最繁雜，這個很考廚師的功架。由於火候拿得準，拳頭大的鮑魚軟腍入味，口感軟滑而不黏膩，香濃醬

是次的幾道菜最令人吸引首先是賣相, 因為每碟看似都看美, 顏色豐富 其中可分享一下:看見其賣相真的覺得廚師不簡單, 不簡單的是刀功, 每片豆腐切得薄, 排得美麗整齊, 真是令人嘩然! 雖然味道是普通了點, 亦不夠汁, 但點過了一次見識過師傅的功夫亦大開眼界這些雞雖然在酒樓隨時可點, 但這次的真的除了賣相吸引外, 味道都可一讚, 事關雞肉全都有味道, 真的很入味! 皮是很香脆的, 非常難得的連肥羔都少, 實在是勝人一籌!

美孚區有3間酒樓,陶源應該算係最高級,幾鍾意假日呢飲茶,11:00前4位多數唔洗等位(不過近日其中一間酒樓裝修,所以多左人要等位了.)點心選擇比其他酒樓小,不過貴精不貴多,陶源點心好有水準.近期有個叫雀寵點心因為雀寵內有多款點心,全部都係兩件兩件,好啱兩個人食,值得推介食物有鮑汁鳳瓜,很入味,很淋,一流.燒腩仔,乳鴿,都好正,重有佢地個海蝦炒麵都很好吃.雖然價錢唔平,3大一細,4位平均都過3百,不過重係值得我每星期都去食一次的酒樓.

是晚一家人晚飯, 想起未來過這分店, 就來一試吧. 環境不俗, 坐得舒服. 四個人, 就要四道菜吧. 先來的是前菜, 幾惹味的.一哥叉燒 $98: 6分, 燒得幾香, 有蜜味, 但有部份位置焦了. 肉質一般, 實實的, 不過就未到咬不開的程度.雪影銀針 $88: 5分, 相當油, 這種炒法去炒一個應該幾健康的菜色, 不太喜歡. 配搭上面, 蛋白好像偏多, 不太均勻.玉盤艷素 $78: 6分, 大家比較喜歡的一道菜, 但我就覺得一般, 個獻推得太多, 好杰, 冬瓜是清甜的, 不過入面的齋就杰杰的了.金獎千葉豆腐 $88: 6分, 這個刀工之作, 當然在別店吃過. 這裡的豆腐是夠滑, 不過不夠豆香, 中間的配料偏鹹, 好搶味, 把豆腐的性格都磨滅了.最後還送上生果, 西瓜不太甜.整體食物水準一般, 沒有一項是特別令人滿意. 不過想要個好的環境傾下計食下飯, 這裡還是個好選擇來的.

June 2nd and June 11thThe first dim sum place we went to and for the second time in two weeks. Overall presentation and quality of the food is great.I like the fact this place isn't crowded. Yes, we did go in before the lunch crowd at 11:30am, but what I meant is the table arrangements and over all layout of the restaurant is airy. I can actually walk through the space.My mom knows some of the people working there so that is a plus. And she gives them hefty tips so when she comes by she will get

媽媽生日,我地book左位去陶源食飯, 有水準~~!鮑魚好入味~~~! 蝦又夠大隻~~~!最特別係個壽包拼盤~~賣相好好~!!!! 媽媽見到真係好開心~!!!分別有3個size的壽包.....中間個大壽包, 入面包住一堆小壽包, 圍住個大壽包旁邊有中壽包同小壽包賣相非常吸引 !!!

當晚我地一行14人，前一天訂位，滿心歡喜的準備去吃個豐富晚餐。一進入大門口時，我們聞到陣陣燒肉香，便詢問正在烹煮的部長是在弄什麼肉，看上去其賣相okay，他說是和牛，約$130元一塊，於是我們叫了兩塊，要五成熟的。我們一次過點了十多個餸菜，但上菜速度奇慢。整個晚餐的過程，台面只有1-2碟餸在轉盤上，吃光光了一碟都沒有第二度餸來，幾經催促也沒有人理會,但是整晚也未見太多人客，我們終於等了超過一小時，兩個大碟盛着和牛終於出現。看到大大的碟上只有約少於一女士手掌般大的肉塊，而其中一半是肥膏，看得我們目瞪口呆。我們用刀叉去把它切開，用盡九牛二虎之力才勉強把那和牛扯開而不是切開，於是我們即時請問部長怎麼會這樣的?他回答說是你們要五成熟,所以就是這麼樣! 難道這位部長不知道和牛是可以生吃的嗎?接著，我們禮貌地請部長換過兩塊給我們。約十分鐘後 他告訴我們和牛已賣光!!!!另外$25一隻的即蒸的蟹粉小龍包半打，計和牛後上枱了，等了這麼久才到來，急不及待的便吃，但當打開蒸籠未見有煙升出，吃下去的小龍包只是暖的，不是熱辣辣的，很難吃。最後，其中有兩餸菜於不停的催促下都沒有到來，令我們感到極失望，只好結帳離

因為中秋節將至, 同家人做節, 一行七個大人兩小朋友, 諗住去一間好d, 坐得舒服d o既食市, 所以book咗依間陶源酒家, 但因星期日, 人多, 枱與枱比平日迫好多, 但位置都仲可以. 到order食物時, 一個男部長問我哋要唔要燒鵝, 而家仲有半隻, ok, 我哋話要, 跟住就話今日有老虎斑, $238兩味, 我哋一聽就覺得咁抵?! 仲問佢點食, 佢話一個清蒸, 一個炒球, 我哋再問佢用咩抄球, 佢話一般西芹啦, 咁我哋咪諗住試下囉. 好, 到餸來, 清蒸果碟, 差不多全部都係骨, 但見味道都不錯, 算啦, 至於抄球果碟, 就只得幾塊斑球, 一人一塊都沒有, 西芹都係得幾舊, 但d斑球都食得出係新鮮, 算幾好味. 至於其他餸, 雖然唔特別, 但都有一定水準, 也算係一個不錯的一餐.但戲肉到, 到埋單時, 我哋見果兩碟斑兩味，係每一碟$238, 我哋就問點解，果個部長竟然走過來話講咗係每碟$238，但我哋全圍枱，無論坐得近定遠，都聽唔到佢話每樣$238, 只係聽到$238兩味, 試問如果係每碟計，我哋未必會叫晒兩碟魚，另願食下其他小菜或者特色食品啦. 果位部長雖見我哋有

今天跟家人吃飯，選擇中菜適合老人家。最值得讚是野菌鷓鴣湯，很美味，初初懷疑有大量味精，但沒有（因我吃完味精會背痛）！讚！蜜糖鱔就差點了，焗過火。蒸冬瓜用雞湯及獻汁蒸，其實很難不好吃。燒肉是聽聞中的signature dish，但除了皮是脆外，肥瘦肉也不是很均勻。偏鹹。利苑做得比較好。但樓頂比較低，比較應聲，吵鬧嘈雜點。

阿爸話好想食乾鮑，我就打電話去美孚陶源問下邊個餐有乾鮑（而唔係鮮鮑）。打算一家大細開開心心食餐飯，順便慶祝男友揾到新工．．．眾多套餐中，只有那個＄８２８的是乾鮑。但係其他幾道菜我就麻麻地：燒味雙拼呀、高湯泡竹笙呀－－似乎不太吸引，我就問下可唔可以轉其他較有特色的菜，加錢都唔緊要．．．　自問我一向講野都客客氣氣，每句都”請教”前、”請教”後，而且已經選擇在下午四時多的非繁忙時間打電話。但係聽電話那位小姐（姓周，唔係有大陸口音那個－－有大陸口音那個禮貎好好多），非常晦氣，我（好客氣地）問多幾個換菜色的可能性，佢已經態度好惡劣，令我覺得好難受。（可能佢係白鴿眼，因為我曾問過佢關於其他類型的鮑魚，然後我向佢表示我”食唔起成萬蚊一隻那種鮑魚，想揾ｄ經濟一點的、性價比高一點的鮑魚”。收線時，我連講幾次”唔該、唔該，拜拜”，佢就連句ｂｙｅ都冇，砰一聲收線。家下我在乞食麼？總之，有點hurt，亦都擔心去到酒樓會遇見佢，而我阿爸係比較容易火滾的人（如果俾我阿爸遇著佢，肯定會捉住佢說教一大輪－－阿爸以前是教書的），我怕會影響全晚氣氛，就食左都補唔番。計下條數，６個人 x $828 (未計改菜)再加茶芥加一