陶源酒家

營業中

休息中

我們一家在觀塘陶源酒家晚飯，本是高高興興慶祝生日，卻給酒家的員工弄致不歡而散。先是點菜時候，我們出示報紙優惠券欲想使用，卻給員工命令要我們自己撕開優惠券才可以，其員工亦沒有耐性等待我們點菜，四處張望不理會我們。更離譜的是，在點餐的時候，員工表示兒童也要收取茶茶錢，但在收銀的時候，他們卻不計算兒童的茶錢，試圖不給我們優惠，要我們正價購買乳豬半隻。另外，那位短髮戴眼鏡的員工，更不小心落錯單，在大庭廣眾說是我們要加點一碟菜式，將責任推給我們。這次食飯的經歷真的是令我們失望透，從未見過這樣子的服務！

觀塘市中心一帶茶樓多不勝數，「觀塘廣場」隔離的「東廣場」扶手電梯上兩樓，有間整個天花都閃令令的「陶源」，值得推介！其中一個令我心儀的原因，是她們不准搭枱（必要時才會被搭枱，但甚少發生）。而且侍應的服務態度認真一流和專業，會關心茶客得來，不會只說不做，每逢你打開茶壺蓋，她們都會自動自覺「火速」來加熱水，值得表揚！我每次都只是叫一碟，不能夠吃太飽。但她們一樣，招呼週到，非常難得不好以為，只是服務態度好，環境優雅，坐得寬敞闊落，連食物的品質和新鮮度都一流。一籠普通的「鯪魚球」，認真不普通。除了熱到冒煙之外，吃得出真是得新鮮，中間夾入馬蹄，好爽，好咬感，又有芫荽，我最喜歡，健康，一點芫茜味不會太重，因為被魚的鮮味蓋過。最終埋單連茶錢加一：HK$30.00

因為見到報紙上面有優惠，所以我哋全家打算喺陶源酒家食一餐。我哋叫咗片皮鴨、聖子、芝士龍蝦伊麵同埋叉燒。酒樓嘅環境清潔整齊，食物賣相不錯，但有啲餸唔夠熱。我好鍾意食片皮鴨，佢嘅片皮鴨唔算太肥，亦都有足夠嘅佐料， $128一食算唔錯。

今次可能係因為新年，所以水準比較不穩定，樓面數量比平時多，但係客人亦都比較多，所以亦都10分繁忙蜜汁叉燒-份量少，採用肉質，比較差，半肥瘦比例，肥佔六成，如現場相片一樣黃金蒜香雞-可能係因為今次所點選嘅，半隻關係，隻雞係凍冰冰，毫無溫度可言，令人好失望瑤柱扒豆苗-價錢偏貴，味道不錯石窩鮑魚雞粒飯-炒飯粒粒分明，味道嘢味，足料，值得推介清蒸，沙巴龍躉-魚比較細條，味道不錯，正常大花菇海參鵝掌煲-足料，花膠及海參，腍軟度適中

「陶源（觀塘）」可以話是我食早餐，飲早茶的「主要飯堂」，非常喜歡她們的服務和「不准搭枱」的規例。今日年初六，就算要搭枱，點心款式不多，比平時貴，都食得很開心！雖然不是特別平或好味，但服務態度超專業！第一，不用自己加熱水（潮館就要自己來）第二，不用等很久就有熱水（龍寶要等等）第三，你喜歡坐多久都得（不會有侍應趕）老實講，飲餐茶若然都要趕頭趕命的話，不如去食快餐。而且，話明飲茶，最重要梗係「水滾茶靚」

平台訂購$128 優惠片皮鴨，訂購過程容易。使用優惠前致電餐廳查詢使用優惠的附帶條款，餐廳回覆使用優惠時不必再點其他菜式，而附加費有片皮鴨原價加一服務費、茶錢及茶錢加一服務費。由於此優惠只適用於晚上 6-10pm，餐廳建議在訂購優惠時所指定的日期 6-9pm 期間入座。好滿意餐廳提供嘅食物同KKday 平台嘅優惠描述係做得到「貨對辦」！說好了一隻片皮鴨，餐廳真係 serve 晒「一隻片皮鴨」嘅片出嚟。一上菜嘅時候，職員真係 show 隻完整熱辣辣嘅燒鴨出嚟（由於好驚艷，完全忘卻要影低原隻燒鴨）！跟住職員就熟手地起片。普通影相：套餐。打卡：套餐。片皮鴨味道令人滿意，符合性價比。如果餅皮有裝置保熱，更佳。觀乎餐廳本身外賣片皮鴨價錢，更滿意是次消費體驗。

臨近歲晚和家人食團年飯，去咗依間酒家食，環境寬敞樓底高，份外寧靜。菜單見有新推介的京式片皮鴨和發財好市大利，討個好意頭，點左依兩味。發財好市大利 $198髮菜蠔豉豬脷到齊，面頭係大注髮菜好入味，底下有粒大冬菇好淋身，蠔豉六粒味道鮮甜而且大粒，好有滿足感，豬脷都好嚼口，仲有大量鮮嫩翠綠豆苗，健康又美味。金陵片皮鴨一隻 $298原隻鴨即席片皮切片，連皮帶肉厚薄適中。鴨皮酥脆鬆化肉質嫩口，唔會好油膩。薄薄的餅皮口感煙韌配以三款醬料，加埋青瓜和京蔥，捲起食係好滿足，而且餅皮好多片好夠食。

臨近歲晚 最喜歡與家人去酒家食團年飯找到了在觀塘東廣場的陶源🌟酒家最近推出的京式片皮鴨 🦆當然要試試另外 亦有非常好意頭的 「發財好市」仲除了以上2款 都有其他傳統菜式酒家的孖寶套餐亦很吸引！～京式片皮鴨一隻🦆薄薄一片 片皮鴨 薄脆又帶肉鴨皮燒至好香口 唔會太油膩 肉又腍身 熱辣辣薄皮在蒸籠內 配搭青瓜絲 蔥絲 及三款醬料製作自已的片皮鴨✨～發財好市👍🏻👍🏻👍🏻意頭菜式 少不了 發財好市🤎蠔豉 髮菜同冬菇 少不了豬脷即大吉大利 意頭滿滿😍

👧🏻😋👅🍽✨就到新年賀賀佢🉐-陶源酒家 🇭🇰 觀塘成業街7號東廣場2樓201至204號舖 🇭🇰 -🧨作為婚宴場所環境都有返咁上下, 水晶燈閃令令🧨姐姐好健談🤣 有同其他枱客吹下水, 我哋唔係熟客都有係等上菜撩我哋傾偈好熱情-🫓🦆🥒 金陵片皮鴨 $298💯食片皮鴨唔一定去專門店, 酒樓一樣有, 仲抵食好多💯擺盤靚, 上層鋪滿晒鴨肉, 舊舊都皮肉均稱, 中間仲有好幾舊特別厚同肥🤤💯下層兩邊各有青瓜大蔥同醬料, 方便圓枱多人食, 除左烤鴨醬, 仲有平時食燒味鴨既酸梅醬同辣醬-🀄️🏵👅發財好市大利 $198✨髮菜蠔豉豬脷好傳統既賀年美食, 仲有好多好嫩既豆苗係底✨蠔豉超大粒鮮甜, 髮菜吸晒啲芡汁, 豬脷爽口入味-

今晚朋友提議去陶源酒家食片皮鴨同新年菜式慶新年😆😆時間尚早，唔洗等位就可以入座。環境寧靜、光猛，每枱之間既空間充足。1. 片皮鴨 $298/隻原隻片皮鴨放喺面前已經聞到香味😋然後服務員就幫手切片，擺放整齊有3款醬，同青瓜、大蔥。餅皮數量足夠，口感唔會韌，都夠薄。每塊皮之間有點心紙相隔，所以可以用點心紙包住黎食，衛生d☺️2. 發財好市大利 $198好意頭又味道好👍🏻豆苗翠綠新鮮，蠔鮮甜大粒，仲有髮菜、冬菇、牛脷都炆到好入味，又易咬！😋

8號晚約左朋友同佢媽咪一齊食飯，因疫情三年沒見，朋友媽咪沒打針，現在政策開放，沒打針可以出街吃飯，諗住咁耐沒見佢媽咪請佢吃餐好架，點知中伏。去到酒家衹有幾枱客。酒家名氣好大，但太難吃，又貴。個老闆總坐我們隔離枱。叫左燒鱔，素鵝，一個孖寶，龍蝦伊面同半隻貴妃鷄，一個蟹粉豆苗。7罐啤灑，埋單一千一百幾。

最近同屋企人去咗呢間係觀塘嘅——🌟陶源酒家🌟食晚飯，見佢竟然有京式片皮鴨好特別，一定要試下，臨近新年仲見到有發財好市，一次過點埋🤩仲叫咗其他唔少野食，但呢兩樣好推介，尤其係🦆京式片皮鴨🦆同新年必食嘅🤎發財好市🤎._.🦆｜京式片皮鴨一隻｜🦆好少酒樓會有片皮鴨可以點，佢真係成隻鴨起曬薄薄嘅片，薄得黎又帶點肉，皮好香口，唔會太油膩，肉又腍身，俾齊薄皮、青瓜絲同蘿蔔絲你親手包，仲有三款醬料俾你點，好玩又好食😋而且賣相都幾靚✨·🤎｜發財好市｜🤎臨近新年點少得意頭菜式，呢個🤎發財好市🤎個名就夠曬意頭，蠔市超多佈滿菜式面頭，仲有髮菜同冬菇，仲有豬脷，即係大吉大利，夠曬意頭啦😍._.

朋友外國返嚟，想坐得舒舒服服慢慢傾偈，所以就諗酒樓，得知呢度有一個幾有噱頭嘅和牛鮑魚餐，我哋就去試吓啦。$588 一位，但嘢食有好多，菜式逐碟上，比你哋慢慢傾偈，熱辣辣咁端上，唔錯😉堂煎和牛：雖然係四安士，但係份量都好多，如果你冇特別講佢就唔會全熟，比較Juicy的做法，和牛質地淋身易入口。六頭鮑魚拌百靈菇：夠份量的鮑魚夠鮮味鮮甜，鮑汁燴百靈菇令菇本身索哂啲味！上湯大虎蝦（配天使麵）：新鮮大虎蝦本身已好鮮味，另外配上炸咗嘅天使麵，有fusion嘅感覺。玉乳杉斑球：新鮮斑球，沒有腥味，另外配埋勁滑口既蛋白同露荀，一流呀👍🏼濃湯遼參翅：燉咗多個鐘頭嘅濃湯，配上具有極高營養價值既遼參，成個湯昇華了。鮮拆蟹粉荳苗：蟹粉同豆苗係絕配，份量足夠，蟹粉好鮮🦀️可可鴛鴦包：朱古力味嘅奶皇包，唔會好甜，麵粉好滑身。養顏棗皇糕：養顏之選，唔會好甜，亦有龍龍嘅紅棗味。蛋白杏仁茶：新鮮即磨嘅杏仁茶作一個完美句號。

同屋企人慶祝去左食陶源酒家新出嘅鮑魚和牛餐🥳成個 set 都好豐富 而且鮑魚同和牛都好啱我地口味 份量每樣都唔細架🤪鮑魚和牛餐($588/p.p)堂煎和牛(4安士)第一次係酒樓食排和牛😆 油脂雖然旺盛 但入口即溶 邪惡得尼又好吸引🤤另外仲有牛排汁 鍾意濃味嘅朋友可以沾埋啦🤭六頭鮑魚伴百靈菇鮑魚煮得好淋呀 中間唔會硬到咬唔到😚醬汁都好香帶有鮮味😌配埋菇唔 heavy 食落簡單好味😋上湯大虎蝦(配天使麵）虎蝦大大隻食落啖啖肉 肉質仲好爽口👍🏼👍🏼下面就有炸過嘅天使麵 再加上上湯醬汁就夠哂香又特别呀😝玉乳杉斑球斑球好厚身 肉質嫩滑😍仲唔怕食到骨味道清淡啲襯返魚 唔會遮左魚肉鮮味😋濃湯遼參翅呢碗湯份量真係夠哂大呀😮入面真係有遼參同好多翅 非常足料 而湯都好香濃啖啖鮮味 好好飲🤤🤤🤤鮮拆蟹粉豆苗豆苗食落都幾新鮮 蟹粉醬汁的確好香🤭 仲有一絲絲嘅蟹肉配搭好夾 如果用尼送飯真條啱哂🥰😍可可鴛鴦包呢個其實都係奶黄包 新鮮蒸起熱辣辣呀😙😙入面好多奶黄非常足料 仲好滑好香架😋養顏棗皇糕冬天食紅棗糕就啱哂啦暖笠笠🤗又唔會太甜囗感帶點煙煙韌韌 食落好舒服架😌蛋白杏仁茶真係充滿杏仁香味呀 夠晒香濃 👏🏼最底仲有

陪長輩食飯，知道呢間酒樓出咗新嘅鮑魚和牛餐，睇menu 啲菜式都幾岩食就去咗試下～ 酒樓好闊落，一去到就有位唔駛等！🍭鮑魚和牛套餐($588/位)◎堂煎和牛(四安士)◎六頭鮑魚伴百靈菇◎上湯大虎蝦(配天使麵）◎玉乳杉斑球◎濃湯遼參翅◎鮮拆蟹粉豆苗◎可可鴛鴦包◎養顏棗皇糕◎蛋白杏仁茶睇落好似好多但每樣份量都係剛好，所以唔駛怕食得太飽或食唔晒～ 和牛薄切唔厚身，肉質尚可～ 六頭鮑同百靈菇炆得淋身～ 虎蝦大隻，天使麵炸上～ 斑球同濃湯遼參翅足料好食～ 蟹粉豆苗大大份～ 甜品3款最愛係棗皇糕，煙韌軟糯～