陶源酒家 (已結業)

美孚飲茶未去過這酒樓，今之一去，以後唔去。1. 價錢貴- 小點$13、中點$15、大點$17、特點$25，兩人共$150；2. 餐具污穢- 遞上來的碗及湯匙都有未清洗乾淨，有食物殘渣，那樓面幸好在我未出聲前已醒目見到，否則我實搵佢經理；3. 食物差- 蟹粥無味道、飽魚珍珠雞乾蒸蒸...etc總結：去美孚飲茶都係去富臨或名樓較有保證。

下午飲荼不是好選擇，咁點心質量與價錢不相等......果次兩個人去飲荼食6個心，無食炒粉麵都要$200落樓.

多數係飲早茶，因為請朋友食，所以豪少少係呢度食晚飯... 因為係平日夜晚，所以只得幾枱客，不過枱枱都好似食得幾貴... - 鷄湯翅(八兩翅) $388 - 湯底夠濃夠熱，翅爽口，煲湯的鷄肉都仲好滑，抵食- 蜜汁火腿$25/位- 火腿唔係咁夠味，麵粉包都無咩特別，不過加咗塊炸腐皮就變得好特別，都幾好食- 燒肉、金蒜鷄、西施骨都好好味- 蟹粉豆苗，有少少腥味，比較失望- 甜品芒東糯米滋幾好、楊枝金露料足但唔好味環境好、服務好(不過有點過火)、茶有保溫(好但茶葉無咩味)

昨晚一行九人(六大三小- 一個兩歲半，一個十三個月，一個八個月)。我們訂了六時半，幸運地不用久等，可依時入座。但坐近門口位，不過可能是做節前關係，所以我們也理解位置不太好，但我們仍可接受。之後，我們要求兩張BB椅，安排了之後，我們發現餐牌上沒有六人套餐，而散叫又只得十個，我們好辛苦，才挑選了。但好奇怪，半隻雞賣八十八元，但一隻要一佰八十元，真奇。之後D侍應好忙，好緊張，一陣話無BB椅，一陣又話無餐車(煮翅用)。總之好似打仗, 係我後面不停叫。之後，D上了，白飯又唔到，等到D白飯到，隻雞又唔到，不過佢地真係好忙。可能尋晚有人擺酒啦，重係兩單，所以好忙。或者隻雞又黎，要等人地擺酒果陣上雞，我隻雞先上？突然，有兩名大漢咆吼，重同經理理論，之後又有警察上黎。。。嚇得我個仔驚到唔識哭(十三個月大)，目無表情。後黎個經理話同我個兩歲半外甥講，送多個生果盤，但之後，又無件事，真係。。。。呃細路。我細佬話D價錢同出街食自助餐差唔多。早知，就食Buffet啦.

這次不談食物的味道,只談喱間野有幾勁!一入門口即刻見到一幅成層樓高的魚翅,坐底後發覺D碗,筷子佈局如同宴會(lunch hour wor),而且招待週到,食野期間換左4次碗!D點心賣相正到極點,尤其是鮑魚燒賣,豆苗餃,蝦餃等.食粉麵時有服務員用新碗分埋.甜品叫左楊枝甘露,用個非常精美的器皿裝住,又龍又鳳,勁!酒樓的裝修豪華,金碧輝黃,有D半圓形位sofa位仲有層類似窗廉的物體!這次lunch價錢......好貴!!! 每人$100!!

前言：上次到此店吃晚飯，失策地沒點馳名的「鮑翅套餐」。老爸老媽早為此嘀咕了至今。故此，女友生日的晚飯，定於此店。食物和評語：四個人叫了四份「鮑翅套餐」，連加一，約共$1,160。 1. 高湯蟹粉翅（雞絲、蟹粉、翅）：「色、香、味、量」均交足功課。蟹粉和翅針算多，料多味濃，抵食！師傅勾芡手勢不俗，濃稠度剛好，正！ 2. 古法煨鮮鮑：輪到表演時間，載有汽體煮食爐的銀車，被推至飯桌附近。店家經理把半製成品（巳經煨好但未作調味的鮑魚）放入砂鍋裡，略加熱、作最後調味，即時香氣四溢，相當好氣氛！一隻30 頭的鮑魚，被放置於鑲有金邊的上等白色骨瓷餐碟上，伴以兩條鮮嫩無比的芥菜膽，賣相極佳。對於鮑魚，沒什麼特別研究，但感到「口感嫩滑、鮮甜味美」。但老爸老媽均覺得，銅鑼灣旗艦店（註：此店乃富臨集團旗下店舖）的作法更勝一籌，老店嘛！ 3. 楊桃檸檬汁：約一佰毫升的兩溝果汁，盛於組碼香檳杯，感覺相當富麗堂皇。店家說這是用來伴鮑魚食，有幫助消化的作用。酸酸的，好清新，相當體貼哩！ 4. 清蒸老鼠班：火路控制得宜，肉質新鮮，好味！ 5. 香茅豉油雞：四位可享用一整隻豉油雞，因為雞隻體積不大，

四個人去午餐飲茶, 吃了約莫十碟大中小點, 加上一碟波羅粒海鮮炒飯, 埋單四百七十大元, 無論如何也不能説價廉物美吧!!!

基本上我覺得失落的日子評價佢既裝潢同服務已經好準!但亦有少許想補充。我6點幾去到，當時有兩個部長同一個waiter服侍我地，亦可以感到佢地係專業、有經驗同禮貌，令我食得好舒服，席間，每當佢地見到我地碟上有多左既汁，都會自動自覺幫我更換，就算到我走個時(大約8點幾)，雖然已經坐無虛席，睇住d waiter做得咁辛苦，已經盡力做到最好，真係覺得呢餐好抵食!當然，除左服務態度之外，食物質素都好重要!一入坐，部長就好細心咁用小火爐熱住壺茶，枱 面上個碟花生好香、好入味，但係一d都唔覺得咸，反而有種淡淡既香味。我地兩個人點左個二人套餐，內容包括:1.高湯蟹粉翅-湯底香濃，無味精之作，亦食得出是足料之作2.古法煨鮮鮑-叫得做鮑魚專門店，拿手菜又豈會失色!部長先將兩隻準備好，但未作最後調味及色的鮑魚用砂鍋盛載，絡我過目，然後才作最後烹調。上菜時是用金邊碟分兩份上，每份均有一隻鮮鮑及兩條無渣的菜，鮑魚煨得入味，可惜加糖太多，遮蓋左鮮鮑本身的海洋味，但咬落軟綿彈牙咽韌，足可加回分數3.清蒸東星斑-雖沒有飲宴時般大條，但足夠二人食用，時間拿捏得十分好，食落十分滑，就如桂花魚般，是我從未食過的。唯一的缺點，

前言：跟老爸老媽三個人，試這間新開的港式酒樓吃小菜晚飯。食物及評語： a. 前菜：滷花生（滷得好‘淋’好入味，不俗！） b. 點了三個小菜： 1. 金蒜雞（酒上金蒜的炸了雞，有雞肉鮮味、沒有‘雪’味、炸得剛好，皮脆肉鮮嫩，不俗！） 2. 瑤柱海味雜菜煲（有多種蔬菜：白菜仔、菠菜、小棠菜、西蘭花；海味：瑤柱、冬茹，以上湯煮，清爽入味的蔬菜） 3. 西施骨、附送迷你蒸饅頭一條（即是常見的東坡肉，煮得好‘淋’、好入味、好甘香鬆化。至於附送的蒸饅頭，好鬆軟，不俗！） c. 白飯（份量少得可憐，比一般份量少三分一） d. 水果盤（份量少得可憐，西瓜和蜜瓜，各三薄片） e. 茶芥：香片（沒有香味的香片茶）、XO醬（XO醬唔香唔辣，好唔掂！）連加一，共$290。註：此食店走乃富臨集團，裝修金碧輝煌、時髦新派；員工服飾時款精神；座位舒適闊絡。部份座位更是圓形卡位，以金色垂珠作簾，相當有意思。食物和環境都有一定水準，故此取價算合理。有云：食裝修、食刀叉、食氣派！若果要食大堆頭，此店恐怕不是一個好的選擇。